Post Tagged with: "王小虎"

你知道嗎? 王小虎英文名叫Tiger
by / on 16/05/2018 at 2:46 pm

你知道嗎? 王小虎英文名叫Tiger

忙呀,又係到今日先有時間睇番上期第236期復刻《龍虎門》,又係今日先留意到下期隨書奉送嘅貼紙係乜東東。上次有石黑龍叫Turbo哥,今次有王小虎叫Tiger哥。齋直譯,小虎變Tiger,感覺削咗啲,無黑龍個英文名咁威。 相關資訊復刻《龍虎門》貼紙 石黑龍原來有英文名 (Apr 28, 2018) 網圖分享:張萬有的石黑龍十字追魂棍!齊晒! (Jan 18, 2016)

Read more ›

網圖分享:Wee See Heng的降龍十八腿
by / on 08/05/2018 at 8:15 pm

網圖分享:Wee See Heng的降龍十八腿

面書朋友仔Wee See Heng肯肯定係港漫迷,仲要非常鍾意睇《龍虎門》,仲要尤其鍾情三皇之一嘅王小虎;要不,點會繪畫腿王之王成名絕技降龍十八腿?無數錯的話,暫時只畫咗六招,線條密質質,小虎面相好盞鬼,肢體動作都算流暢,都幾有個人風格。嗱嗱嗱,支持你呀,剩番嗰十二招,千其咪放棄呀。 相關資訊白蓮聖上突入《山海逆戰》? 跪求唔好整死于若蘭! (Mar 16, 2018) 《古惑仔》派膠 佐敦有燈唔射射燈掣 (May 10, 2017)

Read more ›
《新著龍虎門》讀者提出「龍虎十大主將表」 王小鷹做老一?
by / on 12/03/2018 at 10:30 pm

《新著龍虎門》讀者提出「龍虎十大主將表」 王小鷹做老一?

今期第930期《新著龍虎門》「玉郎Mail」,有馬來西亞讀者來信整咗個「龍虎十大主將表」,我就覺得非常唔掂嘞。原因有三:一,既云「十大」但又唔只十人,直頭超過廿人,非常之唔知想點;二,「一帥」係王小鷹,唔係啩?一個行行企企多過打交嘅角色居然做龍虎門當家老一,嬲囉,王風雷同戒仔份屬「二奇」,佢兩個都無理由同Grade,而三皇只可靠邊站,呢個絕對錯晒喇;三,唔齊人,如果言生同龍五等異人館人馬都可以加入龍虎門,咁金牛、金詩詩、普陀法王同王伏虎等人更加唔可能唔Count。想知呢個表係點,入嚟有得睇,大家可以討論吓…… 相關資訊恭喜晒!《新著龍虎門》金神魔君+極樂魔僧死得好! (Apr 16, 2018) 《新著龍虎門》石武夫歸天 鐵心殉夫王小鷹見死不救? (Mar 2, 2018)

Read more ›
網圖分享:頭七已過 悼陳傲雲之死
by / on 16/01/2018 at 8:27 pm

網圖分享:頭七已過 悼陳傲雲之死

唔想成日掛喺口邊,但著實係新不如舊,《新著龍虎門》不及舊著《龍虎門》係鐵一般事實。想舊著陳傲雲俾王小虎一招裂頭腳踩死,當真大快人心,當年嘅我都不知睇得幾激動;新著陳傲雲之死呢,則劇力欠奉,死得兒戲兼無厘頭。Anyway,佢始終係一代奸仔,喺唔少港漫迷心目中有一定地位,所以都有人出圖悼念。都過咗頭七,啲悼圖都係得咁少,但總好過死咗丁點迴響都無。陳傲雲,一路好走喇。 相關資訊《新著龍虎門》重用三招了舊橋 老妖「神經病」忽然說教? (Jan 26, 2018) 《新著龍虎門》事先張揚 陳傲雲真係歸天? (Dec 28, 2017)

Read more ›
《新著龍虎門》陳傲雲真的死了 兒戲兼求其
by / on 11/01/2018 at 8:57 pm

《新著龍虎門》陳傲雲真的死了 兒戲兼求其

喺今期第922期《新著龍虎門》,陳傲雲真的死了,呢次應該係堅死。個人認為,話晒一代歹角,死得實在有啲兒戲同唔合情理。兒戲在係咁意拖三兩期,打兩嘢就俾王小虎一招霹靂狂龍了結,最慘係連死嗰期封面都無得擔當吓,好唔夠劇力,感覺求其。不合情理在一,吸晒武聖一身功力,居然仲好似渣過平時;二,打唔贏,走,陳家無影無蹤身法居然敗在剛剛俾移魂大法糟質完嘅王小虎,真係有無搞錯;三,想當年舊著陳傲雲一招刻骨分肩爪即廢白無涯,家陣王小虎破呢招好似食粒糖咁易,又係講唔通,太過弱化咗陳傲雲喇。Anyway,人多死咗咯,祝呢個一代奸仔一路好走喇。 相關資訊《新著龍虎門》2200期特別版 一書六板$740 (Dec 14, 2017) 《新著龍虎門》出錯出更正 鐵帽子王似唔似金牛座黃金聖衣? (Dec 14, 2017)

Read more ›
《新著龍虎門》「*’b8豆a」係乜? 易天行成功奪舍未?
by / on 09/12/2017 at 6:16 pm

《新著龍虎門》「*’b8豆a」係乜? 易天行成功奪舍未?

