Post Tagged with: "狗"

新片速報   熱爆魔術狗狗被玩    零食突然消失
by / on 23/03/2014 at 1:12 pm

新片速報 熱爆魔術狗狗被玩 零食突然消失

魔術可以用嚟識女仔,狗仔呢?呢位魔術師 Jose Ahonen就同一班狗狗玩魔術,本來拎住一嚿零食,當佢哋準備張開口食嘅時候,突然,粒零食唔見咗!可憐嘅狗狗接受唔倒現實,有啲甚至嬲到吠起上嚟,條片放上YouTube短短 3 日已經過咗180萬點擊。有人鬧爆佢虐待,有人話狗狗個鼻咁靈敏,一定搵倒粒零食咁話‥‥‥ 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本零食工廠播放「多謝」錄音 每件產品聽足100萬次 (Apr 6, 2018)

Read more ›

新片速報 平時禁上床 獨處狗狗大解放
by / on 18/03/2014 at 4:43 pm

新片速報 平時禁上床 獨處狗狗大解放

本人唔理咩細菌咩蟲咩污糟,貓貓狗狗絕對可以上床陪我瞓。不過好多人都唔俾寵物上床係事實,好似呢位西人,佢平時唔俾隻狗上床,咁狗仔好有靈性嘛,冇人嘅時候係咪都好乖呢?主人就裝咗個鏡頭偷拍,當主人出咗門口之後,佢跳上床好似發咗癲一樣,隔籬隻喵,就好似無奈中帶點睥視咁…… 相關資訊【狗狗都有】日本扭蛋出狗狗帽 戴起變一年級生超可愛 (Mar 6, 2018) 韓國Starbucks推出狗狗cupcake 兩款味道超可愛 (Feb 21, 2018)

Read more ›
日本狗狗著水手校 《美少女戰士》Cosplay
by / on 12/03/2014 at 2:40 pm

日本狗狗著水手校 《美少女戰士》Cosplay

之前日本Peach John推出《美少女戰士》內衣系列,仲有Coser著嚟自拍,睇得我哋好開心。啱啱又有另類Coser現身Intagram,就係佢哋喇!呢位主人睇嚟都想代替月亮懲罰佢哋,於是整晒5套狗狗著嘅水手服,入嚟有相有片睇,禮服幪面俠呢? 相關資訊勝利人生 DAIGO 40歲生日會 真人版「美少女戰士」全員出席 (Apr 25, 2018) 【有片】聽住歌逐步學 《美少女戰士》「月野兔」便當 (Apr 22, 2018)

Read more ›
世界盃狗狗國家隊    戰鬥民族配雪橇
by / on 05/03/2014 at 8:38 am

世界盃狗狗國家隊 戰鬥民族配雪橇

世界盃6月開鑼,外國動物攝影網Life on White最近就合成咗一輯相,所有狗狗著晒唔同國家嘅球衣列陣,熱門隊伍例如巴西、荷蘭、意大利、葡萄牙都有份,而且配搭有紋有路,日本當然係配最出名嘅秋田犬,戰鬥民族俄羅斯梗係係配霸氣嘅西伯利亞雪橇,有心思! 相關資訊俄羅斯超可愛浣熊醫生 專責平靜狗狗情緒 (May 5, 2018) 「熊貓之穴」又出爆笑扭蛋 動物變鞋抽下巴第4彈 (Apr 25, 2018)

Read more ›
新片速報  超霸氣狗狗食雪糕   主人偏心有原因
by / on 04/03/2014 at 7:06 am

新片速報 超霸氣狗狗食雪糕 主人偏心有原因

又到得意動物時間!今次主角係兩隻狗狗Daisy同埋Cooper,話說主人買咗一杯雪糕比佢哋食,但就好偏心只係比左邊嘅Daisy食先,Cooper眼望望超可憐,不過睇到尾你就明點解,因為當Daisy食完,主人遞比旁邊嘅Cooper時,佢嘅食法堪稱霸氣盡現,狼過華秀隻狗呀!話時話,喺獸醫角度睇,狗狗係唔應該食雪糕,對腸胃唔好之餘仲好易痴肥,尤其是Cooper咁大食‥‥‥ 相關資訊魔之融合 童星點心麵 + 雪糕5月29日發售 (May 25, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
烏雞芝娃娃變friend   原來烏雞係白色?
by / on 21/02/2014 at 7:09 am

烏雞芝娃娃變friend 原來烏雞係白色?

