Post Tagged with: "甲子園"

「花咲徳栄」啦啦女都贏埋?日本網民出甲子園應援圖集
by / on 24/08/2017 at 6:49 pm

「花咲徳栄」啦啦女都贏埋?日本網民出甲子園應援圖集

噚日夏季甲子園打完喇,最後由「花咲徳栄」得到冠軍,場場得9分或以上,係勁嘅。不過日本網民留意到勁嘅唔只場上球員,仲有看台上嘅啦啦女,當中有健康膚色嘅尤其可口……係可愛。之後網民又出回帶同埋其他學校嘅代表,我見到嘅淨係青春同汗水!我得番後者,行番公司都成身汗。 相關資訊【夏天完了】有片 日本夏之甲子園 神奈川「東海大相模」優勝 (Aug 20, 2015) 【這就是日本】甲子園輸波贏讚賞 球員賽後觀眾席抹凳 (Aug 20, 2015)

Read more ›

【有片】夏季甲子園優勝 「花咲徳栄」場場9分以上
by / on 23/08/2017 at 7:34 pm

【有片】夏季甲子園優勝 「花咲徳栄」場場9分以上

今日(23日),日本「全国高校野球選手権大会」嘅決勝之日,由「花咲徳栄(埼玉)」對「広陵(広島)」,最後結果係14比4。除咗係初次有「埼玉縣」球隊喺夏季甲子園優勝外,仲有一個紀錄,就係場場得分都係9分或以上!入嚟睇片,又可以感受多次咩叫青春咩叫熱血! 相關資訊【直球】甲子園啦啦囡圖集 好熱好Pure好青春 (Aug 13, 2015) 【甲子園】高校球員喊住執沙 攝影記者瞓身低炒 (Aug 11, 2015)

Read more ›
夏夜有氣氛 甲子園徹夜組
by / on 19/08/2017 at 9:29 pm

夏夜有氣氛 甲子園徹夜組

甲子園好熱血,而且成日出現啲戲劇性逆轉勝,隨時好睇過職棒,而且加埋啲應援團,氣氛勁好啦!而且原來同Comicket一樣,都有徹夜組!夏天咁熱,辛苦晒。 相關資訊【甲子園】可愛啦啦囡 唱校歌唔搭膞頭 網民恥笑處男手 (Aug 9, 2015) 【學生神作】日本黑板畫大賽 50幅超靚作品晒冷 (Jun 24, 2015)

Read more ›
【有片】球隊最強後援 甲子園應援團超熱血
by / on 18/08/2017 at 3:18 pm

【有片】球隊最強後援 甲子園應援團超熱血

呢幾日真係好天到癲,咁嘅天氣喺戶外比賽,唔係高中生咁後生都未必掂。夏天甲子園極限熱血嘅除咗球場上一班球員外,仲有觀眾席嘅應援團,宮城縣仙台市「仙台育英学園高等学校」呢班,又唱〈ダイナミック琉球〉,之前沖縄籃球比賽都聽過女學生唱,今次就係男應援團。另外,仲有「天理」嘅應援團長都好特別,完全唔郁係咩事?用緊念力? 相關資訊【有片】熱血到爆開 日本北海道「北海高」棒球應援有氣勢 (Jul 24, 2017) 甲子園變「幼稚園球場 」 阪神Tigers 80周年頂帽出事 (Apr 8, 2015)

Read more ›
【今日GIF】夏季甲子園最可愛?明櫻高校啦啦隊
by / on 16/08/2017 at 3:25 pm

【今日GIF】夏季甲子園最可愛?明櫻高校啦啦隊

夏季甲子園邊間高中勝出仲未知,不過有2ch網民就率先話秋田嘅「明桜高校」呢位啦啦隊員最可愛。見到佢哋彈吓彈吓咁,感覺真係好青春呀!同埋之前都好似有啲投選選過,秋田最多靚女……可惜嘅係「明桜高校」早3日已經喺大會第6日對東東京嘅「二松学舎大付属高校」時以2比14嘅比數輸咗,冇得見佢咯。 相關資訊【有片】兒時夢想呀!Bandai出筋斗雲攬枕 (Sep 22, 2017) 【有片】強壯Body唔好嘥 日本消防員拍50套AV被發現 (Sep 22, 2017)

