Post Tagged with: "星戰"

【好想買】BB-8超可愛USB風扇 瘋狂轉動透心涼
by / on 26/04/2017 at 7:27 am

【好想買】BB-8超可愛USB風扇 瘋狂轉動透心涼

夏天返到公司成身汗,枱面真係要有把風扇先得。呢把《Star Wars》嘅BB-8坐枱USB風扇嚟緊6月會再推出,開著佢就好似BB-8係向前滾動咁,好有活力。用USB插頭,頭頂嘅半圓形仲可以左右扭,幫你睇吓附近有無腦細行近。唔等得可以上網搵,有少量現貨。 相關資訊【有片】日本耳筒型風扇 有型掛頸暗暗爽 (Jun 21, 2017) 【勇氣測試】 IQ博士 X A Bathing Ape 小雲小吉配馬騮仔 (Jun 14, 2017)

Read more ›

C-3PO個腦裝布甸 日本網民:「好似猴子腦!」
by / on 06/03/2017 at 7:09 am

C-3PO個腦裝布甸 日本網民:「好似猴子腦!」

本身C-3PO個樣金金哋色,同雞蛋布甸的確幾合襯嘅,不過呢個裝置似乎有種講唔出嘅怪怪哋。有日本網民影咗呢幾張相放上Twitter,有聰明嘅網民發現問題所在,因為佢哋諗起猴子腦!之後仲放咗幾張圖出嚟,睇完再望吓杯布甸,應該食唔落嘞! 相關資訊日本喵星人x冬甩咕臣 呎吋啱啱好掙脫圖超搞笑 (Jun 21, 2017) 日本喵星人取替剃鬚刀 廣告宣傳照Twitter熱傳 (Jun 21, 2017)

Read more ›
【人面獸身】電影導演變藝術品    宮崎駿/星戰導演新造型
by / on 21/10/2016 at 7:14 am

【人面獸身】電影導演變藝術品 宮崎駿/星戰導演新造型

鍾意電影嘅朋友,應該會鍾意藝術家Jonathan Levine呢個系列嘅作品。用咗全球知名導演做主題,樣貌用返導演嘅招牌樣,而身體就集合晒對方嘅經典電影作品,導演包括日本動畫大師宮崎駿、《星戰》嘅佐治盧卡斯、恐怖大師希治閣、《阿凡達》嘅占士金馬倫,仲有史提芬史匹堡、添布頓等等,好正,數唔數宮崎駿個身混合咗幾多個電影角色? 相關資訊日本限定Hello Kitty x Wonder Woman 貓頭繼續有蝴蝶結 (Jun 17, 2017) 【你認得幾多?】「三鷹の森ジブリ美術館」新活動 吉卜力動畫「食物」展 (Jun 4, 2017)

Read more ›
【星戰】BB-8變Tea-B-8 星戰茶壺ThinkGeek有得買
by / on 08/07/2016 at 7:14 am

【星戰】BB-8變Tea-B-8 星戰茶壺ThinkGeek有得買

電影《Star Wars: The Force Awakens》新角色BB-8由於身形限制,要出產品都唔易,所以諗到出呢個茶壺嘅人都幾聰明。身形啱啱好都係又肥又矮,而且連個名都食埋字,叫Tea-B-8。一套茶壺連茶杯,全陶瓷製,ThinkGeek網站有得買,開價美金$24.99,即係港幣200蚊左右,有無BB-8迷想訂? 相關資訊日本超怕凍喵星人 貼實暖爐同茶壺取暖 (Feb 16, 2017) 真心型!BB-8唔再碌!腳踏實地變檯燈 (Sep 2, 2016)

Read more ›
【有片】《星戰》演奏可以咁玩 光劍代替小提琴弓
by / on 01/06/2016 at 7:13 am

【有片】《星戰》演奏可以咁玩 光劍代替小提琴弓

唔係最新不過啱啱先見到想分享吓。星戰嘅音樂出名,尤其是開場音樂,聽見都毛管楝。外國學校School Of Harmony搵咗一班學生扮Jedi一齊用小提琴拉奏星戰名曲,最正係小提琴支弓變咗做光劍,好有氣勢。音樂方面有齊主題曲、Star Wars : Cantina Band、May The Force、Han Solo And The Princess、Anakin’s Theme同埋Yoda’s Theme,有排聽。 相關資訊用光劍扒飯飲湯 開餐都關《Star Wars》事 (Jan 14, 2016) 【有片】《星戰》迷自製巨型AT-AT 6000塊LEGO砌足26小時 (Jan 13, 2016)

