Post Tagged with: "毛公仔"

【有片】日本喵星人「融入家中」 毛公仔當兄弟
by / on 27/10/2017 at 7:45 am

【有片】日本喵星人「融入家中」 毛公仔當兄弟

乜嘢叫做「融入家中」?呢隻日本喵星人就完全做到嘞!離遠睇會搵佢唔到,行近啲先會見到佢同隻獨角獸公仔並排而坐,兩隻後腳仲舉起埋,好寫意。BTW,呢隻喵星人喺日本好高人氣,入嚟有多啲生活照睇,睇得出佢當班毛公仔係兄弟嚟架! 相關資訊【有片】550萬個Views!謎之中毒性 「ポッチャマ」無表情扮「登美丘高校舞蹈部」 (Apr 24, 2018) 「工口」遊戲戰利品 友情的起點 電視節目訪問外國人點解嚟日本 (Apr 24, 2018)

Read more ›

【新片速報】水瀨仔攬實毛公仔女朋友 超萌影片Twitter熱傳
by / on 25/08/2017 at 7:37 am

【新片速報】水瀨仔攬實毛公仔女朋友 超萌影片Twitter熱傳

水瀨仔唔止個樣得意,行為都好萌。日本有網民拍咗段片放上Twitter,吸引好多人RT。片中嘅水瀨仔好幸福有個女朋友,就係隻粉紅色嘅水瀨仔Q版毛公仔,佢真係當正係自己女朋友咁,攬到實一實,之後眼瞓得濟瞓著咗,無幾耐醒咗又好肉緊咁攬實,好似驚人會搶佢女朋友咁,超可愛,入嚟有片睇。 相關資訊日本水瀨仔表演跳水 超得意太肥有水花 (Mar 12, 2018) 有陽光有喵星人 日本流浪貓攬實取暖超可愛 (Dec 18, 2017)

Read more ›
日本毛公仔被遺棄街頭     流浪貓識欣賞相依為命
by / on 31/05/2017 at 7:41 am

日本毛公仔被遺棄街頭 流浪貓識欣賞相依為命

  最近呢兩張舊圖喺日本Twitter再被熱傳,圖中嘅毛公仔被遺棄街頭,不過有隻流浪貓發現咗佢,仲好鍾意佢,於是跳咗上毛公仔個身度瞓覺,又會夜麻麻望住佢好似想同佢講嘢咁。之後有網民出手畫咗一個感人嘅漫畫,講佢哋最終可以返屋企。另外有大量網民貼咗被「遺棄」街頭嘅毛公仔,當然唔少得理想與現實嘅「賤熊」,入嚟有回帶。 相關資訊【有片】日本奇妙影片系列 火速Reload換廁紙筒 (Apr 24, 2018) 爽到咁!日本漫畫家工作間變3種形態 (Apr 23, 2018)

Read more ›
【新片速報】日本傻鸚鵡對毛公仔示愛 唱歌跳舞好悲哀
by / on 16/03/2017 at 7:38 am

【新片速報】日本傻鸚鵡對毛公仔示愛 唱歌跳舞好悲哀

可歌可泣嘅愛情故事!呢段片最近喺Twitter熱傳,有日本網民分享咗佢隻鸚鵡嘅求愛故事,可惜佢嘅心儀對象一直無反應,原來對方係一隻毛公仔‥‥‥睇片見佢對住個毛公仔不停唱歌,仲好忘我咁跳晒舞,見對方無反應,仲轉個姿勢繼續唱,唉,睇到我想喊。 相關資訊【有片】日本嚇鬼恐龍表演 超像真嚇爆好孩子 (Apr 23, 2018) 大量發生 夏天降臨 各地貓貓液體化 (Apr 23, 2018)

Read more ›
【一場誤會】超可愛海豹攬實毛公仔 誤會係小海豹?
by / on 24/02/2017 at 7:00 am

【一場誤會】超可愛海豹攬實毛公仔 誤會係小海豹?

好溫馨呀!日本有網民喺Twitter分享咗呢幾張圖,圖中嘅海豹好有愛,抱住佢嘅BB攬到實一實。咦?睇真啲佢手上面嗰隻係毛公仔嚟架喎!網民都大讚好可愛。唔知隻海豹知唔知自己誤會咗? 相關資訊【相集】外國媽咪自製可愛食物 超強創意講求健康 (Apr 23, 2018) 日本超肥美北極熊 水中攝影低抄奇妙角度 (Apr 23, 2018)

