Post Tagged with: "水晶畫板"

上官小威出抱枕/水晶畫板套裝 各限量40套要搶
by / on 07/12/2017 at 7:17 pm

上官小威出抱枕/水晶畫板套裝 各限量40套要搶

正呀喂,搶呀喂,上官小威又有新產品推出嘞,仲一口氣推出兩件套裝添。套裝一,證書加晶螢抱枕,尺寸36cm x 36cm,實用架,不過既係精品,俾著我就買咗都唔捨得用嘞,售$88;套裝二,證書加水晶畫板,畫板係24cm x 27cm馬榮成《五兄弟》畫板,證書之外仲送多張復刻紀念卡添,售$120。各限量40套,唔知點解出得咁少,不過啱嘅,物以罕為貴吖嘛。 相關資訊Like唔Like古祖港漫? 上官小威復刻漫畫四寶 (Jun 7, 2018) 上官小威復刻《蟋蟀仔》 黃國興加推「123店」版送贈品 (Jun 5, 2018)

Read more ›

複製油畫/油畫集Folder/水晶畫板+N 李健良精品必屬佳品
by / on 14/07/2017 at 9:30 am

複製油畫/油畫集Folder/水晶畫板+N 李健良精品必屬佳品

今年書展,數推出精品之多,我諗非李健良莫屬,除咗重頭《紅樹林‧香港濕地生態》畫集外,仲有之前嘅《古生命》一至三期、複製油畫、油畫集Folder、水晶畫板、書籤、明信片、貼紙、恐龍填色卡、熊貓杯墊、環保袋同海報畫。如果有選擇困難症嘅,都將會好頭痕吓,想免煩 嘅,咁我幫良哥賣廣告,買晒佢喇喂。而我呢,就睇中咗一套20張恐龍卡,必入之選是也。 相關資訊李健良科大開《漫畫彩稿世界的紅樹林》分享會 (May 29, 2018) 復刻《龍虎門》貼紙 石黑龍原來有英文名 (Apr 28, 2018)

Read more ›
甘小文水晶畫板開訂 哨牙珍/肥婆四各$120
by / on 09/07/2017 at 10:00 am

甘小文水晶畫板開訂 哨牙珍/肥婆四各$120

甘員外今年好多搞作,繼《奔走行》同陳皮女俠Figure外,再推出埋水晶畫板,分肥婆四同哨牙珍兩款,各限量100塊,附獨立編號,各$120。依家「至Goal Club」開訂,書展收貨。鍾意嘅,梗係兩塊都買晒,若硬要二揀一,我揀哨牙珍,無得解,我就係鍾意哨牙珍! 相關資訊甘小文x Goal DX 推世界盃四格漫畫 (Jun 8, 2018) 《戇男筆記‧港漫200人》大賣 戇男至Goal Club搞簽名會 (Jun 1, 2018)

Read more ›
李健良最新水晶畫板 包腳架每幅$120
by / on 19/04/2017 at 9:43 pm

李健良最新水晶畫板 包腳架每幅$120

畫得靚,仲要畫得密,每次出品都維持到水準,真係要寫個服字畀李健良嘅!最新水晶畫板有兩款,分別係「旗魚‧馬林」同「水虎魚(食人倉)」,各售$120,包腳架一個,有興趣可以WhatsApp佢,報告完畢。 相關資訊李健良開畫展+辦講座 《從古生命到紅樹林》分享心得 (Jan 11, 2018) 1油畫+2畫板+1聖誕卡 李健良2017聖誕禮品套裝$350超抵 (Nov 28, 2017)

Read more ›
李健良水晶畫板+油畫 7個Item賣$680抵到唔信
by / on 08/07/2016 at 10:30 pm

李健良水晶畫板+油畫 7個Item賣$680抵到唔信

食住《古生命III》即將推出個勢,李健良又推出水晶畫板喇,全新三款各售$120,當真平到笑!咦?喂?……睇真啲,原來仲有四幅A3 size油畫布印製嘅復製油畫,吓?唔係啩,每幅$85?會場價仲要賣平$5痴線的,使唔使咁平?全部書展有售。計數,買晒七個Item都不過係$680,預我一Set吖唔該。 相關資訊Felix Ip《香港重機》 7月書展推出 (May 23, 2018) 如果《火鳳燎原》出廁紙 你撐唔撐? (May 18, 2018)

Read more ›
有片:李健良水晶畫板開訂 短片介紹《古生命I》
by / on 18/02/2016 at 7:15 pm

有片:李健良水晶畫板開訂 短片介紹《古生命I》

有無捧港漫彩稿大師李健良本《古生命I》場?我有。你無?唔緊要,不如睇睇片,片中輯錄《古生命I》彩圖,兼介紹生命從寒武紀到三疊紀如何演進,啲畫靚到啪啪聲,睇完話唔定你會立即仆去書店買番本。另一重要消息,李健良現推出「2016虎鯊‧鬼頭刀‧旗魚‧我們的海洋」水晶畫板,每塊$120,有興趣請落訂,都係嗰句,手快有,手慢無。 相關資訊李健良動漫基地搞《古生命》工作坊 教小朋友畫公仔 (Nov 8, 2017) 李健良《紅樹林‧香港濕地生態》分享會 即場繪畫+送紀念品 (Oct 27, 2017)

Read more ›

阮大勇第二張限量水晶畫版 正式開賣
by / on 28/05/2015 at 9:30 pm

阮大勇第二張限量水晶畫版 正式開賣

有無撐阮大勇張李小龍限量水晶畫板先?咁儲開第一張咯,第二張無理由唔入貨架?一如以往想擁有的話,可以直接打畀上官小強預訂。畫功?唔好玩喇,阮大勇支筆唔使質疑嘞啩?拿,限量150張,每張$150,又係嗰句,有買趁手呀。 相關資訊網圖分享:出圖撐《笑聲滿載──上官小強漫畫精選》展覽 (Jun 9, 2018) 盧冠廷新碟《Movie To Music》 阮大勇畫封面 (Apr 4, 2018)

Read more ›