Post Tagged with: "狗"

【狗狗都有】日本扭蛋出狗狗帽 戴起變一年級生超可愛
by / on 06/03/2018 at 7:24 am

【狗狗都有】日本扭蛋出狗狗帽 戴起變一年級生超可愛

唔係喵星人先有頭套有帽戴嘅,日本扭蛋公司奇譚都會造福狗群,最近就有呢個狗狗戴帽系列「かわいい かわいい 犬の一年生」,一式五款,戴起就好似個一年級學生咁,超傻超可愛,可以去郊外旅行嘞!而家已經推出咗,好想買返頂俾隻狗狗威吓呀。 相關資訊【有片】日本微型玩具達人 搭車玩玩具超速度感 (Apr 21, 2018) 超可愛日本柴犬廁紙套 陪辧大事好輕鬆 (Apr 21, 2018)

Read more ›

韓國Starbucks推出狗狗cupcake 兩款味道超可愛
by / on 21/02/2018 at 7:53 am

韓國Starbucks推出狗狗cupcake 兩款味道超可愛

農曆年眨吓眼就過咗,其實除咗中國人之外,韓國人都會慶祝農曆年,韓國嘅Starbucks仲推出咗兩款狗狗cupcake,IG見到好多韓國後生仔女都有去試。總共有兩款,包括朱古力味同埋白色嘅士多啤梨忌廉味,去開韓國嘅朋友有無試埋? 相關資訊【有片】韓國直播遊戲Super Bunny Man 爆笑死法網上熱傳 (Mar 23, 2018) 《古惑仔》送超靚素描年曆卡 伊文華過唔到狗年? (Feb 15, 2018)

Read more ›
日本超溫馨貓與狗 貓貓錫晒病狗朋友
by / on 08/02/2018 at 7:41 am

日本超溫馨貓與狗 貓貓錫晒病狗朋友

呢對日本嘅貓狗喺Twitter好高人氣,兩個出名勁好朋友,成日一齊食玩瞓,尤其是冬天咁凍,梗係貼到實一實啦。最近主人放咗新相,見隻狗狗熟睡緊,隻喵見到就想埋去錫吓佢啦,可惜隻狗係有老人病,俾唔到啲咩反應,而且仲有時會抽筋,貓貓朋友就成日陪住佢。 另一段片就睇到隻喵舉高手撳實狗狗個頭嚟瞓,仲有大量好溫馨嘅相同片,入嚟有得睇。 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【新片速報】日本兔仔妨礙工作 keyboard前反肚超可愛 (Apr 21, 2018)

Read more ›
【有片】又嚟回帶!時間停止能力 狗狗無效超搞笑
by / on 01/02/2018 at 9:24 pm

【有片】又嚟回帶!時間停止能力 狗狗無效超搞笑

呢條片,或者話呢套片,都已經係差唔多一年前,不過之前啲片剷咗,啱啱Twitter又見到有日本網民出片,真係好值得笑多次。套電影叫《時間を止められる男は実在した!~幸せそうな奴等の自慢の彼女を『寝とって』ハメ倒し!潜伏生活編~》,嘩好長,科幻電影嚟,講男主角有超能力,就係時間停止……可惜,佢呢個能力對狗狗係冇效嘅,都係嗰句,如果你明點解世界發動咗能力之後,白金之星最後都可以郁到,你就會明。 相關資訊【要買】「拒否犬」扭蛋推出 全6種各300円 (Apr 20, 2018) 貓奴要去 日本吉祥寺「貓Cafe」超靚建築 (Apr 20, 2018)

Read more ›
香港反虐日 張君豪作畫為貓狗發聲
by / on 23/01/2018 at 8:45 pm

香港反虐日 張君豪作畫為貓狗發聲

原來今日係「香港反虐日」,從來覺得虐畜係弱者最下賤所為,所以縱使我唔係貓奴狗奴,都覺得應該支持。響應方法好簡單,Copy一段文字加張貓狗相,貼喺自己面書,就等同替貓狗發聲,希望香港真正能夠成立到「動物警察」同制定到「動物保護法」。而為此,張君豪亦作畫一張以作呼籲,呢個蛋散咁有愛心,抵讚。係,或者你會話係個意貼個Post無乜實際作用,但姿態嘅嘢,啱就要擺;立場嘅嘢,最緊要明確,呢個響應活動,係值得大家參與嘅。 相關資訊日本貓奴爛瞓唔知醒 4隻喵星人怒啤超不滿 (Apr 19, 2018) 喵星人變晴天公仔 日本扭蛋超可愛 (Apr 17, 2018)

