Post Tagged with: "發現"

床下底發現貓媽媽產子        外國導演突然成為貓爸爸
by / on 01/06/2018 at 7:38 am

床下底發現貓媽媽產子 外國導演突然成為貓爸爸

如果有一日你返上樓拎返件褸,點知發現床下底有隻貓媽媽啱啱生咗幾隻細貓,你會點?住喺英國嘅Paris Zarcilla就遇到呢個情況,本身係導演加編劇嘅佢,影咗相放上Twitter,之後超多人RT,最後佢取消晒當日行程,接受自己最新嘅「Cat Dad」身份。期間佢不斷出新圖,將自己嘅心路歷程講出嚟,本身係編劇嘅佢寫嘢又幽默又真誠,將初為人父嘅心路歷程表達晒出嚟,好好睇,加上又有片有相,所以吸引好多人留言。最新情況係有人提議佢要帶隻貓媽媽去做檢驗,又有人話可能隻貓係鄰居嘅,佢就話好唔捨得交返啲貓出嚟,不過都會接受命運嘅安排,睇佢嘅post可以感受到佢已經完完全全成為咗一個貓奴,阿門。入嚟有回帶。 相關資訊外國人妻跑5公里奪冠 老公出手改圖變《侏羅紀》 (Jun 20, 2018) 【有片】外國Twitter大熱「爬牆浣熊」 死裡逃生網民狂改圖 (Jun 16, 2018)

Read more ›

【生活智慧】日本網民新發現 錫紙剝皮超實用
by / on 14/05/2018 at 7:09 am

【生活智慧】日本網民新發現 錫紙剝皮超實用

日本人好鍾意玩錫紙,之前有人將錫紙搓成鐵球,最近有日本網民發現可以用佢嚟剝姜皮。方法好簡單,用錫紙包住嚿姜,之後不斷磨擦,完成品好乾淨!有其他網民試咗,發現用嚟剝薯仔皮都得,今晚返屋企教吓媽咪先。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›
日本發現真實版「蜘蛛伯伯」 可愛笑臉似真人Twitter熱傳
by / on 03/05/2018 at 8:25 am

日本發現真實版「蜘蛛伯伯」 可愛笑臉似真人Twitter熱傳

蜘蛛俠大家見得多,呢隻日本網民發現嘅再老啲,係隻真蜘蛛,但就有個好似伯伯一樣嘅笑臉,得意得嚟又有啲詭異。其實佢嘅品種係ハナグモ(花蜘蛛),出名個樣似人,不過今次呢隻就可愛啲,似一個笑緊嘅伯伯。有網民話佢似日本漫畫家「チャーリー野沢」,亦有人話似《薩爾達傳說》入面嘅金克爾。BTW,香港之前都出現過一隻人臉黃蜘蛛,入嚟回帶影片,睇到人心都寒埋。 相關資訊【圖集】摺紙的藝術 超可愛樹人BB/死侍 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›
【新片速報】日本貓奴發現超強紙門 喵星人敗走片Twitter熱傳
by / on 27/03/2018 at 7:15 am

【新片速報】日本貓奴發現超強紙門 喵星人敗走片Twitter熱傳

日本嘅喵星人好鍾意抓爛紙門,之前仲有喵紅到出書,咁作為主人點算好呢?最近有日本網民發現咗隻超強嘅膠紙門,可以防水,仲可以防止喵星人抓破,呢段片就睇到隻曳貓不停抓都抓唔爛嘅過程,睇見佢越抓越快,越抓越炆憎。點解今次抓唔爛嘅?唔通我啲爪崩咗?樓主仲分享咗之前俾呢隻喵抓爛咗嘅紙門,當時隻喵個樣係好得戚嘅! 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
【撞樣】日本網民熱傳    Rihanna條裙超似「厚燒玉子」
by / on 13/03/2018 at 8:19 am

【撞樣】日本網民熱傳 Rihanna條裙超似「厚燒玉子」

好多嘢都真係一線之差,好似最近日本網民就發現歌手Rihanna行紅地毯時嘅嗰條黃色裙,居然同日本嘅厚燒玉子好相似!唔講唔覺,一講就回不去了。而家每次望住條裙都覺得好肚餓‥‥‥之後有網民改圖,變咗做Pizza、奄列、粟米湯,其實仲可以做埋煎蠔餅、蛋角。 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
日本爸爸拎錯喼 開會發現入面係cosplay服
by / on 24/02/2018 at 12:13 pm

日本爸爸拎錯喼 開會發現入面係cosplay服

的確係幾尷尬嘅,日本Twitter網名@komugimaimai嘅cosplayer,佢爸爸要出trip去做presentation,將所有嘢放晒入喼,點知出發時拎錯咗呀女裝cosplay服裝個喼。最慘係佢無返酒店,直接拖喼去開會場地,然後喺眾目睽睽之下打開咗個喼‥‥‥入面有套《光之美少女》系列嘅cosplay服!如果係你你會點做?樓主無特別講明係邊個角色,不過大部份都係粉紅色,好多喱士同蝴蝶結,圖中有幾張俾大家感受吓。 相關資訊【有片】超強Coser有燈有自動翼 《Warhammer 40K》Saint Celestine (Jun 20, 2018) 三上悠亞著日本波衫 晒長腿撐日本隊 (Jun 19, 2018)

