Post Tagged with: "步驚雲"

網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊《古惑仔》送手機貼紙 鷹靚定龍靚? (Oct 7, 2017) 邱福龍《鐵將縱橫完全版封面畫集》 唔買係你損失 (Aug 23, 2017)

Read more ›

絕世好劍重鑄成功 步驚雲雕像再次開放
by / on 05/10/2017 at 10:00 am

絕世好劍重鑄成功 步驚雲雕像再次開放

時間過得真係好快,九龍公園漫畫星光大道個步驚雲雕像斷劍,原來已經係7月嘅事,而有關部門做嘢亦俾想像中快,10月頭已經整番好把絕世好劍。馬榮成喺面書登相可以佐證,雕像四周再無圍欄,重新開放俾遊客參觀打卡,恭喜晒。 相關資訊展出聶風火麒麟雕像 驗明真身落訂唔遲 (Oct 10, 2017) 服! $8300個聶風火麒麟雕像! 8日賣晒50個! (Oct 7, 2017)

Read more ›
有片:《風雲》大總結 郭富城+鄭伊健始終最好
by / on 27/07/2017 at 10:30 pm

有片:《風雲》大總結 郭富城+鄭伊健始終最好

馬榮成喺facebook上咗條片,總結咗《風雲》由原著漫畫衍生出嚟嘅各種項目,包括電影《風雲:雄霸天下》、《風雲II》、電視劇《風雲:雄霸天下》、《風雲》Online Game、《風雲大型舞劇》、《風雲5D音樂劇》同動畫等等。睇完真係不勝唏噓,慨嘆時光飛逝,幾時都話元祖係最好,鄭伊健飾演嘅聶風同郭富城飾演嘅步驚雲始終最討好,首主題曲又好聽,啲甚麼音樂劇同大型舞劇呢…… 相關資訊聶風火麒麟雕像開訂 $8300你買唔買? (Sep 24, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›
步驚雲不敵風吹雨打 絕世好劍斷開兩截
by / on 25/07/2017 at 9:30 pm

步驚雲不敵風吹雨打 絕世好劍斷開兩截

幾鋒利嘅刀都有生銹嘅一日,絕世好劍也不例外。瀏覽馬榮成面書,得悉擺喺九龍公園香港漫畫星光大道嘅步驚雲塑像,因抵受唔住日曬雨淋And風吹雨打,插喺地下嘅絕世好劍斷成兩截,劍身仲出現爆邊情況。唉,此一斷劍,令我諗番起N年前訪問過有嗰句講嗰句嘅林祥焜,佢大鬧政府唔尊重港漫,將啲塑像置放露天地方,無瓦遮頭,不出三兩年一定又殘又爛又污糟,好應該認認真真起個永久性港漫博物館,落力宣傳發展成為旅遊點云云。唏噓呀,真係俾林祥焜不幸言中喇,希望有關方面做多啲保養工夫喇。 相關資訊網圖分享:笑爆嘴二創 麒麟魔變麒麟球單車 (Sep 13, 2017) 《天下》Fans又要破財 聶風雕像不日推出 (Sep 12, 2017)

Read more ›
聶風+步驚雲又出手 馬榮成推出《風雲》威士忌
by / on 18/04/2017 at 10:00 am

聶風+步驚雲又出手 馬榮成推出《風雲》威士忌

瀏覽面書,但見馬榮成有以下留言:「《風雲》即將推出限量威士忌酒,絕對是成人的收藏。」幾錢?幾時推出?點買法?限量幾多?暫時統統未有資料,不過有相睇。齋睇相,個人認為酒盒係好靚仔嘅,純白底聶風加步驚雲,構圖簡簡單單無得輸,開盒,見有風雲招紙威士忌兩支,兼有「金鱗豈是池中物,一遇風雲便化龍」字句,堪稱集體回憶返晒嚟,《風雲》迷一定Like,唔太天價的話,我諗好多港漫迷都會爭住買。 相關資訊上官小威添食 復刻馬榮成《小鐵漢》與《風雲徙置區》 (Sep 7, 2017) 馬榮成籌備珍藏級風雲雕塑!究竟賣唔賣? (Aug 25, 2017)

