Post Tagged with: "渋谷"

日本「渋谷」狗銅像又有貓蹤 大喵細喵瞓晏覺
by / on 16/11/2017 at 7:55 am

日本「渋谷」狗銅像又有貓蹤 大喵細喵瞓晏覺

一睇見呢對銅腳就知道係日本「渋谷」車站出面好有名嘅ハチ公狗狗銅像嘞。呢個銅像下面經常有喵星人出沒,最近又有網民放咗呢兩張相上網,一大一細喵星人瞓晏覺好可愛,仲吸引到好多人RT。咁其實點解ハチ公像經常有貓出沒呢?據講係有位日本嘅退休男士養咗好多貓,經常都會帶佢哋去唔同景點俾人影吓相,希望治癒吓人心,出沒地點除咗「渋谷」車站ハチ公之外,仲有銀座、井之頭公園等等,當然都有啲愛貓之人認為咁做打擾咗啲喵喵,所以每次都會引起少少爭論。 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›

萬聖節過後 澀谷街頭垃圾崗
by / on 01/11/2017 at 2:39 pm

萬聖節過後 澀谷街頭垃圾崗

好誇張,萬聖節唔恐怖,過咗萬聖節之後嘅朝早先恐怖。講緊係年年都大量日本人、遊客集結嘅「渋谷」,有網民就影咗第二朝嘅情況,當然唔少得係年年亦都有義工出動執垃圾,今年亦有畫師喺網上畫咗幅畫諷刺啲鬼。 相關資訊【有片】日本網民大發現 電視萬聖節特集現真Saber (Nov 2, 2017) 網圖分享:男人的浪漫 Exam Sum一年一幅萬聖節魔女 (Nov 1, 2017)

Read more ›
【新片速報】日本《我的英雄學院》超強擺設 渋谷Tokyu Hands展出
by / on 09/10/2017 at 7:41 am

【新片速報】日本《我的英雄學院》超強擺設 渋谷Tokyu Hands展出

有無睇漫畫《我的英雄學院》?呢個擺設好勁,表面睇係英雄角色All Might,不過行前兩步轉個角度就會變咗主角緑谷出久,好特別!有網民話喺渋谷嘅Tokyu Hands有得睇,去開日本又鍾意呢套漫畫嘅記性去睇睇嘞。話時話,查番資料,之前都有《名偵探柯南》嘅「柯南」變成《逆轉裁判》嘅「成步堂龍一」,都係咁玩法,喺上年嘅Anime Japan 2016出現過。 相關資訊【相集】超強攝影師挑戰「爛景」蔗渣價錢影出燒鵝味道 (Nov 24, 2017) 【圖集】日本喵星人冬天著斗篷 戴埋帽仔超可愛 (Nov 24, 2017)

Read more ›
荷蘭攝影師「東京寫真」 捕捉渋谷街頭靚景
by / on 17/07/2017 at 7:14 am

荷蘭攝影師「東京寫真」 捕捉渋谷街頭靚景

東京大家去過好多次,亦都影過好多靚相,不過出自專業攝影師雙手又完全唔同。荷蘭攝影師Patrick Ebu-Mordi最近去咗東京旅行,仲影咗好多靚相,每張無論色調以至構圖都好有特色,同我手機入面儲落嗰啲好唔同,入嚟有回帶。 相關資訊【相集】超強IG攝影師過百萬followers 擅長影黑白靚相 (Nov 23, 2017) 全球最多人睇過嘅相 攝影師再拍攝3張新作 (Nov 22, 2017)

Read more ›
【蛋糕喺邊?】日本生忌廉專門店「ミルク」 期間限定超吸引
by / on 04/07/2017 at 7:02 am

【蛋糕喺邊?】日本生忌廉專門店「ミルク」 期間限定超吸引

鍾意食cream嘅朋友見到呢幾張相應該已經控制唔到自己,日本渋谷最新開設嘅第一間生忌廉專門店「ミルク(MILK)」,期間限定Pop up store,主打有呢款忌廉蛋糕(Chiffon Cake),你問個蛋糕喺邊?因為已經完完全全俾啲cream遮住晒嘞!鍾意食嘅就會明佢有幾吸引!另外杯芭菲同杯軟雪糕都勁吸引!日本Twitter已經有好多人RT,以日本人鐘意排隊嘅特性,要食應該又要排長龍嘞。 相關資訊日本公司「另類」員工福利 同動漫人物結婚每月5千円津貼 (Nov 24, 2017) 相差10歲一樣可愛 網民狂讚藤田ニコル/佐佐木希和服造型 (Nov 23, 2017)

Read more ›
波蘭家族遊日本渋谷     搶眼「親子T恤」Twitter熱傳
by / on 27/05/2017 at 10:25 am

波蘭家族遊日本渋谷 搶眼「親子T恤」Twitter熱傳

噚日去日本渋谷有無見到呢個咁搶眼嘅家族?佢哋嚟自波蘭,一家四口遊日本,呀爸著住個「父」字嘅T恤,其餘分別係「長男」、「次男」同「三男」,好搶眼!勁在唔識中文嘅佢哋都無著錯,定還是著錯咗都唔知?好多日本人留言話見到佢哋,去到餐廳門口又有人影佢哋放上網,勁受歡迎。BTW,有網民留言問佢哋呀媽究竟去咗邊,唔通去咗行藥房? 相關資訊新片速報 PS4《幪面超人 巔峰戰士》「南光太郎」Black參戰! (Nov 23, 2017) 日常生活二次元化 全40種各300円「主角透明濾鏡」 (Nov 23, 2017)

