Post Tagged with: "曹志豪"

香港藝術中心搞Event   曹志豪+文地貓繪畫灣仔
by / on 06/06/2018 at 9:45 pm

香港藝術中心搞Event 曹志豪+文地貓繪畫灣仔

香港藝術中心有Event曰「畫.時代灣仔」,由保育工作者陳得帶遊灣仔修頓遊樂場同動漫基地,探討港漫前世今生云云。係,擺明係保育嘢,聽落好悶,但亮點係曹志豪同文地貓。一個係港漫大師,一個係著名插畫師,照新聞稿Copy and paste,參加者可以同兩人「隔空對話,用手中畫筆繪出灣仔的時代面貌。」咁樣樣,唔知大家有無興趣? 相關資訊Bo Law x 姜智傑Jam畫 灣仔塗鴉 (Mar 19, 2018) 文地貓 x Ginger Store出醉貓Tee 值得入手 (Mar 14, 2018)

Read more ›

記得打卡 《Project 72》畫展作品現身中環街市
by / on 27/02/2018 at 1:06 pm

記得打卡 《Project 72》畫展作品現身中環街市

曹志豪剛剛報料,唔知仲要重建幾耐嘅中環街市地盤,以圍板作展板已經一段時間,今次就以香港情懷為主題,選咗《Project 72》畫展其中三幅作品展出。睇相,暫時認到有曹志豪幅「七層舊樓+飛機欖」同埋張君豪幅「果欄」,第三幅就認唔到嘞。作品變到人咁高咗,我諗視覺效果一定更震撼,大家行開嗰頭,記得打卡呀。 相關資訊張君豪爛口乖x港漫系列畫板 爆粗都可以好過癮 (Jun 18, 2018) 張君豪送賀年Postcard 蛋散變英雄 (Feb 7, 2018)

Read more ›
曹志豪x柏原太賀《死角》分享會
by / on 08/02/2018 at 9:00 am

曹志豪x柏原太賀《死角》分享會

如果你未買又心大心細想買曹志豪本圖文小說《死角》,咁大可以參加本周日舉辦嘅《死角》分享會,屆時曹志豪會同跨媒體創作人柏原太賀一齊出席。聽完佢哋點講,或者你會即刻課金都未定。利申,我覺得呢本小說係好正嘅,亦覺得角色發揮未去到最盡,所以有心的話,係絕對可以寫第二部嘅。 相關資訊李健良《紅樹林》分享會 簽名加影相咪走雞 (Oct 17, 2017) 網圖分享:香港人的驕傲 港漫人向曹星如致敬 (Mar 13, 2017)

Read more ›
三聯書店x曹志豪《死角》 即場繪畫分享會
by / on 25/01/2018 at 8:00 pm

三聯書店x曹志豪《死角》 即場繪畫分享會

曹志豪本圖文小說《死角》,我有捧場,坐茶餐廳一個鐘頭零三個字一氣呵成睇晒,感覺著實唔錯,如果結局係李承東、姜秀賢同歐陽駿譜出三角戀,兄弟情加愛情加拳擊運動,我諗會更過癮,諗諗出續篇都仲得喎。哎,扯遠咗添,入番正題,曹志豪喺嚟緊周六搞即時繪畫會,地點係三聯書店,講到明歡迎任何人士進場參加。想搵佢簽番個大名,呢個係機會嘞。 相關資訊《古惑仔》巨星之戰競猜遊戲 估洪興同三聯五比五平手收場 (May 21, 2018) 《古惑仔》送潮爆貼紙 No輝唔係斷咗手咩? (Mar 2, 2018)

Read more ›
撐《PLAY!香港漫畫巡迴展覽》 曹志豪+何志文+山羯出手
by / on 15/01/2018 at 7:15 pm

撐《PLAY!香港漫畫巡迴展覽》 曹志豪+何志文+山羯出手

又畫展,又講座,又甚麼漫畫大百科,仲有現場繪畫,《PLAY!香港漫畫巡迴展覽》開好多瓣,自稱港漫迷者無得唔去。而呢排瀏覽面書,已見曹志豪、何志文與山羯率先拎住畫作公諸同好,幅幅都係高水準之作。展期去到2月1日,點都要抽時間撐一撐。 相關資訊《山海逆戰》珍藏卡特別版三封面 賣萌雪晴版售罄 (May 24, 2017) 網圖分享:港漫人贈畫 鼓勵雷特氏症小朋友 (Mar 8, 2017)

