Post Tagged with: "景點"

日本可愛鹿仔「禦寒」大法 枯葉包圍成為景點
by / on 25/11/2017 at 10:59 am

日本可愛鹿仔「禦寒」大法 枯葉包圍成為景點

日本奈良天氣開始凍嘞,早晚得5度左右,咁啲可愛嘅鹿仔點樣禦寒?有日本網民就發現呢隻好識嘆嘅鹿仔,俾堆枯葉包圍住,又暖又好瞓。張相喺Twitter熱傳,佢仲成為咗景點,好多網民都留言話見到呢隻鹿,仲放咗好多相出嚟,相信應該係有好心人幫佢擺陣嘅。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

日本大阪紀念塔景點 超似動漫「魔鬼塔」
by / on 17/11/2017 at 7:57 am

日本大阪紀念塔景點 超似動漫「魔鬼塔」

呢座位於日本嘅高塔睇落真係好似漫畫或者遊戲入面嘅古怪城堡,入面住咗個惡魔,總之就係好有藝術感。最近有日本媒體去咗探險,其實呢座大平和祈念塔位於大阪富田林市,係宗教團體為咗紀念萬國戰爭犧牲者而喺1970年建成嘅,每朝10點至下午4點免費開放俾公眾入去參觀,去開大阪可以考慮去吓。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
【星期一好想飛】日本超靚「角島大橋」 人生必到景點
by / on 20/03/2017 at 7:06 am

【星期一好想飛】日本超靚「角島大橋」 人生必到景點

星期一,又到想請假去旅行嘅時候,單睇呢張相已經令人好想即刻飛去日本。呢條「角島大橋」被譽為日本最靚嘅橋之一,好多人話係人生必去嘅景點之一。位於日本山口縣角島,全長1780米,最吸引都係大橋兩邊嘅大海,清澈之餘同個天連成一線,靚到好似人間仙境咁。除咗自駕遊,亦可以喺福岡搭新幹線再轉巴士前往,大概3小時左右,係就係遠啲,但係值得嘅。我想請假呀! 相關資訊【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
平遊《你的名字。》日本景點 新宿往返飛驒6900円搞掂
by / on 13/02/2017 at 7:12 am

平遊《你的名字。》日本景點 新宿往返飛驒6900円搞掂

《 你的名字。》全球大收,連帶戲入面嘅日本本州中部飛驒都成為旅遊勝地。如果想平平哋去開東京嘅時候順便去朝聖,嚟繄2月27日開始可以考慮搭呢架巴士。車身以《 你的名字。》做主題,由新宿Busta車站出發,終點站係飛驒古川車站,全程需時大約6小時,係就係耐啲,但平平哋6900円就可以去到,仲可以搭返同一架車返新宿。啱晒有時間想慢慢坐車睇風景嘅旅客! 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【超像真】日本廣島縣「牛奶屋」 真嘅一樣成為著名景點
by / on 20/06/2016 at 7:13 am

【超像真】日本廣島縣「牛奶屋」 真嘅一樣成為著名景點

呢間「每日牛乳店」位於廣島縣三良坂町,離廣島車站車程都要個半鐘,位置偏遠,但就成為當地嘅一個景點。因為楝建築物按照返佢哋盒牛奶而設計,就好似放大版嘅牛奶盒,好有特色!大家經常都會忍唔住影返張相放上網呃吓Like。呢個牛乳品牌係當地小企業,入面前舖後居,喺日本呢類型店舖仲有生存空間,間舖已經營運咗超過30年,為當地居民提供新鮮牛奶,喺香港嘅話,當然係無希望啦。 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
大阪新景點 全日本最大摩天輪7月有得坐
by / on 03/06/2016 at 7:00 pm

大阪新景點 全日本最大摩天輪7月有得坐

近年身邊好多朋友去大阪旅行,仲多過去東京。嚟緊大阪又多個新景點,計劃去大阪嘅可以諗諗。號稱全日本最大嘅摩天輪,入面全玻璃設計,連腳底都係玻璃,最高去到123米,係全球第5高嘅摩天輪,坐上去就好似浮咗上天空咁,再望下腳底應該會腳震震。7月1日起喺大阪Expo City有得坐,72個車卡入面有兩個係VIP席,可以坐4個人,仲有梳化位,啱晒訂嚟同另一半慶祝啲特別日子喎。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›

【理想與現實】旅遊景點迫爆人 中國長城/巴黎鐵塔其實係咁
by / on 18/03/2016 at 7:13 am

【理想與現實】旅遊景點迫爆人 中國長城/巴黎鐵塔其實係咁

有去過著名旅行景點都會有感觸,就係呢啲「理想與現實」嘅情況,以為去長城睇日出瑰麗景色,點知去到人迫人連行步路都有困難;以為去到巴黎鐵塔下野餐好浪漫,點知好似難民營咁排排坐,仲要周圍都係自拍神棍。外國網站搜羅咗大量著名景點嘅理想與現實圖,睇完去旅行嘅衝動又減低咗少少,或者都係去吓啲無咁著名嘅景點,感受吓風土人情仲好。  相關資訊【理想與現實】迪士尼煙花相崩壞版 日本網民分享失敗作 (Nov 20, 2017) 【理想與現實】日本妹妹出手整羊毛氈 草泥馬變ET (Oct 6, 2017)

