Post Tagged with: "星戰"

《星戰》角色除下面罩後     新奸角Kylo Ren變阿燥
by / on 06/01/2016 at 7:13 am

《星戰》角色除下面罩後 新奸角Kylo Ren變阿燥

真心推介外國插畫家Alex Solis嘅作品,數數手指,已經第6次介紹佢嘅作品。今次延續之前出過嘅「Icons Unmasked」系列,每張圖都係幻想主角除低面罩後嘅真身。今次加咗好多新角色,當中包括呢期hit爆嘅《星戰》角色, 例如星戰新奸角Kylo Ren除面罩後,入面係《玩轉腦朋友》嘅阿燥(Anger)、星戰Jar Jar Binks入面係高飛狗,仲有白兵、C3PO等等角色,明嘅自然會明。BTW,佢近期似乎好鍾意玩呢個「Icons Unmasked」系列,IG出新圖出得好密。之前都玩過超級英雄變老同漲爆悟空,入嚟有回帶。 相關資訊《Star Wars》光劍變芥末醬 黑武士出手唧醬 (May 22, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›

星戰光劍變自拍神器 黑武士都要玩自拍
by / on 02/01/2016 at 11:24 am

星戰光劍變自拍神器 黑武士都要玩自拍

作為星戰迷,屋企應該有收埋唔少把光劍,不過呢把有啲唔同,唔識發光,但可以帶出街玩自拍。呢把黑武士嘅光劍自拍棍終於有人出,喺Kickstarter有得買,開價美金$19.99,官方認可產品,生產商仲話佢同真嘅光劍有共通點,就係要用嘅時候先至延長,唔用嘅時候可以收埋佢。另外iPhone用家可以撳把劍上嘅掣嚟影相。不過睇埋佢張黑武士戴住頭盔自拍嘅宣傳相,就有啲膠味。  相關資訊【相集】自拍喵星人新相特集 繼續selfie肥咗可愛咗 (May 6, 2018) 【有片】星戰光劍開價16萬 超精細睇咗當買咗 (Jan 18, 2018)

Read more ›
【星戰BB-8喵】星戰喵星人超可愛 迪士尼動畫師親自設計
by / on 31/12/2015 at 7:14 am

【星戰BB-8喵】星戰喵星人超可愛 迪士尼動畫師親自設計

喺迪士尼做員工都幾free,起碼喺自己嘅Instagram二次創作Star Wars角色都唔怕比老細鬧。Griz同Norm Lemay喺Walt Disney Animation Studio做動畫設計師,閒時創作好多唔同嘅公仔放上自己Instagram,最近就有呢個星戰系列,有呢排好紅嘅BB-8同新女主角Rey,仲有R2-D2、Leia公主同Amidala皇后,全部都有隻同色系嘅喵星人陪住!每張都好靚好可愛!BB-8仲有8隻喵陪佢添!BTW,佢哋嘅IG戶口@grizandnorm經常有新作品發佈,最近都有另一個星戰系列,記得Follow吓。 相關資訊日本超為食喵星人斷正 偷食炸雞太大嚿吞唔落 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›
【終於來了】星戰角色統治地球     Jabba根本就係金正恩
by / on 27/12/2015 at 11:39 am

【終於來了】星戰角色統治地球 Jabba根本就係金正恩

以星戰角色嘅能力,要統治地球完全無難度,最近終於有勁人出手,將星戰角色key入經典嘅政治場面入面,例如黑武士變咗美國總統(仲用原力彈起Donald Trump嗰pat頭髮)、尤達大師去咗北韓發表講話,不過最正都係Jabba the Hutt,佢變咗北韓領袖金正恩!可以講係零違和感,根本金正恩就係Jabba扮嘅!BTW,我最怕C-3PO做領袖,發表演說肯定勁長氣悶到嘔。 相關資訊女版Low Cost Cosplay玩謝金正恩 食物做主題影完食返晒 (May 18, 2018) 牛佬搞Gag有啖笑 金正恩+馬雲突入《古惑仔》 (Apr 24, 2018)

Read more ›
尤達大師好靚仔     日本網民P圖網友狂RT
by / on 26/12/2015 at 12:17 pm

尤達大師好靚仔 日本網民P圖網友狂RT

而家啲P圖工具有幾強?有日本網民搵咗星戰嘅尤達大師做示範,P完圖無晒皺紋皮光肉滑,好似後生咗480年咁,呢個時候嘅佢應該未做絕地武士,原力應該好弱。張圖放上網唔夠15小時已經有過15000個RT,可能大家都未見過後生版尤達,特別好奇。BTW,仲有邊個星戰人物你想幫佢美圖秀秀?我想睇Chewbacca。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 日本新款車牌有特色圖案 熊本熊/富士山現身車牌 (May 28, 2018)

Read more ›
【真‧Jedi】Luke Skywalker聖誕探訪病童 放棄出席星戰宣傳活動
by / on 25/12/2015 at 1:01 pm

