Post Tagged with: "沖涼"

【新片速報】日本超強沖涼獨白 音樂配深情獨白Twitter熱傳
by / on 07/12/2017 at 7:02 am

【新片速報】日本超強沖涼獨白 音樂配深情獨白Twitter熱傳

呢位日本網民絕對係天才級嘅表演者,雖然張cap圖係朦朧咗啲,但段片真係正嘅。喺廁所一邊沖涼一邊唱歌好多人都試過,不過佢就有氣氛好多,配合埋背景音樂、花灑營造嘅雨聲,加埋佢自己充滿感情嘅獨白,完全表達咗對今日遇到嘅挫折嗰種無奈同痛心,加埋裸背嘅超性感演出,難怪喺Twitter勁多人RT,入嚟有得慢慢欣賞,記住要開聲睇。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

日本柴仔裝主人沖涼仲單眼    超可愛Twitter熱傳
by / on 20/05/2017 at 2:16 pm

日本柴仔裝主人沖涼仲單眼 超可愛Twitter熱傳

柴犬仔本身已經好可愛,呢隻仲要學人單眼,難怪張相喺Twitter咁受歡迎。話說有位日本網民朝早沖沖吓涼,發現屋企隻柴犬鬼鬼祟祟伸咗個頭入嚟,之後見到主人發現佢,仲好鬼馬咁單眼,超可愛!入嚟有多啲呢隻柴犬嘅得意相,好高質。 相關資訊日本扭蛋「柴犬」超可愛 指尖上的肥柴 (Jun 21, 2018) 【圖集】摺紙的藝術 超可愛樹人BB/死侍 (Jun 21, 2018)

Read more ›
日本喵星人浸浴變上刑場 表情超慘烈Twitter熱傳
by / on 19/11/2016 at 11:28 am

日本喵星人浸浴變上刑場 表情超慘烈Twitter熱傳

人就話鍾意浸溫泉,對於喵星人嚟講,可能比死更加難受。呢兩張連環圖唔係最新,不過喺Twitter仲有好多人瘋狂RT緊。相中嘅日本喵星人舔舔脷俾人放咗入膠桶,原來奴才想幫佢沖個靚涼浸吓浴!本來應該好嘆,但喵星人個表情好慘烈,浸緊水嘅佢十足準備上刑場嘅死囚咁,眼神無奈得嚟仲有啲悲傷,超搞笑。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
【連環圖】日本喵星人沖涼連環圖 超治癒Twitter熱傳
by / on 19/09/2016 at 7:14 am

【連環圖】日本喵星人沖涼連環圖 超治癒Twitter熱傳

  貓仔本身已經好得意,如果再加埋頭濕濕啱啱沖完涼嘅貓仔,得意程度更加係爆燈。呢幾張連環圖最新喺Twitter熱傳,呢隻住喺日本嘅喵星人似乎第一次沖涼,驚得嚟又好享受,超可愛! 相關資訊【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
【新片速報】日本喵星人沖涼超乖 Twitter熱傳貓奴好羨慕
by / on 12/07/2016 at 7:12 am

【新片速報】日本喵星人沖涼超乖 Twitter熱傳貓奴好羨慕

又到夏天,係時候幫屋企隻喵星人沖涼嘞。不過一般喵星人聽到沖涼兩個字就會即刻彈走,一邊沖又會一邊慘叫,然後再不停揈水不停逃走。沖一次涼攰足一日。但係日本呢隻喵星人就唔同嘞,佢似乎好享受沖涼,一邊沖一邊瞇埋眼好嘆,又唔會郁身郁勢,好可愛!難怪段片火速喺Twitter熱傳。各位貓奴係咪好羨慕? 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【相集】日本Twitter熱傳毛公仔浴照    死狀恐怖被自殺
by / on 17/05/2016 at 7:14 am

【相集】日本Twitter熱傳毛公仔浴照 死狀恐怖被自殺

日本呢幾日天氣好,Twitter亦出現好多毛公仔命案。有人發現鬆弛熊浸咗喺浴缸入面昏迷不醒;賤熊就飲大咗倒臥喺洗手盤嘔白泡,仲有大量濕身毛公仔被主人倒吊掛喺半空。最慘都係Winnie The Pooh,發現被吊頸自盡,死時個樣仲面露微笑。大量日本人趁天氣好即刻幫屋企嘅毛公仔沖涼,亦唔排除係為咗影相放上Twitter,總之好熱鬧。趁天氣好,大家快啲處理吓屋企隻污糟糟嘅毛公仔啦! 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›