Read more ›
網圖分享:木頭上的風雲/馬Sir/華英雄 崔成安贈畫馬榮成
by / on 11/04/2016 at 10:30 pm

網圖分享:木頭上的風雲/馬Sir/華英雄 崔成安贈畫馬榮成

心心眼呀!我好想要呀!話說馬榮成喺面書留言曰:「插畫家崔成安夫婦在加拿大一年一度回來旅行休息。他們還送我一個親手繪製,用木去畫的畫板給我。相當之珍貴。另外,他的學生Steven亦是我作品的擁躉,他也親自做了一個給我。他工作時間足足用了一個星期才完成的作品,相當之有心。」華英雄、聶風、步驚雲同馬榮成線條畫得咁細緻,直頭係見得街嘅公仔書內文質素,木製畫板究竟有乜難度呢?用乜嘢筆畫嘅呢?使唔使起鉛筆稿呢?如果要,又點起呢?好想知! 相關資訊好消息!《雙節棍連環圖譜》搞多次簽名會! (Oct 5, 2017) 《雙節棍連環圖譜》發佈會 搶崔成安電影系列海報 (Sep 30, 2017)

Read more ›

【編輯Blog】尉遲一:馬榮成,真有你的!
by / on 11/12/2014 at 10:00 am

【編輯Blog】尉遲一:馬榮成,真有你的!

對馬榮成,很多讀者是又愛又恨的,我則無愛無憎。 看連環圖罷了,覺得好看就買,不好看就罷買,若介乎兩者之間,可以的話就戒買不戒看,一味菠蘿雞靠黐,跳看漏看一期半期沒所謂,而事實上《風雲》我看到絕無神一段也沒有追看了,初頭還會刻意黐看朋友同事的,去到後來連黐看的動力也沒有了,因為故事實在太爛,此之謂無愛無憎。那何謂又愛又恨呢?身邊這類朋友不少,就是邊怨邊買,邊看邊詈罵,每次見書報攤有新一期《風雲》即買,邊揭書邊呻悶,呻完,又會悻悻然將之好好收藏;更有甚者,買書已儼如呼吸般自然,不買會窒息,他們自嘲買的是《風雲》精美封面,買來儲,買來止止心癮,內文根本不看。 相關資訊《天使的微笑》展覽移師動漫基地續辦 買畫集做善事 (Sep 8, 2017) 動漫基地Art Jam 八大畫手創作《茂蘿巴屍打聯盟》 (Aug 2, 2017)

Read more ›
《天下》最後一期連載 買番本向馬Sir致敬
by / on 05/11/2014 at 11:00 pm

《天下》最後一期連載 買番本向馬Sir致敬

聶風,鄭伊健;步驚雲,郭富城,不能否認《天下》帶畀我好多睇公仔書嘅歡樂,亦不能否認馬Sir畫功天下無敵,不過又不得不利申,打從絕無神一段起我已經 再無撐《天下》,不過又不過咁,《天下》12月1日出最後一期,為向馬Sir致敬,我都會買埋呢期嘅。 相關資訊網圖分享:馬榮成教仔 做嘢唔好怕蝕底 (Jul 20, 2017) 網圖分享:《迷離世界》出雙特別版 港漫人贈畫 (Jun 13, 2017)

Read more ›
有片:《風雲》合璧 舞台版摩訶無量
by / on 22/10/2014 at 10:30 pm

有片:《風雲》合璧 舞台版摩訶無量

仲記唔記得聶風同步驚雲聯手施展一招無訶無量,先殺敗到天下會幫主雄霸?漫畫版《天下》完結在即,但風雲仲可以喺現實世界施展無訶無量,不過要跳上舞台。舞台?係,大型舞劇《風雲》,你有無興趣睇䏲? 相關資訊《天下畫集》666期 兩版本合併雙封面 (Feb 27, 2014)