Read more ›
【有片】甲子園熱血男兒自擊要害 睇見都痛 隊友笑笑口
by / on 14/08/2017 at 4:16 pm

【有片】甲子園熱血男兒自擊要害 睇見都痛 隊友笑笑口

夏季甲子園打緊,超熱血嘅,不過當中都有意外發生啦。開幕時有舉牌嘅女學生中暑,啱啱就有「東海大学菅生高等学校」呢位球員擊球時擊中個波飛到去自己要害,真係睇見都痛。希望佢冇事啦,我諗佢班隊友都好關心佢嘅,不過唔知係咪錯覺,個個都好似忍唔住笑笑口咁。

Read more ›

【新片速報】超熱血日本甲子園短片 充滿淚水睇完眼濕濕
by / on 02/08/2017 at 7:11 am

【新片速報】超熱血日本甲子園短片 充滿淚水睇完眼濕濕

甲子園係一個好熱血嘅地方,唔止有好多汗水,仲有唔少淚水。最近呢段片喺日本Twitter熱傳,片中將好多人喺甲子園流過眼淚嘅片段剪輯而成,好感人,睇完都眼濕濕。唔好傷心呀,無輪輸定贏都係人生一個美好嘅回憶嚟嘅! 相關資訊【有片】日本屋中屋帳篷 自製私人空間唔駛1千蚊 (Sep 22, 2017) 日本雨傘防失踪方法 扮警局財物網上熱傳 (Sep 22, 2017)

Read more ›
日本高手砌LEGO甲子園 大阪睇25萬塊LEGO街景
by / on 28/04/2017 at 11:16 am

日本高手砌LEGO甲子園 大阪睇25萬塊LEGO街景

首先係睇到呢位日本LEGO Certified Professional三井淳平嘅Twitter,佢用咗35000塊Lego砌咗一個甲子園球場出嚟!之後話會喺「阪急三番街」商場展出。原來現場仲有好多其他展品,當中包括呢個「阪急沿線」街景,由神戸到大阪再到京都,全長7米,用上25萬塊Lego砌成! 相關資訊自製LEGO求職公仔搵工 超正設計不計成本 (Sep 22, 2017) 【有片】LEGO版《Grand Theft Auto》 撞散晒啲人仔 (Sep 8, 2017)

Read more ›
日本甲子園女神經理人 今年畢業變成咁
by / on 23/03/2017 at 4:42 pm

日本甲子園女神經理人 今年畢業變成咁

記唔記得上年夏季甲子園,有一位九州大分縣代表大分高校嘅女經理人「首藤桃奈」,因為換咗波衫落場幫手練習而被大會職員請離球場(因為甲子園有明文規定,為免發生危險,只可以有男生喺球場入面)?咁佢個樣又清純又天真,仲要係棒球隊經理人,好多網民當時都讚爆佢可愛呀!嚟到今年畢業喇,趁住春季甲子園舉行緊,有網民就出咗佢嘅近照,唔,我諗首先係個妝出咗事,亦唔知係咪冇陪練習喇,所以飽滿咗啲……亦都有網民好清醒咁面對現實:「其實畢業後過多幾年,搞同窗會嗰陣,啲回憶呀幻想呀通常都會幻滅o架啦。」

Read more ›
【有片】日本電車到站播星野源〈恋〉 春季甲子園期間限定
by / on 19/03/2017 at 1:11 pm

【有片】日本電車到站播星野源〈恋〉 春季甲子園期間限定

啱啱喺Twitter有日本網民放咗段片,係喺甲子園站拍嘅,電車到站時嘅警告聲竟然係《逃避雖可恥但有用》嘅主題曲、星野源嘅〈恋〉!因為春季甲子園「第89回選抜高等学校野球大会」今日(19日)開始舉行,而星野源嘅〈恋〉今年就係春季甲子園入場進行曲。 相關資訊星野源又扮女人 Twitter新相嚇一嚇 (Sep 14, 2017) 超可愛!深田恭子、星野源共演節目造型公開 (Aug 10, 2017)

Read more ›
【有片】夏季甲子園完結 優勝隊伍「作新学院」7比1大勝
by / on 21/08/2016 at 5:08 pm

【有片】夏季甲子園完結 優勝隊伍「作新学院」7比1大勝

今日(21日)就係「第98回全国高校野球選手権」喺阪神甲子園球場舉行嘅決勝日,連續6年出場嘅「作新学院(栃木)」對「北海(南北海道)」,今場冇乜逆轉勝再見安打全壘打嗰啲,只係先得分嘅係「北海」,不過「作新学院」喺第4回合一口氣攞5分反超前,最後以7比1取得勝利。係自1962年嚟,54年第2度「全国制覇」!雖然戰情唔算峰迴路轉,不過最後贏嗰一刻,都係好熱血,隔住個mon都感受到夏天同埋青春呀!入嚟有片睇最後一個回合同勝利時刻!

