Post Tagged with: "王小龍"

網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊《古惑仔》送手機貼紙 鷹靚定龍靚? (Oct 7, 2017) 絕世好劍重鑄成功 步驚雲雕像再次開放 (Oct 5, 2017)

Read more ›

網圖分享:超萌!栢迪的女版龍虎群英!
by / on 12/11/2015 at 9:00 am

網圖分享:超萌!栢迪的女版龍虎群英!

早大約半年前,已經留意到栢迪畫龍虎三皇同Q版火雲邪神,近排瀏覽佢面書,發覺佢剛剛畫埋女版龍虎群英,取名「新裝~儂‧苦悶」系列,分別有小苦、小儂、小石、小韋同小楓五幅大作,即係畫緊王小虎、王小龍、石黑龍、韋陀同王風雷,個個都畫到性感而不令人反感,萌到核爆。話時話,《龍虎門》有咁多忠奸角色,全部變晒女仔都夠好有看頭喎,栢迪又有無興趣出番本《女版龍虎門角色畫集》呢?真係成事的話,我第一個買。 相關資訊復刻《龍虎門》有缺失 怪碼出唔到個「嫩」字? (Jul 11, 2017) 網圖分享:幪超降龍十八腿 Chan Hon Chung心機之作 (Jun 8, 2017)

Read more ›
至愛Nike眉 《新著龍虎門》15周年紀念人偶系列
by / on 13/07/2015 at 1:00 pm

至愛Nike眉 《新著龍虎門》15周年紀念人偶系列

動漫節就快到,玉皇朝一如以往推出大量精品,芸芸Item中,暫時最鍾意同本地玩具品牌「童夢工房」聯乘嘅《新著龍虎門》15周年紀念人偶系列,分別有著星星大紅背心嘅王小虎、著閃電暗藍背心嘅王小龍、著蠍子青綠背心嘅石黑龍,各8吋高,頭手腰關節可郁動,各附專屬武器,各售$399。搭多個火雲邪神一次過買,即成龍虎三皇決戰火雲邪神Package,內附永久珍藏限量紀念證書,售$1596。鍾意佢哋啲乜?鍾意佢哋對大眼睛同Nike眉囉,咁先有元祖味夠懷舊吖嘛。 相關資訊玉皇朝加價 《新著龍虎門》+《皇朝君臨》下期$20 (Apr 29, 2017) 網圖分享:白冰筆下的《山海逆戰》于若蘭 (Jan 25, 2017)

Read more ›
網圖分享:張萬有的王小龍最後四式降龍掌
by / on 02/06/2015 at 4:00 pm

網圖分享:張萬有的王小龍最後四式降龍掌

無遺漏呀,找捉數呀,頭尾足足畫咗半年有多,張萬有終於畫齊王小龍的降龍十八掌,Last四招分別係第十五式「戰龍在野」、第十六式「履霜冰至」、第十七式「羝羊觸藩」同第十八式「魚躍於淵」。輸流做桌布認真唔錯,我就Keep好咗之前十四招做Record嘞,你呢? 相關資訊跟進番:張萬有x梁偉家Jam畫 蚩尤x天師完成 (Sep 29, 2017) 網圖分享:張萬有x梁偉家Jam畫 (Sep 26, 2017)

Read more ›
網圖分享:張萬有的王小龍六式降龍掌
by / on 20/04/2015 at 12:38 pm

網圖分享:張萬有的王小龍六式降龍掌

等到頸都長,終於等到張萬有Post剩番落嚟嘅王小龍降龍十八掌,今次一嚟就六招,構圖依然有別於傳統港漫,龍造型西洋化,色調大紅大紫,但依然霸氣縱橫,要畀十個讚。不知不覺,張萬有已經畫咗十四式,仲有四式記得畫埋佢呀,我集緊郵等儲齊一套呀。講開又講,這邊廂王小龍喺張萬有筆下型到震,那邊廂狂龍喺《東方真龍》就慘到震,慘被天下無敵老祖宗上身嘅千歲鬼龍斷臂,唉…… 相關資訊網圖分享:港漫人出圖祝《遇見貴人》大賣 張萬有畫老祖宗 (Jan 24, 2017) 《漫畫賓治2》12月3日出版 課金支持唔好得個講字 (Nov 30, 2016)

