Post Tagged with: "牛佬"

寫個服字俾牛佬!峰迴路轉佐維唔使死!
by / on 14/12/2017 at 7:29 pm

寫個服字俾牛佬!峰迴路轉佐維唔使死!

Fake晒!真係俾牛佬玩死,又二呎四度頸對峙,又疑似中流彈,又甚麼「後腦附近拖出一條血水,頭部似是無力的往左方一側」,原來統統都係為製造高潮而設,今期第2087期《古惑仔》揭盅嘞,結果係因為「好彩」子彈射唔中,佐維呢個「永遠第一」今鋪唔使死。相信呢兩三個禮拜,一眾讀者包括我個個都心如鉛墜兼鬼殺咁嘈,全拜如此有壓迫感劇情所賜,計落牛佬係好嘢嘅,抵讚。這邊廂執番身彩,那邊廂趙繼邦睇個勢都係要死,我估計係死喺丁瑤呢個老虔婆手上,不過就由金尊貴落手,唔知有無估錯呢? 相關資訊瑞新《火武耀揚》豪華珍藏版 11月22日見街 (Nov 8, 2017) 《古惑仔》紅魔女陣亡! Tommy離死不遠? (Oct 24, 2017)

Read more ›

支持牛佬決定!佐維同趙繼邦攬住上路!
by / on 08/12/2017 at 3:04 pm

支持牛佬決定!佐維同趙繼邦攬住上路!

無喇,呢次真係無交嗌喇,牛佬喺今期第2085期《古惑仔》出埋下期預告圖,佐維同趙繼邦一齊攤屍成地血,仲定埋下期書名叫〈一起「上路」〉,佐維真係要向閻羅王報到喇。今期雖然唔算打得好燦爛,但都算好精采,係有少少估唔到映姐一個斧頭劈中天靈蓋就收皮,之前唔係有伏線略略講過佢打算投靠洪興嘅咩,點解咁快整死佢?另外,斷估我諗有好多讀者都同我一樣,唔捨得佐維死,但一本公仔書無理由唔死重要角色嘅,所以縱依依不捨,我都係支持牛佬決定嘅,還望下期佐維死得轟烈啲、有型啲Or有情懷啲,兼可以的話,留立花正仁一條生路喇,我好驚連立花都打柴呀……驚驚! 相關資訊《古惑仔》寫錯出版日期 紅魔鬼殺著係紅Bra? (Oct 21, 2017) 《古惑仔》送手機貼紙 鷹靚定龍靚? (Oct 7, 2017)

Read more ›
《古惑仔》搞Gag 牛佬想整死佐維同立花?
by / on 27/11/2017 at 9:45 pm

《古惑仔》搞Gag 牛佬想整死佐維同立花?

牛佬喺今期第2082期《古惑仔》搞Gag,今次唔係畫Q版,而係用一格畫讀者,透過讀者把口話:「呀,呢個天川秀,居然係佐維嘅徒弟?」係OK好笑嘅,不過呢,天川秀同佐維係師徒關係,我諗好多讀者都同我同一樣,上期已經係咁估喇。另,睇到「牛佬的話」,我有啲驚,事關牛佬咁寫:「……佐維And立花正仁呢兩大神人,今勻真係紮紮地嘞!」猶記得早十期八期兩大神人交心對話,大家都好欣賞對方兼視對方為知心友云云……如此這般,好似有晒伏線咁嘅?牛佬,你唔係真係想整死兩大神人呀? 相關資訊牛佬設定《古惑仔》女角多白髮? 佐維+立花擸木刀劈友? (Sep 27, 2017) 《古惑仔》送武神太子海報 有埋洪興+三聯權力排行榜好抵睇 (Sep 8, 2017)

Read more ›
《古惑仔》出錯? 同一期出兩回〈飛女正傳〉?
by / on 20/11/2017 at 4:36 pm

《古惑仔》出錯? 同一期出兩回〈飛女正傳〉?

