Post Tagged with: "比賽"

邊個夠我瞓得衰? 日本Twitter寵物「瞓覺衰樣大賽」
by / on 11/02/2018 at 2:18 pm

邊個夠我瞓得衰? 日本Twitter寵物「瞓覺衰樣大賽」

呢兩日日本嘅Twitter好多正相睇,啲主人輪住放自己寵物嘅瞓覺衰相上嚟,加埋hashtag「#飼い主の心臓に悪いペットの寝相コンテスト」,全部參賽作品都好高質,超搞笑。有狗仔、白兔仔、老鼠仔,不過最多都係貓,證明喵星人瞓起上嚟真係可以好樣衰好盡情。大部份都反晒白眼伸晒脷,唔知以為佢哋突然暴斃,真係會嚇親主人。入嚟有得睇晒,睇完再望吓自己嘅寵物,有無得鬥? 相關資訊【有片】呢啲就係專業!網民讚好靚 日本迪士尼「女王」演員超高傲回應 (Feb 25, 2018) 日本畫師新作 動漫主角剪影內藏名場面 (Feb 25, 2018)

Read more ›

【圖集】超高質攝影比賽頒獎禮 冰天雪地自然生態
by / on 06/12/2017 at 7:46 am

【圖集】超高質攝影比賽頒獎禮 冰天雪地自然生態

又到年尾頒獎禮時間,最新有呢個攝影比賽「SIENA International Photo Awards」,勝出作品嚟自世界各地嘅攝影師,題材包括冰天雪地、自然生態、旅行冒險等等,全部都好高質,入嚟有得慢慢睇。 相關資訊日本玩具攝影師新作 星際勇者救藪貓連環圖 (Feb 17, 2018) 【圖集】日本飛沙攝影新作 《動物朋友》決戰星戰白兵 (Jan 1, 2018)

Read more ›
【有片】日本nanoblock創作比賽 超強精選作品圖集
by / on 06/12/2017 at 7:08 am

【有片】日本nanoblock創作比賽 超強精選作品圖集

nanoblock由2008年起每年喺日本都會舉辦創作比賽,今年啱啱公佈咗得獎名單,勝出作品有螃蟹、透明雨傘、結他等等,全部都好高質,官方仲拍攝咗段短片,收錄埋其他精彩參賽作品。而之前勝出嘅作品好多都已經量產化,包括納豆、望遠鏡、滅火筒等等,全部都好正,入嚟有得回帶慢慢睇。 相關資訊日本「貓島」太多貓要絕育 今年成功申請基金 (Feb 24, 2018) 日本爸爸拎錯喼 開會發現入面係cosplay服 (Feb 24, 2018)

Read more ›
【圖集】日本Twitter動物得意相比賽 超強參賽作品
by / on 05/12/2017 at 7:13 am

【圖集】日本Twitter動物得意相比賽 超強參賽作品

仲記唔記得之前報導過日本有隻笠晒唔同膠套上身嘅喪喵?輯相勁好反應,細心啲會發現樓主加咗個hashtag「JMoFペット自慢大会」。其實呢個係每年一度嘅動物集會,嚟緊會喺18年1月5-7日喺豐橋市舉行,不過活動前大會就喺Twitter預演一個靚相大賽,而家儲落好多參賽作品,有貓仔狗仔蜥蜴仔,全部都勁可愛好高質,入嚟有得睇。 相關資訊【有片】羽生結弦練習片Twitter熱傳 網民大讚好可愛 (Feb 24, 2018) 【相集】「羽生結弦」練習相Twitter熱傳 大量相片fans要睇 (Feb 23, 2018)

Read more ›
【有片】跑步比賽攝影師跑得快過選手 日本網民:「超厲害!」
by / on 20/08/2016 at 1:33 pm

【有片】跑步比賽攝影師跑得快過選手 日本網民:「超厲害!」

睇賽跑比賽,我哋通常只會留意一班跑手,其實背後揸攝影機嘅大哥都好厲害。呢段片唔係最新,不過最近喺日本2ch討論區俾人回帶熱烈討論,未睇過嘅要睇嘞。話說影片見到一班跑手起勢衝去終點,喺賽跑線旁邊嘅攝影師一直追住佢哋拍,zoom遠少少睇,嘩,原來呢位攝影師大哥跑得仲快過班跑手,好堅!有網友就留言話:「中途唔記得咗自己要攝影,落咗力跑」、「仲搶眼過班選手!」不過有人質疑可能呢場係長跑,但有人就反駁話:「就算係長跑最尾段選手都會爆發,而且攝影師拎住咁重器材。」不過其實呢段只係宣傳能量飲品嘅廣告片,導演Jake S Wynne模擬返南非賽跑嘅場面嚟曲線宣傳,當年好多人都俾佢呃到,估唔到今時今日都仲work。 相關資訊【相集】日本攝影師超靚相集 東京大雪全紀錄 (Feb 9, 2018) 宇宙最崩壞攝影師 全家變LEGO人網上熱傳 (Jan 16, 2018)