日本B女沖涼被打格       網民:「電視台想法下流!」
by / on 07/05/2016 at 11:01 am

日本B女沖涼被打格 網民:「電視台想法下流!」

印象中香港電視台未試過將BB乳頭打格仔,呢個話題最近喺日本引起好大爭議,話說朝日電視台拍咗個電視節目,搵咗幾個搞笑藝人分別照顧4個只有1歲大嘅超可愛四胞胎姊妹,其中幫佢哋沖涼嘅部份,導演就幫BB嘅乳頭打格變咗鴨仔,不過網民就好大反應,有人話咁做更加顯得電視台想法下流,反而令人聯想更多,仲話感覺好唔自然。不過亦有人話可能係父母要求,而且BB係女仔。唔知B女大個睇返會點諗? 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
【好可憐】喵星人沖涼前後圖集 一世英名一頭污水
by / on 06/05/2016 at 7:11 am

【好可憐】喵星人沖涼前後圖集 一世英名一頭污水

呢兩日越嚟越熱,好多貓奴都幫屋企嘅喵星人沖返個靚涼,外國網站搜羅咗大量喵星人沖涼前後嘅相,睇見佢哋個樣就覺得可憐,但係又幾好笑。除咗喵星人,仲有汪星人、白兔、雀仔,不過始終都係喵星人最搞笑,睇見平時囂張嘅佢哋突然變得咁落泊‥‥‥BTW,聽聞唔出街嘅喵星人其實唔駛沖涼都得,總之記住有需要先沖,唔好因為貪得意而亂洗佢哋個頭呀。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
有片:100罐潤膚霜浸浴 黐立立水洗難清
by / on 19/12/2015 at 3:00 pm

有片:100罐潤膚霜浸浴 黐立立水洗難清

無意間瞄到YouTube頻道「はじめしゃちょー」,睇完我想問一句:「點解要咁做呢?」用100罐Nivea潤膚霜沖涼,片中人真係爆拆得咁犀利?照計潤膚霜係用嚟搽,而唔係用嚟濕水浸浴,浸完浴皮膚真係滋潤咗?一定會喇,何止滋潤呀,直頭黐立立到唔知要用幾多時間同水沖番乾淨個身。為呃Like,原來真係可以去到咁盡。唓!咁你又睇?又係喎! 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 集英社推出「漫畫版YouTube」 手機程式免費下載 (May 10, 2018)

Read more ›
喵星人大量出浴照     最愛瞓鋅盆好香豔
by / on 27/07/2015 at 7:08 am

喵星人大量出浴照 最愛瞓鋅盆好香豔

一直覺得喵星人唔鍾意沖涼,不過睇完呢輯相又有啲改觀。相中一班喵星人爭住出浴,個樣勁可愛,仲幾嘆。原來喵星人好鍾意玩浴缸同埋鋅盆。除咗喵,仲有狗狗、倉鼠、白兔、馬騮、大笨象,好香豔! 相關資訊【相集】日本怨念喵星人 被困1小時表情超不滿 (Jun 17, 2018) 【有片】玩具瘋狂郁 日本高傲的喵擔天望地唔得閒理 (Jun 15, 2018)

Read more ›
有片 狗狗沖涼360度花灑    狂噴乾淨晒
by / on 03/07/2015 at 7:12 am

有片 狗狗沖涼360度花灑 狂噴乾淨晒

幫狗狗沖涼一啲都唔易,網上見到呢個好創新嘅沖涼花灑Woof Washer 360,好似一個呼拉圈咁,將佢套入狗狗個身,就識隻中火力向中央噴水,做到360度沖洗效果,連平時難沖嘅肚腩位都仲得乾乾淨淨,又唔駛驚個花灑左轉右噴到全屋濕晒,除咗射普通水,亦可以駁支皂水沖埋皂。如果好似示範點咁有埋花園幫狗狗沖涼當然更爽。有兩個呎吋,細呼拉圈賣美金$19.99,大嗰個賣$24.99,記住無咁大個頭唔好買咁大個圈。 相關資訊【新片速報】日本Twitter熱傳短片 喵仔與狗超可愛接觸 (Jun 6, 2018) 【狗狗都有】日本扭蛋出狗狗帽 戴起變一年級生超可愛 (Mar 6, 2018)

