Post Tagged with: "狗"

新片速報 感人 當兵後回家 貓狗大分別
by / on 28/07/2013 at 5:26 pm

新片速報 感人 當兵後回家 貓狗大分別

之前網上有段片,係輯錄咗唔狗主當完兵之後返到屋企,同狗狗久別重逢一刻嘅感人時刻,啲狗瘋狂咁錫主人,又撲又跑又跳……可能見到呢啲片段,於是呢位西人又學人拍段片,佢當兵半年後返到屋企:「我返嚟喇!」不過佢隻寵物唔係狗狗,而係喵,結果…… 相關資訊韓國Starbucks推出狗狗cupcake 兩款味道超可愛 (Feb 21, 2018) 日本貓零食變「投藥用」 超聰明設計呃喵星人 (Feb 21, 2018)

Read more ›

新片速報 感人!奇蹟狗狗 四腳義肢又跳又跑
by / on 28/06/2013 at 4:12 pm

新片速報 感人!奇蹟狗狗 四腳義肢又跳又跑

狗係人類好朋友,冇人性冇愛心冇智慧嘅人先會走去食佢哋!呢隻叫Nakio嘅狗狗,喺佢幾個月大嗰陣就俾人遺棄咗喺美國Nebraska一間破屋嘅地窖,當時佢已經凍到僵晒,而佢媽媽仲已經凍死咗……有愛心嘅獸醫將佢救番,但係就因為四隻腳都凍傷咗而要截肢……咁等佢傷口埋口之後,獸醫嘅助理Christie Pace就決定收養佢,仲幫佢籌款整咗呢4隻義肢,最後,睇呢條片就知,Nakio可以跑可以跳好開心,成為世界上第1隻裝上4隻義肢嘅狗狗,忘記咗痛苦嘅童年!令人感動!最後,我想講啲獸醫唔好成日叫人俾啲狗安樂死!我身邊都有好多案例,主人決定唔聽獸醫叫安樂死,最後救得番狗狗,仲可以活多幾年,成日叫人道毀滅,生命嚟o架仆街! 相關資訊日本超溫馨貓與狗 貓貓錫晒病狗朋友 (Feb 8, 2018) 【有片】又嚟回帶!時間停止能力 狗狗無效超搞笑 (Feb 1, 2018)

Read more ›
瘋狂狗Cosplay     麥當娜Lady Gaga狗仔服網上有售
by / on 09/06/2013 at 9:33 am

瘋狂狗Cosplay 麥當娜Lady Gaga狗仔服網上有售

呢幾隻狗嘅cosplay造型,係我見過最瘋狂嘅。有假髮不特止,仲有埋假胸,扮緊嘅分別有Lady Gaga、麥當娜、瑪麗蓮夢露,連革命家哲古華拉都有份!當中又以瑪麗瑪麗蓮夢露烏低身露事業線最有諗頭。嗱,笑吓好喇,千祈唔好迫你隻狗著上身,你諗吓,著成咁,無晒狗尊嚴,一世喺狗朋友面前都抬唔起頭,好陰功o架! 相關資訊日本爸爸拎錯喼 開會發現入面係cosplay服 (Feb 24, 2018) 【相集】超可愛「大雄」cosplay 學校取景日本Twitter熱傳 (Feb 22, 2018)

Read more ›
狗仔變流動WiFi熱點    登記人數激增
by / on 07/06/2013 at 7:04 am

狗仔變流動WiFi熱點 登記人數激增

香港人多數手機有無限上網,好少用流動WiFi服務,不過最近泰國電訊Dtac就力推流動WiFi,hotspot接收點唔係電話亭,而係一隻隻好可愛嘅狗仔。呢班穿著職員嘅狗職員出現係泰國街頭巷尾,只要靠近佢就可以免費取得WiFi服務。呢個宣傳手法好成功,超過50萬人影相放上網分享,仲多咗一萬人登記Dtac嘅服務。愛狗之人一致激賞,不過我好好奇狗狗有無人工收,有無最低工資,大熱天時,點都要請佢食返杯雪糕補數喎。 相關資訊香港反虐日 張君豪作畫為貓狗發聲 (Jan 23, 2018) 雪橇狗狗著起聖誕裝超不爽 黑臉連環圖網上熱傳 (Dec 20, 2017)

