Post Tagged with: "狗"

聰明狗狗網上爆紅 去完廁所識用廁紙
by / on 02/12/2016 at 7:13 am

聰明狗狗網上爆紅 去完廁所識用廁紙

狗狗嘅學習能力好強,不過好似人咁識去完廁所用廁紙就真係好神奇。呢隻叫Pablo嘅狗狗最近喺網上爆紅,佢嘅主人Acelin Hampton係一位rapper,3個月前領養咗Pablo。可能見過好多次主人去廁所用廁紙,佢都暗暗學識咗。最近主人帶佢上朋友屋企,佢喺地下屙咗篤尿,居然識得用廁紙冚住!張相放上網後被瘋傳,大家都讚Pablo好叻仔,仲叫主人唔好怪佢,佢已經盡咗力。不過長期咁玩法都幾嘥廁紙,唯有帶多啲佢落街去廁所啦。 相關資訊【新片速報】日本喵星人與狗 超有愛Twitter長期放閃 (Sep 14, 2017) 【新片速報】日本聰明喵好勤力 幫手推紙杯入垃圾桶 (Sep 10, 2017)

Read more ›

壽司狗狗裝超可愛    三文魚/魚子軍艦任揀
by / on 22/11/2016 at 7:16 am

壽司狗狗裝超可愛 三文魚/魚子軍艦任揀

呢兩日天氣開始凍,係時候幫屋企嘅寵物添置返件衫仔嘞,如果係呢件壽司衫呢?睇落唔暖,不過主人一定開心,但係首先你要有隻白色嘅狗先做到壽司效果,同埋好可惜佢係住喺紐約嘅狗主嘅DIY作品,如果量產嘅話相信好多主人都想買返件。BTW,最欣賞佢後面棵假葉同旁邊嘅薑,真嘅一樣呀! 相關資訊網購悲劇 日本漫畫家有相畫埋圖 (Sep 7, 2017) 【新片速報】無見美國隊長10星期 汪星人激動狂舔片熱傳 (Sep 4, 2017)

Read more ›
【有片】理想與現實 貓狗試玩日本寵物善良的槍
by / on 03/11/2016 at 9:57 pm

【有片】理想與現實 貓狗試玩日本寵物善良的槍

如果有養狗嘅,都應該有同狗狗玩過拋波或拋零食,見到佢哋飛身去接,成功梗係叻,失敗變頂頭搥都好好笑……日本啱啱就有呢把「キャッチ A GO! GO!」善良的槍,射出嘅係零食,射程有120cm至140cm,賣1580円。不過官方拍咗兩條試玩片,一條喵一條狗,似乎倒米喎。 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›
【洋蔥】主人搬屋狗狗被遺棄 坐門口一個月等主人
by / on 26/10/2016 at 7:14 am

【洋蔥】主人搬屋狗狗被遺棄 坐門口一個月等主人

呢啲新聞真係一單都嫌多,睇見就嬲。住喺美國底特律嘅狗狗呀Boo本來有個美滿家庭,但主人搬屋嘅時候竟然遺棄埋佢。連續一個月,佢都同啲被遺棄嘅傢俬一齊坐喺門口等主人返嚟接佢,鄰居見到唔忍心,輪流餵嘢比佢食,最後聯絡埋當地嘅動物協會,而家呀Boo被收留,等緊搵個新主人。其實養寵物係一生一世嘅事,唔可以因為任何理由而遺棄佢哋,希望狗狗呀Boo快啲成功上樓,搵到個錫佢嘅新主人啦。 相關資訊肥柴大脾似奇異果 主人偷拍相日本Twitter熱傳 (Aug 28, 2017) 【相集】主人與喵星人「自拍失敗」時刻 貓奴有共鳴 (Aug 27, 2017)

Read more ›
【新片速報】喵星人幫狗狗舔毛    超溫馨Twitter熱傳
by / on 09/10/2016 at 12:44 pm

【新片速報】喵星人幫狗狗舔毛 超溫馨Twitter熱傳

喵星人如果鍾意你就會幫你舔毛,所以得到主子寵幸真係好冧。日本呢隻汪星人都鍾意俾喵舔,Twitter最近熱傳呢段片,片中嘅汪星人衝埋去隻喵度,然後質個頭要舔,喵星人好合作,不過咁大塊臉,喵星人幾時先舔得完?舔完面又要舔手,好攰呀! 相關資訊【新片速報】喵星人表演高空雜技 拉長全身腳揈揈 (Sep 22, 2017) 【新片速報】日本喵星人被玩尾 突然發惡影片Twitter熱傳 (Sep 21, 2017)