雞仔同狗仔都可以成為好朋友,呢兩隻由Duluth動物醫院嘅愛心義工Alicia Williams拯救嘅動物,好快就friend咗。狗仔芝娃娃叫Penny,可惜因意外得返兩隻腳,雞仔Roo無嫌棄佢,仲成日跟出跟入同佢好friend,認真有義氣。不過吸引我眼球係因為呢隻雞嘅特別造型,毛茸茸眼都唔見埋好得意,唔好笑我,原來佢就係平日成日用嚟煲湯嘅烏雞(fluffy Silkie)!無去開街市嘅我,想像唔倒烏雞除咗黑色仲有白色,而且白色先係最原始最正宗嘅顏色,我決定以後都唔飲烏雞湯‥‥‥ 相關資訊日本超溫馨貓與狗 貓貓錫晒病狗朋友 (Feb 8, 2018) 【有片】又嚟回帶!時間停止能力 狗狗無效超搞笑 (Feb 1, 2018)

Read more ›

《Star Trek》寵物床   天寒地凍主人專用
by / on 20/02/2014 at 12:51 pm

《Star Trek》寵物床 天寒地凍主人專用

天氣凍成咁,人類要捐入被竇,動物都要有張暖笠笠嘅床嘆世界。《Star Trek》迷有福喇,因為Think Geek有人設計咗呢張Captain寵物床,同電影《Star Trek》入面Captain張椅一樣,不過係比擁有四隻腳尊貴嘅佢。除咗狗狗,其實貓仔同人仔都瞓得,開價美金$79.99,最怕係買咗返去班大帝望兩望就走開,I know that feel bro。 相關資訊貓奴要去 日本超正旅館有貓入房陪玩 (May 21, 2018) 【有片】日本表情貓 超慢鏡玩繩好興奮 (Apr 27, 2018)

Read more ›
男人與狗      重做經典電影場面
by / on 01/01/2014 at 12:52 pm

男人與狗 重做經典電影場面

男人,老狗,加埋有乜嘢好玩?可以學呢位Reddit用戶mmsspp咁模仿返經典電影場景影返輯相,無女主角唔緊要,狗狗可以代勞。佢玩勻《人鬼情未了》、《鐵達尼號》、《蜘蛛俠》,連《斷背山》都玩埋,玩得咁盡興,原來隻狗係佢老闆娘嘅,由於日日帶返工所以可以比佢慢慢玩,唔,有前途呀! 相關資訊《Deadpool 2》外國超正電影宣傳 惡搞知名電影封面 (May 18, 2018) 【超幸福】貓奴FF場面出現了 兩隻喵星人挨住瞓 (Apr 27, 2018)

Read more ›
新片速報   真唔真?狗狗讀心術即時譯英文
by / on 20/12/2013 at 12:09 pm

新片速報 真唔真?狗狗讀心術即時譯英文

有無幻想過自己屋企隻狗狗識講嘢?細蚊仔嘅時候我有諗過,大個咗就覺得無可能。點知剛剛喺外國網Indigogo見倒呢個集緊資嘅新發明,叫No More Woof,可以將狗狗腦入面諗緊嘅嘢轉化成語言,不過暫時只得英文,硬生生將佢變咗西狗。另外要用呢個科技,狗狗就要戴晒成套耳機,好沉重。不過我最怕係原來翻譯結果係隻狗狗經常鬧我或者嫌我煩,我會好傷心唔想帶佢散步。仲有,其實譯錯咗我都未必知,好吊詭。 相關資訊【集資成功】日本女生專用攬枕 6嚿腹肌好好攬 (Mar 26, 2018) 香港反虐日 張君豪作畫為貓狗發聲 (Jan 23, 2018)

Read more ›
動物相集     狐狸與狗忽然friend咗
by / on 14/12/2013 at 2:22 pm

動物相集 狐狸與狗忽然friend咗

狼同狐狸都係出名奸詐,不過比我揀做朋友,我寧願揀狐狸,呢隻狗仔都係。挪威攝影師Torgeir Berge有日帶狗仔Tinni散步,遇到隻狡滑的狼,狗同狐狸不嬲都唔friend,不過佢哋兇咗大家幾下之後,居然friend咗!而家仲日日一齊玩一齊瞓超好朋友,Berge仲計劃寫本童話故事講呢隻狐狸與狗的故事,我好黑心,唔知係咪Happy Ending呢? 相關資訊【相集】日本攝影師超治癒相集 祖母與柴犬置身花海 (May 21, 2018) 法國攝影師捕捉「香港天台」 密集式港人生活 (Apr 26, 2018)