人唔係機器,總有錯漏,不過今期第917期《新著龍虎門》專欄「虎躍龍門」就實在好唔小心喇,其中一段咁寫──「……在此先不談白仇的武功了,說說白仇的情感*’b8豆a,天嬌和白仇已成一對了……」何謂「*’b8豆a」?應該係亂碼,又或唔記得轉番倉頡輸入法先打字,搞到又中又英都幾礙眼吓,下次要多加留意咯。另,大大話話都鋪咗十期八期,究竟易天行能唔能究成功奪舍呢?龍五又係咪已經「思想上」死咗呢?但見今期封面小虎大頭左眼非常魔鬼Feel,連武聖都釘埋,仲諗住可以正式入戲肉添,點知又係得收尾三兩頁輕輕帶過,講真……都拖得好耐吓咯喎。 相關資訊孖寶裝《新著龍虎門》1月19日見街 送利是封每本$60 (Jan 6, 2017) 《新著龍虎門》有話題 極樂魔僧似印度佬? (Dec 26, 2016)

Read more ›

網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊《古惑仔》標錯名 迪文/世傑調亂咗 (Apr 20, 2018) 《古惑仔》送潮爆貼紙 No輝唔係斷咗手咩? (Mar 2, 2018)

Read more ›
復刻《龍虎門》有缺失 怪碼出唔到個「嫩」字?
by / on 11/07/2017 at 9:00 am

復刻《龍虎門》有缺失 怪碼出唔到個「嫩」字?

忙,今日先得閒啲睇今期第192期復刻《龍虎門》,封面王小虎單挑醉魔,Nike眉、大眼睛、朱古力式腹肌、靚到爆肢體動作,Everything is OK,But,睇到尾有瑕疵,就喺封底「下集預告」一欄,寫住:「一個老,一個『__』,沙灘上一場生死決鬥,唔睇點得?」呢個位出事嘞,「__」個位無咗隻字喎,估計係個「嫩」字,不過變咗怪碼出唔到。嗯,雖然只屬小小缺點,但望余兒都要正視吓,唔好再出錯。 相關資訊余兒完全版《那年五月他和她遇上了》 書展見街 (Apr 17, 2018) 余兒寫過愛情小說! 《那年五月,他和她遇上了。》出修訂版! (Dec 28, 2017)

Read more ›
第十式見龍在田
by / on 08/06/2017 at 10:15 pm

網圖分享:幪超降龍十八腿 Chan Hon Chung心機之作

好得很!我就係鍾意呢股熱血幹勁,鍾意咪畫囉,畫完咪公諸同好囉,可以娛己娛人,畫畫就係咁簡單之嘛。Chan Hon Chung兄好明顯係王小虎同幪面超人Fans,佢將兩者結合,變成獨一無二嘅幪超降龍十八腿。以幪面超人代王小虎,臨摹姿勢再重新創作,以舊海報為藍本逐招畫番出嚟,呢啲咪係心機之所在囉。不過話時話,莫非我睇漏眼?搵勻佢成個面書,硬係見唔到第十八式,何解呢? 相關資訊菅原芳人插畫 Bandai出《幪面超人Black RX》放送30周年Tee (Apr 22, 2018) 日本《幪面超人W》婚禮 新郎新娘合體? (Apr 8, 2018)

Read more ›
玉皇朝加價 《新著龍虎門》+《皇朝君臨》下期$20
by / on 29/04/2017 at 9:30 am

玉皇朝加價 《新著龍虎門》+《皇朝君臨》下期$20

黃玉郎喺今期第884期《新著龍虎門》「玉郎信箱」透露:「經詳細分析、慎重考慮後,敲定玉皇朝旗下的《新著龍虎門》及《皇朝君臨》,由下星期開始作溫和調整,象徵式加一元,每本售價二十元正。」都覺得意外架,唔係意外佢加價,而係意外佢居然忍到呢一刻,先同其他港漫睇齊加一個大洋。你問我成壇嘢點睇?繼續睇囉。係,我認我好唔長進,我認我好不滿《新著龍虎門》劇情,唉……蚩尤由戰神變傻仔、石黑龍同王小虎變大茄、王風雷繼續行行企企唔知做乜、出埋晒啲獵神者遲早變《龍珠》、陳傲雲又狗唔搭八出場……但,我實在過唔到無《新著龍虎門》睇嘅禮拜五,呢一蚊,我實豪畀佢。 相關資訊香港版《鋼之煉金術師》完全版開訂 $1288送八張明信片 (Nov 28, 2017) 跟進番:張萬有x梁偉家Jam畫 蚩尤x天師完成 (Sep 29, 2017)