Read more ›
日本超像真羊毛狗狗 細緻度爆燈Twitter熱傳
by / on 31/08/2016 at 7:12 am

日本超像真羊毛狗狗 細緻度爆燈Twitter熱傳

羊毛織成嘅狗狗可以有幾像真?日本最近有網民放咗呢幾張圖上Twitter,吸引好多人RT。第一眼睇真係會以為係真狗狗。唔止樣同神情似,連指甲都做埋出嚟,超細緻!入去@Truestylelab嘅Twitter睇仲有其他作品,連便當喵星人都有,好可愛! 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›

【有片】極危險!狗狗越野賽道散步 跑車奇蹟飛越
by / on 30/08/2016 at 11:20 am

【有片】極危險!狗狗越野賽道散步 跑車奇蹟飛越

呢條片真係嚇死人,眼見狗狗要俾架車撞到喇,但奇蹟竟然喺呢一刻發生!呢場Codasur賽事啱啱喺Bolivia嘅Santa Cruz舉行,就喺車手Fernando Zuasnabar駕駛嘅三菱EVO就快駛到嘅時候,呢隻狗竟然唔識死喺賽道上面行……之後仲懶好玩咁,小心啲呀! 相關資訊【有片】日本男有愛心 水道單手救狗 (Aug 27, 2017) 日本網民分享白狗假髮圖 勁似《鋼鍊》合成獸 (Aug 15, 2017)

Read more ›
【有片】狗狗因好友逝世抑鬱兩年 鴨仔出現重現笑臉
by / on 24/08/2016 at 7:11 am

【有片】狗狗因好友逝世抑鬱兩年 鴨仔出現重現笑臉

鴨仔同汪星人,好似兩種無乜關係嘅動物,不過今次就有個感人故事。事緣汪星人George 自從最好朋友離世後就悶悶不樂,終日攤喺地無晒精神,主人都好擔心佢,如是者過咗兩年。早幾日屋企突然有隻鴨仔出現,仲一直跟住汪星人George。主人覺得呢隻鴨仔就好似天使咁,令汪星人有返生存動機。而家佢唔止精神咗,仲會間中露出笑臉。而佢哋無論食嘢行街都會一齊黐到實,好溫馨! 相關資訊【有片】日本無奈黑貓 狗狗當枕頭逆來順受 (Jul 29, 2017) 【新片速報】汪星人識騎馬 仲會帶馬仔散步 (Jul 21, 2017)

Read more ›
日本秋田犬美容前後 超大堆毛去咗邊?
by / on 20/08/2016 at 6:15 pm

日本秋田犬美容前後 超大堆毛去咗邊?

  夏天咁熱,主人們都可能會帶吓狗狗去沖涼。呢位日本主人就帶咗佢隻秋田犬去寵物美容店,之後店員傳嚟呢張相,隔籬嗰堆毛就係由呢隻狗狗身上出嚟嘅……之後返到屋企,主人幫佢影咗Before同After嘅相,明顯瘦咗去咗水腫,大腿結實咗,冇咗拜拜肉,非常生猛,對眼仲炯炯有神。 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›
輪到狗仔戴帽 日本扭蛋隻隻警犬
by / on 18/08/2016 at 7:41 pm

輪到狗仔戴帽 日本扭蛋隻隻警犬

之前出過喵星人用嘅頭巾、帽嘅「かぶりもの」系列,今次終於輪到狗仔戴帽喇!呢個「かわいい かわいい 犬のおまわりさん」扭蛋,全5種類「警官帽」,日本已經出咗,香港應該都會有,300円扭一次。 相關資訊日本白色鬚鬍喵 超搞笑外型Twitter熱傳 (Sep 21, 2017) 八哥變四方狗 日本扭蛋一式6款層層叠 (Sep 20, 2017)

Read more ›
《Pokémon Go》伊貝最終形態? 日本Twitter熱傳狗狗相
by / on 16/08/2016 at 7:14 am

《Pokémon Go》伊貝最終形態? 日本Twitter熱傳狗狗相

《Pokémon Go》入面嘅伊貝(Eevee)可以有3種進化形態,不過進化到變狗狗就要現實生活先做到,改名都無用。有日本網民放咗呢張圖上網,睇到狗狗個樣超無奈,而且紙皮上個窿睇落仲細咗啲,夾硬塞個頭入去梗係唔開心啦,主人快啲帶佢落街捉小精靈攰返佢啦。 相關資訊日本傳統貓奴怪 奇譚新扭蛋夠古怪夠特別 (Sep 20, 2017) 【相集】日本超強顏藝值狗狗 惡樣萌樣Twitter熱傳 (Sep 20, 2017)