Read more ›
Eric Ng又送年糕畀老人家 畫手繪畫盒面抵讚
by / on 11/01/2018 at 8:15 pm

Eric Ng又送年糕畀老人家 畫手繪畫盒面抵讚

真心的,又要表揚Eric Ng兄嘞,一如往年,佢今年繼續製作年糕送畀老人家,咁當然都一如往年,會搵一眾畫手繪畫年糕盒面貼紙喇。暫時已見Noel Mak、Pariz Wong、曹志豪、茹定國、袁家寶同戇男交咗稿,相信之後會陸續有來。呢亭一等一好人好事,唔畀掌聲唔得,Eric Ng兄睇唔到咋,我真係好用力地對住個Mon拍咗幾下手掌,鼓勵鼓勵。 相關資訊超強!Edward Yu的暴走《黑膠人》泥塑曝光 (Jun 12, 2018) 《戇男筆記‧港漫200人》玩味十足 封面「$200」價錢牌Fake晒 (Jun 5, 2018)

Read more ›

曹志豪《死角》Tee $180 ToySoul有售
by / on 15/12/2017 at 9:00 am

曹志豪《死角》Tee $180 ToySoul有售

今日ToySoul開幕,大家會唔會去呀?行開的話,不妨留意吓曹志豪新推出嘅兩件《死角》Tee喎,一黑一白,每件$180。要揀,我會揀白色嗰件,圖案Sharp醒啲,望落有氣勢啲;黑色嗰件唔係唔正,不過Mood咗啲囉。 相關資訊「獅子山羊」出Tee 出齊十二星座 (May 22, 2018) Uniqlo聯乘Blizzard 《魔獸世界》《鬥陣特攻》出新Tee (Apr 26, 2018)

Read more ›
曹志豪《死角》圖文小說 聖誕節見街
by / on 11/12/2017 at 6:00 pm

曹志豪《死角》圖文小說 聖誕節見街

包括我,好多港漫迷都一直念念不忘嘅曹志豪《死角》,終於聞到樓梯響嘞,今次唔係出漫畫,而係出圖文小說,屬正傳故事,聖誕節左右日子見街,三聯出版,價錢未知,但肯肯定全港書局有售。即係話,你可以當小說咁睇,而曹志豪畫咗四十幾幅圖穿插其中,所以又可以當畫集咁睇,真係正呀喂。 相關資訊《香港漫畫同盟》第三期 聖誕節見街 (Dec 24, 2017) 《P72七十二行》展覽上網有得睇 18張畫作晒冷 (Jan 19, 2017)

Read more ›
作畫賀曹星如勝仗 曹志豪重畫《死角》?
by / on 12/10/2017 at 9:15 pm

作畫賀曹星如勝仗 曹志豪重畫《死角》?

「神奇小子」曹星如點數贏日本拳手河野公平,為此曹志豪都作畫一張賀一賀,兼留言:「是你們令香港人認識職業拳擊運動,Wonder Kid和DEF Team。」Exactly,呢股打不死精神,絕對值得香港人驕傲。講到打不死精神,曹志豪都有,仲記唔記得幾年前佢有作品叫《死角》?佢喺面書登咗幅相,內裡有疑似《死角》原稿,仲隱隱約約透露話會重新繪畫,如果續畫《死角》就好咯。讀者Chan Kwok Yan好有見地話:「仍然期待,現在出版《死角》這類拳擊漫畫比六年前的時機更好,希望你好好把握!」中Point!希望曹志豪認真諗諗佢。 相關資訊撐《Project 72》畫展 港漫人的老香港情懷 (Nov 30, 2016) 幫助香港弱能兒童 買曹志豪聖誕賀卡 (Oct 3, 2016)

Read more ›
曹志豪聯乘本地畫家 Sketchbook《漫遊城市/灣仔》搞乜東東?
by / on 26/09/2017 at 6:25 pm

曹志豪聯乘本地畫家 Sketchbook《漫遊城市/灣仔》搞乜東東?

潮流興Jam畫,曹志豪剛剛喺面書出咗個Post話:「聯同幾位本地Artist一齊玩個大遊戲,呢本sketchbook係開始,好快有野睇。」仲好搞笑咁問人知唔知將會同邊幾個畫家合作,查實封面已經寫咗名,不過就算唔開名,齋睇公仔都可以估到一二,文地貓嘅公仔,我一眼就認得出。咁成壇嘢究竟搞乜呢?書名叫《漫遊城市/灣仔》,唔通係一人一幅灣仔地標再結成畫集?拭目以待。 相關資訊日本超強畫家 畫出「水動樂」Twitter熱傳 (Apr 8, 2018) 日本畫家超高質油畫 靚到似相片Twitter熱傳 (Mar 10, 2018)

