Post Tagged with: "相"

日本網民超古怪車牌相 經典四造型回帶睇
by / on 28/12/2017 at 7:43 am

日本網民超古怪車牌相 經典四造型回帶睇

早幾日介紹過呢位日本網民,佢將自己嘅頭髮同埋鬍鬚剃走一半,然後走去攞車牌影相,又俾佢成功影到喎。啱啱佢喺Twitter放多幾張相,原來影呢啲古怪車牌相係佢多年嚟嘅習慣。最先係紥孖辮,之後孖辮加執鬚,然後又玩過地中海,最後先進化到最近嘅一半剷青造型。難得嘅係佢每次都成功影到,相信嗰邊嘅職員都認得佢,影慣影熟嘞。 相關資訊日本貓睇冬奧 最愛冰壼玩埋一份 (Feb 20, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›

【圖集】冰天雪地鹿仔相 超應節聖誕啱睇
by / on 24/12/2017 at 1:56 pm

【圖集】冰天雪地鹿仔相 超應節聖誕啱睇

一直覺得鹿仔好得意,除咗日本奈良有大量鹿仔,蘇格蘭都有好多。專影野生動物嘅外國攝影師John Betts呢輯雪地鹿仔相好高質,啱晒聖誕節。除咗鹿仔,佢仲有影大量動物,入去佢嘅IG有得慢慢睇。 相關資訊【相集】日本攝影師超靚相集 東京大雪全紀錄 (Feb 9, 2018) 比錢女兒新玩法 外國爹哋屋企角落暗藏現金 (Feb 3, 2018)

Read more ›
日本超靚紅葉漣漪相     朋友「神還原」做出裝飾品
by / on 09/12/2017 at 11:03 am

日本超靚紅葉漣漪相 朋友「神還原」做出裝飾品

日本嘅紅葉好靚,如果可以變成裝飾品永久保存就更好嘞。最近呢兩張相喺日本Twitter熱傳,話說樓主早前放咗右邊張紅葉靚相上網,無幾耐佢好叻整樹脂飾物嘅朋友整咗左邊嘅禮物送俾佢,神還原返當時嘅情景,重點係水面泛起嘅漣漪都重現返,網民都大讚超靚,仲問佢朋友可唔可以量產化,而佢朋友見反應好都開咗個Twitter專頁,唔知下次會唔會試吓雪景同櫻花景呢? 相關資訊【有片】再闖日本美術館!尾道市黑貓突破防線? (Feb 19, 2018) 日本網民DIY襯衫相簿 自由配搭Twitter熱傳 (Feb 19, 2018)

Read more ›
【圖集】日本Twitter動物得意相比賽 超強參賽作品
by / on 05/12/2017 at 7:13 am

【圖集】日本Twitter動物得意相比賽 超強參賽作品

仲記唔記得之前報導過日本有隻笠晒唔同膠套上身嘅喪喵?輯相勁好反應,細心啲會發現樓主加咗個hashtag「JMoFペット自慢大会」。其實呢個係每年一度嘅動物集會,嚟緊會喺18年1月5-7日喺豐橋市舉行,不過活動前大會就喺Twitter預演一個靚相大賽,而家儲落好多參賽作品,有貓仔狗仔蜥蜴仔,全部都勁可愛好高質,入嚟有得睇。 相關資訊【有片】日本超大膽電視節目 「鼻接觸100%」嘉賓笑到癲 (Feb 19, 2018) 【有片】日本網民睇冬奧玩冰壼 掀起家居清潔熱潮? (Feb 19, 2018)

Read more ›
全球最多人睇過嘅相 攝影師再拍攝3張新作
by / on 22/11/2017 at 7:40 am

全球最多人睇過嘅相 攝影師再拍攝3張新作

先補充一下冷知識先,呢張Windows XP嘅Wallpaper相信大家都見過,原來佢有個名叫「Bliss」,又原來佢係由攝影師Charles O’Rear喺1996年喺美國加州Sonoma County拍攝嘅。至今呢張相已經有超過10億人睇過,係全世界最多人睇過嘅相。最近呢位已經76歲嘅攝影師為航空公司Lufthansa拍攝咗呢外3張相,都係風景圖,主要係為智能手機而設嘅wallpaper,入嚟有得欣賞吓,好高質,不過要好似當年嗰張咁受歡迎,可能要iPhone預載咗做開機wallpaper先得嘞。 相關資訊【有片】全球最凍地方 跌破零下62度一樣要返工 (Jan 17, 2018) 宇宙最崩壞攝影師 全家變LEGO人網上熱傳 (Jan 16, 2018)

