Post Tagged with: "狗"

【新片速報】糖尿症男童與狗狗 超感人齊齊參加畢業禮
by / on 15/05/2017 at 11:10 am

【新片速報】糖尿症男童與狗狗 超感人齊齊參加畢業禮

人同狗之間嘅深厚感情有時真係令人好感動。外國小朋友Tyler McCready細細個患上第1型糖尿病,因為呢個病,令佢要時刻檢測自己嘅血糖含量,仲不時會昏迷,呢個病更令佢患上抑鬱症。直至佢嘅屋企人帶咗服務犬Sinatra返屋企,呢隻狗狗竟然可以感測到小主人嘅血糖情況,仲因為咁而救咗主人幾次。最近小主人高中畢業,仲帶埋狗狗一齊出席畢業典禮,人同狗都著上畢業袍戴埋畢業帽,好感人。嚟緊小主人會入大學讀書,狗狗都會繼續陪住佢,不過好似小主人嘅爸爸所講,其實狗狗喺佢哋心目中已經係博士級數嘞! 相關資訊【新片速報】日本Twitter熱傳短片 喵仔與狗超可愛接觸 (Jun 6, 2018) 成功混入畢業禮 外國肥仔扮畢業生行禮 (May 26, 2018)

Read more ›

【新片速報】日本狗狗遇上刺猬仔      想舔兩下嚇到彈起
by / on 28/04/2017 at 7:31 am

【新片速報】日本狗狗遇上刺猬仔 想舔兩下嚇到彈起

呢段片實在太好笑,難怪喺Twitter咁多分享。日本有隻狗狗屋企多咗隻刺猬仔,天性友善好客嘅佢好想同刺猬仔做朋友,但係一伸個頭埋去想舔佢時,就發現唔妥嘞,咁多刺嘅?佢仲嚇到彈起超好笑!不過好奇心旺盛嘅佢好快又再接再厲‥‥‥ 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
日本狗狗馬路邊打招呼    柴犬被壓好無奈
by / on 21/04/2017 at 7:56 am

日本狗狗馬路邊打招呼 柴犬被壓好無奈

外國人見面有獨特嘅打招咪方式,例如錫吓面、擊吓拳咁。估唔到呢隻日本狗狗都有自創嘅打招呼方式,就係成個身踏上人哋度,然後完全靜止唔郁休息。睇見被踏嘅柴犬仔個樣好無奈,應該好重吓。BTW,喺馬路咁做似乎有啲危險。 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
【回帶】有片:超叻汪星人 踩滑板識轉彎
by / on 11/04/2017 at 2:30 pm

【回帶】有片:超叻汪星人 踩滑板識轉彎

Wow,點解可以咁叻架?汪星人踩滑板巡遊,一身醒目狗仔衫固然係亮點,令途人目不轉睛嘅最大原因,係踩板技術異常精湛。唔係齋戙企喺度由得塊滑板自己轆,齋保持平衡難唔到汪星人,佢叻到識得自己用後腿坐跑再跳上板,跟住主人行街街,有幾個Shot,仲好似識得控制塊板轉彎添,唔畀十個叻佢都唔得。 相關資訊日本貓奴返屋企第一幕 喵星人試圖破欄而出 (Jun 11, 2018) 【新片速報】日本超嗲喵星人Twitter熱傳 瞓主人肚腩唔肯走 (Jun 4, 2018)

Read more ›
【新片速報】日本進擊狗狗要人摸     主人出動摩打手
by / on 08/04/2017 at 10:36 am

【新片速報】日本進擊狗狗要人摸 主人出動摩打手

呢段片入面隻日本狗狗好可愛,喺Twitter已經有超過3萬個分享。呢位主人帶咗狗狗出街散步,好嗲嘅狗狗不停要主人摸,而主人都出動摩打手招呼佢,不過當主人想停吓時,佢就好進擊,跟住仲有另一隻狗想介入,最後俾佢出奸招一嘢撞開。 相關資訊【狗狗都有】日本扭蛋出狗狗帽 戴起變一年級生超可愛 (Mar 6, 2018) 韓國Starbucks推出狗狗cupcake 兩款味道超可愛 (Feb 21, 2018)