Read more ›
雪橇狗狗著起聖誕裝超不爽    黑臉連環圖網上熱傳
by / on 20/12/2017 at 7:58 am

雪橇狗狗著起聖誕裝超不爽 黑臉連環圖網上熱傳

聖誕節就到,作為寵物,有時都要被迫照主人意思打扮吓。最近嘅受害者有呢隻雪橇狗狗Anuko,佢戴住鹿仔帽同埋頸巾嘅相,睇到好難忍得住唔笑。不過其實佢唔係真係咁厭惡個打扮,而係佢本身個樣生成係咁不爽嘅。入嚟有多啲佢嘅相睇。其實佢係一隻好乖好錫主人嘅狗狗,曾經陪伴主人走出抑鬱症嘅深淵,而家呢隻狗狗有自己嘅FB、IG同網站,入嚟有得睇。 相關資訊【新片速報】日本雪橇狗超強演技 同貓玩扮喊Twitter熱傳 (Apr 15, 2018) 【相集】日本雪橇賞櫻花 超幸福笑到瞇眼伸脷 (Apr 2, 2018)

Read more ›

有片:狗仔身陷瀝青等死 有心人救番大團圓結局
by / on 17/12/2017 at 5:17 pm

有片:狗仔身陷瀝青等死 有心人救番大團圓結局

三隻初生小狗唔知因為乜原因,走咗入瀝青路,未完全凝固嘅瀝青變成致命陷阱,將佢哋半身漿住,動彈不得等死,只能發出悽厲慘叫聲。好彩,有人發現佢哋,但要救佢哋都好花難度,要成塊瀝青剷起送返機構,再經過無數次毛髮清洗,三隻小狗先回復本來面貌。最美滿嘅係,連狗媽媽最後都搵番,大團圓結局。細心留意,成條片有三兩個Shot係特別感人嘅,女醫護人員無懼瀝青嘅污糟邋遢,親吻小狗以示安慰,我覺得佢哋頭頂有光環,好靚。 相關資訊有片:狗仔都有汽車安全帶 坐後排好安全 (Nov 25, 2017) 【相集】日本超可愛汪星人 矇豬眼只得3個月大 (Oct 14, 2017)

Read more ›
【感動】再次發揮網絡力量 主人狗狗失散四年重聚
by / on 04/12/2017 at 8:54 pm

【感動】再次發揮網絡力量 主人狗狗失散四年重聚

好少報香港寵物新聞,不過見到呢啲事,真係好開心!都想多啲人見到!今朝睇到有人出post話見到有隻雪橇狗狗好污糟冇主人,旁邊有袋狗糧,擬似被遺棄,但啱啱再喺「毛孩關愛組」專頁見到,原來係奇蹟呀!話說狗狗主人喺四年前被人偷狗,之後一直都搵唔到,但今日竟然透過網民分享,見到自己失散四年嘅愛犬!仲話佢去接番狗狗時,狗狗都仲認得佢!懷疑應該係四年前偷狗者棄養?點都好,講開亦都講埋,上年5月仲有隻牧羊犬走失咗,主人到o依家都出post搵緊,大家可以幫忙留意吓,仲有,各位主人要小心自己寵物走失,而搵緊貓貓同狗狗嘅主人們都唔好放棄呀!至於偷狗嘅人,其實不如去領養,領養嘅小動物都好可愛好忠心嘅,仲有領養不棄養呀! 相關資訊香港3月有得睇!《鐵甲萬能俠/ INFINITY》再見朋友! (Jan 27, 2018) 【有片】假面製造本地英雄 香港「守武者-夢翔」 (Jan 4, 2018)

Read more ›
【有片】日本雪橇超識瞓 自製床舖大包圍
by / on 01/12/2017 at 7:46 am

【有片】日本雪橇超識瞓 自製床舖大包圍

呢隻日本雪橇真係好囂張,喺大家返工返學嘅時候,佢就自己喺張床上面轉圈,原來係想整到張床圍住自己,瞓得舒服啲。呢隻日本星級狗狗名叫文太,2010年6月2日,即係7歲喇。 相關資訊日本超嗲企鵝仔 貼實飼養員唔願走開 (Apr 20, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›
【相集】超合拍野外喵狗組合 上山下海成為好朋友
by / on 25/11/2017 at 12:03 pm

【相集】超合拍野外喵狗組合 上山下海成為好朋友

好可愛呀呢對野外貓狗組合!佢哋兩個都係成功上樓嘅動物,狗狗Henry喺3年前被主人Cynthia Bennett收養,之後幾個月前主人再領養埋隻喵星人。由於主人好鍾意行山,所以呢對貓狗就成為行山專家嘞。睇返佢哋IG啲相,由草原到冰天雪地都有去過,仲一齊紥營過夜,似乎好好玩,最難得係貓同狗相處融洽,仲成為好好嘅朋友,入嚟有多啲相睇! 相關資訊【新片速報】日本喵星人與倉鼠 超好朋友零防備 (Apr 17, 2018) 日本網民衝動消費 超搞笑「噴鼻水」筆袋Twitter熱傳 (Apr 16, 2018)

