Post Tagged with: "流浪貓"

【命中註定】外國小童天生兔唇及雙色瞳   被收養流浪貓竟然一樣
by / on 29/03/2018 at 7:15 am

【命中註定】外國小童天生兔唇及雙色瞳 被收養流浪貓竟然一樣

有啲嘢真係命中註定嘅,呢位住喺美國嘅7歲小朋友Madden天生有兔唇同埋雙色瞳,因為咁而經常受到同學排擠,不過最近佢終於唔再孤獨,因為佢哋收養咗一隻貓,而呢隻貓同Madden一樣有兔唇同埋雙色瞳,雙眼嘅顏色仲要一樣,好神奇!Madden媽媽最近喺群組見到有人發現呢隻被遺棄嘅喵,毫不猶豫就決定收養佢,而家小主人同隻喵好好朋友,網民都留言鼓勵佢哋,入嚟有多啲資料可以睇。 相關資訊【相集】外國媽咪自製可愛食物 超強創意講求健康 (Apr 23, 2018) 【相集】外國大隻cosplayer轉風格 cos美少女戰士fans離棄 (Mar 21, 2018)

Read more ›

日本流浪貓好聰明 書店關門後入內取暖
by / on 21/01/2018 at 1:32 pm

日本流浪貓好聰明 書店關門後入內取暖

天氣咁凍,流浪貓真係好需要一個溫暖嘅地方。日本呢隻流浪喵好聰明,喺尾道嘅二手書店「弐拾dB」關門之後推門走入去,仲俾店內嘅人影埋相,睇佢個樣眼矇矇好可愛。有網民留言話佢可能想入嚟買本書睇,有人話應該請佢做「看板猫」,仲有人話應該係怪異故事嘅開始‥‥‥樓主影咗好多喵相,見隻喵喺舖頭坐底瞓覺,似乎好鍾意呢度呢。 相關資訊【有片】日本嚇鬼恐龍表演 超像真嚇爆好孩子 (Apr 23, 2018) 大量發生 夏天降臨 各地貓貓液體化 (Apr 23, 2018)

Read more ›
有陽光有喵星人   日本流浪貓攬實取暖超可愛
by / on 18/12/2017 at 7:33 am

有陽光有喵星人 日本流浪貓攬實取暖超可愛

天氣開始凍,有太陽嘅地方就有喵!日本有網民影到屋企附近嘅流浪貓,5隻肥喵一齊攬實身貼身瞓晏覺,當然係瞓喺有陽光照射嘅位置啦,網民都大讚好可愛,不過最好梗係佢哋可以有個安樂窩唔駛喺街上流浪啦。呢幾日香港嘅天氣都好凍,大家記住多啲關心附近嘅流浪貓嘞。 相關資訊日本超肥美北極熊 水中攝影低抄奇妙角度 (Apr 23, 2018) 【有片】日本微型玩具達人 搭車玩玩具超速度感 (Apr 21, 2018)

Read more ›
日本流浪喵星人出巡 扮大佬似晒馬Twitter熱傳
by / on 08/12/2017 at 7:22 am

日本流浪喵星人出巡 扮大佬似晒馬Twitter熱傳

好耐無見呢班喵星人,最近專影流浪貓嘅Twitter用戶「野良貓散步」出咗幾張新相,無見一排嘅地下組織趁停咗雪又出嚟晒馬,睇相見到行隊頭嘅黑貓大佬個樣充滿殺氣,不過後面啲o靚有唔少恰緊眼瞓無乜精神,另外最後面仲有幾隻o靚坐咗喺地下,隊形好鬆散喎!入嚟有多啲日本喵星人嘅相睇。BTW,最近天氣開始凍,大家都要幫手照顧吓街上嘅流浪貓呀。 相關資訊超可愛日本柴犬廁紙套 陪辧大事好輕鬆 (Apr 21, 2018) 日本網民自製《星之卡比》麵包 擘大口超搞笑Twitter熱傳 (Apr 21, 2018)

Read more ›
建築師團隊超型貓屋   籌款幫助流浪貓
by / on 04/11/2017 at 11:55 am

建築師團隊超型貓屋 籌款幫助流浪貓

人類住嘅屋就話有名師設計,估唔到喵星人都有。外國呢個「Architects for animals」活動,搵咗一班建築師出手,幫喵星人設計新屋,所有屋都會進行拍賣,所得善款會捐俾動物機構FixNatiion幫助有需要嘅流浪貓,好有意義。名師果然係名師,每間貓屋嘅造型都好突破,仲好多功能,住喺入面即刻型咗。入嚟有得慢慢睇。 相關資訊日本設計香味火柴 「10分鐘香氣」 超方便 (Apr 17, 2018) 日本超搶眼背囊 「公共電話」設計邊行邊講 (Apr 11, 2018)

