Post Tagged with: "海報"

「香港似顏繪」出《世界盃筆記簿》 每本$168送海報
by / on 18/05/2018 at 9:04 pm

「香港似顏繪」出《世界盃筆記簿》 每本$168送海報

我不嬲有追開面書專頁「香港似顏繪Hong Kong Caricature」,好Like佢哋畫嘅誇張搞笑畫風球星,而呢批球星,將會出現喺佢哋推出嘅《世界盃筆記簿》封面,一套15款任君選擇,每本$168。聽日首賣,買一本即送A4海報一張,買齊15本送A2大海報1張,兼……呢個正呀喂,即場幫你喺筆記簿畫番個獨一無二嘅似顏繪,係咪開心先? 相關資訊《迷離世界》印得唔好 上官小威送海報致歉抵讚 (Jul 30, 2017) 【相集】日本「秋田犬」介紹「秋田縣」 超高質宣傳海報 (Apr 30, 2017)

Read more ›

《古惑仔》新專欄「百戰話當年」 當海報儲
by / on 07/05/2018 at 8:59 pm

《古惑仔》新專欄「百戰話當年」 當海報儲

今期2128期《古惑仔》有新專欄「百戰話當年」,主要重溫重要角色嘅重要戰役,第一話係「立花正仁大逃亡」,構圖並唔係用舊畫拼拼砌砌撈埋一碟就算,係重新畫過,質素直達海報級數,安排喺書中間做跨頁,擺明係方便大家可以搣低落嚟收藏嗰隻。 相關資訊《古惑仔》巨星之戰競猜遊戲 估洪興同三聯五比五平手收場 (May 21, 2018) 《古惑仔》佐維談公道 牛佬談世道 (May 3, 2018)

Read more ›
「巨石強森」新戲海報被改圖 專業網民計數話「死硬」
by / on 08/02/2018 at 7:03 am

「巨石強森」新戲海報被改圖 專業網民計數話「死硬」

荷里活動作電影《Skyscraper》今年夏天上映,有「巨石強森」又有周董老婆昆凌,仲有爆破又摩天大樓又盛,應該夠吸引,不過都唔夠官方新出嘅海報咁有話題性。話說張海報見到「巨石強森」試圖跳入摩天大樓入面,好多網民喺Twitter開始討論嘞,話根據數學同物理學嘅分析,佢一定會跳唔入跌落街,死硬。仲畫晒圖有晒算式,計埋巨石強森嘅身高等等資料,勁專業!不過電影又點會咁寫實呢?有網民話大家計漏咗風向同埋下面爆炸嘅火種會衝返巨石上樓,之後仲有大量改圖同GIF,入嚟有得睇,好正! 相關資訊日本網民自創絕技 一秒全變「眼鏡娘」 (May 19, 2018) 【新片速報】日本網民斟水悲劇 無辜受害Twitter熱傳 (May 16, 2018)

Read more ›
日本賽艇海報倒轉有玄機 「挑戰」變「勝利」 「最強」變「戰場」
by / on 27/12/2017 at 11:32 am

日本賽艇海報倒轉有玄機 「挑戰」變「勝利」 「最強」變「戰場」

日本設計強,今次係超強,兩個漢字,倒轉之後可以變成另外一個意思嘅字,首先係「挑戦」倒轉變成「勝利」,另一張就係「最強」倒轉變成「戦場」!仲要上下嘅競艇相片係可以駁埋一齊嘅!其實呢幾張係1月舉行、「GI全日本王者決定戦」嘅海報,喺會場唐津競艇場最近嘅車站電車入面會有廣告,另外全日本嘅競艇場亦都可以見到。 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›
《古惑仔》送海報 推新故事「誰是游子健」
by / on 22/12/2017 at 8:32 pm

《古惑仔》送海報 推新故事「誰是游子健」

繼趙繼邦可憐地被親生老母丁瑤摺埋之後,《古惑仔》新一輯故事「誰是游子健」正式展開,今期第2089期《古惑仔》仲送多張海報以示隆重添,過癮在除咗豹子健、福健仔、台灣仔外,仲加多個新角色浩然,牛佬喺專欄話咁樣過癮啲喎,又話分分鐘游子健根本未出過場,等讀者難估啲喎云云。我就咁諗,豹子健個名太似游子健,應該唔係,浩然更加唔係,「浩然正氣」咁重皇氣Feel,應該都唔係;淨番嘅福健仔同台灣仔,我會估台灣仔,因為面相畫得普通啲,似二打六,之前出親場都無乜戲做,唔多起眼先似警方臥底嘛。牛佬,我有無估錯呢? 相關資訊牛佬搞Gag有啖笑 金正恩+馬雲突入《古惑仔》 (Apr 24, 2018) 《古惑仔》標錯名 迪文/世傑調亂咗 (Apr 20, 2018)

