Post Tagged with: "杯麵"

合味道杯麵變豆腐     超低卡路里減肥都啱
by / on 13/08/2017 at 1:46 pm

合味道杯麵變豆腐 超低卡路里減肥都啱

日清最出名係合味道杯麵,不過最近佢哋就推出標榜無麵嘅杯麵,正確啲講係杯湯先啱,麵條變咗做豆腐,有兩款味道,分別係豚骨豆腐同担担豆腐,前者有九州豬骨湯底,後者就辣辣哋夠晒開胃,最重要係超底卡路里,一杯唔夠76卡路里!用嚟當零食醫吓肚都抵。8月21日開始有得買,開價170円。唔知阿信屋會唔會返貨呢? 相關資訊【時空操作】日本網民分享減肥傳單 度門點解變窄咗? (Aug 16, 2017) 日本合味道出鮑魚杯麵 下周一發售 (Apr 18, 2017)

Read more ›

合味道杯麵黑湯底 墨汁新口味食完烏卒卒
by / on 20/07/2017 at 7:26 am

合味道杯麵黑湯底 墨汁新口味食完烏卒卒

黑色湯底嘅合味道杯麵,鐘意食墨汁麵嘅應該會想試吓嘞!個名叫做黑海鮮,湯底烏卒卒,仲要係BIG特大裝,食完個嘴應該會變黑唇,不過食得杯麵都係喺屋企居多,無所謂啦。餸方面有魷魚呀、蛋呀、白菜呀嗰啲,7月31日開始全國發售,每杯205円,去開日本見到記住買嚟試吓嘞! 相關資訊【圖集】超型黑色Latte網上大熱 IG大量靚相分享 (May 18, 2017) 黑色「殭屍喵」超可愛 兩隻牙仔又長又尖IG大熱 (Nov 2, 2016)

Read more ›
合味道杯麵迷你版模型    日本官方貼圖3分鐘砌好?
by / on 16/06/2017 at 7:50 am

合味道杯麵迷你版模型 日本官方貼圖3分鐘砌好?

日清杯麵嘅日本Twitter成日都有正嘢睇,唔駛等愚人節都大把古怪產品。最新有呢款杯麵模型,官方仲問要砌好佢需唔需要3分鐘時間?睇返個模型,個杯分拆成兩半,再加麵餅一個,仲有支叉仔。最正係啲配料,有蔥、蝦、肉同最頹嘅雞蛋,都預咗佢唔會量產,但見到都好想買。網民仲貼埋多啦A夢嘅圖做回應。BTW,日清最近出咗個名為「Hungry Days」嘅新CM,好正,另外亦有最近嘅整蠱圖回帶,入嚟有得睇。 相關資訊日本喵星人背影相Twitter熱傳 網民熱烈改圖 (Aug 21, 2017) 日本海膽食捲心菜 奇妙相片Twitter熱傳 (Aug 19, 2017)

Read more ›
【好想試】東京米芝蓮一星拉麵店    新出杯麵網民激讚
by / on 04/06/2017 at 1:10 pm

【好想試】東京米芝蓮一星拉麵店 新出杯麵網民激讚

位於東京嘅拉麵店「鳴龍」一直係長龍店,上年仲拎埋米芝蘭一星,成為日本人心目中第二好味嘅東京拉麵店!雖然好想試,但望見條長龍‥‥‥最近日清杯麵同佢哋合作,推出咗呢款鳴龍杯麵,選咗鳴龍最出名嘅擔擔麵湯底,而家開始便利店有得買,每杯200円,網民試過都話勁正,麵質出色之外湯底都好正,話已經超越咗杯麵嘅級數,有人仲話食完忍唔住即日去買多杯,睇完好想試!去開日本記住買嚟試吓,仲可以買多杯做手信。 相關資訊東京變化大 同一地點10年前後 (Aug 21, 2017) 【悲劇】日本曳狗咬爛主人銀紙 網民出圖救亡 (Aug 17, 2017)

Read more ›
真係食到麵?日本合味道《Final Fantasy》膠叉之劍
by / on 02/05/2017 at 1:13 pm

真係食到麵?日本合味道《Final Fantasy》膠叉之劍

之前日本合味道同《Final Fantasy》合作出咗套Boss Collection版合味道杯麵,最正特典嗰把劍……啱啱有日本機迷出圖喇,咦?原來真係應該用嚟食杯麵…… 相關資訊發售日確定 格鬥FF《DISSIDIA FINAL FANTASY NT》1月11日PS4發售 (Aug 18, 2017) 《Final Fantasy XV》Cosplay 野外露營很重要 (Aug 2, 2017)