Read more ›
【圖集】汪星人星戰cosplay 親子樂Jabba最搶眼
by / on 01/06/2016 at 7:12 am

【圖集】汪星人星戰cosplay 親子樂Jabba最搶眼

可以同自己嘅寵物一齊cosplay,都算係另類嘅親子樂吖。最近喺美國Portland就搞咗個動物星戰cosplay嘉年華,大量汪星人重槌出擊,有唔少主人仲一齊cos玩埋一份。最搶眼係Jabba同佢隻狗狗,BB-8同主人Rey都超正,另外仲有大量戰機AT-AT、X-Wing等等,重裝備,辛苦晒班汪星人嘞。 相關資訊【有片】Cosplayer池邊派對 有太陽真係好 (Jun 21, 2017) 【有片】烏克蘭核災廢墟拍攝 《The Last of Us》Joel Cosplayer (Jun 21, 2017)

Read more ›

【相集】又嚟星戰sweet爆結婚相 揸光劍晒婚戒
by / on 19/05/2016 at 7:13 am

【相集】又嚟星戰sweet爆結婚相 揸光劍晒婚戒

可以搵到同自己志趣相投嘅伴侶好難得,最近呢對新人Krystel Ciocon同Earle Doudera就以《Star Wars》做主題影咗輯結婚相。佢哋兩個相識之前已經分別係星戰迷,之後當然係一拍即合啦。結婚相自然用星戰做主題,最正係近境影佢哋揸光劍嘅相,睇到佢哋嘅婚戒之餘又啱晒星戰主題,幾正,入嚟有多啲相睇。 相關資訊新片速報 今集有單機故事?《Star Wars: Battlefront II》預告率先流出 (Apr 12, 2017) STAR WARS壽司鼓油碟 裝少少鼓油有樣睇 (Feb 14, 2017)

Read more ›
【含蓄】日本風《星戰》外套    尤達大師隱藏衫身內
by / on 12/05/2016 at 7:13 am

【含蓄】日本風《星戰》外套 尤達大師隱藏衫身內

日式披風外套ROBE好型,如果加埋星戰更加好難忍手。日本Trove網店最近同星戰合作出咗幾款男士ROBE外套,而且好含蓄,圖案收埋喺外套入面,只係領位有個星戰字樣,分別有尤達大師同經典星戰海報兩個款式,顏色就有卡其、黑同白,賣19440円,睇model著似乎唔算難襯吖。另外仲有款T恤,領口設計都係跟傳統嘅日本底衫設計,賣11880円,而家有得預訂。 相關資訊日本低成本燈箱廣告 只有QR Code引人嘟 (Jun 22, 2017) 廢人煉成陣 日本電腦枱套裝 可以唔郁幾個鐘 (Jun 22, 2017)

Read more ›
【真嘅一樣】神級《星戰》玩具攝影 唔睇making of唔信係玩具
by / on 18/04/2016 at 7:14 am

【真嘅一樣】神級《星戰》玩具攝影 唔睇making of唔信係玩具

攝影師Vesa Lehtimäki係超級《Stat Wars》fans,之前法國嘅《Stat Wars》展覽都有展出佢嘅作品。佢嘅強項係用星戰玩具拍攝出好似電影嘅效果,單睇相片,你直情會懷疑入面嘅千歲鷹係1:1嘅實物,直至睇到Making of先會恍然大悟,就連企喺飛船隔嚟嘅人,其實都只係一個玩具公仔,用嚟襯托兼製造假像,好勁。無論係咪星戰迷,都真心推介你入嚟睇。 相關資訊日本攝影高手玩砂 超有氣勢玩具圖集 (Jun 20, 2017) 【相集】超正LEGO攝影師上山下海 唔靠PS挑戰高難度 (Jun 17, 2017)

Read more ›
【高質】《星戰》coser沙漠相集 男女主角神似BB-8突入
by / on 18/04/2016 at 7:11 am

【高質】《星戰》coser沙漠相集 男女主角神似BB-8突入

以coser嚟計今次真係好高質,Victor同Julianne呢對未婚夫婦,本身外形同膚色已經勁似今集《星戰》嘅Finn同埋Rey,仲要專程去埋美國猶他州嘅Little Sahara Sand Dunes沙漠拍攝,途中仲有小朋友扮BB-8突入,難怪吸引好多外國網體報導同網民熱傳。其實佢哋之前以同一造型去過Comic Cons,當時已經好多人影,今次呢輯相去埋勁似Jakku嘅沙漠拍攝,由攝影師Robert Lance操刀加後期製作,有爆破有浪漫,無得輸。 相關資訊【有片】12種聲效識著燈 Hot Toys 1/6 R2-D2開訂 (Jan 23, 2017) 日本ANA再出《Star Wars》新機 空姐著C-3PO制服 (Jan 20, 2017)