Read more ›
網圖分享:張萬有的王小龍三式降龍掌
by / on 11/02/2015 at 10:30 am

網圖分享:張萬有的王小龍三式降龍掌

咁耐都無新畫作公諸同好,仲以為張萬有無端端斷咗鋪畫癮添,之前佢老哥畫咗王小龍降龍十八掌其中五式,仲有十三招未畫。好咯,家陣添多三式,分別係第六式利涉大川、第八式震驚百里同第九式或躍於淵,畫功精湛氣勢磅礡就梗架嘞,都無謂再讚落去,想問嘅反而係,點解係第六、八同九式而無咗第七式嘅?689?若有所指? 相關資訊網圖分享:白水《溫水劇場》五周年 張萬有出圖恭賀 (Sep 13, 2016) 網圖分享:張萬有的石黑龍十字追魂棍!齊晒! (Jan 18, 2016)

Read more ›

網圖分享:張萬有的王小龍五式降龍掌
by / on 21/12/2014 at 10:14 pm

網圖分享:張萬有的王小龍五式降龍掌

可能呢排天氣凍啩,張萬有都好咯無新作公諸同好咯,前兩日瀏覽佢面書,發現佢終於有新作出喇。今次佢人嫩人家畫畫王小龍,唔多,五幅咁大把。五式降龍掌,用大紅做主調色,感覺依然氣勢磅礡,而做襯托嘅龍卻疑似非一般傳統中國龍造型,有翼嘅,手腳亦長啲,個人感覺有啲似恐龍,你哋又點睇? 相關資訊睇李健良展覽 免費教小朋友畫恐龍 (Aug 3, 2017) 恐龍出沒元朗注意 撐李健良首個香港個展 (Jun 13, 2017)

Read more ›
網圖分享:黃興豬畫興大發 親筆畫板有睇頭
by / on 14/11/2014 at 9:45 pm

網圖分享:黃興豬畫興大發 親筆畫板有睇頭

黃興豬呢排唔知搞乜,忽然勁畫畫板,個零星期畫咗四幅,仲一一掟上面書公諸同好。當中,九紋龍、王風雷同王小龍三幅應屬自娛之作,魔術師一幅會送畀朋友,王小虎一幅屬漫畫星光大道兩周年紀念嘅抽獎禮物,啱嘅,學老馮話齋,作為一個漫畫家,支筆係唔可以丟低太耐嘅,就算唔打算出漫畫,都好應該久唔久畫吓公仔,磨吓畫技。最重要嘅係,可以益吓我哋讀者,久唔久就有靚畫睇吖嘛,係咪咁講先? 相關資訊上官小威復刻《金漫畫》 星級陣容每本$98 (Sep 24, 2017) 網圖分享:港漫人出圖望颱風快快走 (Aug 28, 2017)

Read more ›
打狗棒法
by / on 03/11/2014 at 8:36 pm

網圖分享:許景琛的Q版王小龍

周一無乜Mood,又無乜好料,不如簡單啲睇睇靚畫喇,繼石黑龍之後,許景琛又畫Q版王小龍喇。龍虎三皇之中,王小虎英雄蓋世,石黑龍佻皮重義,王小龍永遠係最唔起眼一個,武功亦好似永遠差雙皇半皮一皮。查實王小龍一啲都唔削,身負童子功同九陰真經兩大曠世絕學,掌棍雙絕,降龍十八掌同打狗棒法一樣殺唔少奸邪,點解無論新著定舊著《龍虎門》,王小龍永遠都做唔到第一男主角嘅呢,真係戥佢唔抵。 相關資訊網圖分享:Edward Loi臨摹許景琛《街頭霸王》 (Aug 8, 2017) 許景琛作品卡第三彈 平安夜推出售$380 (Dec 16, 2015)