Read more ›
UPS狗狗Facebook專頁 速遞員分享熱情狗狗相
by / on 20/10/2017 at 7:19 am

UPS狗狗Facebook專頁 速遞員分享熱情狗狗相

速遞員最好嘅朋友除咗office嘅接待員之外仲有邊個?就係狗狗嘞。外國好多人養狗,外國UPS嘅速遞員喺Facebook開咗個page,專門分享工作期間遇到嘅狗狗。大部份都係好熱情咁招呼佢哋,好多因為送貨送到熟晒,每次都等佢哋派零食,好溫馨。除咗狗狗之外仲會間中有貓。而UPS總公司就乘機抽抽水,話證明佢哋嘅員工同客人嘅關係好好,無論4隻腳定2隻腳嘅都一樣。鍾意狗狗嘅可以like埋佢哋嘅專頁「UUPS DOGS」。 相關資訊日本狗狗禦寒大法 瞓床褥冚被超可愛 (Jan 30, 2018) 【相集】日本狗狗遇大雪超興奮 超靚相集Twitter熱傳 (Jan 23, 2018)

Read more ›

【連環圖】日本貓奴影超動感相    影完電話報銷
by / on 11/10/2017 at 7:41 am

【連環圖】日本貓奴影超動感相 影完電話報銷

呢輯連環圖好有動感,不過影完之後嘅結局都好慘淡。話說呢位日本貓奴每朝都幫隻喵影吓相,點知呢日隻貓突然好活躍,一嘢跳向鏡頭,影完呢張相貓奴部電話就壞咗嘞‥‥‥我諗佢無心嘅,都係想輯相動感強啲唧。 相關資訊日本宮崎「立飲」有長腿 網民讚老闆聰明 (Feb 19, 2018) 日本女高中生迪士尼扮死 網民不滿放Twitter聲討 (Feb 19, 2018)

Read more ›
超型飛砂高達相 日本網民分享Twitter熱傳
by / on 10/09/2017 at 2:01 pm

超型飛砂高達相 日本網民分享Twitter熱傳

係型嘅,呢輯玩具攝影集,高達喺飛砂之中擺陣,感覺好有氣勢!日本好多網民最近都鍾意拍呢類飛砂玩具相,入嚟有多啲回帶,除咗高達,仲有拉打、變形俠醫,全部都好型,但係之後要清潔都幾花功夫嘞。 相關資訊過年有無食肥咗? 日本熱傳「女性理想體重」算式 (Feb 19, 2018) 日本柴犬變黑人問號 估錯接受唔倒影片Twitter熱傳 (Feb 18, 2018)

Read more ›
超正真人錯覺相       見唔見到隱藏動物?
by / on 19/04/2017 at 7:38 am

超正真人錯覺相 見唔見到隱藏動物?

呢輯相好得意,不過一定要離遠少少先睇到狗仔、貓仔同白兔仔。呢類錯覺(Illusion)相我哋由細到大都睇唔少,不過呢輯係由三個真人構成,影嘅時候好花心機。今次輯相由攝影師Amol Jadhav同美術總監Pranav Bhide共同製作,目的係為印度孟買「World For All Animal Care And Adoptions」呢個鼓勵領養動物嘅非牟利機構做宣傳。各位鍾意小動物嘅記住都要支持領養呀。 相關資訊東京銀座隱世甜品店 超正雪條Twitter熱傳 (Jan 12, 2018) 【男人嘅夢想】日本超正車房 玻璃幕牆屋內隨時睇到 (Jan 6, 2018)

Read more ›
【喵特寫】日本網民狂post貓後尾枕相 無頸肥壯好可愛
by / on 14/10/2016 at 7:14 am

【喵特寫】日本網民狂post貓後尾枕相 無頸肥壯好可愛

講到貓特寫,最多人影嘅應該係肉球嘞,估唔到「後頭部」都有市場。最近有日本網民搜羅大量喵星人嘅後尾枕位置嘅特寫圖放上網,大家都讚超可愛。可以睇到喵星人基本上都係無頸嘅,另外後尾枕好多時有一條條直紋,就好似人類嘅頭髮一樣,有濃密有稀疏,最後要提提提大家,內有惡犬,有啲睇睇吓會發現其實係汪星人嚟嘅。 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
【高手】幫喵星人影動感相 奇怪姿勢Twitter熱傳
by / on 08/05/2016 at 12:19 pm