Read more ›
有片:迫擊砲爆西瓜 超強殺傷力似爆頭
by / on 18/05/2016 at 9:45 pm

有片:迫擊砲爆西瓜 超強殺傷力似爆頭

悶悶哋不如又睇吓Slow motion片,今次玩迫擊砲爆西瓜,方法係先喺西瓜鑿個大窿,之後成碌迫擊砲放入去,點燃,五四三二一,嘭!西瓜炸個四分五裂,紅彤彤連汁帶皮炸到九離遠。喺慢鏡頭下,西瓜爆開一剎有啲似異形,而又唔知點解,呢個畫面令我諗起王小虎嘅裂頭腳……啲西瓜肉,有啲似腦漿。 相關資訊日本西瓜咭Suica銅像 低炒角度似國家領導人 (Mar 6, 2018) 【有片】西瓜卡真係有西瓜 日本YouTuber奇妙出閘 (Oct 4, 2017)

Read more ›

網圖分享:超萌!栢迪的女版龍虎群英!
by / on 12/11/2015 at 9:00 am

網圖分享:超萌!栢迪的女版龍虎群英!

早大約半年前,已經留意到栢迪畫龍虎三皇同Q版火雲邪神,近排瀏覽佢面書,發覺佢剛剛畫埋女版龍虎群英,取名「新裝~儂‧苦悶」系列,分別有小苦、小儂、小石、小韋同小楓五幅大作,即係畫緊王小虎、王小龍、石黑龍、韋陀同王風雷,個個都畫到性感而不令人反感,萌到核爆。話時話,《龍虎門》有咁多忠奸角色,全部變晒女仔都夠好有看頭喎,栢迪又有無興趣出番本《女版龍虎門角色畫集》呢?真係成事的話,我第一個買。 相關資訊欷歔呀!2016年買《龍虎豹》夾《龍虎門》!睇公仔書=Out=驚俾人笑! (Jun 2, 2016) ACG TOYS石黑龍可動人偶 2015 Toy Soul限量開賣150個 (Dec 15, 2015)

Read more ›
復刻《龍虎門》一書三版本 9月25日出版
by / on 18/09/2015 at 3:30 pm

復刻《龍虎門》一書三版本 9月25日出版

Follow番之前條News,復刻《龍虎門》出版日期不變,依然係9月25日。創造館會推出三個版本:一,元祖版,原大1:1橫度Size,送小流氓封面海報一大張,售價$17;紀念幣特別版,附銀色或銅色王小虎紀念幣一大個,售價$38;書屋特別版,附金色王小虎紀念幣一大個,指定書屋「至Goal Club」有售,限量100套,售價$38。好興奮,真係好興奮呀。 相關資訊買嚟儲 《第37屆香港電影金像獎特刊》$98 (Apr 17, 2018) 英雄所見樂瞳 至Goal Club免費派揮春 (Feb 6, 2018)

Read more ›
《東方真龍》完結 真龍、練風雷不死
by / on 15/09/2015 at 7:30 pm

《東方真龍》完結 真龍、練風雷不死

睇怕,《東方真龍》都算係最差嘅一本龍虎門外傳,畫功差,故事差,出到今期 第66期終於完結,我諗好多讀者都同我一樣,大有如釋重負之感。成個外傳乜都 搞唔成,反而整死咗馬小靈,王小虎Last領悟到終極十陽,殺敗由虛無而嚟嘅戰 狂,求求其其五六頁完成,好無誠意,擺明落雨收柴。其他角色蚩尤、石黑龍、 戒仔、光頭星、金霸王全部係閒角,可有可無。值得留意嘅係,練風雷敗走但未 死,東方真龍直頭死而復生變成普通人,見到王小虎相見如陌路人……即係乜 嘢呀?即係死唔斷氣囉,甚麼伏線就一定稱唔上嘞,純粹留住呢兩個主要角色唔 好死住,有必要咪拎番出嚟炒過第二個古仔囉……如果有的話。 相關資訊ACG TOYS 1:6石黑龍人偶 LCX先睹為快 (Nov 24, 2015) 網圖分享:張萬有的石黑龍十字追魂棍 (Oct 27, 2015)

Read more ›
T.Dult x《龍虎門》夜光頭像Tee 書展發售
by / on 13/07/2015 at 8:30 pm

T.Dult x《龍虎門》夜光頭像Tee 書展發售

芸芸精品中,Tee係最令人十五十六唔知唔科水好嘅,明明衫一件,但又無理由著出街咁型架;放喺屋企咩,掛起佢驚佢封塵,擺入飾櫃有好難Show off。不過都唔理得咁多,鬼叫自己鍾意玉皇朝同T.Dult聯乘嘅《新著龍虎門》十五周年紀念T恤系列,Tee純黑色,心口有王小虎或心雲邪神頭像Logo,頭像有夜光效果,望落整體設計唔曳,硬盒包裝,各售$280,7月24日起動漫節玉皇朝出版社攤位發售。呢兩舊幾水,我就無得慳嘞,你又點睇? 相關資訊網圖分享:白冰筆下的《山海逆戰》于若蘭 (Jan 25, 2017) XM Studios x 火雲邪神Figure開賣!似唔似劉華? (Dec 28, 2016)

Read more ›