Post Tagged with: "日本"

發光LED蘑菇燈   日本製造超精緻
by / on 07/02/2013 at 11:20 am

發光LED蘑菇燈 日本製造超精緻

我好鍾意食菇類食物,唔知關唔關我鍾意水母事?我覺得兩樣形狀好相似。講返正題,日本設計師高野幸雄,設計咗一系列以菇類做主題嘅LED燈,每隻菇仔都識發光,木條上有開關掣,貫徹日本風格,簡約細緻,放喺書枱格調即刻提高,如果張書枱夠整齊的話。除咗磨菇燈精緻,個人認為包裝都好吸引,部份用上全handmade仿木盒設計,靚到唔捨得掉。 相關資訊【相集】日本怨念喵星人 被困1小時表情超不滿 (Jun 17, 2018) 【新片速報】日本銀仔神人新片 枱布凌空飄浮靠力學 (Jun 17, 2018)

Read more ›

日本鉄道café特集   乘務員靚女捧餐
by / on 06/02/2013 at 1:19 pm

日本鉄道café特集 乘務員靚女捧餐

去親日本都去Maid Café真係有啲悶。下次去開日本,不如去鉄道café探險啦。今次介紹嘅兩間鉄道主題居酒屋,唔係電車男都去得。先講位於秋葉原附近嘅LittleTGV,店主係電車迷,店內擺放大量佢親手製作嘅鉄道模型,座位仿真實鉄道卡位,最吸引係有cosplay乘務員嘅靚女捧餐,噢!另一間東京都嘅Kiha-sake,無靚女,只得打扮成鉄道車長嘅店長‥‥‥賣嘅係原始風格,食嘅係杯麵罐頭呢類即食食品,facebook仲有飲醉酒瞓喺車廂座椅嘅真實顧客,好寫實呀! 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›
日本女体曆   365個靚女陪倒數
by / on 05/02/2013 at 10:22 am

日本女体曆 365個靚女陪倒數

    有無人屋企仲用緊日曆?我指嘅係每日撕一張嗰款傳統日曆。如果用緊,係時候轉用呢款「女体曆」,令你一年365日過得更加驚喜。最近日本網站好多人討論「女体曆」,所謂「女体曆」,即係將每日嘅日子塗上女性身體,再透過鏡頭特寫。可惜暫時只得搵到以前嘅女体曆相片,2013?我會繼續努力搵,到時再滙報比大家。 相關資訊【有片】男兒當入獄?日本學生籃球賽中拳擊球證 (Jun 17, 2018) 【有片】有頭髮有辦法 日本髮型師又大改造 (Jun 17, 2018)

Read more ›
Hello Kitty有嘴識笑?官方聯乘系列今夏推出
by / on 04/02/2013 at 11:37 am

Hello Kitty有嘴識笑?官方聯乘系列今夏推出

有無見過Hello Kitty有嘴識笑?我幻想過,但見到實物唔知點解有啲驚。呢個全新設計嘅Hello Kitty系列,由西班牙設計師Javier Mariscal設計,目的係紀念日本同西班牙交流400年。設計師之前為巴塞隆拿奧運設計吉祥物Cobi,屬國寶級設計師,佢話,呢個唔係Kitty個嘴,係設計嘅一部份。不過我唔信。呢一系列產品今年夏天日本有得賣,將會有服裝、文具等推出,Kitty粉絲係時候儲定錢嘞。 相關資訊【父親節快樂】日本大堆頭畫師出圖 網民逐個認 (Jun 17, 2018) 日本Twitter熱傳「透明版可樂」 比想像中更透明 (Jun 16, 2018)

Read more ›
獵奇新片   東京動物園   員工cosplay班馬災難演習
by / on 04/02/2013 at 7:58 am

獵奇新片 東京動物園 員工cosplay班馬災難演習

呢隻班馬,一睇就知係人扮,不過佢唔係為興趣cosplay,而係工作需要。話說日本經常地震,位於東京嘅Tama Zoo為演習地震後動物逃亡應變措施,搵咗其中一個員工扮班馬,入面有片睇,雖然出動晒獵槍、全體員工,但隻班馬真係好挑皮,撞跌工作人員之後又扮死,堅好笑。我懷疑佢平日工作壓力大,成日比啲班馬恰,所以扮起上嚟over晒,發晒脾氣,肯定有私心。 相關資訊【有片】輕輕鬆鬆做武器 日本出書出片教手作 (Jun 16, 2018) 【新片速報】低頭族雙下巴救星 日本節目教超簡單消除動作 (Jun 16, 2018)