Read more ›
日本推出抹茶杯麵 港女合味道
by / on 10/01/2017 at 10:14 pm

日本推出抹茶杯麵 港女合味道

抹茶呀!日清合味道杯麵喺日本會推出新口味「カップヌードル 抹茶 抹茶仕立てのシーフード味」,係抹茶海鮮味……希望佢遲啲出埋紫薯同拉絲杯麵啦,咁就唔駛出街食飯啦。除咗呢個之外,仲會有「日清焼そばU.F.O. 梅こぶ茶 梅こぶ茶の旨み広がる塩焼そば」梅味昆布鹽味同「日清のどん兵衛 すき焼き 肉汁の旨みたっぷりすき焼き風うどん」壽喜燒肉汁味,1月23日發售,180円,又可以買番酒店之後晚晚食唔落最後帶返香港喇…… 相關資訊【新片速報】日本熱傳恐怖「唱歌魚」 每間屋總有一條 (Aug 22, 2017) 【大量新圖】日本刺猬仔cafe遊日必到 歡迎餵食或抱上手 (Aug 22, 2017)

Read more ›

日清合味道杯麵好創新        出完「糖果」出「潤唇膏」嚇親網民
by / on 20/12/2016 at 7:53 am

日清合味道杯麵好創新 出完「糖果」出「潤唇膏」嚇親網民

合味道杯麵出嘅糖,你敢唔敢試?有海鮮味、咖喱味、辣蕃茄味‥‥‥又咸又甜感覺怪怪哋。張相由官方喺Twitter放出嚟,網民即時狂share,有人話可以加粒落杯麵度加料。睇返佢哋twitter,之前仲post過杯麵潤脣膏,睇見都打冷震呀!不過其實日清杯麵成日都會post啲特別產品喺Twitter,不過多數都唔會推出嘅,都係玩吓啫。 相關資訊【相集】日本喵星人跳到咁高 企起身攝位超搞笑 (Aug 18, 2017) 日本銀座高級壽司放題 每位3990円Twitter熱傳 (Aug 18, 2017)

Read more ›
【有片】風筒 + 杯麵 官方教浮空好易玩
by / on 16/12/2016 at 11:33 pm

【有片】風筒 + 杯麵 官方教浮空好易玩

有冇食過「どん兵衛」?咁有冇玩過?官方Twitter就出咗影片,教大家點玩,就係用風筒吹到個杯麵浮喺空中,有啲無聊,但又即時想試吓喎,我諗首先係要個杯麵碗個底有個凹位先得。 相關資訊日本Cup Noodles投票 香港代表「香辣海鮮/XO醬海鮮」有機揚威 (May 11, 2016) 【有片】骨膠原漿住個嘴 合味道出貴價水魚湯/魚翅湯杯麵 (Mar 29, 2016)

Read more ›
【有片】日清合味道 X 《Final Fantasy XV》 水煲魔法牆 Luna食杯麵
by / on 05/12/2016 at 2:59 pm

【有片】日清合味道 X 《Final Fantasy XV》 水煲魔法牆 Luna食杯麵

呢個唔係Bug,真係合作嘅,《Final Fantasy XV》同日清Cup Noodle出咗條宣傳片,有水煲有大量杯麵,呢個幻想3分鐘搞掂。 相關資訊新片速報 無敵嘅黑衣 《Final Fantasy XV》更新 最強服裝出場 (Jul 31, 2017) 【有片】有時差?大陸日產新車宣傳 同《FF XIII》雷姐合作 (Jul 23, 2017)

Read more ›
【有片】中國司機揸車食杯麵被停職    日本網民:「喺漫畫見過!」
by / on 07/11/2016 at 7:14 am

【有片】中國司機揸車食杯麵被停職 日本網民:「喺漫畫見過!」

中國經常都會發生離奇事件,最近有單新聞講有個喺合肥開公車嘅女司機喺駕駛期間食杯麵,仲要俾人影到放上網,件事傳開咗之後而家個司機已經被停職。咁日本都有網民睇到放上2ch討論,留言好精警,例如:「食麵包呢啲單手可以做到嘅都明白,但杯麵要雙手食喎」、「如果食冷凍蕎麥麵仲勁」、「喺漫畫入面見過」、「係咪自動駕駛車?」不過原來日本都有:「我喺日本都見過貨車司機一邊食杯麵一邊揸車」、「我都見過,用手肘頂住軚盤嚇死人。」各位駕駛人士,都係唔好挑戰,太危險嘞! 相關資訊【有片】日本ARuFa新作 夏物大合奏 (Aug 21, 2017) 外拍唔容易 日本攝影師瞓身落水影Doll (Aug 21, 2017)