Read more ›
網圖分享:張萬有的蚩尤戰三皇
by / on 22/10/2014 at 9:45 pm

網圖分享:張萬有的蚩尤戰三皇

張萬有又有新畫出,今次唔畫老祖宗,改畫豪氣干雲的蚩尤,構圖好聚焦,背景滔天巨浪,元始門門主憑一身盤古天殛震強橫攻力與不死戰意,惡戰王小虎嘅降龍十八腿、王小龍嘅降龍十八掌同石黑龍金鐘罩。蚩尤呢個角色亦正亦邪,喺舊著《龍虎門》裡面同龍虎群英同仇敵氣,誓誅老祖宗以報愛妹銀鈴之仇,我都好鍾意呢個角色架,不過只限舊著。新著?差一皮囉。 相關資訊有片:迫擊砲爆西瓜 超強殺傷力似爆頭 (May 18, 2016) 「邱福龍x黑漫畫」漫想世界展覽 買精品送限量印畫 (Dec 26, 2015)

Read more ›
網圖分享:張萬有的老祖宗戰三皇
by / on 26/09/2014 at 9:00 pm

網圖分享:張萬有的老祖宗戰三皇

真係勁,唔只靚,仲要快,講緊嘅張萬有,話咁快又有新作面世──老祖大戰龍虎三皇。構圖係乜?當然係三皇不敵老祖宗啦,喂,天下無敵呀大佬,老祖宗係無得輸架。 相關資訊《新著龍虎門》聯乘XM Studios 火雲邪神Figure未知價 (Jan 25, 2016) 《新著龍虎門》聯乘XM Studios 老祖宗Figure盛惠$6090 (Jan 22, 2016)

Read more ›

張萬有又出畫 三皇戰邪神
by / on 23/06/2014 at 7:00 pm

張萬有又出畫 三皇戰邪神

漫畫人始終係漫畫人,那管已經退出江湖,只要手痕心癮起,唔畫番幅勁畫肯定坐唔安訓唔落,最佳例子有我偶像之一張萬有,佢又有新作公諸同行嘞。 相關資訊ACG TOYS石黑龍可動人偶 2015 Toy Soul限量開賣150個 (Dec 15, 2015) 抵到爛!$10一幅畫板!《10大名家傲畫集Boxset》唔買唔得! (Dec 10, 2015)

Read more ›
興豬Q版三皇+老祖宗+白痴聖上
by / on 28/11/2013 at 1:00 pm

興豬Q版三皇+老祖宗+白痴聖上

喺我心目中,黃興豬絕對係個開心漫畫人,訪問過佢,問這問哪,訪問咁耐佢就笑足咁耐。或許性格使然,佢畫風Q版,人物面相諧趣,望畫如望其人,你會不自覺想笑。 相關資訊網圖分享:江湖地位誰可代替 漫畫家出圖賀上官小寶70大壽 (Dec 17, 2015) ACG TOYS 1:6石黑龍人偶 LCX先睹為快 (Nov 24, 2015)

Read more ›
【編輯Blog】尉遲一:秋哥之死的背後意義
by / on 02/06/2013 at 12:00 pm

【編輯Blog】尉遲一:秋哥之死的背後意義

看港漫二十年,只有三個港漫角色令我牽腸掛肚,一,《龍虎門》的王小龍;二,《古惑仔》的陳浩南;三,《火紅年代黑骨棠》的葉知秋。 相關資訊《古惑仔》賀年海報點解釘埋一齊?《同擔日月天》又關甘尚武事? (Jan 26, 2017) 牛佬賀特朗普勝出 《古惑仔》延後周五出版 (Nov 10, 2016)

Read more ›