Post Tagged with: "海報"

《古惑仔》送神之殺手海報 佐維著老西好斯文
by / on 22/09/2017 at 8:00 am

《古惑仔》送神之殺手海報 佐維著老西好斯文

繼「武神太子」同「地中海」之後,今期第2063期《古惑仔》又送《立花正仁And佐維》海報,多謝牛佬!海報底頁係古惑仔俱樂部網聚相片圖輯,望相發覺都幾人才鼎盛吓,場面好熱鬧,下次再有機會,睇怕我都要參加。至於主角咯喎,立花正仁就畫得一貫地靚仔;至於佐維咯喂,造型好有新鮮感,佢不嬲著開運動衫任由一隻衫袖飄飄吓架嘛,印象中未見過佢著老西打呔,依家登時斯文咗唔少! 相關資訊《古惑仔》新專欄 連載小說《飛女正傳》登場 (Aug 29, 2017) 受颱風「天鴿」影響 《古惑仔》延遲至周五出版 (Aug 24, 2017)

Read more ›

《古惑仔》送武神太子海報 有埋洪興+三聯權力排行榜好抵睇
by / on 08/09/2017 at 9:00 am

《古惑仔》送武神太子海報 有埋洪興+三聯權力排行榜好抵睇

三個開心,今期第2059期《古惑仔》送武神太子海報,製作精美就梗,難得背頁有埋洪興同三聯權力排行榜,榜裡面有好多新名字,睇個勢遲啲應該有好多新角色出場,咁先似番早期《古惑仔》描寫嘅大江湖嘛,此乃第一個開心;映姐同丁瑤結義金蘭一段文戲,畫得好密格,對白處理同分鏡亦精彩,埋尾趙繼邦仲出動埋久違了的Q版畫法添,真係好耐未見過咯,此乃第二個開心;第三個開心係,專欄強化咗,多咗海報同連載小說《飛女正傳》,成本公仔書即時紮實襟睇咗,我足足睇咗四個地鐵站先睇完,幾耐未試過呀大佬,抵讚呀牛佬。 相關資訊牛佬!《古惑仔》大格咗啲喎!韓賓一味耷低頭捱揪! (Aug 18, 2017) 書展撐牛佬!撐《赤軀隨遇》! (Jul 20, 2017)

Read more ›
《古惑仔》下期「隨時」送海報 係咪植錯字?
by / on 04/09/2017 at 7:15 pm

《古惑仔》下期「隨時」送海報 係咪植錯字?

睇完今期第2058期《古惑仔》,可以估計趙繼邦不出三期會魂歸天國,佐維加立花正仁出手,實無走雞。而牛佬喺今期賣定廣告,話下期將會送武神太子海報,鍾意儲海報包括我者應該會好Like,不過佢嫰人家居然寫咗「下期隨時附送」,隨時?即係唔知幾時?哈哈,估計係想寫「下期隨書附送」?應該係植錯字嘞。 相關資訊牛佬《Bloody Girl》網絡劇開播 呂英紅年紀大咗少少 (Jul 24, 2017) 向《古惑仔》電影致敬? 冷氣機廣告惡搞南哥/細細粒/烏鴉 (Jun 29, 2017)

Read more ›
港漫x電影《悟空傳》 林祥焜創作漫畫版電影海報
by / on 09/08/2017 at 5:00 pm

港漫x電影《悟空傳》 林祥焜創作漫畫版電影海報

原來林祥焜同《悟空傳》導演郭子健好Friend,Friend到可以玩一趟港漫聯乘電影,除邀請睇戲外,郭子健更力邀林祥焜作漫畫版電影海報一幅,齊齊出席首映禮影相留念。呢幅海報係咪正先?我已經Save起咗。 相關資訊港漫均一價$20 《西遊》113期開始加$1 (Aug 4, 2017) 步驚雲不敵風吹雨打 絕世好劍斷開兩截 (Jul 25, 2017)

Read more ›
《迷離世界》印得唔好 上官小威送海報致歉抵讚
by / on 30/07/2017 at 11:00 am

《迷離世界》印得唔好 上官小威送海報致歉抵讚

有啲嘢,係好值得向老一輩學習嘅,呢樣嘢就係均真,錯就認,打就企定,上官小威有感《迷離世界》最尾幾頁因為像素唔夠,搞到印出嚟嘅效果強差人意,所以喺面書出「道歉啟事」,所以決定送番張全新製作嘅海報聊表歉意,佢仲咁話:「作為小小的補償,小威明白這個不能代表什麼,只期望大家恕諒。」言重嘞,支持你呀上官小威。 相關資訊復刻停不了 上官小威復刻《金漫畫》 (Sep 19, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›
【相集】日本「秋田犬」介紹「秋田縣」 超高質宣傳海報
by / on 30/04/2017 at 11:40 am

