Post Tagged with: "星戰"

【新片速報】自製星戰光劍 可以點煙劈白兵氣球
by / on 20/12/2015 at 12:16 pm

【新片速報】自製星戰光劍 可以點煙劈白兵氣球

睇完星戰人人都想有把光劍,玩具舖都有得買,都型但無攻擊力,網民Allen Pan就自掣咗把有火力嘅激光劍,今次真係激光唔只光,仲用佢點煙同斬白兵氣球,除咗藍光,仲可以加Boric Acid整綠光,可惜條光柱就幼咗啲唔夠氣勢。佢仲拍埋片簡介製作方法,手功其實唔錯,影片3日已經過160萬點擊,大家仲研究可以用Strontium Chloride整紅光變dark side,好有學術性。 相關資訊Rex Koo《七孔流血》畫展延伸工作坊 DIY放映機 (Nov 14, 2017) 超型《Star Wars: The Last Jedi 》日本版海報 網民回應估奸角身份 (Nov 12, 2017)

Read more ›

【人生有幾個十年】《星戰》角色當年vs今日 Chewbacca/C-3PO都有真人對比
by / on 19/12/2015 at 12:08 pm

【人生有幾個十年】《星戰》角色當年vs今日 Chewbacca/C-3PO都有真人對比

新一集星戰睇咗未?暫時口碑都幾好,唔少fans都讚無做壞星戰牌頭。而fans最開心應該係見返好多舊角色今集出場,原來唔經唔覺,距離當年第一隻星戰上映已經38年,外國網站就將大量角色當年同今日嘅前後對比相做咗個回顧,除咗Han Solo、公主Leia之外,連Chewbacca、C-3PO都有真人對比,仲有今集無出場嘅都有近照回顧,超過18張相,入嚟慢慢睇。 相關資訊漫畫角色「抜槍射擊速度」比較 野比大雄宇宙最強 (Nov 10, 2017) 【圖集】神級俄羅斯cosplayer 《龍珠》/大量角色扮乜似乜 (Nov 7, 2017)

Read more ›
星戰出condom 尤達大師:「Do or Do Not. There is no Try.」
by / on 18/12/2015 at 7:12 am

星戰出condom 尤達大師:「Do or Do Not. There is no Try.」

之前有人出過Star Wars嘅condom,不過都係概念圖,今次唔同,呢兩款星戰condom真係有得買,外國網站Graphic Armor專幫人訂造condom,可以印唔同圖案、文字,今次呢兩款用咗黑武士同尤達大師,最正都係句slogan,黑武士係「I will not be your father」,尤達就係「Do or do not. There is no try.」星戰fans一定識得笑。難怪撳入佢嘅網站已經死咗,唔通太多人湧住去買?至於用咗其實會唔會睇到句句子?唔,May The Force Be With You。 相關資訊很想要吧?型爆黑武士茶壺套裝! (Nov 4, 2017) 萬聖節全家cosplay Star Wars造型小朋友夠入戲 (Nov 1, 2017)

Read more ›
【星戰】澳洲版染藍黑武士   夏里遜福踩場扮Han Solo
by / on 13/12/2015 at 2:02 pm

【星戰】澳洲版染藍黑武士 夏里遜福踩場扮Han Solo

新一集星戰《Episode VII: The Force Awakens》就嚟上映,世界各地都有宣傳活動,啱啱喺澳洲悉尼又有嘞,而且仲有好多fans專程cosplay去玩,好多fans而家已經長大成人為人父母,所以除咗大人cosplay,仲有好多小朋友都一齊玩(係啦,難怪迪士尼要收購啦)。除咗澳洲國旗版嘅黑武士,仲有Kylo Ren、迷你版嘅Rey,扮得最神似一定係Han Solo,講笑唧,因為嗰個真係夏里遜福嚟嘅,好多fans都係因為佢而專程去捧場,睇佢同台下fans影selfie嗰吓,真係萬人空巷。 相關資訊【圖集】Wonder Woman低成本cosplay 膠紙加瑜伽墊50小時完成 (Nov 24, 2017) 【有片】行得走得Cosplay 《Overwatch》D.Va外骨骼機甲服 (Nov 21, 2017)