Read more ›

【成功上樓】狗狗突入蒙古沙漠馬拉松 跑足77英里成功被收養
by / on 06/08/2016 at 11:50 am

【成功上樓】狗狗突入蒙古沙漠馬拉松 跑足77英里成功被收養

又一單成功上樓嘅勵志個案,今次呢隻叫Dobi嘅流浪狗狗好有諗頭,為咗搵主人,佢決定突入參加馬拉松。事件發生喺今年3月,當時中國蒙古戈壁沙漠舉行緊連跑6日嘅馬拉松,嚟自外國嘅選手Leonard喺跑第二日嘅起跑線發現有隻狗仔,之後仲跟住佢跑喎,佢諗住天氣咁熱,狗狗都唔會跑得好耐,點知最終呢隻狗狗竟然跑足全日,完成咗23英里(即係大約37公里,接近一個全馬) 嘅路程!第3日佢哋又一齊跑多26英里。不過第4、5日由於天氣太熱,大會車咗狗狗去完跑點等Leonard,但係去到第6日,狗狗又再落場,最後仲同Leonard一齊衝線!完賽後Leonard決定收養呢隻狗狗,不過要喺中國帶隻狗狗返家鄉蘇格蘭唔容易,唔止要4個月時間,仲要花費大約5000英磅,Leonard喺網上開咗個「Bring Gobi Home」嘅活動集資,截至今日已經成功籌足錢,狗狗加油呀!今次唔止成功上樓,仲可以移埋民,羨慕死一班同鄉呀! 相關資訊【係愛呀】雪橇狗狗出走為見好友 攬到實太癡纏 (Jul 14, 2017) 【有片】超可愛狗狗坐單車 手仔狂郁幫手踩 (Jul 9, 2017)

Read more ›
【新片速報】圓頭狗狗奔跑影片Twitter熱傳 原來約咗情人密會
by / on 04/08/2016 at 7:11 am

【新片速報】圓頭狗狗奔跑影片Twitter熱傳 原來約咗情人密會

影片一開始見到呢隻圓到好似一個波嘅狗狗好趕咁向前走,以為佢聞到有好嘢食狗衝埋去,點知原來佢趕住去搵佢嘅情人 ─ 瞓咗喺地嘅熊公仔。當佢見到情人之後仲好熱情咁一嘢責落去,責到人哋氣都抖唔到,然後好安穩咁自己大覺瞓,勁好笑,難怪段片喺Twitter咁多人熱傳啦。 相關資訊超爛瞓日本柴犬仔 排排瞓超可愛Twitter熱傳 (Sep 15, 2017) 「紫菜文字便當」動畫版 第一至六集餐餐有魚 (Sep 15, 2017)

Read more ›
【P圖大戰】熊貓眼狗狗被改圖 變蜘蛛俠/Deadpool零違和
by / on 03/08/2016 at 7:12 am

【P圖大戰】熊貓眼狗狗被改圖 變蜘蛛俠/Deadpool零違和

又到P圖大戰!最近有外國網民放咗左邊呢張狗狗相上Reddit,邀請大家一齊嚟個PS Battle,網民一呼百應,由於狗狗嘅兩個眼圈白色好似熊貓咁,有人將佢P成熊貓,仲有Deadpool、蜘蛛俠、漢堡神偷,全部都零違和。BTW,呢隻14歲嘅狗狗外形咁特別,據講係患咗「白斑症」(vitiligo)呢種常見嘅色素退化消失問題,好彩對身體無害,但就令佢成為大家嘅焦點,不過亦有人質疑呢張「原圖」本身就P過,不過真相係點就無從考究嘞。 相關資訊【P圖大戰】喵星人「臉大樣細」好古怪 網民瘋狂改圖 (Jul 19, 2017) 【P圖大戰】喵星人誤闖球場圖集 球員英勇撲喵 (Jul 17, 2017)

Read more ›
【好人好事】夫妻行山見到40kg狗狗 抬落山終於搵到主人
by / on 01/08/2016 at 3:24 pm

【好人好事】夫妻行山見到40kg狗狗 抬落山終於搵到主人

其實人人都有機會做貓狗義工,只要肯花多啲時間出多幾吓力。呢位澳洲嘅dangerm0use,佢哋夫妻二人同阿爸去Mt Glorious National Park行山,點知就發現一隻好攰嘅狗狗跌咗入水,佢哋雖然諗唔到點抬佢落山,但都冇放棄,佢哋話心諗唔救佢,佢未必過到今晚。於是,老公就行15分鐘返去車度拎咗個大袋,再搵支樹枝一齊抬佢返車度。到返到屋企之後,佢哋就將狗狗嘅相放上facebook嘅尋狗專頁,估唔到30分鐘就有人回覆!故事嘅結局,就係呢隻叫Bobby嘅狗狗返番主人身邊,而佢主人話原來佢喺6月30日已經喺15km以外走失,佢哋又貼海報又喺網上尋狗,仲每晚都會出去搵成個鐘……估唔到最後原來佢上咗山,仲要捱咗成個月…… 相關資訊【紅到日本】狗狗坐擁超肥美pet pet 眼矇腿粗IG大人氣 (Jul 4, 2017) 【有片】狗狗亂入樂隊演奏 冇人趕坐低慢慢聽 (Jul 1, 2017)

Read more ›