【相集】日本「秋田犬」介紹「秋田縣」 超高質宣傳海報

要宣傳日本嘅秋田縣,當然要搵最有代表性嘅「秋田犬」啦!最近喺Twitter有網民放咗幾張喺新宿車站發現嘅觀光宣傳海報,海報入面有隻好可愛嘅秋田犬身處喺唔同嘅秋田縣場景入面,例如男鹿市嘅「生鬼柴燈祭」、羽後町嘅「西馬音内盆踊り」,好有傳統特式。另外原來男鹿市仲有一塊好似哥斯拉嘅「ゴジラ岩」,全輯相總共有15張,全部都係由秋田犬帶你遊秋田縣,睇完有啲心郁郁想去玩,入嚟有多啲相睇,超高質。 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›

《73漫畫》加推書店精裝本 送海報限量73本
by / on 23/04/2017 at 5:30 pm

《73漫畫》加推書店精裝本 送海報限量73本

一個好振奮人心嘅消息,上官小威復刻嘅《73漫畫》,兩個版本「紅寶愛藏版」同「綠寶愛藏版」已經全部售罄,黃國興即刻喺面書登畫慶祝。而為照顧向隅讀者,佢嫩人家決定加推「書店精裝版」,拿,真係Last架喇呢次,同樣限量73本,同樣有獨立編號,隨書附送「小醉仙And壽星仔經典封面海報」一大張,售$88。想買,唔該快手致電「123漫畫精品專門店」落訂。 相關資訊馮志明《兄弟》同《小偷》 上官小威不日復刻 (Sep 13, 2017) 上官小威添食 復刻馬榮成《小鐵漢》與《風雲徙置區》 (Sep 7, 2017)

Read more ›
日本版《金剛:骷髏島》海報有氣勢 各國電影海報比較圖
by / on 31/03/2017 at 7:57 am

日本版《金剛:骷髏島》海報有氣勢 各國電影海報比較圖

日本啲電影海報一向好靚,今次輪到《金剛:骷髏島》。電影香港已經上咗畫,有影評話似怪獸版《復獸者聯盟》,至於日本就3月25日先正式上畫,有日本網民放咗日本版海報同其他國家嘅海報做比較,個人最鐘意都係日本版,有啲懷舊感,型! 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›
邱福龍幫民政事務局畫海報 20張免費任攞
by / on 21/03/2017 at 10:00 pm

邱福龍幫民政事務局畫海報 20張免費任攞

  邱福龍幫民政事務局繪畫嗰張《香港體育x港漫!》海報,大家都應該見識過喇,勾徹變足球員、天翔變拳手、傲嵐變劍擊手,下有「香港運動員戰無不勝」數字,真係靚得嚟又夠晒熱血。係咪好想擁有拎得上手嘅實體海報呢,去面書專頁「民政事務局Home Affairs Bureau HK」留言,最有心思頭廿位參加者,就可以得到親筆簽名海報一張,正呀喂。 相關資訊《山海逆戰》搞Gag? 伯益係首個用髮泥嘅人? (Sep 19, 2017) 網圖分享:港漫人出圖望颱風快快走 (Aug 28, 2017)

Read more ›
【新片速報】《斉木楠雄のΨ難》真人電影新片海報公開 橋本環奈好清純
by / on 15/03/2017 at 7:45 am

【新片速報】《斉木楠雄のΨ難》真人電影新片海報公開 橋本環奈好清純

由2012年開始喺《週刊少年Jump》連載嘅超人氣漫畫《斉木楠雄のΨ難》(齊木楠雄的災難) 將會拍真人版電影,官方啱啱出咗新片同海報,主角超能力者由「山﨑賢人」飾演,另外仲有飾演照橋心美嘅「橋本環奈」!橋本環奈今次著校服好清純,同《銀魂》挖鼻嘅「神樂」好唔同,大家鍾意邊個造型多啲?BTW,兩套電影都係由福田雄一做監督,睇嚟佢都好鍾意橋本環奈。電影預計今年10月21日上畫,遲過《銀魂》少少。其他演員仲有新井浩文、吉沢亮、笠原秀幸、賀来賢人、ムロツヨシ、佐藤二朗,入嚟有大量新造型相睇。 相關資訊真人變Pixar角色 超強藝術家幫網民變樣 (Sep 9, 2017) 溫泉旅行 橋本環奈、石川戀著浴衣 (Sep 5, 2017)