Read more ›

新片速報   囂張藍鸚鵡   自己校水沖涼   伸腳試水溫
by / on 02/03/2015 at 7:05 am

新片速報 囂張藍鸚鵡 自己校水沖涼 伸腳試水溫

呢隻紫藍金剛鸚鵡囂張得嚟好聰明,最近喺網絡爆紅,睇片見倒佢識得自己開水喉沖涼,最正係佢會伸隻腳去水龍頭下面試水溫,試啱之後先會彎身快速經過水位來回沖身,主人想閂細啲個水龍頭咩?佢就會作出反抗自己校返大啲水!見佢洗完左腳洗右腳,好有衞生意識。呢隻鸚鵡叫Miss Iris,已經13歲,住喺美國加州嘅Palos Verdes,主人話佢最鍾意沖凍水涼,仲識得將水龍頭校左校右變水溫,好勁。星期一心情悶悶哋,睇完應該會輕鬆返少少。 相關資訊日本網民原條焗南瓜 完成品似瀕死鸚鵡Twitter熱傳 (Dec 23, 2017) 【有片】超正鸚鵡仔拯救喵星人片 最終被爪大報復 (Jul 24, 2017)

Read more ›
貓貓出浴無格圖集    點正死穴騰騰震
by / on 17/11/2014 at 7:10 am

貓貓出浴無格圖集 點正死穴騰騰震

平時串串貢嘅喵星人都有死穴,就係沖涼喇!雖然專家話其實貓係唔駛沖涼嘅,不過主人一於話之你。網上有大量貓咪出浴圖,無著衫無打格,不過大人細路都啱睇。睇相見到班貓大哥個個嚇到騰騰震,有幾個直情嚇到呆咗,雖然陰功豬,但係我忍唔住笑咗出嚟。話時話,就嚟入冬,各位貓奴要沖呢幾日好沖埋佢喇。 相關資訊日本Sharp推出智能貓廁所 紀錄尿量/逗留時間 (Jun 15, 2018) 日本貓頭套扭蛋 被迫扮「米奇老鼠」超無奈 (Jun 15, 2018)

Read more ›
《The Sims 4》解碼器免費下載   小便沖涼無格仔
by / on 12/09/2014 at 7:05 am

《The Sims 4》解碼器免費下載 小便沖涼無格仔

有玩《The Sims 4》都知遊戲畫面經常被馬賽克加格仔,小便、沖涼、餵人奶都會馬賽克和諧一下。外國網友moxiemason就整咗個解碼器,喺遊戲內裝完後,就可以自動將以上場面解碼,例如佢示範小便打格嘅畫面,解碼後連篤尿都睇得一清二楚,好過癮,由於免費有得下載,安裝方法容易,難怪短時間已經吸引超過3萬人下載,仲被一致讚好!好邪惡呀! 相關資訊日本廁所品牌超強紙模型 免費下載紙樣網民狂玩 (May 16, 2018) 【回帶】霓虹影相App免費試 日本傳媒試玩 (Mar 14, 2018)

Read more ›
沖涼都cosplay   慈父cos不同造型陪女女沖涼
by / on 30/07/2014 at 7:53 am

沖涼都cosplay 慈父cos不同造型陪女女沖涼

沖涼係好好嘅親子活動,日本呢位阿爸仲有諗頭,每次同囡囡浸浴前,都諗定一個特別造型,cos住沖。雖然佢唔係扮得好神似,不過勝在夠用心。好似扮拉長咗臉嘅《多啦A夢》,唔止有樣,仲有埋竹蜻蜓同埋掛住噹噹嘅頸圈。其餘經典人物仲有《星戰》嘅C-3PO、中國殭屍(!)都有份),至於囡囡驚唔驚?貼住符等佢唔郁得先穩陣喎。 相關資訊【有片】超強Coser有燈有自動翼 《Warhammer 40K》Saint Celestine (Jun 20, 2018) 【有片】紙製Cosplay服好方便 3.980円變身黑武士 (Jun 14, 2018)

Read more ›