Post Tagged with: "服務"

日本「先人AR悼念服務」 自選紀念性地點
by / on 21/08/2017 at 7:02 am

日本「先人AR悼念服務」 自選紀念性地點

日本人嘅創意可以去到咩程度?日本最近有公司研發出「先人AR悼念服務」,由墓碑雕刻公司「株式会社 良心石材」研發,用家可以幫已離世嘅親友自選地點,然後喺APP入面會見返佢哋嘅相或者片,用家可以揀選一啲有紀念性嘅地方,而APP入面嘅已故親人仲會留言俾用家。呢個服務每個月收費500円,包埋最多15年儲存骨灰服務,首年免費。 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›

【為呃Like】Facebook扮多朋友 日本新興出租朋友服務
by / on 15/03/2017 at 7:33 am

【為呃Like】Facebook扮多朋友 日本新興出租朋友服務

出租男女朋友淘寶都有,不過日本呢間「Family Romance」嘅公司就主打出租朋友,而目的係令你喺社交媒體「睇落好受歡迎」!可以根據個人喜好揀性別、年齡或者服裝,約好時間地點,呢班老臨就會出動,然後同你慶祝生日、BBQ,隨你鍾意,之後你就可以有好多相放上網,等人知你幾受歡迎,生活幾咁精彩。有「疑似」用家分享話佢試過租咗10個成員同佢喺東京酒店慶祝生日,又自備埋蛋糕一齊selfie。不過問題就嚟嘞,如果佢本身搵唔到10個朋友同佢慶祝生日,其實佢嘅社交網絡又有無咁多人關注或者睇佢嘅相呢?不過官方就話呢個服務可以俾你嘅僱主、同事或者前度男女朋友睇。好嘞,如果你真係有興趣,都要有返咁上下經濟能力先得,因為每次出租成員最少要book兩個鐘,盛惠8000円。如果想要10個朋友同你慶祝,埋單人頭費就要8萬円,即係港幣5千零蚊,仲未計食品、飲品、交通費等等開支,仲要兩個鐘內完成,呢個呃like行動睇落都幾貴吓,香港嘅霞姨可以考慮吓。 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›
【好賤】專業劇透服務登場 自動發劇透訊息俾仇人
by / on 27/06/2016 at 7:14 am

【好賤】專業劇透服務登場 自動發劇透訊息俾仇人

正所謂劇透死全家,所以呢個服務真係好賤。外國網站Spoiled.io提供嘅呢項劇透服務,只要俾美金$0.99,再提供埋「朋友」或者仇人嘅手機號碼,佢哋就會以匿名方式,將美劇《Game of Thrones》每集最精彩最重要嘅劇情,以文字訊息發送出去,當事人被迫睇劇情,避無可避,簡直比死更難受。可惜《Game of Thrones》今日播埋今季最後一集,不過呢個服務應該可以應用喺《The Walking Dead》或者其他劇集度,香港有無人有興趣開返間,然後不停被詛咒? 相關資訊【新片速報】日本模特兒影相途中「甩褲」 表現超專業Twitter熱傳 (Dec 29, 2016) 【有片】最新一話《龍珠 超》 小雲現身凌辱比達 (Dec 4, 2016)

Read more ›
手機App睇醫生   美國視像應診服務
by / on 27/10/2013 at 5:23 pm

手機App睇醫生 美國視像應診服務

有無試過病到落唔倒床睇醫生?假如醫生可以透過手機App應診,免除落床、換衫、落街、排隊等睇醫生嘅環節,聽落似乎幾爽。美國American Well最近向市民提供電話視像應診服務,每次10分鐘,收費$49美金,裝個apps就得,iOS同Android都有份。睇完攞張藥方可以托人去附近執藥,仲可以免除去診所交叉感染。聽落唔錯,不過要真正代替傳統睇醫生仲有好漫長嘅路,暫時都仲係試驗階段。 相關資訊【有片】美國大水浸喵星人被救出 人間有愛影片熱傳 (Sep 1, 2017) 【新片速報】美國棒球賽事「走貓」事件 曳貓場內奔走超可愛 (Aug 12, 2017)

Read more ›
日本中佬租借服務   1000円1個鐘
by / on 13/09/2013 at 7:39 am

日本中佬租借服務 1000円1個鐘

租男女朋友唔係新鮮事,不過發生喺日本,仲要出租嘅係40幾歲嘅中佬就真係大開眼界。呢間日本公司おっさんレンタル暫時只得兩個出租中佬,一個係係46歲型型哋,喺大阪教fashion嘅西本貴信,另一個就係前棒球員千藤三樹男,質素唔錯,價錢方面,唔係啩? 1000円1個鐘?人肉何價?!而且成個登記過程好高科技,睇啱可以放入網站嘅購物籃,入埋地址,中佬就會準時人肉上門同你傾心事,香港都不妨諗吓,應該好有market。 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›
機迷扮文青    遊戲封面訂製服務
by / on 04/09/2013 at 7:12 am

機迷扮文青 遊戲封面訂製服務

望吓自己書櫃,一本書都無,全部都係figure,再望吓電視櫃,塞滿一堆game碟,想扮文青?有辦法喎!外國機迷JamesBit自製咗一堆小說封面嘅遊戲封套,有BIOSHOCK、MASS EFFECT等等大路game,叠埋一楝放喺書櫃,書卷味即刻湧晒出嚟,阿媽入房執嘢唔會再吟你買咁多game,仲可能讚你學人睇英文書咁上進,$6美金三個封面,可以自己比名佢跟住整,唔駛運費,因為完成品會email比你自己印,幾好賺。 相關資訊日本網民分享訂製iPhone殼 似足生锈鐵板Twitter熱傳 (Jun 11, 2017) 日本機迷很忙錄 Online同時玩《FF11》6個角色 + 《DQ 10》2個角色 (Jun 1, 2017)

Read more ›

UPS推出3D印刷服務   唔印槍唔印pizza
by / on 03/08/2013 at 3:58 pm

UPS推出3D印刷服務 唔印槍唔印pizza

前幾日睇過使命必達嘅FedEx員工掟貨熱爆片,啱啱睇倒佢嘅對手UPS有新片出,今次係喺包括聖地牙哥嘅6間分店推出3D印刷服務,只要你send個圖樣過去,佢就可以用部貴到一般小企業買唔起嘅3D印刷機幫你印好,再速遞埋去指定地方,不過最搞笑係好多人喺佢YouTube留言問可唔可以印支槍,UPS專人好快手,即時回覆叫佢唔駛諗,槍同埋槍嘅配件都唔會印,Facebook仲有人留言問有無得印pizza,官方就話最好唔好,因為應該唔多好食,妙問妙答,好過好多企業成日左閃右避。 相關資訊【有片】好嬲好嬲被認出 日本速遞員狂掉狂踢貨件 (Dec 24, 2016) 新片速報 Skittles彩虹糖分色機 3D印刷唔駛用手 (Sep 14, 2015)

Read more ›