Read more ›
獨男專用  日本推出「情人節保險計劃」
by / on 02/02/2013 at 10:20 am

獨男專用 日本推出「情人節保險計劃」

仲有兩星期就到情人節,今年撞正新年,好多獨身女性索性攞埋假,免得喺公司無花收眼冤。日本獨身男士就慘咯,事關2月14日情人節只限女性送禮比男士,通常都係送朱古力,咁無朱古力收嘅男士點算?日本有公司推出男士情人節保險計劃,只需保險500円,就有自稱美女嘅Rieko喺當日送上甜蜜朱古力比你。唔係圖中呢位啩? 相關資訊日本京都燒肉店 推出「藍色燒肉」撐國家隊 (Jun 16, 2018) 日本網民推介銀座餐廳 超正星空佈置Twitter熱傳 (Jun 16, 2018)

Read more ›

肯德基cosplay孫悟空  日本KFC龍珠套餐送水樽
by / on 01/02/2013 at 10:30 am

肯德基cosplay孫悟空 日本KFC龍珠套餐送水樽

肯德基叔叔都算係參與度極高嘅cosplayer,之前扮過EVA-01初號機、女僕等等,最近睇中3月30日日本上映嘅《龍珠Z 神與神》劇場版,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋,去開日本一定要朝聖吓。 相關資訊【有片】末日氣氛 日本鹿兒島櫻島火山噴發 (Jun 16, 2018) 日本又有新衫 中國風大開胸 (Jun 15, 2018)

Read more ›
日本傳推5萬円紙幣   初音做主角?
by / on 01/02/2013 at 8:14 am

日本傳推5萬円紙幣 初音做主角?

港元兌日元跌到85,去日本駛錢真係刻不容緩。日元不斷貶值,最近有傳政府將會推出5萬円嘅紙幣,大家都知,而家最大面值係1萬円紙幣,嗱,如果成事,以後買手機攞一張紙幣出嚟就埋倒單,我就覺得無咗數銀紙嗰份霸氣,感覺麻麻。另外,由於日本紙幣一向都係用舉足輕重嘅名人做頭像,網友開始估會由邊個名人出任,老實,安倍晋三送比我都唔要(人唔要,錢要),至於初音呢,唔,我覺得呢個堅係諗得過,起碼首日鈔肯定斷市,以且隻色都幾襯吖。 相關資訊【有片】玩具瘋狂郁 日本高傲的喵擔天望地唔得閒理 (Jun 15, 2018) 【有片】日本Twitter熱傳 女乘客坐得衰 煞車一刻好可憐 (Jun 15, 2018)

Read more ›
新片速報 日本141隻吉祥物Cute爆跳舞破紀錄
by / on 28/01/2013 at 2:27 pm

新片速報 日本141隻吉祥物Cute爆跳舞破紀錄

日本啲吉祥物有幾可愛?你睇熊本縣隻Kumamon呆呆滯滯咁就知。噚日(27日)為咗破健力氏世界紀錄,就集合咗全國141隻代表唔同縣市嘅吉祥物喺長崎縣佐世保市,齊齊跳舞5分鐘。最後跳咗合共3次,先可以齊齊整整成功破紀錄!最後,日本傳媒訪問咗Kumamon,佢嘅感想就係:「唔,有啲攰。」唔該。 相關資訊日本Sharp推出智能貓廁所 紀錄尿量/逗留時間 (Jun 15, 2018) 日本喵星人扮蝴蠂 呎吋極大一定發嬲 (Jun 15, 2018)

Read more ›
新片速報 京都站65米樓梯 變身LED動畫屏
by / on 27/01/2013 at 11:44 am

新片速報 京都站65米樓梯 變身LED動畫屏

京都站全長65米嘅樓梯,由125級樓梯加14,750盞LED組合成,喺上年年尾已經變成大型燈飾廣告版,先前聖誕就搞過雪花飄飄,而嚟緊情人節佢就整咗新動畫喺即日至2月14日播出,先係有大大排朱古力,再撕開包裝紙露出「Welcome to Kyoto」幾隻字;再嚟另一段就係有兩隻熊人好sweet咁送禮物,搞咁多嘢,無非都係想大家情人節記得要買禮物,如果唔係你想咁sweet? 相關資訊日本貓頭套扭蛋 被迫扮「米奇老鼠」超無奈 (Jun 15, 2018) 日本優質的士 忍者/保護證人組做司機 (Jun 14, 2018)