Read more ›
【狂吞熱狗比賽】10分鐘食62個熱狗 天生瘦底大胃王
by / on 06/07/2015 at 7:09 am

【狂吞熱狗比賽】10分鐘食62個熱狗 天生瘦底大胃王

唔講唔知,原來美國有好出名嘅食熱狗比賽Nathan’s Famous Hot Dog Eating Contest,星期六啱啱完成賽事,冠軍嘅Matt Stonie成功喺10分鐘內豪吞咗62個熱狗!即係平均10秒食1個。今次佢打破咗長勝將軍Joey Chestnut嘅8連勝紀錄,攞咗條金腰帶返屋企,睇相見佢食成咁真係鄧佢辛苦。原來佢來頭唔簡單,贏過好多比賽,例如8分鐘食14.5磅生日蛋糕、5分鐘食182塊煙肉、6分鐘食10.5磅乳酪,乜都啱食,難得佢仲咁瘦,同日本女大胃王木下優香鬥嘅話,唔知邊個勁啲? 相關資訊【有片】日本超肥美熱狗腸 可愛柴犬爛瞓片Twitter熱傳 (Apr 12, 2017) 【犯規】日本「黑毛和牛燒肉熱狗」賣300円 京都車站附近有得食 (Mar 25, 2017)

Read more ›

新片速報    狗狗打乒乓波百發百中    想上枱博犯規
by / on 05/04/2015 at 4:00 pm

新片速報 狗狗打乒乓波百發百中 想上枱博犯規

狗狗對球類物體特別有興趣,追波玩得叻,估唔倒乒乓波都難佢唔倒!呢隻狗狗超鐘意同主人玩乒乓波,用口代手咬住塊球拍,基本上百發百中,個樣仲好得戚,一邊打一邊嗚嗚叫,十足職業級選手咁款,係唔識落西唧。睇佢經常想上枱打,好想提佢:「咁樣係犯規架!」 相關資訊日本狗狗禦寒大法 瞓床褥冚被超可愛 (Jan 30, 2018) 【相集】日本狗狗遇大雪超興奮 超靚相集Twitter熱傳 (Jan 23, 2018)

Read more ›
新片速報   狂包bubble紙玩摔角     紙感謝日玩激啲
by / on 29/01/2015 at 7:05 am

新片速報 狂包bubble紙玩摔角 紙感謝日玩激啲

我好鍾意玩bubble紙,原來每年1月26日都係bubble紙感謝日(Bubble Wrap Appreciation Day),早知買返兩卷返屋企啪吓賀吓佢。Youtube頻道Dude Perfect最近都拍咗條片賀一賀呢個節日,好正。片中幾位參賽者用Bubble紙包實自己,然後做啲極無聊嘅嘢,例如玩踩蕉皮啦、射擊啦,不過最正都係全身包咗幾層厚嘅bubble紙,然後玩摔角,鬥撞對手出圈外,玩到癲起上嚟,索性成個人凌空跳起再責落對手身上,似乎無斷氣,無乜問題,搞到我都想試吓。 相關資訊有片:高爾夫球射爆美國隊長 航空母艦命中四百碼魚網 (Mar 16, 2015) 有片 bubble紙是怎樣煉成的 製作影片曝光 (Oct 8, 2014)

Read more ›
旅行住阿爾卑斯山纜車     9000呎高免費瞓返晚
by / on 29/01/2015 at 7:01 am

旅行住阿爾卑斯山纜車 9000呎高免費瞓返晚

去旅行,住邊度都好重要,如果住阿爾卑斯山上9000呎高嘅纜車車廂,真係型到震兼凍到震。今次係旅舍網站Airbnb嘅新宣傳招數,喺佢哋網站留言,留得最好嗰一位就可以喺呢個車廂入面免費瞓一晚,入面仲有張雙人床同埋基本傢俬,咁好瞓,就算郁郁吓停咗都唔怕。BTW,Airbnb啲宣傳都幾正,之前試過送一晚住IKEA舖頭,又試過瞓飛機機艙,住呢啲地方,喺facebook打卡肯定呃倒大量like。 相關資訊【玩命】同鯊魚一齊瞓 Airbnb又有新主題房 (Apr 1, 2016) 【文青必住】Airbnb又有新主題房 梵高名畫真實版$10住一晚 (Feb 11, 2016)

Read more ›
高質閃光彈    結婚相都有比賽     得獎作品相集
by / on 18/01/2015 at 12:40 pm

高質閃光彈 結婚相都有比賽 得獎作品相集

上Facebook成日誤中閃光彈,其中最常出現嘅就係結婚相,而大部份結婚相其實都係相當搞笑嘅,例如好地地兩個人含情默默互望,但係又忍住唔准笑,其實都幾詭異。講返正題,原來結婚相都有比賽,有個國際專業婚紗攝影師協會,入面有好多得獎結婚相,有啲影到好似去咗魔戒嘅精靈居住地咁,有啲兄弟團食雪茄十足電影《教父》咁,仲有扮ONE PIECE嘅夕陽相,估唔倒鬼佬都好呢味。 相關資訊超高質玩具攝影連環圖 Kylo Ren食壽司被跣淥親 (Dec 19, 2017) 日本飛沙攝影新作 兵長決戰「六子奇行種」 (Dec 12, 2017)