Read more ›
【回不去了】日本冬甩獅子加頭箍      一物兩用即時變可愛
by / on 25/01/2017 at 11:00 am

【回不去了】日本冬甩獅子加頭箍 一物兩用即時變可愛

有頭髮邊個想食咖哩?我諗呢隻公仔都係咁諗。認唔認得佢?係賣冬甩嗰隻獅子,不過冇咗個冬甩,於是佢嘅日本主人好細心,見佢個頭圓圓哋光光哋,決定加啲嘢俾佢,就係將條紥頭髮嘅橡筋圈住佢,一物兩用!戴咗頭箍嘅佢即時可愛晒,笑容返晒嚟!啲相放上Twitter後好多人RT,大家都讚佢有心思,至於隻公仔,試過新造型,以後都返唔到轉頭嘞! 相關資訊【有片】日本微型玩具達人 搭車玩玩具超速度感 (Apr 21, 2018) 超可愛日本柴犬廁紙套 陪辧大事好輕鬆 (Apr 21, 2018)

Read more ›

【妙手仁心】日本毛公仔醫院 神奇換皮術Twitter熱傳
by / on 10/12/2016 at 2:39 pm

【妙手仁心】日本毛公仔醫院 神奇換皮術Twitter熱傳

有無陪咗你好多年,殘晒但又捨得掉嘅毛公仔?之前介紹過日本呢間毛公仔醫院「ぬいぐるみ病院」,最近佢哋又有新症,仲喺Twitter好多人RT。隻老弱毛公仔做咗換皮手術,由甩皮甩骨變返新嘅一樣,好高技藝!呢間「醫院」好人性化,入院要填申請表,主要根據呎吋而收費,無論斷肢、換皮、鏠針都得,連幫條尾加棉等佢腫脹返都得,醫藥費由300円至1萬円不等。希望多啲毛公仔可以醫得返,早日出院啦! 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【新片速報】日本兔仔妨礙工作 keyboard前反肚超可愛 (Apr 21, 2018)

Read more ›
【連環圖】日本蜥蜴仔Twitter熱傳 攬住毛公仔大覺瞓
by / on 21/10/2016 at 7:10 am

【連環圖】日本蜥蜴仔Twitter熱傳 攬住毛公仔大覺瞓

本來好驚蜥蜴,不過睇真啲佢哋個樣,其實某啲角度都幾可愛。最近呢輯相喺日本Twitter熱傳,有網民將屋企隻蜥蜴仔嘅相放上網,原來蜥蜴仔同羊仔毛公仔都可以咁friend,仲會攬埋一齊瞓,你睇!合埋眼嘅蜥蜴仔好搞笑,應該發緊甜夢。 相關資訊【要買】「拒否犬」扭蛋推出 全6種各300円 (Apr 20, 2018) 貓奴要去 日本吉祥寺「貓Cafe」超靚建築 (Apr 20, 2018)

Read more ›
【考眼力】藏身毛公仔堆     搵爛瞓小動物Twitter熱傳
by / on 18/08/2016 at 7:12 am

【考眼力】藏身毛公仔堆 搵爛瞓小動物Twitter熱傳

經常都有呢類毛公仔眾裡尋他圖集,不過今次堅難估,究竟真嗰隻動物喺邊?俾啲提示你,佢係灰白色嘅!好爛瞓嘅!圖集放喺Twitter後火速被熱傳,我諗佢主人都用咗相當長嘅時間先搵到佢出嚟,而且呢隻小動物應該玩到好攰,睇佢個瞓覺樣就知嘞。仲搵唔到?入嚟有答案。 相關資訊日本超可愛小貓熊 hea爆睡姿Twitter熱傳 (Apr 20, 2018) 日本「水底過膝襪」淘寶商品化 原作者Twitter分享 (Apr 16, 2018)

Read more ›
【新片速報】圓頭狗狗奔跑影片Twitter熱傳 原來約咗情人密會
by / on 04/08/2016 at 7:11 am

【新片速報】圓頭狗狗奔跑影片Twitter熱傳 原來約咗情人密會

影片一開始見到呢隻圓到好似一個波嘅狗狗好趕咁向前走,以為佢聞到有好嘢食狗衝埋去,點知原來佢趕住去搵佢嘅情人 ─ 瞓咗喺地嘅熊公仔。當佢見到情人之後仲好熱情咁一嘢責落去,責到人哋氣都抖唔到,然後好安穩咁自己大覺瞓,勁好笑,難怪段片喺Twitter咁多人熱傳啦。 相關資訊日本網民衝動消費 超搞笑「噴鼻水」筆袋Twitter熱傳 (Apr 16, 2018) 日本超像真車厘子耳環 真嘅一樣Twitter熱傳 (Apr 14, 2018)