Read more ›
【新片速報】 I am your Cat星戰喵    黑暗原力炸爆間屋
by / on 10/12/2015 at 7:19 am

【新片速報】 I am your Cat星戰喵 黑暗原力炸爆間屋

《星球大戰 : 原力覺醒》今個月17號上畫,好多fans都開始撲定飛。未有戲睇可以睇吓呢條YouTube短片《Darth Vader Cat》先,由Kaipotainment製作,喵星人變咗黑武士,仲同主人用激光劍對打,有晒特技製作好認真,臨尾喵星人仲出動埋TIE fighter炸爆間屋,究竟有乜咁大仇口?係咪唔記得咗餵你食罐頭?入嚟有埋behind the scenes睇。 相關資訊【圖集】日本喵星人冬天著斗篷 戴埋帽仔超可愛 (Nov 24, 2017) 日本喵星人「謎之儀式」 猜拳決定邊個陪主人瞓 (Nov 21, 2017)

Read more ›
【有片】《星戰》BB-8變Bling Bling8 鑽石黃金版開價超過100萬
by / on 04/12/2015 at 7:13 am

【有片】《星戰》BB-8變Bling Bling8 鑽石黃金版開價超過100萬

當《Star Wars》連周大福都可以crossover嘅時候,已經無嘢可以嚇到星戰迷嘞!最新呢隻4吋高嘅鑽石黃金版BB-8,開價過百萬港幣,由迪士尼同Kay Jewelers合作,用咗超過600個小時製作,重1.5磅,入面總共有860粒鑽石,不過只限一千零一隻,而且將會用嚟拍賣,所得款項會捐去St. Jude Children’s Research Hospital,咁做善事嘅,都值得支持嘅,一百幾十萬,濕濕碎啦。 相關資訊本地消息 行貨有得返 《Star Wars》PS4 Pro特別版 (Oct 20, 2017) 加拿大總理經常著星戰襪 超有愛Twitter熱傳 (Sep 23, 2017)

Read more ›

圓頭R2D2 幫你扭平頭十字頭螺絲
by / on 27/11/2015 at 9:15 pm

圓頭R2D2 幫你扭平頭十字頭螺絲

如果平時喺屋企有鬥開木又或DIY開甚麼小手作,相信螺絲批絕對不可或缺。呢支R2D2螺絲批啱唔啱睇先?4吋長,內附一個平頭同兩個十字頭可供更換,售9.59美金。係就係好中看,但老實未必中用,因為手柄變成R2D2圓桶形身軀,粗夾圓,應該唔係幾好揸手,不過為咗型,有乜計啫? 相關資訊【好想買】BB-8超可愛USB風扇 瘋狂轉動透心涼 (Apr 26, 2017) C-3PO個腦裝布甸 日本網民:「好似猴子腦!」 (Mar 6, 2017)

Read more ›
【有片】懸浮結婚蛋糕來了 《星戰》尤達玩原力
by / on 16/11/2015 at 7:16 am

【有片】懸浮結婚蛋糕來了 《星戰》尤達玩原力

之前「Egg Attack」出嘅磁浮Iron Man好正,嚟緊仲有Kid Logic出嘅《回到未來》磁浮滑板同架車,除咗玩具之外,估唔到而家結婚蛋糕都玩懸浮!呢個懸浮蛋糕由Peboryon Cakes餅店嘅Christine Jensen製作,喺今年嘅國際蛋糕節Cake International show展出之後引起好大迴響,佢哋就唔肯透露點樣可以做到,不過展出時蛋糕後面就放咗《Star Wars》嘅尤達大師,抽《星戰》水玩原力。 相關資訊【有片】冰島3D立體斑馬線 懸浮設計提醒司機減速 (Oct 26, 2017) 【圖集】超迷你首飾Etsy有得買 小王子/Iron Man極細緻 (Mar 21, 2017)

