Post Tagged with: "早餐"

【連環圖】日本超曳倉鼠仔 偷食人類早餐兼賣萌
by / on 19/05/2017 at 7:27 am

【連環圖】日本超曳倉鼠仔 偷食人類早餐兼賣萌

倉鼠仔最鍾意捐窿捐罅,真係睇少一眼都唔得。最近有日本網民放咗呢幾張連環圖上Twitter,吸引好多人RT。原來佢唔記得閂埋裝滿穀物類早餐嘅玻璃樽蓋,結果就走咗隻鼠入去嘞!雖然樓主嘅留言喊晒口,但睇佢影相影得咁開心,應該唔係真係嬲嘅。BTW,希望呀鼠無喺入面開大開細‥‥‥ 相關資訊日本網民開罐頭 25年前到期蘋果變黑碳 (Jun 29, 2017) 【新片速報】日本喵星人慘變踏板 食物鏈最底層逆來順受 (Jun 29, 2017)

Read more ›

【療癒系】8款蛋黃哥醒神早餐 納豆屁股好健美
by / on 05/01/2016 at 7:10 am

【療癒系】8款蛋黃哥醒神早餐 納豆屁股好健美

RE-MENT出嘅「蛋黃哥」食玩系列又有新作,作為食得嘅蛋黃哥,出食物最順理成章,今次推出嘅係早餐系列,一共有8款出餐,中、西、日都有,款款睇落都好好味。精選食品包括有跌咗落水嘅生蛋熱飲、蛋三文治、西式煎蛋、日式蛋奄列‥‥‥不過最搶眼都係納豆上嘅一個蛋黃哥屁股,好健美,唔落足眼力都睇唔倒。預計今個月18日推出,未推出前可以去食返個豐富早餐醫肚先。 相關資訊【有片】蛋黃屠龍記 《Monster Hunter XX》 X《ぐでたま》介紹影片 (Mar 19, 2017) 【新片速報】Hello Kitty都跳《逃避雖可恥》片尾舞 蛋黃哥瞓住跳 (Dec 15, 2016)

Read more ›
西瓜pizza引起爭議     早餐食pizza是常識
by / on 14/07/2015 at 7:09 am

西瓜pizza引起爭議 早餐食pizza是常識

早兩日介紹過菲律賓KFC嘅炸雞pizza,諗起都肚餓,啱啱喺外國網Imgur就見到呢個西瓜pizza,清清涼涼幾健康,其實只係西瓜切成三角形,上面舖上雜果同灑咗少少芝士,對於大魚大肉慣嘅鬼佬嚟講當然睇唔過眼,馬上平反話呢個「唔配叫pizza」,然後就貼佢心目中嘅pizza ─ 芝士拉晒絲茄汁舖滿批面,睇相啲口水都滴晒出嚟,佢仲話早餐食pizza先係皇道,好多網民支持佢,睇得出樓主對pizza好執著好堅持,我好欣賞佢! 相關資訊【邪惡】日本KFC再推出「炸雞Pizza」 韓式烤肉加芝士 (May 30, 2017) 【太邪惡】日本薯條Pizza面世 仲有關西限定「Pizza脆飯」 (Feb 28, 2017)

Read more ›
有片   Keyboard窩夫做早餐 打工仔好開胃
by / on 01/12/2014 at 7:11 am

有片 Keyboard窩夫做早餐 打工仔好開胃

星期一食早餐,有乜好得過煮咗過Keyboard佢,食完再翻瞓?講笑啫,我指翻瞓方面,但係食keyboard就真有其事。設計師Chris Dimino整咗個keyboard窩夫工具,有啲似香港嘅格仔餅,不過就完全參照keyboard造型,每個窿窿上面仲可以放蜜糖、牛油、朱古力醬,總之就可以容納多啲肥死人嘅材料。而家喺kickstarter集緊資,係啦,食飽啲啦,食完好專心做嘢喇,今日星期一喳。 相關資訊【貓奴的無奈】日本超嗲喵星人 攬實Keyboard當床瞓 (May 18, 2017) 日本可愛兔仔除塵掃 匿入杯內當擺設 (Apr 22, 2017)

Read more ›
飛機餐巡禮 Hello Kitty早餐好豐富 美國有千層麵
by / on 19/10/2014 at 1:22 pm

飛機餐巡禮 Hello Kitty早餐好豐富 美國有千層麵

身邊有朋友好鍾意食飛機餐,每次都會留定肚,食嘅時候又會影底相放上fb。我反而比較有興趣不同航空公司嘅飛機餐有咩食,尤其是我無錢坐嘅商務客位嘅食物。外國網buzzfeed搜羅咗世界各地嘅飛機餐,台灣桃園機場去福岡嘅Eva Airways,business class有Hello Kitty早餐食,筷子同叉嘅包裝都係Hello Kitty。美國航空由倫敦去達拉斯有芝士肉醬千層麵,睇落好正。仲有大量千奇百趣嘅飛機餐,入嚟慢慢醫肚。 相關資訊日本限定Hello Kitty x Wonder Woman 貓頭繼續有蝴蝶結 (Jun 17, 2017) 【嚇死人咩】萬聖節Hello Kitty杯緣子 殭屍/貞子造型超想要 (Oct 13, 2016)

