Post Tagged with: "狗"

長脷狗狗食花生醬    Instagram動物開心share
by / on 12/12/2013 at 7:16 am

長脷狗狗食花生醬 Instagram動物開心share

動物時間!我細過好鐘意食花生醬,而且仲要係唔塗麵包齋食嗰種,估唔到狗狗都係!外國有位狗主Stephanie McCombie有日發現自己隻狗食花生醬個樣好趣緻,伸晒脷好盡情,於是影咗輯相喺網上分享,之後仲喺Instagram開咗個#peanutbutterseries計劃,鼓勵其他狗主甚至貓主一齊分享靚相。呢班主人好古惑,專登將啲花生醬點喺動物嘅鼻尖,等佢哋要伸長條脷先食到。不過話時話,有啲狗仔會對花生敏感,食之前要小心。溫馨提示:朱古力、咖啡、鹽都千祈唔好比狗狗食,好易中毒。 相關資訊日本「渋谷」狗銅像又有貓蹤 大喵細喵瞓晏覺 (Nov 16, 2017) 【新片速報】日本撳鐘貓新玩具 啟動推骨牌裝置超可愛 (Nov 16, 2017)

Read more ›

哨牙狗狗Instagram大熱   60萬粉絲follow
by / on 12/12/2013 at 7:06 am

哨牙狗狗Instagram大熱 60萬粉絲follow

GameoverHK唔係動物網,不過網上經常有得意動物,真係好難唔分享。呢隻叫Tuna嘅狗仔喺Instagram好紅,有超過60萬個follower,特色係一排搞笑哨牙!據知佢因為其貌不揚被遺棄街頭,最後比好心主人Courtney Dasher收養,由於佢棚牙實在太特別,所以喺網上火速爆紅!我最鐘意佢瞓覺嘅相,露出一棚細細隻嘅哨牙,真係核爆級得意。佢仲出埋2014年年曆、聖誕杯、Tote bag等產品,送比狗狗愛好者一流。 相關資訊【新片速報】日本可愛水瀨仔 與狗對恃超驚青 (Nov 13, 2017) 【有片】貓貓狗狗做主打 日本被單毛氈攻主子市場 (Nov 4, 2017)

Read more ›
狗雀合體   PS大神又出動
by / on 11/12/2013 at 9:17 am

狗雀合體 PS大神又出動

新品種!狗狗加雀仔會變成咩?多得偉大嘅Photoshop,我哋可以見倒呢輯神奇PS圖集!呢堆PS神獸由網民創作,有狗身雀頭,亦有雀頭狗身,難得係無違和感,PS功力好強,新品種網名叫「Dirds」,即係Dog加Bird,如果真係有咁神奇嘅品種出現喺現實世界,相信應該會幾嘈吓,飛住吠喎,你驚唔驚? 相關資訊日本「白貓拳」圖集 埋身肉搏好刺激 (Nov 12, 2017) 【有片】Sony新一代機械狗公佈 19萬円識上網 (Nov 1, 2017)

Read more ›
內地狗狗被打包速遞?   日本網民鬧爆
by / on 08/12/2013 at 1:11 pm

內地狗狗被打包速遞? 日本網民鬧爆

不厭其煩講多次,送禮千祈唔好送動物,好多貓狗就係咁樣被遺棄。講返正題,近日聖誕節就到,好多人上網買禮物送比人,內地網「貼貼」最近就瘋傳一張狗狗被打包嘅相。相中見倒一隻狗狗被圍滿bubble紙加牛皮膠紙,好似一件易碎貨物咁樣被打包,仲企喺一堆紙皮箱前面。張相喺日本網引起好多人討論,有人鬧爆話點解狗都可以用速遞運送。不過暫時未知究竟係咪真有其事,我估都係有內地網民懶風趣影嘅模擬相,不過實會有人覺得幾得意有樣學樣,雖然我唔想呢個係事實。 相關資訊日本「新小岩駅」防自殺設置 唔望路軌望隻狗 (Oct 2, 2017) 【新片速報】日本喵星人與狗 超有愛Twitter長期放閃 (Sep 14, 2017)

Read more ›
【有片】生日大晒 日本金毛食狗糧軍艦壽司
by / on 06/12/2013 at 3:33 pm

【有片】生日大晒 日本金毛食狗糧軍艦壽司

如果有個好主人,做狗狗真係好幸福。好似呢隻日本嘅金毛Coco,佢生日真係威水,今年有蛋糕食,個蛋糕仲有佢個樣,可惜好快佢就一啖食咗自己個頭……上年就仲勁,佢主人親自手握壽司俾佢,而且佢仲落晒Order要食咩,不過狗狗唔係樣樣都食得,所以材料有限制,例如呢款,狗糧軍艦……好啦,今次我唔抽明將水喇。 相關資訊下周推出 日本Lotteria超級牛扒漢堡 (Nov 19, 2017) 日日追Deadline 日本話題書名作家格言「護身符」 (Nov 19, 2017)