Read more ›
20年建成獨立水上屋     有畫廊影樓自給自足
by / on 29/04/2015 at 7:10 am

20年建成獨立水上屋 有畫廊影樓自給自足

Dream House!20年時間,唔好話供完一層樓,連儲夠錢比首期都未必夠。外國就完全唔同講法,20年啱啱夠呢對老夫老妻喺溫哥華島起完自己夢寐以求嘅水上屋Freedom Cove。66歲嘅Wayne Adams同59歲嘅Catherine King,由92年開始住喺水上屋,靠養魚釣魚自給自足,途中不斷加建,而家座水上屋總共有12個組件,入面有畫廊、跳舞室、影樓,十足一個獨立水世界咁,好壯觀!仲成為遊客景點添。其實我唔貪心,分一嚿比我住已經心滿意足,有屋真好。

Read more ›
好想去!CNN嚴選日本31個最靚景點   《幽靈公主》森林/ 馬騮浸溫泉
by / on 05/04/2015 at 2:38 pm

好想去!CNN嚴選日本31個最靚景點 《幽靈公主》森林/ 馬騮浸溫泉

盡可能都避免復活節外遊,人多價錢貴,今年據聞好多人去日本大阪,可能機票平匯率低,搞到我都心郁郁好想去。CNN網站最近揀咗31個日本最靚嘅地方,除咗比較熟悉嘅北海道小樽雪路、京都嘅嵐山竹林,仲有馬騮雪猴都浸溫泉嘅「地獄谷野猿公苑」(長野縣),我最想去係宮崎駿《幽靈公主》入面嘅白谷雲水峽森林(鹿兒島),靚到震!另外富士芝櫻節(山梨縣)都好想去,每逢四月底芝櫻開到好似一張紫粉紅色嘅地毯咁,配埋富士山靚景,勁吸引!睇咗當去咗,復活節好似我咁無得去旅行嘅,睇完心情都靚啲。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›
台南舊村變新景點  多啦A夢 /龍貓  畫滿街
by / on 22/02/2015 at 1:32 pm

台南舊村變新景點 多啦A夢 /龍貓 畫滿街

台灣近年多咗好多舊鄉村翻新,最近台南嘅「胡厝寮」(胡家莊)就好多人談論,連外國嘅CNN都報導。呢條村嘅橫街小巷畫滿公仔,有多啦A夢、龍貓、蠟筆小新、熊本熊甚至變形金剛,而呢條村之所以翻新嘅原因都好感人,說話孫女李梵榳為咗令平日好少出遠門嘅阿嬤生活多啲色彩,於是喺「胡厝寮」嘅屋外畫咗啲唔同嘅公仔,希望阿嬤出門口就可以見到唔同嘅風景,佢嘅孝心感動咗好多熱血青年,大家都加入一齊創作,令呢條村嘅街頭插畫越嚟越多,而家仲吸引咗好多遊客專登嚟影相參觀。不過玩還玩,記住要有公德心,千祈唔好破壞咗呢條村莊寧靜嘅一面。 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 【有片】日本網民分享老翻玩具 多啦A夢超驚嚇 (May 4, 2018)

Read more ›
Instagram奇女子    帶1:1亡父紙版遊世界
by / on 18/06/2014 at 8:21 am

Instagram奇女子 帶1:1亡父紙版遊世界

父親節你去咗邊度慶祝?老土啲都要講句,有機會真係要好好珍惜,孝順吓屋企人。好似呢位華裔女子Jinna Yang,好不幸地爸爸喺兩年前cancer過咗身,佢一直放唔低,諗起生前無機會同爸爸旅遊,於是整咗塊1:1紙牌,帶埋爸爸周遊列國,再將所有相放上Instagram同埋網頁內。雖然啲相睇落有啲怪異,不過都係佢嘅一份心意。佢哋去勻羅浮宮、羅馬鬥獸場、冰島、比薩斜塔、巴黎鐵塔等等景點,睇相見倒佢全程都好sad,相信網友同佢爸爸都希望佢快啲走出陰霾,加油呀! 相關資訊【父親節快樂】日本大堆頭畫師出圖 網民逐個認 (Jun 17, 2018) 日本7-11自畫紙牌超靚 高手在民間 (May 8, 2018)

Read more ›

歐洲最高景點    1036米高玻璃屋腳都震
by / on 28/12/2013 at 3:31 pm

歐洲最高景點 1036米高玻璃屋腳都震

每次行經玻璃地面我個心都會震一震,唔知算唔算係畏高嘅一種?不過法國阿爾卑斯山呢間玻璃屋新景點「Step Into the Void」先算係真正嘅恐怖!呢個歐洲最高嘅景點,咗入去就可以感受到喺1036米高嘅震憾(腳震)感,雖然個雪山景好靚,不過我自問唔夠膽試。比個概念大家,香港最高嘅環球貿易廣場(ICC)高484米,姚明高2米26,對比呢間玻璃屋,即係大約等於兩座ICC或者458個姚明咁高! 相關資訊【圖集】巨喵襲地球構想圖 大戰哥斯拉突襲日本 (May 3, 2018) 法國攝影師捕捉「香港天台」 密集式港人生活 (Apr 26, 2018)

Read more ›