Read more ›
新片速報 狗狗專用攝錄機 柴犬帶你遊日本
by / on 02/06/2013 at 12:28 pm

新片速報 狗狗專用攝錄機 柴犬帶你遊日本

又到星期日,又係我最鍾意分享寵物治癒系新聞嘅時候。話說Sony推出咗一部攝錄機HDR-AS15,佢有超輕機身仲防水防塵,而且仲特別推出咗狗用嘅攝錄機扣帶,可以俾狗狗孭上背,拍出佢嘅睇到嘅世界!咁官方就搵咗隻柴犬示範,整咗段片放上YouTube,呢個宣傳方法梗係Work啦,之後就有好多狗主買咗,仲拍埋片,見到日本啲狗狗喺日本街頭閒逛,又去效外睇櫻花,真係好爽!仲有我最鍾意嘅小牧! 相關資訊日本「貓島」太多貓要絕育 今年成功申請基金 (Feb 24, 2018) 【圖集】日本「貓之日」人氣插畫師出圖 巨喵襲地球 (Feb 23, 2018)

Read more ›
狗狗耳機插 500円一隻超可愛
by / on 26/05/2013 at 5:40 pm

狗狗耳機插 500円一隻超可愛

有啲朋友話睇我哋個網成早都淨係見到貓貓嘅產品,太過偏心。其實,我內心覺得忠心嘅狗狗先係最可愛嘅,日本柴犬梗係係無敵。呢幾款日本新推出嘅狗狗耳機插,每個500円,一套3,000円,暫時見到日本網上有得賣,香港唔知返咗貨未,巡開場留意吓先!但係……我部手機個插有個蓋封住喎…… 相關資訊有片:狗仔身陷瀝青等死 有心人救番大團圓結局 (Dec 17, 2017) 【感動】再次發揮網絡力量 主人狗狗失散四年重聚 (Dec 4, 2017)

Read more ›

貓狗鴨兔恰眼瞓 超可愛治癒系gif樁樁吓
by / on 26/05/2013 at 5:33 pm

貓狗鴨兔恰眼瞓 超可愛治癒系gif樁樁吓

星期日下晝,個人懶洋洋真係咩都唔想做。但奇就奇在就算噚晚睇波捱夜,放假都唔會恰眼瞓,而就算今晚幾早瞓,聽日開工全日都係好攰好冇精神……冇諗住去研究奇妙嘅人體構造,只係想share呢班小動物恰眼瞓嘅gif俾大家,星期日睇吓啲超可愛嘅動物樁樁吓,係最佳治癒方法。 相關資訊【有片】日本雪橇超識瞓 自製床舖大包圍 (Dec 1, 2017) 【相集】超合拍野外喵狗組合 上山下海成為好朋友 (Nov 25, 2017)

Read more ›
獵奇新片 狗狗兄弟情 導盲憑聲帶上岸
by / on 14/03/2013 at 12:25 pm

獵奇新片 狗狗兄弟情 導盲憑聲帶上岸

唔記得幾多年前開始,我冇再鬧人係狗,因為狗其實係好過好多人,鬧人係狗,尤其係賤人,其實變成一種讚美。呢對英國嘅狗兄弟,冇血緣關係但一齊長大,齊齊爭咬狗玩具。但係7歲嘅拉布拉多Eddie幾年前盲咗睇唔到嘢,自此之後,6歲大嘅混種狗狗Milo就成為Eddie對眼睛!呢條片就睇到Milo帶Eddie散步出去玩,Eddie又曳喎,睇唔到嘢都要落水玩,玩到搵唔到路上番岸,呢個時候Milo就大發神威……佢哋個45主人Baker-Stedham話:「瞓覺嗰陣Milo都會挨喺Eddie身上,隨時都俾到安全感佢。」嗚!好感人呀! 相關資訊日本「渋谷」狗銅像又有貓蹤 大喵細喵瞓晏覺 (Nov 16, 2017) 【新片速報】日本可愛水瀨仔 與狗對恃超驚青 (Nov 13, 2017)