Read more ›

狐狸仔扮喵星人 偷闖入屋瞓貓床被發現
by / on 12/12/2017 at 7:31 am

狐狸仔扮喵星人 偷闖入屋瞓貓床被發現

天寒地凍,有咩爽得過匿喺間貓屋度瞓覺?呢隻狐狸仔都有同感,所以試圖偷走入人哋屋企扮喵。因為外國好多屋企都半放養俾隻貓出花園,所以就俾隻狐狸有機可乘,貓主人Meloney Blayze話夜媽媽見到貓屋上有隻動物,不過點解隻耳仔咁大嘅呢?之後睇真啲就發現係狐狸,但無論主人點樣叫佢走,隻貓點樣fee fee聲叫,隻狐狸都係賴死唔走,最後主人幾經辛苦先趕得走佢。不過唔少網民就有啲同情隻狐狸仔,咁佢個樣又的確幾可愛嘅。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
日本超可愛17歲「偽娘」被朋友發現 威脅陪出街先肯封口
by / on 27/11/2017 at 7:42 am

日本超可愛17歲「偽娘」被朋友發現 威脅陪出街先肯封口

日本偽娘我哋都介紹過好多,不過呢位17歲嘅偽娘真心覺得可愛,難怪連佢朋友都忍唔住。話說日本網民@Edmon_0715間中會放自己男扮女裝嘅相上網,不過最近竟然俾佢個朋友發現咗,因為對方認得樓主間屋嘅擺設!之後仲講笑叫樓主用呢個打扮同佢出街,佢先會將件事保密。樓主將對話cap圖放上網後好多人share,仲令佢嘅followers數目由4千激增至4萬7。之後有網民就將個故事畫成漫畫,講樓主一邊換衫一邊諗點樣襯好,似乎會發展出一段純愛嘅超友誼,超搞笑,入嚟有得慢慢睇。仲有得回帶睇返之前我哋介紹過嘅偽娘。 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
【撞樣】日本網民大發現 沙地富豪勁似果醬
by / on 08/11/2017 at 8:32 am

【撞樣】日本網民大發現 沙地富豪勁似果醬

唔講唔覺,一講就好覺嘞!最近有日本網民發現沙地亞拉伯嘅富豪嘅頭部裝飾,其實同士多啤梨果醬好似‥‥‥張相喺Twitter好多人RT,有人仲發現沙地亞拉伯王子原來同歌手Zayn Malik都好似樣。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
日本網民又發現 Google地圖電單車炒車意外
by / on 20/10/2017 at 7:17 am

日本網民又發現 Google地圖電單車炒車意外

Google Street街道實景圖經常影到特別嘢,之前有人踩踩吓單車跌落坑,今次就有呢輯電單車倒地相。地點係國道425號,睇相都覺得好痛。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›
【有片】超靚獨角獸香水 日本網民發現國內線搶先發售
by / on 30/09/2017 at 12:07 pm

【有片】超靚獨角獸香水 日本網民發現國內線搶先發售

平時好少留意香水,不過啱啱喺Twitter見到好多日本人談論呢款Anna Sui出嘅新香水,獨角獸喎!女仔實鍾意。樓主話日本國內暫時未有得買呢款香水住,但係居然俾佢喺機場嘅國內線免稅店見到,所以即刻買咗。睇返支香水,個香水樽上面有隻金色嘅獨角獸,睇落勁靚,香唔香?應該唔重要嘞。睇返香港官網,應該已經有呢款叫Fantasia嘅香水推出咗,有三個size揀,如果近排有女朋友/女性朋友生日可以考慮吓。 相關資訊日本「二足步行貓」粘土重現 超期待實體化 (Jun 18, 2018) 大阪地震 家貓瘋狂逃難 匿得就匿 (Jun 18, 2018)

Read more ›

日本網民粟米大發現   強健粟米芯令人臉紅
by / on 02/07/2017 at 10:48 am

日本網民粟米大發現 強健粟米芯令人臉紅

  粟米好多人都鍾意食,有時候剝開粟米皮會發現有啲小小嘅粟米芯,不過外形咁突出就比較少見,難怪日本呢位網民話見到之後紅都臉晒。張相喺Twitter好多人RT,仲有唔少網民分享佢哋嘅粟米,除咗粟米仲有蘿蔔、茄子,入嚟有回帶。 相關資訊【相集】日本怨念喵星人 被困1小時表情超不滿 (Jun 17, 2018) 【新片速報】日本銀仔神人新片 枱布凌空飄浮靠力學 (Jun 17, 2018)

Read more ›
【新片速報】日本網民發現印度手信 拉兩拉變出幾何圖案
by / on 13/04/2017 at 7:17 am

【新片速報】日本網民發現印度手信 拉兩拉變出幾何圖案

有去過印度嘅朋友應該對呢件裝飾品唔會陌生,最近有日本網民拍咗片放上網,短短1日已經超過8萬個分享。表面睇呢件裝飾品好似一隻手鈪,但拉兩拉就可以變成唔同嘅形狀,好奇妙。有網民話Amazon都有得買,只要搜尋「インドの毬」就會搵到。另外有人話當地售價大概一蚊歐羅,即係港幣10蚊就可以買到。下次去開印度可以買佢嚟做手信,無乜機會去嘅,都可以直接上Amazon網購。 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›
日本喵星人「出浴照」熱傳    望實去水位發現肥喵
by / on 16/10/2016 at 11:57 am

日本喵星人「出浴照」熱傳 望實去水位發現肥喵

就嚟到秋天,如果要幫喵星人沖涼就要快嘞。其實大部份喵星人都怕沖涼,不過又好鍾意走入浴缸玩喎。最近日本有貓奴放咗幾張相上網,見到有隻喵星人好好奇咁望住浴缸嘅去水位,原來佢望到有隻靚仔喵!之後仲露出好驚訝嘅樣,超可愛,難怪喺Twitter咁多人Like同RT。 相關資訊【有片】男兒當入獄?日本學生籃球賽中拳擊球證 (Jun 17, 2018) 【有片】有頭髮有辦法 日本髮型師又大改造 (Jun 17, 2018)

Read more ›