Post Tagged with: "狗"

【新片速報】無見美國隊長10星期 汪星人激動狂舔片熱傳
by / on 04/09/2017 at 7:40 am

【新片速報】無見美國隊長10星期 汪星人激動狂舔片熱傳

10個星期無見,屋企隻黐身嘅汪星人會點?Chris Evans即係美國隊長就親身示範咗,隻狗狗一嘢撳低佢,之後起勢咁舔,條尾不停咁搖,完全表達到佢掛住主人嘅激動心情。旁邊嘅家人完全無伸出援手,只係不停咁笑‥‥‥下次唔好出門咁耐嘞。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›

【有片】日本男有愛心 水道單手救狗
by / on 27/08/2017 at 10:48 am

【有片】日本男有愛心 水道單手救狗

外面天氣咁差,如果咁啱見到有需要幫助嘅人,梗係要幫,見到小動物,都要幫。呢位日本男就見到有隻狗跌咗落水上唔番嚟,於是佢就冒險摛出去,一隻手扶住石壆,半個人落咗去再單手拉番隻狗上嚟!之後跟進嘅情況係餵咗狗狗食嘢啦,而隻狗都冇骨折或者嚴重受傷!呢啲好人好事係值得表揚嘅。 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
日本網民分享白狗假髮圖 勁似《鋼鍊》合成獸
by / on 15/08/2017 at 7:22 am

日本網民分享白狗假髮圖 勁似《鋼鍊》合成獸

有睇《鋼之鍊金術師》應該都會對入面嘅合成獸有好深刻嘅印象,諗起都毛管楝。最近呢張相喺Twitter熱傳,相中嘅白色狗狗被迫戴咗個黑色長假髮,網民話即時諗起鋼鍊嘅合成獸,有人又話好似貞子,總之就見到都心寒。BTW,最先其實先有黑色狗狗戴黑長假髮嘅相流出,大家都讚好之後有網民就試吓出動自己隻白狗,點知‥‥‥ 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 【新片速報】日本喵星人陪玩芒亨 等Load Game可以摸喵 (Feb 17, 2018)

Read more ›
【有片】日本無奈黑貓 狗狗當枕頭逆來順受
by / on 29/07/2017 at 2:40 pm

【有片】日本無奈黑貓 狗狗當枕頭逆來順受

睇呢啲貓狗相處片,多數都係啲喵恰啲狗狗,今次其實都係,隻狗諗住錫吓攬吓隻喵,點知黑貓就擰住頭喵佢,不過可能佢反應比較遲鈍,一嘢就枕咗個頭落隻喵度,你睇吓佢個樣! 相關資訊日本曳貓偷飲麵豉湯 診所驗血好彩無事 (Feb 16, 2018) 日本屁孩破壞迷宮 紙皮迷宮爛晒無得玩 (Feb 16, 2018)

Read more ›
【新片速報】汪星人識騎馬 仲會帶馬仔散步
by / on 21/07/2017 at 7:52 am

【新片速報】汪星人識騎馬 仲會帶馬仔散步

係威嘅,我都未騎過馬,但呢隻汪星人唔止識騎馬,仲會間中「放馬」,即係帶隻馬去散吓步咁,睇片都覺得佢好有型呀!事發地點係美國嘅克薩斯州,隻拉布拉多獵犬似乎訓練有素,隻馬仔都好聽佢話。原來佢唔係第一隻識騎馬嘅狗狗,入嚟仲有另一段片睇。 相關資訊日本網民收「尚方寶劍」 帶木雕巨魚歌舞伎町散步 (Feb 16, 2018) 日本超溫馨貓與狗 貓貓錫晒病狗朋友 (Feb 8, 2018)

Read more ›
【係愛呀】雪橇狗狗出走為見好友 攬到實太癡纏
by / on 14/07/2017 at 7:16 am

【係愛呀】雪橇狗狗出走為見好友 攬到實太癡纏

睇到呢幾張連環圖令人好感動。呢兩隻狗狗啡色嘅叫Messy,雪橇叫Audi,佢哋嘅主人係鄰居,間中會見面。Messy個樣一睇就知好脾氣多朋友,其中Audi就好鍾意佢嘞,為咗見佢有日仲趁主人無閂實圍欄,把握機會衝出家門嚟搵Messy,之後就出現咗呢個掘到實嘅感人場面嘞。希望雙方家長以後俾多啲機會佢哋見面啦。 相關資訊【新片速報】日本超可愛雪橇 瞓覺前好忙碌不停試位 (Feb 6, 2018) 【有片】又嚟回帶!時間停止能力 狗狗無效超搞笑 (Feb 1, 2018)

