Post Tagged with: "書展"

網圖分享:Cuson親筆畫相贈 讀者感動喊出嚟
by / on 25/07/2017 at 10:15 pm

網圖分享:Cuson親筆畫相贈 讀者感動喊出嚟

書展曲終人散,成績如何都好,好多有份出書嘅港漫人,都喺面書登同讀者嘅合照或寫感謝文,識睇梗係睇留言,勉勵之言彼彼皆是,令人相當開心鼓舞,惟獨Cuson面書卻滲出淡淡哀愁。事緣Cuson作四格漫畫一幅,交代有讀者買書要求親筆畫,將自己同娘親畫埋入書,因為娘親喺醫院長唞,唔可以出嚟行書展,講講吓該讀者仲感動到喊埋出嚟添,搞到Cuson都好Sad,只好邊安慰邊用心畫。呢啲咪人間有情囉,Cuson心地好,抵佢娶個靚靚老婆,所話千其唔好睇小一幅畫,簡單一幅畫足以帶畀人好多正能量,相信該讀者之娘親見到親筆畫會好開心,祝佢早日康復。 相關資訊有錢就是任性 Cuson作畫「預想馬雲下條預告片」 (Nov 13, 2017) 【有片】Cuson+CaCa賣廣告 痴漢教你借貸攞iPhone X (Nov 8, 2017)

Read more ›

阿塗書展出《圖解廣東話Cantonese.jpg》 留意簽名會
by / on 21/07/2017 at 10:00 am

阿塗書展出《圖解廣東話Cantonese.jpg》 留意簽名會

阿塗啲公仔不嬲Cute,估唔到連書名都改得咁過癮,今年書展佢有新書出,名為《圖解廣東話Cantonese.jpg》,連「jpeg」都用埋,好諗頭呀。書名OK嘞,咁內容呢?佢面書有內容簡介曰:「本書以插圖為要,附以中英註解,九淺一深,全宇宙首本七彩伊士曼粵語研習繪本!以漫畫人視角,為大家揭開廣東話俚語、諺語、歇後語 ……之神秘面紗。」一樣咁抵死啜核。想搵佢簽名嘅,唔該記得以下日期及時間──今晚周五8:00pm至9:00pm、聽日周六5:00pm至6:00pm,報告完畢。 相關資訊阿塗搞「塗解廣東話簽名會」 帶定書搵佢簽名影相 (Oct 25, 2017) 《暗黑指紋》搞首賣簽名會 出埋Postcard (Jun 27, 2017)

Read more ›
利志達書展出《刻毒》 收錄11個短篇故事
by / on 20/07/2017 at 12:00 pm

利志達書展出《刻毒》 收錄11個短篇故事

「利志達」三個字係信心保證,所以無需多廢話,今個書展佢有新書出,名為《刻毒》,收錄咗11個短篇故事,128頁,每本$100。佢喺面書登咗封面相,有讀者話有啲丸尾末廣Feel,唔知大家有點睇? 相關資訊唔等七月書展 Cuson出《怪叔叔耆遇記》 (May 9, 2017) 跟進:《大圓天》好賣售罄 動漫基地加推十本 (Jan 9, 2017)

Read more ›
書展撐牛佬!撐《赤軀隨遇》!
by / on 20/07/2017 at 11:00 am

書展撐牛佬!撐《赤軀隨遇》!

好喇,牛佬已經喺《古惑仔》賣咗兩三期廣告,都唔爭在我呢個死忠Fans賣埋一份,今個書展牛佬會推出新書《赤軀隨遇》,內容係輯錄番《古惑仔》專欄內文再加修飾而成。牛老手字公認港漫界第一,書名《赤軀隨遇》固然係型,簡介亦唔弱:「白雲蒼狗,幻變無常,人生路程,從來不由自己操控,一半由人,一半由天,隨遇隨緣隨行。」有板有眼兼有Feel,委實好過好多所謂才子才女多多聲。係Fans的話,盡撐喇。 相關資訊《古惑仔》出錯? 同一期出兩回〈飛女正傳〉? (Nov 20, 2017) 瑞新《火武耀揚》豪華珍藏版 11月22日見街 (Nov 8, 2017)

Read more ›
書展推硬皮別注版《今晚打喪屍》漫畫 送Tote Bag+Game Card
by / on 19/07/2017 at 8:29 pm

書展推硬皮別注版《今晚打喪屍》漫畫 送Tote Bag+Game Card

今日書展開鑼,雖然已經買咗平裝版,但都心郁郁想買埋呢個硬皮別注版《今晚打喪屍》漫畫,係,我認我貪心,因為現場購買即送電影Tote bag同顏卓靈‧真一Game Card。每本$100,無話貴唔貴,只有值唔值,睇過封面相,我就覺得好值。 相關資訊【超治癒】「熊貓之穴」長下巴動物Tote Bag 大阪有得買 (Nov 4, 2017) 《今晚打喪屍》作品展 仲有Tee同Tote Bag要搶 (Oct 17, 2017)