Read more ›
治癒系狗仔行孖咇    Instagram大熱
by / on 05/12/2013 at 7:31 am

治癒系狗仔行孖咇 Instagram大熱

治癒系動物唔係日本專利,西洋狗都有萌爆嘅一面,好似呢對得意狗仔Harlow同埋Sage,喺Instagram達到明星級,閒閒哋一個post都幾萬個like,好威威。無辦法啦,佢哋好識擺甫,擘大口、笑騎騎、cosplay乜招式都出齊,而且去到邊都行孖咇,雖然年齡同體型上有差距,不過無損佢哋嘅感情,完全無狗咬狗骨呢啲情況,睇完心情靚晒。 相關資訊【有啲恐怖】日本治癒系「貓尾咕臣」 摸兩摸識擺尾 (Oct 11, 2017) 【相集】人氣IG攝影師 專影落雨後風景倒影 (Sep 25, 2017)

Read more ›

防災狗仔衫 防火防震抵冷風
by / on 20/11/2013 at 6:16 pm

防災狗仔衫 防火防震抵冷風

網上又流傳話下年2014年2月22日會係世界末日,確實日期就唔太堅,不過近一兩年又真係多咗啲好勁嘅天災。呢件日本出品嘅狗狗防災服就用咗防火布料,仲有15mm厚度,可以保護狗狗頭部同身體,加埋可以禦寒,我覺得屋企隻狗狗應該都要添番件。 相關資訊網購悲劇 日本漫畫家有相畫埋圖 (Sep 7, 2017) 【新片速報】無見美國隊長10星期 汪星人激動狂舔片熱傳 (Sep 4, 2017)

Read more ›
人狗合一    狗頭人身創意合照
by / on 14/11/2013 at 7:11 am

人狗合一 狗頭人身創意合照

想同狗狗影合照其實仲有好多創意方法,好似加拿大攝影師Zack Rose,就決定將狗主同狗狗二合為一,方法好簡單,就係將相機入面狗狗嘅相變成框架,再套上現實生活中主人嘅身體上面,效果又幾和諧。佢仲用呢個方法幫大量狗主影靚相,作為主人,見倒自己同愛狗二合為一,都咪話唔冧。不過我最想知係佢有無收到Canon錢,全部都係Canon logo嘅? 相關資訊【呀婆走得快】日本89歲老頑童攝影師 新宿寫真展12月開幕 (Nov 13, 2017) 加拿大總理經常著星戰襪 超有愛Twitter熱傳 (Sep 23, 2017)

Read more ›
髮型好重要 加拿大流浪狗狗變靚仔
by / on 02/11/2013 at 9:12 pm

髮型好重要 加拿大流浪狗狗變靚仔

放假都係要睇吓動物嘅!香港都有好多愛心義工同團體,如果政府多啲支持,就唔會出現咁多虐貓虐狗情況。都唔明啲人諗咩,貓狗都係生命,點可以咁對佢哋?人類真係可以決定佢哋嘅生死?講番呢單近排喺外國網絡好紅嘅開心嘢,喺加拿大Ontario,有人發現有隻好醜樣嘅流浪狗狗,救咗佢改埋名叫Shrek之後,就要幫佢剃晒身上面又長又污糟嘅毛。嘩,剩係剃出嚟嘅毛都重1.5kg!不過剪咗個新髮型,原來幾靚仔喎!佢真係幸運,喺香港,俾漁記捉咗啦…… 相關資訊【有片】日本男有愛心 水道單手救狗 (Aug 27, 2017) 日本網民分享白狗假髮圖 勁似《鋼鍊》合成獸 (Aug 15, 2017)

Read more ›
外星狗fing頭    超殘忍動物時間
by / on 27/10/2013 at 1:15 pm

外星狗fing頭 超殘忍動物時間

星期日又到動物時間,今次睇嘅係好受歡迎嘅狗狗,不過係嚟自外星嘅,講笑姐,其實係外國好殘忍嘅攝影師,將一班狗狗最盡情嘅Fing頭時刻完美捕捉,睇到狗狗們面容扭曲、毛髮大亂、皮肉分離,好易會誤認佢哋係外星生物。呢位拍攝兇手叫Carli Davidson,聲稱自細被獵豹養大,可能因為咁,佢同狗狗有仇,要報牛。 相關資訊【相集】日本Twitter瘋傳動感貓寫真 超崩壞喜劇感爆燈 (Oct 23, 2017) 【相集】日本超可愛倉鼠仔 拉長身體瞓梳化Twitter熱傳 (Oct 21, 2017)