【高手】幫喵星人影動感相 奇怪姿勢Twitter熱傳

要幫喵星人影相唔容易,呢位日本網民就有好深嘅體會嘞。佢想幫隻黑貓影幾張靚相,但唔知係角度問題、隻貓嘅問題,定係攝影師嘅問題,影出嚟啲相有啲怪,隻黑貓仲顯得好蠢,吸引好多人喺Twitter RT。BTW,佢話之前聽人講過幫黑貓影相好難,所以佢就想趁隻喵郁嘅時候影幾張,點知‥‥‥佢嘅Twitter有大量街拍喵星人相,水準其實幾高,入嚟有回帶。 相關資訊【有片】喵星人係動物界親善大使 與狐狸同住做好朋友 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›

一人一張醜男圖 日本網民號召重拾自信
by / on 20/06/2015 at 10:28 am

一人一張醜男圖 日本網民號召重拾自信

你的樣子如何,你的命運也必如何。醜樣無罪,不過見到醜過自己嘅,可能自信心會返返嚟啩。最近有日本網民喺討論區求大家貼吓「醜男」圖,因為佢想搵返自信,網友都好樂善好施,積極搵咗大量醜男圖配合,好多都好高質,睇完自信心有無返晒嚟?BTW,醜男都可以有好多女朋友成為人生大贏家,最重要都係成功需父幹呀後生仔。 相關資訊日本小學生選美活動 網民:「右二質素最高!」 (Apr 18, 2017) 【理想與現實】日本最可愛自拍女高中生 網民:「第二位好想打佢」 (Feb 19, 2017)

Read more ›
罕見長頸鹿瞓覺相      180度扭曲條頸
by / on 21/05/2015 at 7:07 am

罕見長頸鹿瞓覺相 180度扭曲條頸

長頸鹿見得多,瞓緊覺嘅長頸鹿都係第一次見,網上搜羅咗大量珍貴長頸鹿瞓覺相,原來佢哋會坐喺地將條頸180度扭曲瞓,仲識將個頭墊喺自己大脾,好識嘆。雖然佢哋係動物之中最高,但每日瞓覺嘅時間原來只需要30分鐘,而真正熟睡更加只得幾分鐘!主要原因係佢天生太高,瞓覺需要屈低個身,萬一有動物襲擊,要起身逃跑就慢人一步,好危險,所以要時刻戒備瞓少啲。BTW,都話生得高未必好,好似我咁5呎1吋高就啱啱好,夠晒靈活。 相關資訊邊個夠我瞓得衰? 日本Twitter寵物「瞓覺衰樣大賽」 (Feb 11, 2018) 日本喵星人冬天瞓覺新位置 電腦前攬到實取暖 (Jan 20, 2018)

Read more ›
17張喵星人霸氣相集      高高在上貓奴冧爆
by / on 11/05/2015 at 7:14 am

17張喵星人霸氣相集 高高在上貓奴冧爆

網上搜羅咗17張喵星人企喺人類頭頂嘅趣怪相,諗深一層,喵星人出名平衡力超強,而且鍾意企喺高高在上嘅位置,加上唔理人感受嘅性格,所以一切都好合理。重點係每位貓奴都臉露滿足到暈嘅表情 (又或者扮不滿,其實心入面冧爆)。咁難得皇恩浩蕩企喺你個奴才頭頂,的確係應該好感恩嘅,但係,你班喵星人頭先有無肚屙架?同埋點解比例上大部份都係男人嘅? 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
動物自戀狂照鏡   自己嚇親自己
by / on 29/12/2014 at 7:05 am

動物自戀狂照鏡 自己嚇親自己

香港人都幾鐘意照鏡,街邊有少少反光嘅物體,行人都會借啲意行埋去擺個chok樣照兩照。咁動物呢?我估佢哋唔貪靚,不過見倒有個咁得意(或者咁醜樣)嘅同類出現,點都會忍唔住行埋去照兩照嘅。網上搜羅咗大量動物照鏡相,大部份都係傻更更嘅天真樣,有啲自己同自己玩,亦有啲自己比自己嚇親,睇完好有治癒效果,星期一嘅沉悶心情有啲好轉。 相關資訊【有片】同短尾矮袋鼠自拍不是夢 日本出自拍套裝 (Jan 3, 2018) 【有片】森林發現超像真恐龍 自創保鮮紙噴畫嚇死人 (Dec 29, 2017)

Read more ›