Read more ›
獵奇影片 狗狗打噴嚏 9萬幾個Views
by / on 11/03/2013 at 3:33 pm

獵奇影片 狗狗打噴嚏 9萬幾個Views

成日喺facebook見到有人因為大肚呀分手呀搬屋呀唔要啲狗狗,仆你個街養咗幾年冇感情o架?睇見都嬲!所以要睇番啲得意影片輕鬆番,狗狗有幾得意呢?可能因為空氣質素越嚟越差,連啲狗狗都頂唔順要狂打乞嚏,打到Fing甩個頭咁濟!呢次真係同啲網絡紅人一樣,打個乞嚏都10萬個Views呀!勁! 相關資訊【有片】貓貓狗狗做主打 日本被單毛氈攻主子市場 (Nov 4, 2017) 【有片】Sony新一代機械狗公佈 19萬円識上網 (Nov 1, 2017)

Read more ›
狗狗著時裝 Chok樣做Model
by / on 04/02/2013 at 4:53 pm

狗狗著時裝 Chok樣做Model

呢隻嚟自美國紐約嘅柴犬,多得佢個平面設計師主人David Fung同佢個時裝設計師女朋友Yena Kim,令佢變成時裝模特兒。佢著嘅衫唔係狗仔衫,而係人著嘅男裝衫,喺呢個「Menswear Dog」仲有詳細配搭品牌介紹……講番佢個名,叫Bodhi,啲Chok樣實在好有潮模風範。 相關資訊日本「新小岩駅」防自殺設置 唔望路軌望隻狗 (Oct 2, 2017) 【新片速報】日本喵星人與狗 超有愛Twitter長期放閃 (Sep 14, 2017)

Read more ›
煲呔貓識閃燈   怕醜貓專用
by / on 29/01/2013 at 12:11 pm

煲呔貓識閃燈 怕醜貓專用

嚟緊過新年屋企隻貓要見人,駛少少錢裝吓身少不免。呢款貓專用煲呔,簡約得嚟幾實用,賣港幣$64。背面有扣比你扣實貓頸圈,而且中間識著燈,可以調校閃燈或者長著。唔想佢新年匿埋床下底搵唔倒,又或者你屋企嗰隻係黑貓‥‥‥都可以買返個。除咗貓之外,其實狗仔都用得,不過我就覺得唔係幾襯。 相關資訊日本貓睇冬奧 最愛冰壼玩埋一份 (Feb 20, 2018) 【有片】再闖日本美術館!尾道市黑貓突破防線? (Feb 19, 2018)

Read more ›

獵奇影片 狗狗飲羊奶 圍圈氹氹轉
by / on 26/01/2013 at 12:02 pm

獵奇影片 狗狗飲羊奶 圍圈氹氹轉

唔關打機動漫日韓西人娛樂事,純粹係見外國傳媒介紹呢條片,個人喜好分享吓。圖中有6隻蘇格蘭爹利(Scottish Terriers)狗仔喺度飲羊奶,而佢哋飲奶時有一個習慣,就係圍圈,圍完圈都未完,仲要圍住個盤一路飲一路行,好可愛。 相關資訊網購悲劇 日本漫畫家有相畫埋圖 (Sep 7, 2017) 【新片速報】無見美國隊長10星期 汪星人激動狂舔片熱傳 (Sep 4, 2017)

Read more ›
獵奇發明   狗仔抺地四腳拖
by / on 02/01/2013 at 3:37 pm

獵奇發明 狗仔抺地四腳拖

天下間最殘忍嘅事莫過於此,不嬲狗仔都唔鍾意著鞋,但係主人要帶你出街怕你整污糟,唯有硬食啦。點知而家喺屋企都要著鞋,點解?因為可以幫手抹地囉!呢款叫Pet Sweep嘅設計,老實講我覺得好有創意亦好實用,賣美金$8真係好抵,但係隻狗仔真係好可憐。下次賴尿?自己抹返囉! 相關資訊日本情人節「蛆蟲朱古力」 婉拒男仔方法網上熱傳 (Feb 15, 2018) 超可愛比卡超毛毛拖鞋 一踩識著燈冬天必備 (Nov 8, 2017)

Read more ›