Read more ›
日本熱傳狗狗治癒圖 狗狗望毛公仔露出慈母樣
by / on 30/07/2016 at 8:47 am

日本熱傳狗狗治癒圖 狗狗望毛公仔露出慈母樣

呢幾張圖最近喺網上好多人分享,日本網民影到自己屋隻狗狗同玩具狗對望嘅相,放上網後,好多人都話真狗嘅表情好似媽媽一樣好慈祥,似乎當咗隻毛公仔係自己個仔一樣,好治癒。有人仲放咗之前網上好多人RT,喺牛棚入面嘅狗狗回頭照做和應,未睇過要入嚟睇吓嘞。 相關資訊日本超嗲企鵝仔 貼實飼養員唔願走開 (Apr 20, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›

【相集】日本Twitter熱傳毛公仔浴照    死狀恐怖被自殺
by / on 17/05/2016 at 7:14 am

【相集】日本Twitter熱傳毛公仔浴照 死狀恐怖被自殺

日本呢幾日天氣好,Twitter亦出現好多毛公仔命案。有人發現鬆弛熊浸咗喺浴缸入面昏迷不醒;賤熊就飲大咗倒臥喺洗手盤嘔白泡,仲有大量濕身毛公仔被主人倒吊掛喺半空。最慘都係Winnie The Pooh,發現被吊頸自盡,死時個樣仲面露微笑。大量日本人趁天氣好即刻幫屋企嘅毛公仔沖涼,亦唔排除係為咗影相放上Twitter,總之好熱鬧。趁天氣好,大家快啲處理吓屋企隻污糟糟嘅毛公仔啦! 相關資訊又係時候洗牙 現役「齒科衛生士」西原愛夏初出DVD (Apr 19, 2018) 日本Kit Kat「壽司朱古力」 海膽軍艦大阪機場限定 (Apr 19, 2018)

Read more ›
【有片】狗狗毛公仔靈異事件 神秘力量監生扯走
by / on 15/02/2016 at 7:08 am

【有片】狗狗毛公仔靈異事件 神秘力量監生扯走

呢條片好好笑,片中見到一隻毛公仔狗狗,被神秘力量喺門嘅另一邊狂扯,估唔到隻毛公仔咁有彈性,居然可以喺門罅成功鑽出。打開門一睇,噢,原來係屋企隻真狗狗要玩具。好彩拍片嘅Dennis Dole打開度門,否則喺屋企無情情見到呢個場面,都咪話唔驚。 相關資訊【圖集】世上最愁狗狗 天生愁爆樣網上超人氣 (Apr 6, 2018) 【愚狗節】日本狗狗被整蠱 頭頂冬菇超可愛 (Apr 1, 2018)

Read more ›
【奇遇】白兔毛公仔被遺留酒店 貴賓式招待FB熱傳
by / on 16/01/2016 at 11:35 am

【奇遇】白兔毛公仔被遺留酒店 貴賓式招待FB熱傳

  外國人特別有幽默感,之前都試過有機場職員執到隻毛公仔之後帶佢遊機場,仲影埋相製作相簿,等主人拎返公仔時送埋比佢,好窩心。最近愛爾蘭一間酒店 Adare Manor Hotel都接收到一隻被遺留喺餐廳嘅白兔毛公仔,為咗幫佢尋親,佢哋將隻公仔嘅相放上官方Facebook,之後連續兩日不停更新呢隻毛公仔喺酒店嘅動向,睇見隻公仔生活好闊太,又high tea又做facial,之後仲去埋全身按摩,網民都讚啲相同文字簡介好得意,吸引好多人like & share。最後妹妹同毛公仔終於團聚,酒店又變相做咗宣傳,Happy ending。但係白兔仔會唔會爽到唔願返屋企? 相關資訊日本酒店超創意 「三文魚主題房」食玩瞓都係魚 (Apr 19, 2018) 學校改建酒店 體驗日本校園生活 (Jun 28, 2017)

Read more ›
DUFFY毛公仔巴士 2-3月日本大巡遊
by / on 03/02/2014 at 12:22 pm

DUFFY毛公仔巴士 2-3月日本大巡遊

喺日本真係無限可能! 我成日都夢想坐吓貓巴士, 但係估唔到最終畀日本嘅米奇老鼠搶先一步, 出咗一架DUFFY毛公仔巴士! 成架由頭到尾、甚至裏裏外外都係用毛公仔料所造, 雖然一般人無機會坐上去, 但我照樣好關心落兩天會唔會滲水? 積水會唔會生蚤? 如果表演嘅小朋友唔生性喺巴士上瀨……我相信日本人, 我相信呢架嘢應該會乾淨過國內嘅公交車! 相關資訊【新片速報】日本《龍珠》DB藝人齊集坐巴士 地上最強陣容 (Feb 5, 2018) 日本夜行巴士豪華個室 獨立房間有覺好瞓 (Aug 13, 2017)

Read more ›