Read more ›
網圖分享:老馮橫刀扇畫 夠挑馬Sir機
by / on 26/09/2014 at 10:00 am

網圖分享:老馮橫刀扇畫 夠挑馬Sir機

  馮志明手畫得唔得?我諗無人話唔得啩?Lai Chwing Churn剛剛喺面書登咗一幅馮志明親筆畫,但見馮志明用擅長嘅沙筆畫法喺紙扇揮毫,筆觸過處,橫刀躍然扇面,單臂一伸,冷眼回眸,大有一夫當關之勢。 相關資訊上官小威復刻《金漫畫》 星級陣容每本$98 (Sep 24, 2017) 馮志明《兄弟》同《小偷》 上官小威不日復刻 (Sep 13, 2017)

Read more ›
馬榮成出手 2014世界盃起風雲
by / on 02/06/2014 at 3:30 pm

馬榮成出手 2014世界盃起風雲

世界盃都關聶風同步驚雲事,係喎,聽落都覺風馬牛不相干呢,但睇落呢,又包你話正斗喎。講緊嘅係馬會為宣傳世界盃,搵馬榮成露兩手,依家入投注站撞到風雲兩師兄弟,唔使驚奇喎。 相關資訊今期必買 《香港電影金像獎特刊》+《我們都是這樣看港漫長大的》 (Apr 11, 2017) 漫畫星光大道週年同樂日 主筆親筆畫板曝光 (Jan 19, 2017)

Read more ›

網圖分享:風雲無名,唔該畀罰款!
by / on 24/10/2013 at 2:00 pm

網圖分享:風雲無名,唔該畀罰款!

笑爆嘴嘅一張惡搞圖,事源港鐵推出「MTR x 風雲紀念車票」,一套三款,三款三個情景造型,分別有聶風衝閘、步驚雲坐地鐵出口頂、無名車廂拉二胡,型係型呀,不過原來犯咗港鐵附例呢。

Read more ›
MTR x 風雲紀念車票套裝 十月開售
by / on 25/09/2013 at 7:53 pm

MTR x 風雲紀念車票套裝 十月開售

馬榮成又屈水嘞,今次聯乘港鐵推出MTR x 風雲紀念車票套裝,好靚呀,好型呀,好集體回憶呀,十月開賣我買硬呀,係馬Sir咋,俾佢屈都屈得心甘情願。

Read more ›
Hot Toys出步驚雲Figure 套衫識飛個樣真係死
by / on 20/07/2013 at 12:32 pm

Hot Toys出步驚雲Figure 套衫識飛個樣真係死

馬勞成編繪,《風雲》中嘅不哭死神步驚雲都唔係第1次出Figure,但今次慶祝漫畫推出25週年交到本地龍頭蜚聲國際嘅Hot Toys手上,理應非常靠得住。官方啱啱發咗圖,講真,唔放大嚟睇,佢套衫同把絕世好真係好像真,一貫精細,但睇真啲個頭雕,我真係雕咗一聲。你就不器死神,fans見到就喊出嚟。好快會有更多消息,希望會有所改進啦。 相關資訊【有片】Hot Toys都玩Stop Motion 丹爺戰白兵 (Dec 15, 2016) 【宇宙級】有片 俄羅斯100%像真頭雕 真人一樣夜晚實嚇親 (Jan 22, 2016)

Read more ›
王小虎
by / on 01/08/2012 at 2:00 pm

星光大道下的王小虎著Leggings?

黃興豬戥《刀劍笑》未能入圍不值、馮志明話唔抹殺所有入圍單位對港漫嘅貢獻、余兒為《吾命騎士》明明有份但Last被飛出局深深不忿, 相關資訊裸體雕塑着返衫 法國攝影師神級PS技術 (Aug 15, 2017) 【圖集】超型8bit木刻雕塑 木頭人起晒格 (Aug 12, 2017)

Read more ›