Read more ›
流浪貓遇上5歲超級英雄 神奇特質馴服喵星人
by / on 24/10/2017 at 7:18 am

流浪貓遇上5歲超級英雄 神奇特質馴服喵星人

雖然只得5歲,但呢位住喺費城只得5歲嘅小朋友Shon Griffin,絕對係流浪貓心目中嘅超級英雄。自從第一次跟做義工嘅呀姨去探流浪貓之後,就發現佢有令流浪貓想親近嘅特質,就算平時最惡嘅喵喺佢面前都會變得好痴身。而佢而家每次出現都會cosplay成不同嘅英雄角色,由Superman同蝙蝠俠到蜘蛛俠都有,睇見佢照顧流浪貓無微不至,就令人好欣慰。希望每個小朋友都學識愛護流浪貓,做佢哋心目中嘅超級大英雄。 相關資訊惡搞超級英雄 P出競選議員圖 (Apr 20, 2018) 喵星人變晴天公仔 日本扭蛋超可愛 (Apr 17, 2018)

Read more ›

【新片速報】日本超可愛流浪貓 恰眼瞓跌低Twitter熱傳
by / on 16/10/2017 at 9:39 am

【新片速報】日本超可愛流浪貓 恰眼瞓跌低Twitter熱傳

日光日白食飽飯曬住太陽,恰吓眼瞓都好正常吖。日本有網民拍到有隻流浪貓恰眼瞓嘅過程。本來企喺度瞇埋眼,之後搖吓搖吓,1秒之後跌咗落地,超可愛!段片喺網上好多人share,最得意係佢跌低之後唔夠一秒又瞓返,不過希望佢快啲有人帶返屋企收養,可以瞓返個好覺啦! 相關資訊【新片速報】日本兔仔妨礙工作 keyboard前反肚超可愛 (Apr 21, 2018) 【要買】「拒否犬」扭蛋推出 全6種各300円 (Apr 20, 2018)

Read more ›
【多圖】日本鎌倉「貓見亭」 大量流浪貓貓奴必去
by / on 14/08/2017 at 7:07 am

【多圖】日本鎌倉「貓見亭」 大量流浪貓貓奴必去

日本鎌倉嘅江之島又有貓之島嘅稱號,不過有唔少網民去完發現啲貓匿埋晒,想睇貓原來仲有一個地方可以去,就係鎌倉嘅「貓見亭」,呢間貓之家入面全部都係流浪貓,入場費900円1小時,之後每10分鐘200円,可以幫補喵喵嘅醫藥費,有網民去完仲分享好多靚相,啲喵仔全部都好可愛,不過留意返佢哋逢星期三休息,下次去開鎌倉記住探吓佢哋嘞。 相關資訊貓奴要去 日本吉祥寺「貓Cafe」超靚建築 (Apr 20, 2018) 日本超嗲企鵝仔 貼實飼養員唔願走開 (Apr 20, 2018)

Read more ›
【超似樣】日本流浪喵成功上樓     同狗狗一見如故
by / on 27/06/2017 at 11:05 am

【超似樣】日本流浪喵成功上樓 同狗狗一見如故

呢對好似樣嘅小貓同大狗最近喺日本Twitter好紅,主人收養咗隻流浪貓,估唔到一返到屋企初見面貓同狗已經friend咗,唔通因為啲毛色相似,佢哋誤認咗大家係親人?張相喺Twitter好多人分享,樓主之後仲分享多啲生活照,原來喵星人經常會瞓喺狗狗身上面,而且瞓咗上去之後好似有保護色一樣睇佢唔到,好安全。主人仲幫隻小貓改咗個名叫「雷蔵」,有氣勢! 相關資訊【開花嘞】日本茨城超靚藍花海 攝影師相集Twitter熱傳 (Apr 20, 2018) 日本超可愛小貓熊 hea爆睡姿Twitter熱傳 (Apr 20, 2018)

Read more ›
日本毛公仔被遺棄街頭     流浪貓識欣賞相依為命
by / on 31/05/2017 at 7:41 am

日本毛公仔被遺棄街頭 流浪貓識欣賞相依為命

  最近呢兩張舊圖喺日本Twitter再被熱傳,圖中嘅毛公仔被遺棄街頭,不過有隻流浪貓發現咗佢,仲好鍾意佢,於是跳咗上毛公仔個身度瞓覺,又會夜麻麻望住佢好似想同佢講嘢咁。之後有網民出手畫咗一個感人嘅漫畫,講佢哋最終可以返屋企。另外有大量網民貼咗被「遺棄」街頭嘅毛公仔,當然唔少得理想與現實嘅「賤熊」,入嚟有回帶。 相關資訊又係時候洗牙 現役「齒科衛生士」西原愛夏初出DVD (Apr 19, 2018) 日本Kit Kat「壽司朱古力」 海膽軍艦大阪機場限定 (Apr 19, 2018)