Read more ›
【新片速報】聰明狗狗識打拍子 陪主人Jam歌好陶醉
by / on 01/04/2017 at 12:27 pm

【新片速報】聰明狗狗識打拍子 陪主人Jam歌好陶醉

玩音樂唔係人類嘅專利,呢隻狗狗都夢想成為一位音樂家,而且佢好有天分,同主人一齊jam歌都無問題。睇片見佢隻前腳有節奏咁踩個鼓嘅腳踏,主人話佢保持到每分鐘100下嘅節奏,好叻叻,最重要係狗狗個樣好陶醉,No Music No Life呀! 相關資訊日本貓零食變「投藥用」 超聰明設計呃喵星人 (Feb 21, 2018) 日本超溫馨貓與狗 貓貓錫晒病狗朋友 (Feb 8, 2018)

Read more ›

【有片】梳咗唔好嘥 貓狗毛毛整手錶 4星期起貨
by / on 31/03/2017 at 5:15 pm

【有片】梳咗唔好嘥 貓狗毛毛整手錶 4星期起貨

有養貓貓狗狗嘅,有冇習慣同佢哋梳完毛儲起啲毛?未知做咩o架,就係唔捨得掉囉。o依家有多個選擇喇,美國「Analog Watch Co.」推出呢個貓毛狗毛整手錶服務,199美元一隻係唔平,但整出嚟幾靚喎,3至4個星期起貨,咁咪可以好似成日戴住佢哋出街同返工! 相關資訊【有片】玩具瘋狂郁 日本高傲的喵擔天望地唔得閒理 (Jun 15, 2018) 日本Sharp推出智能貓廁所 紀錄尿量/逗留時間 (Jun 15, 2018)

Read more ›
【新片速報】日本超可愛狗狗短片 聽完指示遞錯手
by / on 19/03/2017 at 11:42 am

【新片速報】日本超可愛狗狗短片 聽完指示遞錯手

好多時候貓主狗主讚自己隻寵物可愛,可能只係得佢哋自己覺得啫,不過今次唔同,呢隻日本狗狗嘅可愛舉動個個網民都讚可愛,影片短短一日已經超過6萬個RT。一開始主人摸佢,佢好開心咁走嚟走去,之後主人伸手表示唔准郁之後,佢即時剎停,好聽話!不過當主人遞隻手想叫佢俾手嘅時候,佢就失手嘞,之後尷尷尬尬咁呆咗,好好笑。 相關資訊【圖集】摺紙的藝術 超可愛樹人BB/死侍 (Jun 21, 2018) 日本秋葉原神奇特飲 凍結奇異果屹立不倒 (Jun 20, 2018)

Read more ›
有片:汪星人漩渦 打圈圈食狗糧
by / on 15/03/2017 at 10:15 pm

有片:汪星人漩渦 打圈圈食狗糧

咁搞笑嘅?原來幾隻狗仔圍住一個兜食狗糧,係會不自覺打圈圈嘅,一隻一隻好守秩序咁,逆時針方向邊轉邊烏低頭食,估計同個兜係圓形有關。話時話,咁食法都幾攰吓,會唔會頭暈?又話時話,唔知點解,呢個咁有趣嘅畫面居然令我聯想到伊藤潤二《漩渦》…… 相關資訊【有片】又嚟回帶!時間停止能力 狗狗無效超搞笑 (Feb 1, 2018) 香港反虐日 張君豪作畫為貓狗發聲 (Jan 23, 2018)