Read more ›
16個國家學童早餐相集    法國最大份  台灣食滯咗
by / on 22/09/2014 at 7:22 am

16個國家學童早餐相集 法國最大份 台灣食滯咗

今朝趕頭趕命出門口,有無食早餐?外國網搜羅咗世界各地學童嘅早餐相,有熟悉嘅台灣、日本、南韓,亦有千奇百趣嘅烏克蘭、捷克等國家,總共16份早餐,西人果然大食,法國份早餐似乎最具份量,至於台灣嘛,一早隊咁大盒飯,會唔會飽得滯? 相關資訊超正真人錯覺相 見唔見到隱藏動物? (Apr 19, 2017) 【喵特寫】日本網民狂post貓後尾枕相 無頸肥壯好可愛 (Oct 14, 2016)

Read more ›

醒神早餐戒指    齋睇唔食得
by / on 02/03/2014 at 1:30 pm

醒神早餐戒指 齋睇唔食得

粟米沙律、熱香餅、太陽蛋‥‥‥今朝早餐你食咗咩?可惜呢堆咁好味嘅早餐唔放得入口,只可以戴喺手。喺Etsy網站有得賣嘅食物戒指,外形幾像真,店名係CaseyTheCrafter,店主都幾靚女,每隻戒指賣港幣$128起。睇真啲仲有生蠔、帶子!噢,打打吓字都流口水! 相關資訊有片:新鮮→發霉→萎縮→腐爛 食物縮時拍攝 (Jun 13, 2017) 【必去】吉卜力美術館「食物」主題展覽 重現經典食物/餐廳/手稿 (May 27, 2017)

Read more ›
網圖分享:靚到似畫,忽然好想食早餐!
by / on 15/10/2013 at 12:00 pm

網圖分享:靚到似畫,忽然好想食早餐!

不嬲都無早餐癮,鬼咩,起身太陽伯伯已經喺頭殼頂咯,食Lunch好過啦。不過咁,如果有人肯為我預備以下精美早餐,我又唔介意早啲起身呀。

Read more ›
星期日悠閒靚早餐    網站過百食譜DIY
by / on 08/09/2013 at 11:32 am

星期日悠閒靚早餐 網站過百食譜DIY

星期日悠悠閒,你會選擇啪個出前一丁,定係喺廚房起個壇整個靚早餐?外國網站little nummies入面有大量靚到唔捨得放入肚嘅食物,全部擺到好似一幅畫咁精緻,因為靚媽Kellie Strickland有三個女,每日淨係諗煮乜嘢氹佢哋開心都諗到頭痕,於是開埋網站將作品公諸同好,有埋整法等大家跟住學,不過靚還靚,睇落應該唔多飽肚,唔知佢三個囡囡有無同感? 相關資訊日本網民分享秘密食譜 「豚肉捲醬油丸子」超美味 (Jun 27, 2017) 【有片】加拿大IKEA超創意食譜 看圖放材料即捲即煮 (Jun 16, 2017)

Read more ›
日本IKEA送早餐    點解無瑞士肉丸?
by / on 25/03/2013 at 7:51 am

日本IKEA送早餐 點解無瑞士肉丸?

好耐無行IKEA,唔知而家仲有無我好鍾意食嘅瑞士肉丸呢?不過話時話,我都未試過喺IKEA食早餐,日本部份地區嘅IKEA由3月23日至31日有免費早餐送,包括炒蛋啦、一塊煙肉啦,仲有幾塊薯仔同埋一篤茄汁,睇落幾清淡,不過要早起身,同麥當勞一樣,都係11點前供應。噢,睇真啲,原來佢原價都係賣99円,同佢平時啲嘢食一樣咁抵喎。 相關資訊【新片速報】日本最邪惡喵星人 每朝「彈醒」主人睇見都痛 (Jun 29, 2017) 學校改建酒店 體驗日本校園生活 (Jun 28, 2017)

Read more ›
醒晨早餐系列    藍天白雲煎蛋無難度
by / on 01/02/2013 at 7:15 am

醒晨早餐系列 藍天白雲煎蛋無難度

有咩好得過一早起身有早餐煎蛋食?呢個煎蛋器由Avihai Shurin設計,將蛋黃打入太陽位置,蛋白會自動流去旁邊變成一嚿白雲。呢份早餐睇見都開心,煎蛋器賣美金$12,可以令人會心微笑,一啲都唔貴吖。如果嗰日起得早,仲可以好似其他示範圖咁砌埋雀仔、單車、樹林,不過最重要梗係有人煮比自己食啦。 相關資訊日本貓奴烹飪課程 4道菜人貓一齊食 (Apr 26, 2015) 有片 玩具廚具認真煮 超迷你炒蛋煎腸仔 (Feb 2, 2015)

Read more ›