Read more ›
鄺世傑出手 畫《一家大細》電影海報
by / on 20/12/2017 at 8:39 pm

鄺世傑出手 畫《一家大細》電影海報

那邊廂阮大勇幫手畫《卧底巨星》電影海邊,這邊廂鄺世傑都畫咗張《一家大細》海報,出年二月一日上映。唔睇名,淨係知佢畫緊蘇玉華、林敏驄同元秋,少留意娛樂新聞,其他名星睇完名我都唔多識。畫風呢?都係大頭Q版,我就覺得好有我最愛嘅八九十年代Feel嘞,他朝見到海報真身,一定打卡。 相關資訊《Deadpool 2》外國超正電影宣傳 惡搞知名電影封面 (May 18, 2018) 短篇電影《江湖夢裡人》首播 尹光唱腔一絕 (Dec 22, 2017)

Read more ›

終於買得起!3D聶風火麒麟海報$200!
by / on 24/10/2017 at 4:59 pm

終於買得起!3D聶風火麒麟海報$200!

終於有啲機會係屬於我架嘞,聶風火麒麟雕像我買唔起,但聶風火麒麟3D立體海報我買得起,每張$200,全港限量200幅,Size係380mm x 580mm,每張都附雷射標貼咁話喎,「收藏家港漫專區」即日公開發售,正呀喂,兩舊水,抵玩呀喂。 相關資訊買《山海逆戰》送2018年曆卡 (Jan 25, 2018) 《金漫畫》四至六期$98 幫襯「收藏家港漫專區」送紀念卡 (Jan 17, 2018)

Read more ›
余兒推出海報每張$100 《今晚打喪屍》作品展限定
by / on 11/10/2017 at 3:45 pm

余兒推出海報每張$100 《今晚打喪屍》作品展限定

早幾日報導過余兒會搞番個《今晚打喪屍》作品展,仲話屆時有產品推出添。係乜產品?暫時所知先有海報。余兒剛剛喺面書登咗相,仲自己出埋鏡做Model,有晒比例見到張海報有幾大張,每張$100,畫展期間限定,我好想要。 相關資訊余兒完全版《那年五月他和她遇上了》 書展見街 (Apr 17, 2018) 余兒寫過愛情小說! 《那年五月,他和她遇上了。》出修訂版! (Dec 28, 2017)

Read more ›
日本Coser玩《動物朋友》 影「Beast and the Beast」海報太有型
by / on 06/10/2017 at 12:27 pm

日本Coser玩《動物朋友》 影「Beast and the Beast」海報太有型

講起真人演繹《動物朋友》,唔知大家會諗起啲咩……不過最近網上就有呢幾張日本Coser製作嘅海報,全部角色都變得超有型超有動感! 相關資訊日本神級油畫師 少女激似真人Twitter熱傳 (May 15, 2018) 日本發現真實版「蜘蛛伯伯」 可愛笑臉似真人Twitter熱傳 (May 3, 2018)

Read more ›
【有計】日本網民分享生活智慧 牆貼萬字夾攝住海報
by / on 01/10/2017 at 10:50 am

【有計】日本網民分享生活智慧 牆貼萬字夾攝住海報

有時想貼海報又唔想整爛張海報,咁不如用攝石就最穩陣,但牆上面冇金屬喎?呢位日本網民就分享自己嘅心得,就係用膠紙貼萬字夾喺牆,之後就可以用磁石貼攝住張海報或者post卡。 相關資訊日本大阪cafe三代貓 喵星人與貓頭鷹和睦共處 (May 22, 2018) 【日本投選】最想重製的80年代動畫 第1位《山T女福星》 (May 21, 2018)