Read more ›
日本「渋谷」狗銅像又有貓蹤 大喵細喵瞓晏覺
by / on 16/11/2017 at 7:55 am

日本「渋谷」狗銅像又有貓蹤 大喵細喵瞓晏覺

一睇見呢對銅腳就知道係日本「渋谷」車站出面好有名嘅ハチ公狗狗銅像嘞。呢個銅像下面經常有喵星人出沒,最近又有網民放咗呢兩張相上網,一大一細喵星人瞓晏覺好可愛,仲吸引到好多人RT。咁其實點解ハチ公像經常有貓出沒呢?據講係有位日本嘅退休男士養咗好多貓,經常都會帶佢哋去唔同景點俾人影吓相,希望治癒吓人心,出沒地點除咗「渋谷」車站ハチ公之外,仲有銀座、井之頭公園等等,當然都有啲愛貓之人認為咁做打擾咗啲喵喵,所以每次都會引起少少爭論。 相關資訊日本超可愛小貓熊 hea爆睡姿Twitter熱傳 (Apr 20, 2018) 又係時候洗牙 現役「齒科衛生士」西原愛夏初出DVD (Apr 19, 2018)

Read more ›

【新片速報】日本可愛水瀨仔 與狗對恃超驚青
by / on 13/11/2017 at 7:00 am

【新片速報】日本可愛水瀨仔 與狗對恃超驚青

呢隻住喺日本嘅水瀨仔好可愛,之前都有介紹過,眨吓眼佢已半歲大嘞。最近主人放咗段新片上Twitter,睇到佢同隻狗狗對恃嘅一幕,好驚青嘅水瀨仔匿埋喺個水盤後面越縮越後,之後仲激動得滯成個盤反轉咗,倒到一地都係水,自己都濕晒,超可愛!留意返,其實隻狗全程無郁過。 相關資訊日本Kit Kat「壽司朱古力」 海膽軍艦大阪機場限定 (Apr 19, 2018) 日本酒店超創意 「三文魚主題房」食玩瞓都係魚 (Apr 19, 2018)

Read more ›
【有片】貓貓狗狗做主打 日本被單毛氈攻主子市場
by / on 04/11/2017 at 4:45 pm

【有片】貓貓狗狗做主打 日本被單毛氈攻主子市場

有養寵物嘅,有時真係會覺得最緊要佢哋舒服開心,咁如果揀被單床墊時,你會唔會想諗吓邊張主子們會瞓得舒服啲?呢條片就主攻奴才們嘅市場喇! 相關資訊日本玩具連環圖攝影高手 幪面超人飛沙走石 (Apr 18, 2018) 【有片】日本女模演唱會台下自拍 Bruno Mars鬧爆丟毛巾 (Apr 18, 2018)

Read more ›
【有片】Sony新一代機械狗公佈 19萬円識上網
by / on 01/11/2017 at 5:07 pm

【有片】Sony新一代機械狗公佈 19萬円識上網

aibo!記唔記得?99年推出,06年停產,早幾年唔幫你整,宣佈R.I.P.。原來係為咗新一代aibo(ERS-1000)。今日由平井一夫社長正式公佈,198,000円一隻仲要綑綁式上網3年,月費2,980円,暫時未有計劃賣海外。64位元四核,全身22個活動關節配,兩組6軸感應,180×305×293mm,重2.2kg,充一次電3小時,可以活動2小時。仲有好多嘢嘅,包括兩隻眼係OLED,又鏡頭又收音又盛,仲可以上網用雲端記嘢儲嘢學嘢,頭同背部仲有感應,即係你摸佢會有反應……但點高科技都好,個身硬嘅,冇毛嘅,冇生命嘅,同真正小動物相處嗰份愛,同佢應該建立唔到,所以其實我諗唔明,點解到呢個年代仲會出電子機械狗,出人吖嘛。又如果,真係好鍾意狗又唔養得嘅話,我建議捐咗嗰萬幾蚊出嚟,救貓狗小動物會仲有意義過養假狗。 相關資訊【有片】SONY機械狗18年後復活?新一代下周公佈 (Oct 27, 2017) 【新片速報】日本喵星人與狗 超有愛Twitter長期放閃 (Sep 14, 2017)

Read more ›
日本「新小岩駅」防自殺設置 唔望路軌望隻狗
by / on 02/10/2017 at 10:41 am

日本「新小岩駅」防自殺設置 唔望路軌望隻狗

日本「新小岩駅」都係自殺勝地,理由就係因為來往市區同機場嘅成田特快列車,經過「新小岩駅」時時速可以去到120km/h……而且近年都好多人身事故發生。早前車站已經喺月台加咗藍色半透明頂,希望用藍色令人情緒穩定啲、輕鬆啲,除此外,喺車站、月台仲有啲可愛嘅動物相片,即係好似咁,啲座椅唔係向住路軌,而係向狗狗圖。又其實,會唔會試吓放啲性感囡囡大隻囝囝圖? 相關資訊【相集】日本早熟小妹妹 識擺甫超強破壞力 (Apr 18, 2018) 日本拒絕上門銷售怪招 貼亂碼貼紙好有效 (Apr 18, 2018)

Read more ›