Read more ›
Husky甩毛整公仔 大細雪橇影合照
by / on 20/10/2013 at 3:08 pm

Husky甩毛整公仔 大細雪橇影合照

呢張相望落冇乜特別啫,隻雪橇同隻公仔影相之嘛。但原來隻公仔係佢主人用隻Husky啲甩出嚟嘅毛毛整嘅,咁就成件事超可愛喇!呢張相啱啱喺日本Twitter開始瘋傳,同時間,日本都有人將隻柴犬甩出嚟嘅毛砌番隻柴犬剪影出嚟…… 相關資訊【有片】日本無奈黑貓 狗狗當枕頭逆來順受 (Jul 29, 2017) 【新片速報】汪星人識騎馬 仲會帶馬仔散步 (Jul 21, 2017)

Read more ›

新片速報 狗床貓佔 狗狗會點做?
by / on 20/10/2013 at 2:49 pm

新片速報 狗床貓佔 狗狗會點做?

星期日睇動物,作為主人,貓連人都當奴僕,狗喺佢哋眼中又算啲咩?貓狗同屋,好多貓都會走去霸咗狗狗張床,有啲狗會好唔安樂四圍行,有啲就瞓喺格嚟發脾氣,有啲就算喇,去瞓番隻貓張床,但係貓床好細張喎!睇完條片,我好想幫啲狗出番啖氣。 相關資訊【有片】呆咗!日本喵見按摩墊 著得識轉咁奇都有? (Nov 7, 2017) 【有片】日本流浪貓入屋 畫師畫畫變成咁 (Nov 5, 2017)

Read more ›
創意扭蛋   狗身佛面超惡搞
by / on 05/10/2013 at 10:59 am

創意扭蛋 狗身佛面超惡搞

日本扭蛋真係創意爆燈,最新傑作有呢隻大佛柴犬,由EPOCH出品,每隻柴犬都可以戴頭罩,唔單止有大佛頭像,仲有馬頭,每款三隻色,惡搞味超濃,每隻扭蛋200円,不過咁樣褻瀆神靈,如果身邊有佛教徒千祈唔好買,以免比人藐爆。 相關資訊日本奇譚「紙箱貓」扭蛋 自動行走超可愛 (Nov 14, 2017) 日本「迷你狙擊手」扭蛋 藏身食物瞄準目標 (Nov 3, 2017)

Read more ›
狗仔戴condom   SPCA新廣告嚇壞人
by / on 02/10/2013 at 7:26 am

狗仔戴condom SPCA新廣告嚇壞人

見倒呢個動物condom廣告,我當堂嚇一跳!狗仔貓仔喎,condom喎,邊個同佢戴?點樣戴?上到去官網,發現有條香蕉,仲有寫明「how to put on a pet condom」嘅短片,似乎可以解除我心中疑惑,點知一按掣,就彈出一句:「方法只有一個,為你的寵物絕育吧。」一矢中的,好嘢!呢個係SPCA嘅最新宣傳活動,提醒各位主人,要為自己嘅貓狗做好安全措施,有創意又有心思,Like。 相關資訊【新片速報】日本倉鼠唔怕貓 背部滑行影片Twitter熱傳 (Nov 5, 2017) 【超治癒】「熊貓之穴」長下巴動物Tote Bag 大阪有得買 (Nov 4, 2017)

Read more ›
良心愛狗廣告:請不要再食狗肉
by / on 24/09/2013 at 4:11 pm

良心愛狗廣告:請不要再食狗肉

呢世人最憎就係虐待動物嘅無良人類,直至今日我都唔明點解強國人可以食狗,原來除咗強國,泰國少數人都有呢個習慣,最近泰國一個愛狗團體UniDog就出咗呢輯廣告,每次狗仔頭部都有隻飯碗,宣傳口號係:「I’m begging for life, not food. 」,一矢中的,facebook分享後好多人支持,都係嗰句,醒吓啦。 相關資訊【有片】土屋太鳳/松井愛莉/廣瀨鈴賣朱古力 跳舞扮G字 (Oct 31, 2017) 【新片速報】星野源‧吉岡里帆變狐狸 日清新廣告fans必睇 (Oct 28, 2017)

Read more ›