Read more ›
《古惑仔》送車寶山海報 不作完人便為禽獸
by / on 29/09/2017 at 9:00 pm

《古惑仔》送車寶山海報 不作完人便為禽獸

雖則海報只不過係小小Bonus,但我等鍾意儲海報嘅港漫死忠係多多都受嘅。今期第2065期《古惑仔》又送海報,主角係車寶山。唔知有無記錯,印象中牛佬好似好少出車仔海報,我好記得佢嘅人生座右銘──「不作完人,便為禽獸」,依家睇番都仲係覺得好型。 相關資訊《古惑仔》牛姑唔追究李建興 點解嘅? (Mar 30, 2018) 《古惑仔》送潮爆貼紙 No輝唔係斷咗手咩? (Mar 2, 2018)

Read more ›

《古惑仔》送神之殺手海報 佐維著老西好斯文
by / on 22/09/2017 at 8:00 am

《古惑仔》送神之殺手海報 佐維著老西好斯文

繼「武神太子」同「地中海」之後,今期第2063期《古惑仔》又送《立花正仁And佐維》海報,多謝牛佬!海報底頁係古惑仔俱樂部網聚相片圖輯,望相發覺都幾人才鼎盛吓,場面好熱鬧,下次再有機會,睇怕我都要參加。至於主角咯喎,立花正仁就畫得一貫地靚仔;至於佐維咯喂,造型好有新鮮感,佢不嬲著開運動衫任由一隻衫袖飄飄吓架嘛,印象中未見過佢著老西打呔,依家登時斯文咗唔少! 相關資訊《古惑仔》送潮爆貼紙 賀伊文華唔使死 (Feb 26, 2018) 《古惑仔》送超靚素描年曆卡 伊文華過唔到狗年? (Feb 15, 2018)

Read more ›
《古惑仔》送武神太子海報 有埋洪興+三聯權力排行榜好抵睇
by / on 08/09/2017 at 9:00 am

《古惑仔》送武神太子海報 有埋洪興+三聯權力排行榜好抵睇

三個開心,今期第2059期《古惑仔》送武神太子海報,製作精美就梗,難得背頁有埋洪興同三聯權力排行榜,榜裡面有好多新名字,睇個勢遲啲應該有好多新角色出場,咁先似番早期《古惑仔》描寫嘅大江湖嘛,此乃第一個開心;映姐同丁瑤結義金蘭一段文戲,畫得好密格,對白處理同分鏡亦精彩,埋尾趙繼邦仲出動埋久違了的Q版畫法添,真係好耐未見過咯,此乃第二個開心;第三個開心係,專欄強化咗,多咗海報同連載小說《飛女正傳》,成本公仔書即時紮實襟睇咗,我足足睇咗四個地鐵站先睇完,幾耐未試過呀大佬,抵讚呀牛佬。 相關資訊《古惑仔》送財神揮春 陳浩南重遇采妮好有Mood (Feb 14, 2018) 《古惑仔》送Q版迷你揮春 (Feb 8, 2018)

Read more ›
《古惑仔》下期「隨時」送海報 係咪植錯字?
by / on 04/09/2017 at 7:15 pm

《古惑仔》下期「隨時」送海報 係咪植錯字?

睇完今期第2058期《古惑仔》,可以估計趙繼邦不出三期會魂歸天國,佐維加立花正仁出手,實無走雞。而牛佬喺今期賣定廣告,話下期將會送武神太子海報,鍾意儲海報包括我者應該會好Like,不過佢嫰人家居然寫咗「下期隨時附送」,隨時?即係唔知幾時?哈哈,估計係想寫「下期隨書附送」?應該係植錯字嘞。 相關資訊讀者熱烈討論 《古惑仔》牛姑使唔使死? (Jan 23, 2018) 神奇膠唱《古惑仔》主題曲 《同擔日月天》又唱又Rap (Jan 1, 2018)

Read more ›
港漫x電影《悟空傳》 林祥焜創作漫畫版電影海報
by / on 09/08/2017 at 5:00 pm

港漫x電影《悟空傳》 林祥焜創作漫畫版電影海報

原來林祥焜同《悟空傳》導演郭子健好Friend,Friend到可以玩一趟港漫聯乘電影,除邀請睇戲外,郭子健更力邀林祥焜作漫畫版電影海報一幅,齊齊出席首映禮影相留念。呢幅海報係咪正先?我已經Save起咗。 相關資訊林祥焜x西九龍中心 出Goodgirl Toy Bus巴士模型 (May 14, 2018) 港漫均一價$20 《西遊》113期開始加$1 (Aug 4, 2017)

Read more ›