Read more ›

「渋谷PARCO」活用工程圍板 展示河村康輔《亞基拉》作品
by / on 17/05/2017 at 5:04 pm

「渋谷PARCO」活用工程圍板 展示河村康輔《亞基拉》作品

「渋谷PARCO」要2019年秋先重開,不過經過一樣有嘢睇,因為今日(17日)開始,喺工事圍板上面就有《AKIRA》呢幅作品。作畫嘅係河村康輔,同原作大友克洋一向有合作開,而呢幅作品就高2.1米、闊1.5米。 相關資訊【有片】東京奧運官方宣傳 《亞基拉》金田現身! (Jul 25, 2017) 《東京喰種》池袋期間限定cafe 超核突食物還原度高 (May 11, 2017)

Read more ›
大量目擊 量產「闇遊戯」現身澀谷街頭
by / on 26/03/2017 at 8:13 pm

大量目擊 量產「闇遊戯」現身澀谷街頭

之前都睇過電話遊戲《遊戯王 デュエルリンクス》嘅新廣告,都幾好睇嘅,啱啱仲有街頭宣傳活動,有好多網民都見到大量「闇遊戯」出現「渋谷」街頭,唔只喎,仲有宣傳車、廣告。 相關資訊真男人的感動 為阿女儲學費 日本遊戲王賣初期版「青眼の白龍」 (Nov 5, 2017) 日本網民原作再現 《遊戯王》「封印されし エクゾディア」掉落海 (Oct 8, 2016)

Read more ›
日本慶祝萬聖節 渋谷迫爆人Twitter熱傳鳥瞰圖
by / on 30/10/2016 at 12:01 pm

日本慶祝萬聖節 渋谷迫爆人Twitter熱傳鳥瞰圖

日本人好鍾意萬聖節,噚日大量市民cosplay湧咗去渋谷玩,咁究竟有幾大量?有網民放咗張鳥瞰圖上Twitter,渋谷十字路口人頭湧湧迫到爆,針都插唔入,佢仲話離遠睇好似一片沙地咁。張相喺Twitter勁多人RT,有人仲放埋JR車站迫爆人嘅盛況同埋農場入面雞全部都係雞嘅場面贈吓慶,熱鬧場面拍得住除夕倒數。入嚟有得回帶睇噚日報導過嘅cosplayer造型 相關資訊可以咁樣玩!螢光耳環變玩具螢光棒 (Nov 23, 2017) 日本「DJ社長」惡搞雙馬尾囡囡 超醜造型Twitter熱傳 (Nov 23, 2017)

Read more ›
【有片】43年歷史東京「渋谷」Parco暫別一刻 3年後再見
by / on 08/08/2016 at 5:23 pm

【有片】43年歷史東京「渋谷」Parco暫別一刻 3年後再見

如果你有去過東京旅行,尤其如果你有熱愛Shopping嘅女性朋友同行,又或者之前去過睇啲動漫展,一定記得呢個「渋谷(澀谷)」地標,仲有之前門口嘅「路飛」對「悟空」宣傳情景,同埋o依家俾哥斯拉整爛咗嘅「R」字……講緊係1973年開業嘅「渋谷」Parco。喺噚日(7日)就係佢營業嘅最後一日,要暫別大家喇。雖然只係重建,但新樓要到2019年秋先重開,而且到時係有19層嘅新建築!噚晚9點閂門,官方都搞咗啲暫別活動,最後職員仲同大家講再見,各位日本迷,呢座建築都要變成回憶喇…… 相關資訊有片:日本YouTuber大整蠱 飯檯標出大隻佬嚇祖母 (Nov 22, 2017) 【有片】日本浸浴喵 浸到想瞓游埋水 (Nov 22, 2017)

Read more ›
【機會嚟喇】渋谷最新「女性專用」膠囊酒店 唔污糟感覺企理
by / on 05/04/2016 at 7:12 am

【機會嚟喇】渋谷最新「女性專用」膠囊酒店 唔污糟感覺企理

一直都想試吓住日本嘅膠囊酒店,但女仔住又似乎唔係幾方便。不過最近渋谷開咗間專為女性而設嘅膠囊酒店,名為Nadeshiko Hotel Shibuya,JR站步行大約10分鐘,入面睇落好整齊,亦有公共浴堂,連浴堂嘅富士山壁畫都係出自專為浴堂畫畫嘅日本畫師手筆。由於主打外國遊客生意,仲有和服俾訪客著嚟影相留念,另外又有免費WiFi同毛巾,都算唔錯。收費方面一個人大約5千円至1萬円,如果訂到張平機票一個人出發嘅女仔,真係可以諗諗喎! 相關資訊【左定右?】日本網民又出圖 男性vs女性理想體型 (Sep 11, 2017) 日本停車場「女性優先泊車」 惹爭議網民不滿 (Aug 30, 2017)

Read more ›

【出去滾】東京最新人氣貓Cafe 20隻喵星人進駐網站有辦睇
by / on 10/03/2016 at 7:15 am

【出去滾】東京最新人氣貓Cafe 20隻喵星人進駐網站有辦睇

日日對住屋企嘅喵,間中都要出去滾吓嘅。日本貓cafe越開越多,其中呢間MoCHA(モカ)最近好高人氣,上年2月喺池袋開第完第一間店,7月就再喺渋谷開分店,嚟到2016年,第三間店終於喺噚日開張,位於原宿駅附近,入面有20隻喵星人返工,由於位處4樓,落地玻璃可以望晒明治神宮同代代木體育館,風景好靚,入去網站仲有齊20隻喵星人嘅資料同相集!下次去東京記住探吓佢哋喇。 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›