Read more ›
盧敬羽書展出《殺手名冊》 係人都有壞嘅一面
by / on 18/07/2017 at 10:00 am

盧敬羽書展出《殺手名冊》 係人都有壞嘅一面

曾經講過我好期待小說《殺手名冊》,今年書展終於見街嘞,開心!作者盧敬羽,尤其鍾意佢改嘅「卷一」名字──「時薪$34.5的死神」,殺手殺人以時薪計,都算型到啪啪聲。睇故事簡介,講大學生郭陶做咗冷血殺手,捲入黑幫鬥爭萬劫不復,有對白云:「好人壞人,都有壞的人面,我又何必自命正義,只殺壞人?」人人都有壞嘅一面,所以抵殺,又講得好啱喎。殺殺殺殺殺,好想睇主角點殺人,我係咪好變態? 相關資訊必搶Pen So x《九龍城寨》Postcard 一套七卡$60 (Jul 20, 2016) 插畫+筆記式繪本 Pen So《香港災難》畫風細緻 (Jul 19, 2016)

Read more ›

鄭立書展出《光輝歲月》小說 王一心惡戰小志強
by / on 18/07/2017 at 9:00 am

鄭立書展出《光輝歲月》小說 王一心惡戰小志強

好搶眼嘅封面,我個人就好Like呢隻畫風,講緊嘅係由網絡遊戲衍生出嚟嘅小說《光輝歲月》,作者鄭立。睇面書故事簡介,場景係1988年深水埗關雲長第一紀念學校,主題係傾唔埋欄即以比武解決,簡單善惡二分,邪惡一方以惡霸小志強為首,善良一方以轉校生王一心為帥,拳來腳往一決高下咁話喎。唔知呢種小說啱唔啱你睇?我就OK受落嘅,如無意外書展應該會入手。 相關資訊《金魚街的貓》送貼紙 廖光祖7月24日書展搞簽名會 (Jul 19, 2016) 小說《鐵拐俠盜──無價之寶》復刻創刊 崔成安繪畫封面 (Jul 19, 2016)

Read more ›
上官小洪出立體漫畫相架 「小洪與哨牙珍」最正
by / on 17/07/2017 at 10:15 pm

上官小洪出立體漫畫相架 「小洪與哨牙珍」最正

有新意!我鍾意!上官小洪喺書展期間,將會推出三款各限量30個嘅立體漫畫相架,分別為尚餘23個嘅「小洪與哨牙珍」、尚餘22個嘅「黐洪神探」同尚餘11個嘅「西遊老友記」,各售$100。佢嫩人家講明由於製作成本高昂,所以絕不會有第二版,有買趁手,有興趣嘅唔該快快落訂。我呢,就比較鍾意「小洪與哨牙珍」版,哨牙珍拎起裙襬個Pose真係畫得好頂癮,見到已經想笑。 相關資訊網圖分享:永遠懷念哥哥 (Apr 3, 2017) 《黐洪動漫》必有第二期 暫定七月書展見街 (Feb 23, 2017)

Read more ›
書展再版推出 港漫大百科《香港漫畫圖鑑1867-1997》
by / on 14/07/2017 at 1:00 pm

書展再版推出 港漫大百科《香港漫畫圖鑑1867-1997》

唔講大話,真係唔知有《香港漫畫圖鑑1867-1997》呢本書,亦唔識作者楊維邦同黃少儀。睇番資料,此書喺1999年初版,隔18年至今年書展再版,睇封面幾Sharp醒吓,或者你會覺得好老土,但我幾鍾意呢種大堆頭元祖味。內容圍繞1867年至1997年港漫發展,賣點係有過千幅極珍貴的漫畫封面、書刊出版年份及扼要內容、香港漫畫及連環圖作家列表、漫畫出版大事年表,售$190.4,非凡出版社出版,估計屬磚頭書一類,鍾意咪字嘅朋友,當Revision好,當細味昔日睇港漫美好回憶又好,值得考慮一下。 相關資訊《武道狂之詩》卷15,隨書附送賀圖畫集 (Jul 18, 2016) 牛佬參加書展 必撐《古惑仔2016金裝畫集》 (Jul 18, 2016)

Read more ›
曹志豪《方新俠》第二期 書展開賣
by / on 10/07/2017 at 9:30 pm

曹志豪《方新俠》第二期 書展開賣

記得4月尾《方新俠》創刊,好刁鑽咁限量賣1023本,每本$388,既係漫畫,亦係名家投資心得云云。以為就咁完,No喇,曹志豪報料,《方新俠》第二期將於書展開賣,價錢幾多限量賣幾多本,暫時資料欠奉,不過就有封面相睇住先,曹志豪Fans記得捧場。 相關資訊作畫賀曹星如勝仗 曹志豪重畫《死角》? (Oct 12, 2017) 曹志豪聯乘本地畫家 Sketchbook《漫遊城市/灣仔》搞乜東東? (Sep 26, 2017)