Read more ›
自製《Star Wars》Q版角色咭 13歲妹妹親手畫20款角色
by / on 15/11/2015 at 11:40 am

自製《Star Wars》Q版角色咭 13歲妹妹親手畫20款角色

自從《Star Wars》俾迪士尼收購咗之後,註定佢嘅擁躉會越來越年輕化,最近有位13歲嘅妹妹就設計咗一套《Star Wars》角色表送比朋友做生日禮物,入面畫咗20個星戰角色,全部都係Q版,仲可以玩埋配對,考吓你對嘅星戰嘅熟悉程度。製作好精美,而且Q版嘅角色畫得好傳神,你睇黑武士幾可愛? 相關資訊動漫角色真實年齡分佈圖 與外貌不符Twitter熱傳 (Nov 7, 2017) 日本紙箱人無處不在 超可愛插畫Twitter熱傳 (Oct 20, 2017)

Read more ›
【超靚】《Star Wars》東京限定甜品    大量手信買到手軟
by / on 21/10/2015 at 12:53 pm

【超靚】《Star Wars》東京限定甜品 大量手信買到手軟

11月至12月準備去東京嘅《Star Wars》迷要注意嘞!銀座嘅Cozy Corner將會由11月1日至12月21日推出9款用《Star Wars》做主題嘅甜品禮盒裝,單睇相真係超靚,有抹茶味嘅尤達大師,仲有白兵、黑武士、R2D2等等唔同主題嘅蛋糕,真係靚到唔捨得食,最慘連個盒都靚過人,日本人包裝技術真係世界級。除咗必買嘅一盒九件禮盒裝,仲有R2-D2蛋糕、黑武士朱古力布甸、黑武士曲奇,食完入面啲嘢仲可以留返個鐵盒或者布袋留念,大量手信買到手軟。 相關資訊東京Sunshine city水族館災難 大水槽死1235條魚 (Nov 9, 2017) 東京超邪惡「鐵板Pancake」 網民推介極美味 (Oct 28, 2017)

Read more ›
狗狗扮星戰AT-AT Walker 一家大細賀星戰
by / on 15/09/2015 at 7:13 am

狗狗扮星戰AT-AT Walker 一家大細賀星戰

12尾就有星戰新戲睇,隻遊戲《Star Wars Battlefront》就11月有得玩,今年星戰迷應該好唔得閒,咁星戰迷屋企隻狗仔呢?都有嘢玩!最近喺Think Geek網站就有呢兩款專為狗狗而設嘅cosplay服賣,分別可以扮AT-AT Walker或者Dewback,前者勉強都叫有啲似,後者就夾硬咗啲。之前有位網友Katie Scott Mello都整過套AT-AT嘅衫比狗狗著,嗰套就精細好多,起碼入面有件緊身衣著吓,全幅武裝好有型,可惜佢呢套只供自用,無得買。 相關資訊Coser「えなこ」又出動 今年3度上《週刊ヤングジャンプ》封面 (Nov 20, 2017) 本周Coser 日本「ゆう」超強FGO Cosplay (Nov 19, 2017)

Read more ›

《星戰》千歲鷹號小童睡床     專吸《星戰》狂迷爹哋血
by / on 08/09/2015 at 7:15 am

《星戰》千歲鷹號小童睡床 專吸《星戰》狂迷爹哋血

而家啲o靚仔真係幸福,早兩日報導過有阿爸整咗間《Portal》主題房比囝囝,勁羨慕!最近又有呢張星戰千歲鷹號Millennium Falcon嘅睡床賣,由專出傢品嘅Pottery Barn推出,擺明吸鍾意《星戰》嘅爹哋血!開價美金$3999,即係港幣3萬蚊左右,成架千歲鷹放喺屋企喎,老婆都唔會鬧喎!呢招真係好毒呀!至於無錢有時間嘅,都可以學另一位外國爹哋(edmcgowan)咁,自製千歲鷹小童床,入嚟有得睇,raw raw哋,都靚架! 相關資訊日本小童超高質CG作品 網民:「睇見日本未來嘅希望!」 (Nov 6, 2017) 超型《Star Wars》白兵酒樽 擺客廳當裝飾品 (Aug 28, 2017)