Read more ›

【有片】超可愛狗狗坐單車 手仔狂郁幫手踩
by / on 09/07/2017 at 12:51 pm

【有片】超可愛狗狗坐單車 手仔狂郁幫手踩

揹住個袋帶狗仔踩單車好似都幾爽,不過呢隻狗狗就好懂性,可能知道主人踩得攰,所以想幫手踩出一分力……咁佢都幫到手嘅,起碼搞到主人同睇片嘅我哋好開心。 相關資訊香港反虐日 張君豪作畫為貓狗發聲 (Jan 23, 2018) 雪橇狗狗著起聖誕裝超不爽 黑臉連環圖網上熱傳 (Dec 20, 2017)

Read more ›
【紅到日本】狗狗坐擁超肥美pet pet 眼矇腿粗IG大人氣
by / on 04/07/2017 at 7:15 am

【紅到日本】狗狗坐擁超肥美pet pet 眼矇腿粗IG大人氣

呢隻狗狗Chowchow最近紅到去日本,全因為佢有個大pet pet同埋好萌嘅睡姿。當大家睇埋佢個樣,矇豬眼再加埋個蓬鬆嘅髮型,肥到好似粒棉花糖咁,可愛到暈。而家佢住喺馬來西亞,來自中國嘅佢好彩有幸成為寵物而唔係食物,只得半歲大嘅佢而家喺IG好高人氣,入嚟有多啲相睇。 相關資訊【圖集】不自量力喵星人想出嚟 肥美身體阻住咗 (Feb 15, 2018) 【相集】日本人氣倉鼠仔新瞓法 超似「鎖匙孔」Twitter熱傳 (Feb 3, 2018)

Read more ›
【有片】狗狗亂入樂隊演奏 冇人趕坐低慢慢聽
by / on 01/07/2017 at 9:14 pm

【有片】狗狗亂入樂隊演奏 冇人趕坐低慢慢聽

其實去到戶外地方,唔係只有人類可以自由活動,早排見到啲人去郊外地方話有流浪狗兇佢啲仔女,就叫漁記去捉,咁地球係咪應該剩番人類?同埋俾人類食嘅動物?流浪已經唔容易,包容吓啦,點都易過喺鬧市包容冇禮貌嘅人吖?啱啱先見到有人話土耳其人好愛護流浪小動物,之後就睇到呢條片喇,一隊樂團去Ephesus戶外演奏,期間有隻流浪狗狗亂入,最後仲坐低埋聽,而啲樂師見到有呢位特別嘉賓都好開心。 相關資訊有片:狗仔身陷瀝青等死 有心人救番大團圓結局 (Dec 17, 2017) 【感動】再次發揮網絡力量 主人狗狗失散四年重聚 (Dec 4, 2017)

Read more ›
【超似樣】日本流浪喵成功上樓     同狗狗一見如故
by / on 27/06/2017 at 11:05 am

【超似樣】日本流浪喵成功上樓 同狗狗一見如故

呢對好似樣嘅小貓同大狗最近喺日本Twitter好紅,主人收養咗隻流浪貓,估唔到一返到屋企初見面貓同狗已經friend咗,唔通因為啲毛色相似,佢哋誤認咗大家係親人?張相喺Twitter好多人分享,樓主之後仲分享多啲生活照,原來喵星人經常會瞓喺狗狗身上面,而且瞓咗上去之後好似有保護色一樣睇佢唔到,好安全。主人仲幫隻小貓改咗個名叫「雷蔵」,有氣勢! 相關資訊我真係恭喜你呀!日本超強數值玩家現身 (Feb 16, 2018) 【新片速報】日本網民玩直髮夾 調校熱度變音樂演奏 (Feb 16, 2018)

Read more ›
【有片】巴西聰明狗狗 「自己乾糧自己買」超可愛
by / on 20/06/2017 at 7:30 am

【有片】巴西聰明狗狗 「自己乾糧自己買」超可愛

巴西呢隻狗狗Pituco好厲害,識自己去寵物店買糧食!每日佢都會由屋企走去附近嘅寵物店,由於佢食嗰款狗糧喺貨架高層,所以Pituco會吠叫提醒店員拎俾佢,然後就會咬住走,當然唔駛俾錢啦,因為主人過幾日就會落舖頭俾。唔止自己啲糧自己買,佢仲會間中買埋貓糧、雀糧俾屋企其他朋友仔,入嚟有片睇佢買嘢食嘅經過,咬住包糧跑跑吓好得意,中途仲喺樹下屙篤尿先返屋企,好識嘆! 相關資訊日本流浪貓好聰明 書店關門後入內取暖 (Jan 21, 2018) 【有片】日本雪橇超識瞓 自製床舖大包圍 (Dec 1, 2017)