【真‧Jedi】Luke Skywalker聖誕探訪病童 放棄出席星戰宣傳活動

喺星戰飾演Luke Skywalker嘅Mark Hamill好有型,唔止喺電影Star Wars入面,喺現實生活中,佢都好似絕地武士一樣咁正面。最近佢趁聖誕,放棄咗上電視節目《Graham Norton Show》為星戰電影做宣傳,改為去咗一間兒童醫院Great Ormond Street Hospital探訪小童。探訪期間佢同只得3歲嘅Mark Hamill玩醫生病人遊戲,走嘅時候仲送咗張簽名海報比病童Cole,上面寫住:「The force is with you Cole.」,維護和平、保護弱小,一直都係Jedi嘅任務。 相關資訊【圖集】日本飛沙攝影新作 《動物朋友》決戰星戰白兵 (Jan 1, 2018) 【有片】聖誕真好!日本爵士演奏家高木里代子彈鋼琴 (Dec 26, 2017)

Read more ›

【感人】準爸爸勇闖迪士尼 白兵黑武士突然出現狂賀
by / on 24/12/2015 at 7:12 am

【感人】準爸爸勇闖迪士尼 白兵黑武士突然出現狂賀

  作為一個資深星戰fans,當然希望人生每個重要時刻都同星戰有關。最近呢位男fans Bryan Starr去咗迪士尼玩,佢嘅太太為咗比驚喜佢宣佈懷孕,於是同員工夾計,搵咗兩隻白兵同一位黑武士,專程出嚟同佢影合照,之後佢太太突然宣佈懷孕喜訊,最好睇係男主角嘅第一個反應,好真、好感人。好多網友都話勁期待黑武士會講:「You are the father.」可惜希望落空,但相信已經夠佢吔慢慢回味。 相關資訊日本迪士尼落雨天 超靚倒影似天空之鏡 (May 9, 2018) 【有片】呢啲就係專業!網民讚好靚 日本迪士尼「女王」演員超高傲回應 (Feb 25, 2018)

Read more ›
【新片速報】星戰主題曲Rock版    cosplay演出iTune有售
by / on 22/12/2015 at 7:14 am

【新片速報】星戰主題曲Rock版 cosplay演出iTune有售

又星戰?無辦法啦,睇完套新戲之後個個中晒毒,起碼要忍多半個月。今次輪到呢隊樂隊Galactic Empire玩星戰音樂,仲要cosplay埋黑武士、白兵、Shadow Trooper、Imperial guard同Boba Fett一齊夾band,將星戰主題曲變rock晒,不過聽落又幾順耳,中間仲有making of玩埋白兵頭撞收音柱,黑武士用原力殺工作人員,玩得好認真。首歌iTune有得買,售價$8就可以日日狂聽過住洗腦式嘅星戰生活。 相關資訊【新片速報】日本網民玩直髮夾 調校熱度變音樂演奏 (Feb 16, 2018) 超正Star Wars巨型薑餅 全部都係星戰主題 (Dec 23, 2017)

Read more ›
有片 星戰Leia公主帶狗出席首映禮 發狂亂吠BB-8
by / on 21/12/2015 at 7:12 am

有片 星戰Leia公主帶狗出席首映禮 發狂亂吠BB-8

睇完今集星戰之後,長期處於星戰mode,見到任何有關星戰嘅嘢都好想睇,連汁都撈埋,好似呢單新聞,就講飾演Leia公主嘅Carrie Fisher最近出席首映禮時,帶埋隻狗狗Gary一齊去,點知隻狗見到BB-8之後就發狂亂吠,佢一定係心諗,點解R2-D2唔同咗樣嘅?入嚟有片有相睇,Han Solo抱住隻狗狗時個樣點解咁驚青? 相關資訊超富貴LV版星戰角色 開價過萬大量作品售罄 (Dec 22, 2017) 日本一心堂又出新面膜 星戰總動員Darth Maul最驚嚇 (Dec 21, 2017)

Read more ›
【喵力覺醒】圖集   喵星人cosplay星戰角色   R2-D2呆呆哋
by / on 20/12/2015 at 1:30 pm

【喵力覺醒】圖集 喵星人cosplay星戰角色 R2-D2呆呆哋

呢幾日星戰原力覺醒,出名懶同hea嘅喵星人都覺醒咗,不過應該係俾主人迫嘅。網上搜羅咗大量喵星人cosplay星戰角色嘅相,最威梗係黑喵扮黑武士,不過呆呆哋嘅R2-D2(應該係郁唔倒)、肥版嘅Leia公主、瞓咗覺嘅尤達大師其實仲搶眼。網民仲設計咗張CAT WARS海報,有無人有興趣拍返套外傳?入嚟有得慢慢笑。 相關資訊本周Coser 日本「夢幻きょうか」 (May 27, 2018) 【連環圖】日本喵星人瞓覺3式 先側睡後仰睡 (May 27, 2018)