Read more ›
【有愛】外國IKEA捐公仔床俾流浪貓 喵星人唔駛瞓地板
by / on 18/04/2017 at 7:49 am

【有愛】外國IKEA捐公仔床俾流浪貓 喵星人唔駛瞓地板

IKEA呢張本來俾公仔用嘅床,自從俾貓奴發現咗用嚟做貓床之後就大受歡迎。最近加拿大嘅IKEA仲將佢發揚光大,捐咗10張床仔比安大略嘅動物之家Etobicoke Humane Society,另外再加多美金$300。雖然唔係好大手筆,但就好有人情味而且好貼地嘞。以後班貓仔就唔駛再瞓喺凍冰冰嘅地板,如果快啲搵到人收養住新屋就更好嘞! 相關資訊【新片速報】日本喵星人與倉鼠 超好朋友零防備 (Apr 17, 2018) 日本網民衝動消費 超搞笑「噴鼻水」筆袋Twitter熱傳 (Apr 16, 2018)

Read more ›

【相集】日本流浪貓超可愛 匿喺紙箱偷望你
by / on 08/03/2017 at 7:46 am

【相集】日本流浪貓超可愛 匿喺紙箱偷望你

呢個「野良猫散歩」(@nekosanpo_xxx)嘅Twitter專頁經常都有街貓睇。最近呢輯主題係偷偷哋望你嘅喵星人。睇見佢哋匿喺紙箱,但又好好奇想望吓你係邊個,究竟發生緊咩事,真係好可愛。鍾意喵星人嘅記住follow埋佢嘅Twitter,同埋如果想養貓嘅話,記住要領養唔好買,等呢班流浪貓可以有個幸福嘅家。 相關資訊【相集】羽生結弦出席公開活動 相集靚到似寫真 (Apr 23, 2018) 日本貓奴爛瞓唔知醒 4隻喵星人怒啤超不滿 (Apr 19, 2018)

Read more ›
【相集】愛心貓義工冬天搭建貓屋    80間貓屋流浪貓有瓦遮頭
by / on 03/03/2017 at 7:05 am

【相集】愛心貓義工冬天搭建貓屋 80間貓屋流浪貓有瓦遮頭

外國嘅冬天唔係人咁品,如果加埋落雪,又濕又凍,住喺街上嘅流浪貓真係好難捱。拉脫維亞首都里加住咗好多流浪貓,一班「 Cat Care Community」嘅貓義工好有愛心,為咗令佢哋順利過冬,喺街搭建一間間貓木屋,等班喵星人有瓦遮頭,名為「Outdoor Cat Houses」嘅企劃,而家喺當地已經興建咗過80間貓屋,最好就係越嚟越多人帶佢哋返屋企,等佢哋可以過無憂無慮嘅生活啦。 相關資訊【有片】任記紙皮最大天敵 日本機迷貓最愛玩Switch Labo (Apr 23, 2018) 日本Coser貓好威 《Monster Hunter: World》「カガチネコ装備」 (Apr 10, 2018)

Read more ›
【圖集】流浪貓入屋做O靚    火速跟大佬幫手舔毛
by / on 02/03/2017 at 7:21 am

【圖集】流浪貓入屋做O靚 火速跟大佬幫手舔毛

作為貓奴,最擔心就係屋企添置新成員(喵)會同住開嗰隻相處唔嚟,不過外國呢位貓奴就好幸運嘞。佢最近收養咗隻驚青流浪喵Fred仔,屋企兩歲大嘅Karl好客之餘仲好有大將之風,成日攬住貓仔幫佢定驚,又會周不時幫佢舔毛,好快Fred仔就俾大佬融化咗,變咗佢嘅跟班,而家經常跟出跟入服侍周到,最開心係見到佢兩個經常搭晒膊頭,好幸福呀! 相關資訊狐狸仔扮喵星人 偷闖入屋瞓貓床被發現 (Dec 12, 2017) 【新片速報】留守敘利亞照顧100隻流浪貓 愛心男感動100億人 (Oct 3, 2016)

Read more ›
【人間有情】土耳其出現大風雪 店舖開放招待流浪貓狗
by / on 12/01/2017 at 7:12 am

【人間有情】土耳其出現大風雪 店舖開放招待流浪貓狗

土耳其伊斯坦堡出現大暴雪,過百航班取消,交通癱瘓,不過另一方面就睇到人間有情。有雜貨店老闆開放自己舖頭俾流浪貓狗,仲開著埋暖爐等大家圍爐取暖。唔少店舖都打開大門招待流浪貓狗,令佢哋開心到喺地下狂碌,甚至商場都開放接待動物。至於瞓街嘅動物,都有好多有心人帶備紙箱、毛毯同食物俾佢哋,好感動。嚟緊天氣開始凍,大家都記住多啲關心屋企附近嘅流浪貓狗嘞。 相關資訊【成功上樓】流浪狗狗慘變皮包骨 獲救後成功被領養 (Feb 22, 2018) 【有片】喵星人「成功上樓」靠進擊 主動跳上車唔願走 (May 15, 2017)

Read more ›