Read more ›
狼人《盧根》全球6款海報任睇     手部特寫版超有型
by / on 25/02/2017 at 11:39 am

狼人《盧根》全球6款海報任睇 手部特寫版超有型

電影狼人嚟到最終章,官方名叫《盧根》(LOGAN),3月2日香港都有得睇嘞。不過今次想講係呢套電影嘅海報。官方合共推出咗6個版本,香港常見嘅版本就係狼人抱住細路女,企喺夕陽前嘅半身相,另外有張細路女捉實狼人隻手嗰張手部特寫,其實仲型仲有氣氛,令人聯想起經典電影《舒特拉的名單》,日本Twitter好多人share呢張海報,我認崇日,就算香港版本嗰張夕陽海報,但配咗日本字都總係好似靚啲。入嚟有晒咁多個版本嘅海報同埋預告慢慢睇。 相關資訊本周電影觀後感:笑一下就好 《姊妹欲蒲團》 (Aug 2, 2017) 【有片】《銀魂》電影幕後片段 菜菜绪「來島又子」雙槍出場 (Jul 14, 2017)

Read more ›

《皇朝君臨》賀歲孖寶裝 送跨頁海報
by / on 16/01/2017 at 9:30 pm

《皇朝君臨》賀歲孖寶裝 送跨頁海報

唔好笑我Old school,到依家我都仲係好Like公仔書送嘅海報,跨頁釘裝又好,獨立一張夾住又好,我都有鋪癮連書儲起佢,久唔久拎番出嚟睇都幾過癮。鄺志德爆料,繼聖誕節之後,嚟緊《皇朝君臨》賀歲孖寶裝都會送海報一大張,構圖如何依家已經可以先睹為快,係咪開心先? 相關資訊鄺志德慈善義賣珍藏 善款全數捐畀樂施會 (Sep 11, 2017) 繼續義賣競投助貓狗 曹志豪+胡紹權+鄺志德出手 (Jun 13, 2017)

Read more ›
日本出現巨大「謎之飛行物體」 內藏辛辣麵/金正恩海報
by / on 16/10/2016 at 10:51 am

日本出現巨大「謎之飛行物體」 內藏辛辣麵/金正恩海報

日本宮城縣白石市最近出現巨大嘅「謎之飛行物體」,ANN電視新聞都有報導。話說有居民發現有個巨大氣球喺空地降落,氣球長15米寛1米,仲吊住個袋。而袋入面就裝咗大量諷刺北韓金正恩嘅傳單,仲有一袋辛辣麵!警方估計應該係由韓國飛過嚟嘅,會列作失物處理。日本網民對於呢件事好憤怒,有人留言話:「唔好飛啲垃圾過嚟啦」、「送返去韓國,仲要貨到付款」、「非法掉垃圾,要求謝罪同賠償」、「如果入面有化學藥品就同恐襲差唔多嘞」。有人估計個氣球應該係南韓想送去北韓嘅宣傳品,至於點解會有袋公仔麵喺入面?相信應該係用嚟吸引北韓人嘅注意嘞! 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›
買齊李健良海報+Postcard+杯墊 $440繼續抵到唔信
by / on 11/07/2016 at 10:45 pm

買齊李健良海報+Postcard+杯墊 $440繼續抵到唔信

今年書展李健良好進取,除《古生命III》同水晶畫板外,仲推出一系列靚爆精品,但價錢就Set得極唔進取。唔係咩?唔該留意價錢──小熊貓Postcard一套六款每款$10、古生命Postcard一套兩款每款$10、小熊貓杯墊一套六塊每套$60、古生命杯墊一套六塊每套$60、兩款全新繪製80x55cm古生命海報會場各售$120。又係計算時間,買齊全部都不過係$440,我好懷疑李健良定錯價,可以想像,到時嗰種滿載而歸嘅滿足感,真係要幾興奮有幾興奮。(攤位1AE-36) 相關資訊李健良買十本《天使的微笑》畫集 做善事免費送書 (Sep 18, 2017) 睇李健良展覽 免費教小朋友畫恐龍 (Aug 3, 2017)

Read more ›
【又作反】奈良鹿仔咬爛選舉海報   再犯案懷疑受人指使
by / on 28/06/2016 at 7:12 am

【又作反】奈良鹿仔咬爛選舉海報 再犯案懷疑受人指使

奈良班鹿仔出名曳,一見你有嘢食就會進擊,好多遊客都俾佢哋撞過吖。不過最近佢哋搵倒另一樣嘢玩,就係破壞喺園區入面嘅選舉海報。有隻鹿被拍到咬住選舉壁報版,之後仲撕咗一忽出嚟,件事喺2ch好多網民討論,有人留言:「係咪有人指使隻鹿去搞破壞?」、「好可愛」、「被食咗嘅人好可憐呀」、「快啲俾班鹿有投票權啦」,不過有網民發現第二張圖其實係2013年拍嘅,即係話呢班鹿又再次犯案,好有可疑喎! 相關資訊【相集】超靚日本櫻花相集 莫斯科攝影師走遍東京/奈良/京都 (May 9, 2017) 日本超巨大腐皮包烏冬 奈良車站附近有得食 (Apr 25, 2017)

Read more ›