一打開今期第2080期《古惑仔》,慣性地先睇連載小說〈飛女正傳〉,故事講到第23回,咦?乜內容咁熟口熟面嘅,樂兒喺天台俾人輪大米吖嘛,好似上星期講過咯喎。之後揭到尾,謎底解開嘞,原來同期出現埋第24回,我仲以為自己咁無記性添。點解同一期會出現兩篇〈飛女正傳〉呢?我估牛佬搞錯咗落錯稿啩?而開頭嘅第23回,原本係諗住登啲乜嘅呢?忽然好想知…… 相關資訊向《古惑仔》電影致敬? 冷氣機廣告惡搞南哥/細細粒/烏鴉 (Jun 29, 2017) 《同擔日月天》變K歌 Bar Pacific + Bar East有得唱 (Jun 28, 2017)

Read more ›
別矣《古惑仔》Tommy! 促請牛佬交代死因!
by / on 30/10/2017 at 8:45 pm

別矣《古惑仔》Tommy! 促請牛佬交代死因!

無記錯的話,應該前後不過四期貨仔,我們的暗黑之門殺手Tommy,喺今期第2074期《古惑仔》亦步紅魔女後塵陣亡,同樣係死無全屍,仲俾佐維用刀拮住個頭揈揈吓添,好慘呀,之後個死人頭仲要俾鬼子快刀當菠蘿咁削開三四截,好無陰功呀。拿,牛佬,我在此替廣大讀者跪求,話晒係有頭有臉嘅殺手,懇請畫番十頁八頁,交代番Tommy點樣俾佐維KO,否則,我們的Tommy Lin會唔開心架,嗚嗚~ 相關資訊《古惑仔》派膠 佐敦有燈唔射射燈掣 (May 10, 2017) 喂牛佬!《古惑仔》印歪咗喎! (Apr 24, 2017)

Read more ›
《古惑仔》女殺手似教師 兩大神人仲未見到趙繼邦
by / on 12/10/2017 at 8:45 pm

《古惑仔》女殺手似教師 兩大神人仲未見到趙繼邦

親愛的牛佬,唔好嬲嬲豬呀,睇完今期第2069期《古惑仔》,我真係有少少嘢想講,其實呢……究竟呢……佐維同立花正仁仲要打幾耐先殺到入大廳呢?粗略計都好似四五期咯喎,兩大神人都仲未見到趙繼邦,又何來行刺呢?會唔會耐咗啲呢?劇情推進係慢咗少少,不過好彩,有由讀者變身而成嘅暗黑之門第六名殺手Tommy Lin未死,彈吓彈吓間吓場,用有毒餐刀做武器呢個鋪排亦唔錯,而今期最尾一頁出嘅女殺手,未知名,但面相非常教師Look,好鬼萌吓,造型幾討好,總算有啲驚喜。 相關資訊今期必買 《香港電影金像獎特刊》+《我們都是這樣看港漫長大的》 (Apr 11, 2017) 《古惑仔》哀傷一期!別矣世飛!別矣趙縈! (Feb 16, 2017)

Read more ›

《古惑仔》暗黑之門殺手登場 跪求牛佬咪咁快整死Tommy Lin
by / on 10/10/2017 at 5:10 pm

《古惑仔》暗黑之門殺手登場 跪求牛佬咪咁快整死Tommy Lin

周一買《古惑仔》嗰陣,我已經覺得封面戙企喺佐維後面個角色,有啲熟口熟面,一時間又諗唔起邊個,返屋企瀏覽面書,醒起嘞,原來係面書朋友仔Tommy Lin。呵呵,讀者喺《古惑仔》裡面出場唔係奇事,但喺牛佬安排下,多數係得個名同做啲大佬輩嘅得力門生,鮮有如Tommy Lin般咁吃重戲份兼依足佢本尊個樣嚟畫。喂,暗黑之門喎,殺手喎,擸把短刀就可以同神人級數嘅佐維鬥喎,都咪話唔勁。我諗Tommy Lin應該會好開心,而為咗延續呢份開心,我代其他《古惑仔》死忠Fans跪求牛佬──可唔可以唔好咁快整死Tommy呀?俾佢玩多陣喇。由此可見,牛佬同讀者嘅互動,係做得好好嘅,抵讚。 相關資訊賀《古惑仔》2000期送海報 悲徐世飛之死 (Feb 14, 2017) 《古惑仔》復刊珍藏版Boxset烏鴉篇 畀多$10有靚靚硬盒 (Feb 11, 2017)