Read more ›

【有片】熱血甲子園!「東邦高校」最後一局落後4分逆轉勝
by / on 15/08/2016 at 12:19 pm

【有片】熱血甲子園!「東邦高校」最後一局落後4分逆轉勝

除咗奧運大把運動睇,日本仲有夏季甲子園舉行緊,可能睇得漫畫多,特別熱血嘅。啱啱就嚟到大會舉行嘅第8日,有愛知縣嘅「東邦高校」對青森縣嘅「八戸学院光星高校」,去到最後第9回合,前者落後4分,佢哋進攻,但一人出局後仲係分數未變,就喺呢個時候攞到1分,不過好快又演變成兩出局,兩好球,只要多一個好球就完場,當「八戸学院光星高校」覺得十拿九穩嘅時候,奇妙嘅事就發生喇……

Read more ›
【再睇】C90狂影裙底 日本網民話似甲子園攝影師
by / on 15/08/2016 at 7:12 am

【再睇】C90狂影裙底 日本網民話似甲子園攝影師

左邊張相我哋噚日都見過,喺C90有班人圍住cosplayer係咁影,但焦點就喺人哋裙底,雖然講明唔可以咁影,但大家一於好少理,亦唔怕比人認出自己有幾狼。日本有網民就喺Twitter出咗呢張連環圖,話呢班影友其實同甲子園嘅攝影師好相似,不過人哋係影輸咗跪地痛哭嘅選手,佢哋就抹晒汗影女cosplayer裙底。BTW,其實每年都有呢類新聞同甲子園圖片,但係歷史依然不斷重演。 相關資訊【大師級】麥當勞盒加iPhone影人像 超強攝影技網上熱傳 (Aug 31, 2017) 【相集】日本「貓貓拳」攝影師新作 肥貓跳躍姿勢優雅 (Aug 24, 2017)

Read more ›
【今日GIF】甲子園超強應援 樂器唔吹要嚟轉
by / on 11/08/2016 at 5:36 pm

【今日GIF】甲子園超強應援 樂器唔吹要嚟轉

係勁嘅,視覺效果上隨時仲勁過吹。不過見到呢張GIF,日本網民諗起好多嘢,當中竟然有「三國無双」份!? 相關資訊日本球迷騎呢4人組 由開心到失落GIF圖回顧 (Jun 16, 2014)

Read more ›
日本高校棒球女經理人 落場助練習被逐 網民錯重點:「都幾可愛。」
by / on 03/08/2016 at 11:05 am

日本高校棒球女經理人 落場助練習被逐 網民錯重點:「都幾可愛。」

8月7日,今年嘅夏季甲子園就開波喇,咁喺早前練習日嘅第2日,九州大分縣代表大分高校嘅女經理人「首藤桃奈」,就換咗波衫落球場同球隊進行守備練習,不過過咗15分鐘就有大會職員請佢離場……因為甲子園有明文規定,為咗避免發生危險,只可以有男生喺球場入面,不過講緊係正式比賽,練習時只要著整齊嘅波衫,就冇講明女生唔落得場。球隊監督「松尾篤」事後就表示歉意,係因為覺得「首藤桃奈」一直都好落力,所以想搵機會俾佢企喺球場上感受一下,「首藤桃奈」仲話一落場就緊張到手都震埋,可惜最後都係被發現……有網民就話呢個規定好似唔係好啱呢個年代,不過更多網民留意呢位3年級嘅女同學,話睇佢個樣幾可愛,而且性格應該都幾好……仲有,原來佢初中畢業禮嗰陣仲講過:「我要做棒球隊嘅經理人,一齊打入甲子園。」其實我即時諗起淺倉南,係,其實我仲停留喺明青學園攞甲子園冠軍嗰個年代。 相關資訊日本Twitter熱爆青梅竹馬漫畫 泰國致敬版超爆笑 (Sep 21, 2017) 1月東京開展 《Final Fantasy》30周年大型回顧展 (Sep 21, 2017)

Read more ›