Read more ›
李健良《紅樹林‧香港濕地生態》 書展入貨必然之選
by / on 10/07/2017 at 10:00 am

李健良《紅樹林‧香港濕地生態》 書展入貨必然之選

人心地好,望落都靚仔啲嘅,講緊嘅係李健良,今年書展佢會推出《紅樹林‧香港濕地生態》,「野士創工」仲幫佢拍咗條宣傳片添。出書為乜?資本主義社會梗係為賺錢,但賺錢以外,佢更想喚醒香港人保育意識,希望大家多啲關注香港濕地公園同米埔自然保護區,所以透過連環圖介紹香港呢啲珍貴生態環境。另,呢條片仲有個亮點,就係李健良即席表演畫恐龍,好勁,構圖固然誇啦啦,仲要落色奇準,工多藝熟就係呢亭嘞。熱烈推介入貨,啱睇嘅,買埋之前嘅《古生命》一至三都唔過份。 相關資訊李健良動漫基地搞《古生命》工作坊 教小朋友畫公仔 (Nov 8, 2017) 李健良《紅樹林‧香港濕地生態》分享會 即場繪畫+送紀念品 (Oct 27, 2017)

Read more ›

麥天傑《逆戰國策》書展推出
by / on 06/07/2017 at 11:00 am

麥天傑《逆戰國策》書展推出

書展又有書要入,麥天傑《逆戰國策》是也,全書196頁,包16頁彩圖,其餘全部係黑白漫畫、草圖同插圖,另有文字。睇麥天傑面書得知,如果無意會錯的話,此書應該係有彩色封套Cover喺面,但我就認為書套下面嘅黑白跨封面搶眼得多,Anyway,此書售$188,記得捧場。 相關資訊撐「潮蒲饒館:好事多為…動漫」 麥天傑開原畫展覽 (Oct 22, 2016) 漫道書展2016 必買葉偉青《Robox Sketchbook》畫板 (Jul 11, 2016)

Read more ›
上官小洪書展出《黐洪動漫》完結篇
by / on 28/06/2017 at 12:00 pm

上官小洪書展出《黐洪動漫》完結篇

瀏覽面書,得知上官小洪《黐洪動漫》第二期亦會喺7月書展見街,有無第三期?無!因為此乃完結篇,全書132頁,售$100。上官小洪有留言曰:「黐洪動漫完結篇,頁頁精彩夠瘋癲,浪漫對白軟綿綿,嘉賓作畫夠經典,爆笑場面再出現,七月相逢在書展。」繼續押韻!好鬼死鍾意呢種疑似打油詩,係Old school咗啲,不過夠情懷吖嘛,我Like!大家記得捧場。 相關資訊網圖分享:人日照舊有賀圖睇 (Feb 4, 2017) 上官小洪添食 《黐洪動漫》賀歲至Goal版開訂 (Jan 27, 2017)

Read more ›
Felix Ip書展出《Robox Sketchbook 2》
by / on 28/06/2017 at 11:00 am

Felix Ip書展出《Robox Sketchbook 2》

Felix Ip好多產,剛剛先推出漫畫版《今晚打喪屍》,好評如潮,話咁快又有消息話將會喺書展推出《Robox Sketchbook 2》。此畫集乃漫道出品,輯錄過百張機械人插圖,之前第一集唔知大家有無捧場?有嘅話,第二集無可能唔買;無嘅話,買完第二集覺得好睇的話,買番第一集儲亦唔過份。 相關資訊余兒推出海報每張$100 《今晚打喪屍》作品展限定 (Oct 11, 2017) 余兒《今晚打喪屍》作品展 睇原畫買埋親筆畫板 (Oct 8, 2017)

Read more ›
Fans留意!黃水斌書展推出《Fruit Punch 3.0》畫集!
by / on 28/06/2017 at 9:00 am

Fans留意!黃水斌書展推出《Fruit Punch 3.0》畫集!

係囉,出多啲書港漫界先熱鬧啲架嘛,講出書又點少得黃水斌份兒?佢決定喺嚟緊書展推出《Fruit Punch 3.0》畫集,剛剛喺面書將封面公諸同好,一貫水斌水準,好難唔買。佢仲透露會推出限量產品,先預訂到時喺書展取貨,水斌作品必屬佳品,Fans要搶,我話嘅。 相關資訊黃水斌開新專頁 推出鋼筆手繪漫畫《英雄本色》 (Jul 13, 2017) 靚女Rachel做Model 想要Fruit Punch Tee唔該PM黃水斌 (Jul 11, 2017)

Read more ›