Read more ›
【堅想買】星戰黑武士牙籤架 光劍變牙籤斗篷有機關
by / on 13/03/2016 at 12:23 pm

【堅想買】星戰黑武士牙籤架 光劍變牙籤斗篷有機關

《Star Wars》產品已經到達無孔不入嘅地步,不過日本Bandai呢個黑武士牙籤架令人堅想買。黑武士唔拎光劍改拎牙籤,身後有個手把位,只要向旁邊推,斗篷就會打開可以換牙籤。一直都搵唔到個又型又靚嘅牙籤架,今次呢個啱數,預計6月30日發售,日本amazon賣緊2371円。 相關資訊【小休】日本河邊驚見黑武士/白兵 悠閒傾計Twitter熱傳 (May 22, 2017) 【I Am Your Son】木工爹哋製作1:1仔仔木雕 黑武士淪陷 (May 17, 2017)

Read more ›

【新片速報】50萬塊LEGO砌超巨型Death Star    仲識發光!
by / on 26/02/2016 at 7:14 am

【新片速報】50萬塊LEGO砌超巨型Death Star 仲識發光!

50萬塊LEGO,單睇數字都覺得不可思議。LEGO一向神人輩出,最近英國LEGOLand就展出咗呢個超巨型Death Star,完成品重1900磅,仲識發光,難怪要動用15個LEGO神人花3個月時間先完成倒。個Death Star嚟緊3月11日起會喺英國Windsor展出,入嚟有片睇,真係幾勁。 相關資訊【睇到心寒】諷刺現實插畫集 現代人病態生活一覽無遺 (Jun 4, 2017) 日本超巨型史萊姆攬枕 軟綿綿超好攬 (May 30, 2017)

Read more ›
【失散兄弟】《星戰》Kylo Ren同喵星人撞樣 9成相似網民熱傳
by / on 20/01/2016 at 7:15 am

【失散兄弟】《星戰》Kylo Ren同喵星人撞樣 9成相似網民熱傳

今集《星戰》做新奸角Kylo Ren嘅Adam Driver,個樣生得幾特別,估唔到咁都會撞樣,而且係同隻喵星人撞。隻喵星人叫Corey,今年兩歲半,無論眼、耳、口同鼻,同Adam Driver都真係好相似,件事最先係由《xoJane》嘅編輯Marci Robin放上Twitter引發,之後好快被網民瘋傳。不過呢隻喵星人唔係壞人所以有好下場,本來喺Monmouth County SPCA動物收容所嘅佢,最近已經俾人領養咗嘞。講真,佢個樣好有個性,應該有喺網絡走紅嘅潛質,加上《星戰》電影嚟緊仲會不停上映,睇好你呀喵星人。 相關資訊【新片速報】日本喵星人狂野睡姿 零戒備Twitter熱傳 (Jun 20, 2017) 【新片速報】日本超人氣喵星人 窄巷高速前進短片Twitter熱傳 (Jun 19, 2017)

Read more ›
【太可愛】Winnie the Pooh遇上《星戰》 變身Chewbacca零違和
by / on 20/01/2016 at 7:12 am

【太可愛】Winnie the Pooh遇上《星戰》 變身Chewbacca零違和

唔講唔知,1月18日原來係Winnie The Pooh日,呢隻肥肥哋鍾意食蜜糖嘅肥熊喺世界各地都有fans,不過咁cute嘅嘢男讀者未必like,但如果溝埋《星戰》呢?外國插畫家James Hance將Winnie The Pooh同最近好紅嘅《星戰》crossover,睇真啲,Winnie The Pooh原來變咗做Chewbecca,唔睇條側揹帶真係唔知,完全零違和感。唔通《星戰》下一步真係要開拍兒童動畫? 相關資訊日本Winnie The Pooh扮《賤熊》 浸浴圖Twitter熱傳 (May 7, 2016) 很想要吧?《Star Wars》系列Tsum Tsum公仔! (Feb 22, 2016)

Read more ›
【火速刪走】《星戰》電影Making of新片流出 不存在的BB-8
by / on 15/01/2016 at 7:15 am

【火速刪走】《星戰》電影Making of新片流出 不存在的BB-8

呢段星戰最新一集電影《Star Wars: The Force Awakens》嘅Making of影片啱啱喺奧斯卡嘅YouTube放咗一陣,火速就被改成私人影片,越無得睇越想睇,終於搵到vimeo嘅影片,星戰迷趁有得睇好快睇嘞。其實大家都知星戰入面大部份場景都係靠特技後期加工,呢段片就有埋對比睇,由女主角Rey揸戰機嘅making of 到星球大戰嘅壯觀場面都有,不過最科幻都係BB-8,佢似乎全程都無出現過,全靠後期key返上去,同佢合作嘅演員都幾辛苦。 相關資訊日本毛公仔被遺棄街頭 流浪貓識欣賞相依為命 (May 31, 2017) 【有片】外星人襲地球 《District 9》導演Neill Blomkamp新作短片 (May 30, 2017)

Read more ›