Read more ›

有片:真‧英雄零安全裝備 爬窗上二樓救汪星人
by / on 06/06/2017 at 10:30 pm

有片:真‧英雄零安全裝備 爬窗上二樓救汪星人

樓上狗吠狺狺,裝個頭出窗口望望,忽見一汪星人卡住喺露台欄杆之間,大半身凌空將跌未跌,你會點做?拎掃把出嚟,企圖篤番隻狗入去?做法合理吖,但失敗咗,畀著你跟住你又會點?片中人居然作出一個嚇死人舉動──直撞擒出窗口,喺無任何保護措施嘅情況(好似有縛條繩仔)爬上樓上露台,之後拖番隻狗出嚟。成件事好有愛心,堪稱英雄,但如果咁不幸再有下次,其實好應該先報警,一個唔好彩跌落樓,肯定渣都無。 相關資訊【相集】超合拍野外喵狗組合 上山下海成為好朋友 (Nov 25, 2017) 日本「渋谷」狗銅像又有貓蹤 大喵細喵瞓晏覺 (Nov 16, 2017)

Read more ›
【新片速報】糖尿症男童與狗狗 超感人齊齊參加畢業禮
by / on 15/05/2017 at 11:10 am

【新片速報】糖尿症男童與狗狗 超感人齊齊參加畢業禮

人同狗之間嘅深厚感情有時真係令人好感動。外國小朋友Tyler McCready細細個患上第1型糖尿病,因為呢個病,令佢要時刻檢測自己嘅血糖含量,仲不時會昏迷,呢個病更令佢患上抑鬱症。直至佢嘅屋企人帶咗服務犬Sinatra返屋企,呢隻狗狗竟然可以感測到小主人嘅血糖情況,仲因為咁而救咗主人幾次。最近小主人高中畢業,仲帶埋狗狗一齊出席畢業典禮,人同狗都著上畢業袍戴埋畢業帽,好感人。嚟緊小主人會入大學讀書,狗狗都會繼續陪住佢,不過好似小主人嘅爸爸所講,其實狗狗喺佢哋心目中已經係博士級數嘞! 相關資訊【圖集】日本「喵插畫」超感人 貓奴必睇Twitter熱傳 (Jan 11, 2018) 【新片速報】日本可愛水瀨仔 與狗對恃超驚青 (Nov 13, 2017)

Read more ›
【新片速報】日本狗狗遇上刺猬仔      想舔兩下嚇到彈起
by / on 28/04/2017 at 7:31 am

【新片速報】日本狗狗遇上刺猬仔 想舔兩下嚇到彈起

呢段片實在太好笑,難怪喺Twitter咁多分享。日本有隻狗狗屋企多咗隻刺猬仔,天性友善好客嘅佢好想同刺猬仔做朋友,但係一伸個頭埋去想舔佢時,就發現唔妥嘞,咁多刺嘅?佢仲嚇到彈起超好笑!不過好奇心旺盛嘅佢好快又再接再厲‥‥‥ 相關資訊【新片速報】日本超為食喵星人 狂舔空氣回味無窮 (Feb 16, 2018) 【有心】回禮送呢啲 送俾女仔一定送調味料 (Feb 15, 2018)

Read more ›
日本狗狗馬路邊打招呼    柴犬被壓好無奈
by / on 21/04/2017 at 7:56 am

日本狗狗馬路邊打招呼 柴犬被壓好無奈

外國人見面有獨特嘅打招咪方式,例如錫吓面、擊吓拳咁。估唔到呢隻日本狗狗都有自創嘅打招呼方式,就係成個身踏上人哋度,然後完全靜止唔郁休息。睇見被踏嘅柴犬仔個樣好無奈,應該好重吓。BTW,喺馬路咁做似乎有啲危險。 相關資訊日本情人節「蛆蟲朱古力」 婉拒男仔方法網上熱傳 (Feb 15, 2018) 【新片速報】日本芒亨真人版「貓飯片」 分鏡/配樂跟到足 (Feb 15, 2018)

Read more ›