Read more ›
徇眾要求商品化 日清奇妙紙袋賣300円
by / on 18/10/2016 at 3:17 pm

徇眾要求商品化 日清奇妙紙袋賣300円

日清Cup Noodle個fb專頁成日都玩嘢出嚟奇怪產品圖,多數都係改圖啫,唔係真嘅。不過今次呢個「お湯入れとる紙袋」,之前5月24日出咗圖,官方話因為好多網民留言要求,實際我諗係又容易製作啦,所以真係會實體化!即日喺online shop有得買,300円一個咋喎。 相關資訊【海鮮杯麵洗頭水】不合理合味道圖集 官方Twitter多嘢睇 (Dec 9, 2015) 有片:錦織圭合味道杯麵廣告 火燄網球射爆《Space Invaders》 (Nov 24, 2015)

Read more ›

【超想要】日清合味道罐裝「生杯麵」 即開即食唔駛等
by / on 30/09/2016 at 7:34 pm

【超想要】日清合味道罐裝「生杯麵」 即開即食唔駛等

呢個好似罐啤酒咁嘅日清「生カップヌードル」雖然未必好食,但就好有型,而且真係食得,即開即食!可惜,係非賣品,要喺日本官方網上買2,000円,呢個唔難,但係只有頭10,000個會有呢個套裝……我地唯有睇吓算啦。 相關資訊日本水瀨仔握手會 只限20名粉絲參加 (Aug 21, 2017) 日本喵星人性感坐姿 假扮人類原形畢露 (Aug 21, 2017)

Read more ›
日本網民加料 海鮮杯麵加芝士超邪惡
by / on 21/09/2016 at 7:13 am

日本網民加料 海鮮杯麵加芝士超邪惡

日清杯麵45週年紀念出咗好多特別版杯麵,其中10倍「謎肉祭」就好有話題性,仲好難買。而今次有日本網民就買咗款海鮮杯麵,仲自己加料,喺7-11買咗嚿芝士,然後放埋入去焗,大大塊三角形芝士極邪惡,完成品仲睇到啲芝士貼喺麵條上,好吸引!今晚試吓先。 相關資訊日本「先人AR悼念服務」 自選紀念性地點 (Aug 21, 2017) 【有片】日本網民飛機上影雲 完美立體爆10萬RT (Aug 20, 2017)

Read more ›
日本杯麵美少女擬人化 五姊妹陪你戀愛8分鐘
by / on 20/09/2016 at 4:14 pm

日本杯麵美少女擬人化 五姊妹陪你戀愛8分鐘

點解8分鐘呢?因為5分鐘淥麵,3分鐘陪食,啲囡囡食完就走o架喇。「日清ラ王」新發售嘅5款拉麵,美少女擬人化再由豪華聲優聲演,「お湯5分、食べる3分 マジで恋する8分間」。當中有「内田真礼」、「早見沙織」、「洲崎綾」,同埋雙子聲優「松田利冴」、「松田颯水」,而且可以裝個app玩埋AR……220円,8分鐘,好快,初戀完咗喇。 相關資訊日本3字頭女生部屋 唔需要男朋友? (Aug 20, 2017) 【有片】奇蹟共演 日本「鶴見川花火大會」爆閃雷電、煙花 (Aug 19, 2017)

Read more ›
【行山專用】日清杯麵型煮食器 銀色鈦製夠特別
by / on 27/07/2016 at 7:12 am

【行山專用】日清杯麵型煮食器 銀色鈦製夠特別

有啲嘢用途唔係最重要,最緊要型。好似日本新出嘅呢個合味道杯麵形狀嘅煮食器,專為慶祝日本嘅「山の日」而設計,最正係用咗鈦(Titanium)製造,銀色外形好特別,仲好實用,啱晒鍾意行山或者露營嘅朋友。其實日清之前都出過類似產品,不過今次用咗綠色手柄。而家樂天仲有少量貨,賣緊8424円,行山友不妨買返個型吓或者傍吓身。 相關資訊日本喵星人夏天專用屋 藤製蘋果屋超涼爽 (Jun 7, 2017) PS4金銀機公佈 6月9日香港行貨到 (Jun 6, 2017)

Read more ›