Read more ›
【相集】日本可愛狗狗又變裝 天氣凍化身街頭小食檔主
by / on 13/02/2017 at 8:02 am

【相集】日本可愛狗狗又變裝 天氣凍化身街頭小食檔主

之前都介紹過呢兩隻日本狗狗,主人最近又幫佢哋轉新造型,趁天氣凍佢哋化身做街頭賣小食嘅店主,不過咁凍都要開工,佢哋個樣似乎好無奈。不如玩完快啲餵佢哋食零食,再開著個暖爐慰勞吓佢哋啦。入嚟仲有幾個古怪造型睇,連龍珠同ONE PIECE都扮埋,今個月主人明顯好得閒。 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›
【有片】空中飛狗!日本狗仔航拍機「雪丸」腳識郁
by / on 07/02/2017 at 8:33 pm

【有片】空中飛狗!日本狗仔航拍機「雪丸」腳識郁

之前有人用自己隻已故貓貓做標本再變成四軸航拍機,有啲恐怖。呢隻就可愛得多啦!係日本奈良縣王寺町官方製作嘅,隻「雪丸」一路飛,四隻腳仔仲識一路郁,好似喺空中散步咁!講多少少,「雪丸」係日本歷史人物聖德太子嘅愛犬,而呢個地方就係聖德太子之町,好靚呀! 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›

大阪新地標?臘腸狗建築有幾隻?
by / on 02/02/2017 at 6:52 pm

大阪新地標?臘腸狗建築有幾隻?

去日本旅行,真係咩都影一餐,靚嘛,得意嘛。近排就有網民影到呢個狗形建築物,不過佢唔係遊客,而係大阪居民嚟,但一直都冇發現有座咁嘅嘢喎。睇番資料,2011年起好,係寵物食品配送中心「ドギーマン関西ロジスティクスセンター」,應該都幾隔涉,不過可以上Google Map實景行吓。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
【新片速報】狗狗坐車有「專用位」 夾實塊臉超可愛
by / on 19/01/2017 at 7:28 am

【新片速報】狗狗坐車有「專用位」 夾實塊臉超可愛

狗狗坐車可以坐專用椅,或者可以好似呢隻狗狗咁,將個頭攝喺前座兩個位中間,都一樣有安全感。呢段片最先喺IG熱傳,之後有日本人放上Twitter又再好多人RT。睇片見狗狗塊臉夾到扁咗,眼矇朦「中」眼瞓,兩隻前腳放上枱好乖咁款,真係可愛到暈! 相關資訊雪橇狗狗著起聖誕裝超不爽 黑臉連環圖網上熱傳 (Dec 20, 2017) 有片:狗仔身陷瀝青等死 有心人救番大團圓結局 (Dec 17, 2017)

Read more ›
【有片】天才狗用尿兜 識沖水仲識擰轉頭
by / on 16/01/2017 at 9:42 pm

【有片】天才狗用尿兜 識沖水仲識擰轉頭

真係囂張嘅。呢隻狗入到廁所,自己走埋個尿兜度小便,小完便先係重點,識得企起身用隻手沖水,沖完水仲要擰轉頭望鏡頭,你睇佢個樣! 相關資訊【感動】再次發揮網絡力量 主人狗狗失散四年重聚 (Dec 4, 2017) 【有片】日本雪橇超識瞓 自製床舖大包圍 (Dec 1, 2017)

Read more ›
【有片】不離不棄受傷同伴 路軌狗狗險被輾
by / on 27/12/2016 at 7:33 pm

【有片】不離不棄受傷同伴 路軌狗狗險被輾

我已經戒咗鬧人「好狗」、「狗都不如」,因為我實在搵唔到狗狗有咩缺點要俾人鬧,就算有,都係人類造成嘅。喺烏克蘭,就有呢兩隻狗同伴,其中一隻受咗傷,瞓咗喺路軌,另一隻為咗陪伴佢不離不棄,就算火車喺頭頂經過都要保護佢!好彩係聖誕節嗰日就有人嚟救走咗佢喇,呢個人叫Denis Malafeyev,聖誕老人級數嘅男人。 相關資訊【相集】超合拍野外喵狗組合 上山下海成為好朋友 (Nov 25, 2017) 日本「渋谷」狗銅像又有貓蹤 大喵細喵瞓晏覺 (Nov 16, 2017)

Read more ›