Read more ›
《古惑仔》送車寶山海報 不作完人便為禽獸
by / on 29/09/2017 at 9:00 pm

《古惑仔》送車寶山海報 不作完人便為禽獸

雖則海報只不過係小小Bonus,但我等鍾意儲海報嘅港漫死忠係多多都受嘅。今期第2065期《古惑仔》又送海報,主角係車寶山。唔知有無記錯,印象中牛佬好似好少出車仔海報,我好記得佢嘅人生座右銘──「不作完人,便為禽獸」,依家睇番都仲係覺得好型。 相關資訊終於買得起!3D聶風火麒麟海報$200! (Oct 24, 2017) 余兒推出海報每張$100 《今晚打喪屍》作品展限定 (Oct 11, 2017)

Read more ›
《古惑仔》送神之殺手海報 佐維著老西好斯文
by / on 22/09/2017 at 8:00 am

《古惑仔》送神之殺手海報 佐維著老西好斯文

繼「武神太子」同「地中海」之後,今期第2063期《古惑仔》又送《立花正仁And佐維》海報,多謝牛佬!海報底頁係古惑仔俱樂部網聚相片圖輯,望相發覺都幾人才鼎盛吓,場面好熱鬧,下次再有機會,睇怕我都要參加。至於主角咯喎,立花正仁就畫得一貫地靚仔;至於佐維咯喂,造型好有新鮮感,佢不嬲著開運動衫任由一隻衫袖飄飄吓架嘛,印象中未見過佢著老西打呔,依家登時斯文咗唔少! 相關資訊日本Coser玩《動物朋友》 影「Beast and the Beast」海報太有型 (Oct 6, 2017) 【有計】日本網民分享生活智慧 牆貼萬字夾攝住海報 (Oct 1, 2017)

Read more ›
《古惑仔》下期「隨時」送海報 係咪植錯字?
by / on 04/09/2017 at 7:15 pm

《古惑仔》下期「隨時」送海報 係咪植錯字?

睇完今期第2058期《古惑仔》,可以估計趙繼邦不出三期會魂歸天國,佐維加立花正仁出手,實無走雞。而牛佬喺今期賣定廣告,話下期將會送武神太子海報,鍾意儲海報包括我者應該會好Like,不過佢嫰人家居然寫咗「下期隨時附送」,隨時?即係唔知幾時?哈哈,估計係想寫「下期隨書附送」?應該係植錯字嘞。 相關資訊港漫x電影《悟空傳》 林祥焜創作漫畫版電影海報 (Aug 9, 2017) 《迷離世界》印得唔好 上官小威送海報致歉抵讚 (Jul 30, 2017)

Read more ›
《古惑仔》新專欄 連載小說《飛女正傳》登場
by / on 29/08/2017 at 9:15 pm

《古惑仔》新專欄 連載小說《飛女正傳》登場

今期第2056期《古惑仔》有新專欄登場,江湖浪漫故事《飛女正傳》是也,作者叫小妖,未知是男是女。暫時只寫到第一回,未知成個故事好唔好睇,不過文筆暢順睇得舒服係真嘅,節奏明快亦都係Good,三幾段就入正題交代到講數場面,幾有八九十年代黑社會浸味,我係有心機追睇落去嘅。雖然一切言之過早,但如果寫得好,話唔定牛佬可以將之改編,出多本公仔書都好喎。 相關資訊牛佬賀《古惑仔》2000期送Tee+親筆畫 街市勇吹雞打老邊 (Feb 3, 2017) 《古惑仔》賀年海報點解釘埋一齊?《同擔日月天》又關甘尚武事? (Jan 26, 2017)