Read more ›
【新片速報】自製星戰光劍 可以點煙劈白兵氣球
by / on 20/12/2015 at 12:16 pm

【新片速報】自製星戰光劍 可以點煙劈白兵氣球

睇完星戰人人都想有把光劍,玩具舖都有得買,都型但無攻擊力,網民Allen Pan就自掣咗把有火力嘅激光劍,今次真係激光唔只光,仲用佢點煙同斬白兵氣球,除咗藍光,仲可以加Boric Acid整綠光,可惜條光柱就幼咗啲唔夠氣勢。佢仲拍埋片簡介製作方法,手功其實唔錯,影片3日已經過160萬點擊,大家仲研究可以用Strontium Chloride整紅光變dark side,好有學術性。 相關資訊日本網民自製「雪糕」 豆乳飲料雪成冰Twitter熱傳 (May 1, 2018) 日本網民自製喵眼 變身兵長超搞笑 (Apr 29, 2018)

Read more ›

【人生有幾個十年】《星戰》角色當年vs今日 Chewbacca/C-3PO都有真人對比
by / on 19/12/2015 at 12:08 pm

【人生有幾個十年】《星戰》角色當年vs今日 Chewbacca/C-3PO都有真人對比

新一集星戰睇咗未?暫時口碑都幾好,唔少fans都讚無做壞星戰牌頭。而fans最開心應該係見返好多舊角色今集出場,原來唔經唔覺,距離當年第一隻星戰上映已經38年,外國網站就將大量角色當年同今日嘅前後對比相做咗個回顧,除咗Han Solo、公主Leia之外,連Chewbacca、C-3PO都有真人對比,仲有今集無出場嘅都有近照回顧,超過18張相,入嚟慢慢睇。 相關資訊《復仇者聯盟》回到童年時 超正回帶相集 (May 19, 2018) 【圖集】《復仇者聯盟3》角色動畫化 超似彼思動畫風格 (May 4, 2018)

Read more ›
星戰出condom 尤達大師:「Do or Do Not. There is no Try.」
by / on 18/12/2015 at 7:12 am

星戰出condom 尤達大師:「Do or Do Not. There is no Try.」

之前有人出過Star Wars嘅condom,不過都係概念圖,今次唔同,呢兩款星戰condom真係有得買,外國網站Graphic Armor專幫人訂造condom,可以印唔同圖案、文字,今次呢兩款用咗黑武士同尤達大師,最正都係句slogan,黑武士係「I will not be your father」,尤達就係「Do or do not. There is no try.」星戰fans一定識得笑。難怪撳入佢嘅網站已經死咗,唔通太多人湧住去買?至於用咗其實會唔會睇到句句子?唔,May The Force Be With You。 相關資訊日本推出超精緻黑武士杯 江戶切子百年工藝限量800隻 (Dec 30, 2017) 【圖集】日本超可愛雪橇任玩 同星戰/死侍玩具做朋友 (Dec 17, 2017)

Read more ›
【星戰】澳洲版染藍黑武士   夏里遜福踩場扮Han Solo
by / on 13/12/2015 at 2:02 pm

【星戰】澳洲版染藍黑武士 夏里遜福踩場扮Han Solo

新一集星戰《Episode VII: The Force Awakens》就嚟上映,世界各地都有宣傳活動,啱啱喺澳洲悉尼又有嘞,而且仲有好多fans專程cosplay去玩,好多fans而家已經長大成人為人父母,所以除咗大人cosplay,仲有好多小朋友都一齊玩(係啦,難怪迪士尼要收購啦)。除咗澳洲國旗版嘅黑武士,仲有Kylo Ren、迷你版嘅Rey,扮得最神似一定係Han Solo,講笑唧,因為嗰個真係夏里遜福嚟嘅,好多fans都係因為佢而專程去捧場,睇佢同台下fans影selfie嗰吓,真係萬人空巷。 相關資訊日本Cospa出《ポプテピピック》制服 雙人Cosplay好適合 (May 26, 2018) 【圖集】時裝界災難 網上cosplay專門惡搞名牌衫 (May 26, 2018)

Read more ›
【新片速報】 I am your Cat星戰喵    黑暗原力炸爆間屋
by / on 10/12/2015 at 7:19 am

【新片速報】 I am your Cat星戰喵 黑暗原力炸爆間屋

《星球大戰 : 原力覺醒》今個月17號上畫,好多fans都開始撲定飛。未有戲睇可以睇吓呢條YouTube短片《Darth Vader Cat》先,由Kaipotainment製作,喵星人變咗黑武士,仲同主人用激光劍對打,有晒特技製作好認真,臨尾喵星人仲出動埋TIE fighter炸爆間屋,究竟有乜咁大仇口?係咪唔記得咗餵你食罐頭?入嚟有埋behind the scenes睇。 相關資訊【成功上樓】小黑喵變大黑喵 被領養喵星人超幸福 (May 25, 2018) 日本喵星人影寫真 懷舊甫士超有少女味 (May 23, 2018)

Read more ›