Read more ›
福龍改制 機械人改名免紅
by / on 16/12/2014 at 4:45 pm

福龍改制 機械人改名免紅

有無響應福龍呼籲,幫佢手諗諗機械人書名呀?有定無都好,家陣佢改制,除咗限五個中文字之內,仲話明有三組字唔准用,獎品照舊有親筆畫板一大張,比賽則順延至下周一。且睇睇福龍面書留言:「機械人書名改名賽名中不能有中國、魂,赤的字眼出現…请…大家再幫忙諗諗……我想書名要比較新潮……下週一截止!請再大力支持……!!福龍留字!」點解限唔用呢三組字?估計唔想形象咁「紅」啩? 相關資訊買《山海逆戰》送2018年曆卡 (Jan 25, 2018) 【有片】隨時嘟錯俾錯錢 中國租單車有假QR Code (Jan 17, 2018)

Read more ›

鬍鬚都有比賽?雲集鬍鬚界精英鬥餐死
by / on 03/11/2014 at 7:09 am

鬍鬚都有比賽?雲集鬍鬚界精英鬥餐死

鬼佬出名多鬚,閒閒哋生到落心口都係等閒事。既然天生異稟,當然要搞咗個鬍鬚比賽等一班留鬚者有得曬吓命,每年一度嘅鬍鬚比賽今年喺Portland舉行,參賽者全部有一抽10年無剪嘅鬍鬚把關,有人玩嘢變做蜂巢,有人搞到佢好似八爪魚咁款,千奇百趣,無鬚或者準備留鬚嘅都可以入嚟參考吓。 相關資訊【囡囡狂玩】長髮變鬍鬚post相熱潮 天生靚女留鬚都可愛 (Dec 7, 2015) 【點洗呀大佬?】閃粉鬍鬚男殺到 聖誕狂野造型好難跟 (Nov 24, 2015)

Read more ›
© Alamsyah Rauf
by / on 28/09/2014 at 11:37 am

有相有真相 攝影比賽免費參加

一張相勝過千言萬語,呢兩日睇新聞相片,有良知嘅人都會明白誰是誰非,如果去到現場,一定要影多啲相再分享,令更多人關注。講返今次嘅報導,Sony World Photography Awards 2015 最近開始接受報名,比賽每年都吸引超過160個國家,成千上萬嘅攝影師參加,由於係全球性比賽,每年嘅作品水準都好高。今年比賽截止日期2015年1月5日,相片會分類成旅遊、自然、野生、文化藝術等類別,參加費用全免,有好作品唔好吝嗇分享。 相關資訊「鱷魚先生」14歲囝囝最愛攝影 超靚動物相集回帶 (Dec 4, 2017) 日本玩具攝影高手新作 《勇者義彥》劇照級製作 (Nov 23, 2017)

Read more ›
GIF圖都有世界級比賽? 藝術品有裸女是常識
by / on 20/06/2014 at 10:13 am

GIF圖都有世界級比賽? 藝術品有裸女是常識

GIF圖成日睇,估唔倒呢個世界上居然有GIF圖比賽,仲係認真嗰種,當堂嚇一跳。呢個叫The Giphoscope Award 2014嘅比賽,分為最佳攝影、最佳幾何圖、最佳插畫等等嘅項目,好認真。今次集中介紹嘅,係其中一個得獎者Isabel Chiara嘅作品,佢係西班牙藝術家,叫得藝術家,GIF圖當然唔係我哋平時睇嘅級數,佢將經典、流行文化、超現實元素混埋一齊,整咗一堆GIF圖,有GIF有真相,入嚟慢慢睇。其實都唔係咁深奧,反而效果幾搞笑,不過叫得做藝術,當然有裸女囉。 相關資訊【新片速報】藝術家手繪超靚《龍貓》插畫 紀念初生嬰兒 (Jan 31, 2018) 【圖集】IG超人氣雞蛋藝術 白兵/食鬼乜都整到 (Dec 28, 2017)

Read more ›
自創麥記漢堡包     最多人投票正式量產
by / on 24/05/2014 at 7:13 am

自創麥記漢堡包 最多人投票正式量產

麥當勞得閒就會推出吓新包,有時啱口味有時麻麻哋,估唔到最近居然咁大膽,比網民自創口味!英國麥記最近搞咗個網上活動,大家可以入佢哋嘅網站自創漢堡,由麵包以至配料都可以任揀,加芝士走煙肉多洋蔥乜都得,仲有大量新奇刺激嘅醬料任揀,整完幫個包改個名放上網,最多人投票嘅12個包就會比麥記評審試試味,最正嘅5個包就會連續5星期,每星期一款喺英國麥記發售,香港有無興趣搞返個? 相關資訊日本網民DIY襯衫相簿 自由配搭Twitter熱傳 (Feb 19, 2018) 日本宮崎「立飲」有長腿 網民讚老闆聰明 (Feb 19, 2018)

Read more ›