Read more ›

受颱風「天鴿」影響 《古惑仔》延遲至周五出版
by / on 24/08/2017 at 9:00 pm

受颱風「天鴿」影響 《古惑仔》延遲至周五出版

收工,返到屋企樓下書報攤,喂,乜仲未有周四版《古惑仔》?睇面書專頁「古惑仔Teddyboy」先知,原來受擒日颱風影響,《古惑仔》第2055期改咗喺聽日出版。連精神食糧都無埋,真係多得呢隻「天鴿」唔少。 相關資訊日本動物園不可思議事件 走失30隻松鼠尋回38隻! (Nov 15, 2017) 富士山5日間外觀變化 颱風吹走「雪帽子」 (Oct 31, 2017)

Read more ›
牛佬!《古惑仔》大格咗啲喎!韓賓一味耷低頭捱揪!
by / on 18/08/2017 at 9:21 pm

牛佬!《古惑仔》大格咗啲喎!韓賓一味耷低頭捱揪!

拿,牛佬唔好嬲呀,我係你死忠Fans,純粹愛之深,所以責之切……今期第2053期《古惑仔》,真係……畫得大格咗少少。數過,除咗尾二嗰頁畫咗七格之外,其餘頁數全部都係坐三望四,仲有好多頁直頭畫Full Page添,我一個地鐵站唔夠已經睇完。畫得疏,仲要畫得似,唔係話無敵影印道,而係構圖基本上一模一樣,韓賓俾天收撳住揪,幾乎幅幅都係畫韓賓側面耷低頭雙手護前咬緊牙關嘴角帶血再加拳風兩點嘭嘭聲,嗯……咁樣好似唔多好喎,希望牛佬可以正視吓,不喜勿插。 相關資訊估佢唔到倫裕國 唱《同擔日月天》有Feel (Jan 14, 2017) 《古惑仔》搵俱樂部會長 牛佬擺街市勇上檯 (Jan 4, 2017)

Read more ›
牛佬《Bloody Girl》網絡劇開播 呂英紅年紀大咗少少
by / on 24/07/2017 at 9:45 pm

牛佬《Bloody Girl》網絡劇開播 呂英紅年紀大咗少少

大家有無捧牛佬網上漫畫《Bloody Girl》場?我有,所以得悉漫畫變埋「愛奇藝」網絡劇,我係OK興奮嘅。家陣可以先睹為快,上網有得睇……六分鐘,無錯,係六分鐘咁大把,睇完想追埋落去唔該科水。故事講Bloody Girl勾引富二代陳家偉車震,吼準機會殺之而後快,兇殺組組長李清負責呢單Case,去大富豪KTV查案,初遇媽媽生呂英紅。有睇開漫畫都知,呂英紅係第一女主角即係Bloody Girl本尊,真人版由劉芙伶出演,老實我唔識係乜水,不過驟眼望身材OK,但個樣就……年紀大咗少少……同漫畫版差好遠,Anyway,整體觀感係唔錯嘅。 相關資訊劈酒食飯送海報 古惑仔啤率先試飲 (Nov 24, 2016) 尹揚明朱永棠再演韓賓巢皮?牛佬出聲明《古惑仔之人鬼江湖》無授權 (Nov 17, 2016)

Read more ›
書展撐牛佬!撐《赤軀隨遇》!
by / on 20/07/2017 at 11:00 am

書展撐牛佬!撐《赤軀隨遇》!

好喇,牛佬已經喺《古惑仔》賣咗兩三期廣告,都唔爭在我呢個死忠Fans賣埋一份,今個書展牛佬會推出新書《赤軀隨遇》,內容係輯錄番《古惑仔》專欄內文再加修飾而成。牛老手字公認港漫界第一,書名《赤軀隨遇》固然係型,簡介亦唔弱:「白雲蒼狗,幻變無常,人生路程,從來不由自己操控,一半由人,一半由天,隨遇隨緣隨行。」有板有眼兼有Feel,委實好過好多所謂才子才女多多聲。係Fans的話,盡撐喇。 相關資訊網圖分享:Cuson親筆畫相贈 讀者感動喊出嚟 (Jul 25, 2017) 阿塗書展出《圖解廣東話Cantonese.jpg》 留意簽名會 (Jul 21, 2017)

Read more ›