Read more ›
新片速報  日本人爛英文  西人笑爆
by / on 27/01/2013 at 11:21 am

新片速報 日本人爛英文 西人笑爆

仲記唔記得Albert Yip?天水圍酒家嘅「牛柏葉」是也。港式英文笑死人,咁我哋最祟尚嘅日本呢?去過日本都知當地人嘅英文好難聽得明,最近有個加拿大男仔,將日本街上見倒嘅唔合格英文拍成短片放上YouTube,Curry變Carry;Discount變Discunt;中國料理就係Chainese restaurant,不過唔知間中國料理係咪中國人開‥‥‥ 相關資訊【有片】報天氣放送事故 松雪彩花左閃右避好可愛 (Jun 14, 2018) 日本神舍Twitter再熱傳 洗手池佈滿紫陽花超靚 (Jun 14, 2018)

Read more ›

日本鐵道時間表 有海報賣廣告
by / on 27/01/2013 at 11:08 am

日本鐵道時間表 有海報賣廣告

香港啲班次咁密,當然唔使時間表啦,阿森美話港鐵會做得更好吖嘛。日本鐵道又多,有啲偏遠地區都要睇定時間表先上得切車。不過,可能o依家網絡世界發達,都冇乜人會拎住份鐵道表嚟睇喇,於是筑波大鉄研「旅と鉄道の会」就要賣廣告叫人哋買佢呢本鐵道時間表,出過好多款海報,其中一款就話呢本嘢除咗睇班次時間外,仲可以要嚟墊煲、擋子彈(!?)、餵山羊(!?!?)…… 相關資訊日本扭蛋「貓貓舔毛」系列 反肚照舔超治癒 (Jun 14, 2018) 日本網民發現超可愛高中生 其實係齊藤なぎさ (Jun 13, 2018)

Read more ›
英國玩雪砌喪屍  白兔爬樹猩猩禦寒
by / on 26/01/2013 at 3:09 pm

英國玩雪砌喪屍 白兔爬樹猩猩禦寒

北海道至九州有暴風雪,航班受阻,準備去日本玩嘅朋友要小心嘞。上次報導過日本有人砌冰雕初音,英國都有大風雪,外國人玩雪梗係唔少得喪屍,好似英國布里斯托就有人整咗兩隻喪屍雪人,喺疑似墳墓前面爬出,夠晒創意。另外仲有爬緊樹嘅白兔仔、冰天雪雪下扮白天鵝跳芭蕾舞,最得意都係有人送咗張毛毯比猩猩禦寒,好warm! 相關資訊日本工廠超靚相 近未來感覺寫真展 (Jun 13, 2018) 日本女棋士Cos?重現《Fate》Saber服裝 (Jun 13, 2018)

Read more ›
日本另類3D藝術  結合2D畫作
by / on 24/01/2013 at 6:03 pm

日本另類3D藝術 結合2D畫作

老實,我抗拒睇3D電影,全程戴住副眼鏡,又頭暈對眼又攰,所以王家衞套《一代宗師》,我最想讚其實係佢無拍3D版乘機呃多觀眾幾十蚊。講返正題,同樣係3D,呢位來自日本嘅設計師大畑伸太郎嘅作品真係好精彩,佢擅長喺自己創作嘅2D畫作前面,再放上真實物品例如人物或物品,造成另類3D效果,筆下作品包括日常生活點滴,好有電影感,睇完我無見頭暈之餘,對眼仲越望越精靈,真心推介。 相關資訊日本「羊毛氈」神人 專整動物「刺猬仔」超像真 (Jun 13, 2018) 【新片速報】日本超可愛水瀨仔 瞓覺冚被敷面膜 (Jun 13, 2018)

Read more ›
日本老伯cosplay水手熱   網上獵奇圖集
by / on 23/01/2013 at 10:42 am

日本老伯cosplay水手熱 網上獵奇圖集

Cosplay唔係後生仔嘅專利,最近日本有個老伯狂著水手服cosplay,喺新宿區遊盪,吸引好多日本人用手機影相放上twitter分享。呢位老伯好專業,有冬天同夏天兩套水手服替換,地中海式髮型配襯兩條小鬢辮,完全無掩飾佢男子漢嘅身份,而且仲識擺卡娃兒甫士V晒手丁字腳同途人合照。不過,原來佢並唔係第一個著水手服嘅阿伯,名古屋嘅安穗野香(係,藝名嚟嘅)著水手服cosplay出晒名,仲出唱片上電視!甫士一樣咁卡娃兒,入嚟開吓眼界啦! 相關資訊【有片】紙製Cosplay服好方便 3.980円變身黑武士 (Jun 14, 2018) 【突然染金髮】日本足球員長友佑都:「要變超級撒亞人贏波!」 (Jun 12, 2018)

Read more ›