Read more ›
曹志豪《方新俠》第二期 書展開賣
by / on 10/07/2017 at 9:30 pm

曹志豪《方新俠》第二期 書展開賣

記得4月尾《方新俠》創刊,好刁鑽咁限量賣1023本,每本$388,既係漫畫,亦係名家投資心得云云。以為就咁完,No喇,曹志豪報料,《方新俠》第二期將於書展開賣,價錢幾多限量賣幾多本,暫時資料欠奉,不過就有封面相睇住先,曹志豪Fans記得捧場。 相關資訊書展幫襯創造館攤位$200 送《我們,在創造。》特刊 (Jul 14, 2018) 又係要買 李健良書展推出A3油畫 (Jul 13, 2018)

Read more ›

書展必搶《七十二行》實體書
by / on 09/07/2017 at 1:00 pm

書展必搶《七十二行》實體書

今年書展,有一本書我係必買嘅,就係Eric Ng、Pen So同曹志豪擔頭嘅《七十二行》,唔使多介紹,淨係掟一咋參與畫手個大名出嚟,我諗都好難唔買。負責插圖嘅畫手有009、Alan Wan、Cha Cha Chan、Cody Chow、Cuson、Man Tsang、Noel Mok、Pariz Wong、Pen So、Peter Ng、Tony Yim、Yeung Siu、甘小文、白水、米奇、亞傑多、夏偉義、袁家寶、張君豪、曹志豪、梁光明、梁偉安、梁偉家、梁瑋豪、畢亦樂、陳科琳、葉明發、塵阿力、鄧達軒、蕭世順、戇男,主題當然係香港老行業,仲有文字介紹作補完,估計應該好襟睇吓。家陣封面曝光,型到一個點,唔買係你損失,我話嘅。 相關資訊很想要吧? 《阮大勇的影畫藝術》送戲飛紀念證 (Jul 13, 2018) 離晒譜!Pen So《香港災難》有老翻! (Jul 11, 2018)

Read more ›
網圖分享:Eric Ng的面書版「七十二大圖集」
by / on 29/06/2017 at 12:00 pm

網圖分享:Eric Ng的面書版「七十二大圖集」

好早知道大好人Eric Ng會聯同曹志豪推出《七十二行》實體畫集,畫集會喺書展出版,有三十幾個畫手參與,另有四十幾幅插圖,會集畫、相同文字於一身,我係好拭目以待嘅。書展未到,畫集未有得睇,但可以睇住面書版迷你「七十二大圖集」先,Eric Ng力邀眾畫手用Q版畫香港老行業,每星期Share十張畀大家欣賞。靚畫固然好睇,睇完,你又估唔估到畫緊乜老行業? 相關資訊Felix Ip x 人人搬屋 x Tinbot貨車機械人曝光 (Jul 7, 2018) 有啲唏噓 Cuson書展出《4張幾單身日記》 (Jul 2, 2018)

Read more ›
繼續義賣競投助貓狗 曹志豪+胡紹權+鄺志德出手
by / on 13/06/2017 at 9:15 pm

繼續義賣競投助貓狗 曹志豪+胡紹權+鄺志德出手

「沙律貓狗之家」慈善義賣競投停不了,今次再多四幅,分別係曹志豪《武林傳奇》、胡紹權《風臨城下》、鄺志德《龍影縱橫》同《神之領域》,底價各$500,截止日期6月14日12:00nn。一句到尾,除咗應該畀掌聲鄺志德外,我順便代汪星人同喵星人多謝你。 相關資訊鄺志德再報料 2018書展玉皇朝出《玉郎傳》 (Jun 21, 2018) 鄺志德報料 玉皇朝出《龍神》完全版 (Jun 20, 2018)

Read more ›
曹志豪《方新俠》4月22日開賣 限量1023本售$388
by / on 07/04/2017 at 7:21 pm

曹志豪《方新俠》4月22日開賣 限量1023本售$388

瀏覽曹志豪面書,先至勾番起些少印象,係喎,隱約記得曹志豪好耐之前講過會推出一本名為《方新俠》嘅作品架喎,唔覺唔覺我都淡忘咗。究竟去咗邊呢?不了了之?No!放心,原來此書會喺四月尾推出,限量1023本,每本$388,4月22日開賣,家陣有埋實體書個樣畀你睇,每本有獨立編號,不過只限書店發售,一般書報攤無影。或者你會問:「三舊幾水?咁貴嘅?」曹志豪都答埋呢個問題:「因為製作成本極貴,而且內藏方sir獨家投資心得。」明白晒! 相關資訊網圖分享:高水準鬼月賀圖晒冷 野士創工送《屍殺列車》記事簿 (Aug 31, 2016) 復活節漫道特賣場 漫畫海報$10有交易 (Mar 24, 2016)

Read more ›