Read more ›
長脷狗狗食花生醬    Instagram動物開心share
by / on 12/12/2013 at 7:16 am

長脷狗狗食花生醬 Instagram動物開心share

動物時間!我細過好鐘意食花生醬,而且仲要係唔塗麵包齋食嗰種,估唔到狗狗都係!外國有位狗主Stephanie McCombie有日發現自己隻狗食花生醬個樣好趣緻,伸晒脷好盡情,於是影咗輯相喺網上分享,之後仲喺Instagram開咗個#peanutbutterseries計劃,鼓勵其他狗主甚至貓主一齊分享靚相。呢班主人好古惑,專登將啲花生醬點喺動物嘅鼻尖,等佢哋要伸長條脷先食到。不過話時話,有啲狗仔會對花生敏感,食之前要小心。溫馨提示:朱古力、咖啡、鹽都千祈唔好比狗狗食,好易中毒。 相關資訊【有片】任記紙皮天敵圖/片補完 懶貓冇興趣 睇見打喊露 (Apr 24, 2018) 大量發生 夏天降臨 各地貓貓液體化 (Apr 23, 2018)

Read more ›

哨牙狗狗Instagram大熱   60萬粉絲follow
by / on 12/12/2013 at 7:06 am

哨牙狗狗Instagram大熱 60萬粉絲follow

GameoverHK唔係動物網,不過網上經常有得意動物,真係好難唔分享。呢隻叫Tuna嘅狗仔喺Instagram好紅,有超過60萬個follower,特色係一排搞笑哨牙!據知佢因為其貌不揚被遺棄街頭,最後比好心主人Courtney Dasher收養,由於佢棚牙實在太特別,所以喺網上火速爆紅!我最鐘意佢瞓覺嘅相,露出一棚細細隻嘅哨牙,真係核爆級得意。佢仲出埋2014年年曆、聖誕杯、Tote bag等產品,送比狗狗愛好者一流。 相關資訊雪橇狗狗著起聖誕裝超不爽 黑臉連環圖網上熱傳 (Dec 20, 2017) 有片:狗仔身陷瀝青等死 有心人救番大團圓結局 (Dec 17, 2017)

Read more ›
狗雀合體   PS大神又出動
by / on 11/12/2013 at 9:17 am

狗雀合體 PS大神又出動

新品種!狗狗加雀仔會變成咩?多得偉大嘅Photoshop,我哋可以見倒呢輯神奇PS圖集!呢堆PS神獸由網民創作,有狗身雀頭,亦有雀頭狗身,難得係無違和感,PS功力好強,新品種網名叫「Dirds」,即係Dog加Bird,如果真係有咁神奇嘅品種出現喺現實世界,相信應該會幾嘈吓,飛住吠喎,你驚唔驚? 相關資訊【圖集】時裝界災難 網上cosplay專門惡搞名牌衫 (May 26, 2018) 【圖集】巨喵襲地球構想圖 大戰哥斯拉突襲日本 (May 3, 2018)

Read more ›
內地狗狗被打包速遞?   日本網民鬧爆
by / on 08/12/2013 at 1:11 pm

內地狗狗被打包速遞? 日本網民鬧爆

不厭其煩講多次,送禮千祈唔好送動物,好多貓狗就係咁樣被遺棄。講返正題,近日聖誕節就到,好多人上網買禮物送比人,內地網「貼貼」最近就瘋傳一張狗狗被打包嘅相。相中見倒一隻狗狗被圍滿bubble紙加牛皮膠紙,好似一件易碎貨物咁樣被打包,仲企喺一堆紙皮箱前面。張相喺日本網引起好多人討論,有人鬧爆話點解狗都可以用速遞運送。不過暫時未知究竟係咪真有其事,我估都係有內地網民懶風趣影嘅模擬相,不過實會有人覺得幾得意有樣學樣,雖然我唔想呢個係事實。 相關資訊【有片】內地化學堂用「電子黑板」 傳到日本網民羨慕 (May 7, 2018) 【感動】再次發揮網絡力量 主人狗狗失散四年重聚 (Dec 4, 2017)

Read more ›
【有片】生日大晒 日本金毛食狗糧軍艦壽司
by / on 06/12/2013 at 3:33 pm

【有片】生日大晒 日本金毛食狗糧軍艦壽司

如果有個好主人,做狗狗真係好幸福。好似呢隻日本嘅金毛Coco,佢生日真係威水,今年有蛋糕食,個蛋糕仲有佢個樣,可惜好快佢就一啖食咗自己個頭……上年就仲勁,佢主人親自手握壽司俾佢,而且佢仲落晒Order要食咩,不過狗狗唔係樣樣都食得,所以材料有限制,例如呢款,狗糧軍艦……好啦,今次我唔抽明將水喇。 相關資訊【有片】日本痴漢出沒注意 偷拍影片Twitter熱傳 (May 26, 2018) 【有片】日本網上熱傳 名古屋「痴漢無雙」 街頭放題級狂摸 (May 25, 2018)

Read more ›