Read more ›
黑武士/白兵層層叠 《Star Wars》迷你玩具一盒7件
by / on 16/08/2015 at 12:36 pm

黑武士/白兵層層叠 《Star Wars》迷你玩具一盒7件

噚晚有無睇明珠台重播《星戰》?雖然白兵同黑武士都未出場,但已經令星戰迷好興奮。我呢,就好想買埋呢套層層叠玩具「Star Wars Mania」返屋企玩。好似之前啲叠叠貓咁,不過今次主角換咗星戰角色,一盒7隻,最多都係白兵。總共有黑、白兩個款,前者有黑武士加6隻白兵陪襯。至於白色嗰款就有C3PO、R2D2同埋5隻白兵,要砌得有氣勢,起碼都要買兩盒先夠。每隻高40mm,慳位唔阻碇,一盒1980円,今個月推出。 相關資訊可以咁樣玩!螢光耳環變玩具螢光棒 (Nov 23, 2017) 【新片速報】日本撳鐘貓新玩具 啟動推骨牌裝置超可愛 (Nov 16, 2017)

Read more ›
【神級】有片 戰鬥民族鉛筆雕刻家 《星戰》尤達/黑武士超像真
by / on 16/08/2015 at 11:52 am

【神級】有片 戰鬥民族鉛筆雕刻家 《星戰》尤達/黑武士超像真

一山還有一山高,早幾日介紹嘅鉛筆雕刻家Jasenko Đorđević已經好勁,估唔到呢位來自戰鬥民族俄羅斯嘅Salavat Fidai仲強。戰鬥民族揸刀叻唔出奇,但揸把咁細嘅刀仔配合埋咁細緻嘅雕功,我諗喺俄羅斯都係極少數。佢嘅作品包括《星戰》嘅尤達大師、黑武士,Wall E、Batman、恐龍、骷髏頭、槍械、建築物‥‥‥題材好廣,入嚟有得睇埋佢雕刻過程嘅片,好震憾,原來要挑空一個心形真係一啲都唔易! 相關資訊日本神級鉛筆畫 螺絲/人像畫Twitter熱傳 (Oct 25, 2017) 官方黑武士毛毯睡袋 瞓覺不失殺氣 (Aug 26, 2017)

Read more ›
愛心《星戰》頭盔網上熱傳 慈父為患病囝囝設計矯正性頭盔
by / on 15/08/2015 at 5:59 pm

愛心《星戰》頭盔網上熱傳 慈父為患病囝囝設計矯正性頭盔

今晚明珠開始連環周六播《Star Wars》,係時候重溫吓為年尾套新戲熱熱身。講返正題,外國有位網友mikesweeney最近放咗一系列星戰頭盔相上網,引起好多人討論。原來呢啲頭盔係佢老友幫個仔阿Jack設計嘅。其實正式嚟講,呢個係矯正性頭盔,Jack仔患咗先天性顱縫早閉症 (congenital craniosynostosis),需要做腦部手術,手術後一年就要長期戴住頭盔矯正,為咗令小朋友開心啲,呢個孝順爸爸就係一年內設計咗唔同嘅頭盔比佢戴,更開心嘅係,囝囝已經康復,唔需要再長期戴住頭盔,但我相信佢一定會將啲頭盔儲起佢,因為入面載滿咗爸爸對佢嘅愛嘛。 相關資訊新片速報 《Star Wars Battlefront 2》空戰預告 尤達都揸飛機 (Aug 20, 2017) 新片速報 AR眼罩 + 光劍操控器《Star Wars:Jedi Challenges》人人做Jedi (Jul 17, 2017)

Read more ›