Post Tagged with: "相集"

老人與豬超溫馨相集     豬仔都識笑?
by / on 17/04/2014 at 7:17 am

老人與豬超溫馨相集 豬仔都識笑?

人類同豬仔唔一定只得食物縺嘅關係,日本鄉村嘅老伯伯Otchan養咗1200隻豬,同佢哋關係好好,一齊睇報紙,一齊去曬日光浴,仲會間中彈結他比啲豬仔聽,好正。佢同豬仔們嘅微妙關係,吸引到來自日城市地區嘅攝影師Toshiteru Yamaji影底,之後仲結集出書,賣得好好,上年再度加印,本相集喺amazon有得賣。BTW,睇相見到啲豬仔好似識得笑咁,仲笑到見牙唔見眼咁款,老伯伯Otchan會唔會好唔捨得送走佢哋呢? 相關資訊日本國民美少女高橋ひかる Cos魔法少女/美少女探偵 (Jun 23, 2018) 【相集】日本超可愛鸚鵡 捐入襪仔勁得意 (Jun 23, 2018)

Read more ›

亡命相集靠PS    靚相唔駛搵命搏
by / on 08/04/2014 at 7:16 am

亡命相集靠PS 靚相唔駛搵命搏

老實,我好怕見倒嗰啲玩命嘅攝影師,爬到上大廈頂再單腳企或者倒吊影相,比你喺網絡上紅得一時又點,害屋企人每日為你提心吊膽,值得咩?今次介紹嘅呢位攝影師Robert Jahns,網名nois7,全部相都係超危險動作,例如喺火車軌上凌空踩單車、大廈頂樓用手機影相,不過全部都係用Photoshop執出嚟。其實咁咪幾好,要表達嘅意思,唔一定要用條命搏返嚟嘅。 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【相集】大量喵星人take嘢實錄 吸食貓草沉淪毒海 (Jun 19, 2018)

Read more ›
迷你人仔模型做主角    玩嘢相集超幽默
by / on 06/04/2014 at 12:17 pm

迷你人仔模型做主角 玩嘢相集超幽默

影相或者藝術並唔一定係高深嘅嘢,好似藝術家Roy Tysons為咗傳遞呢個訊息,就拍攝咗一個叫「Roy’s People」嘅相集,全部用迷你模型做主角,再搵日常生活嘅物品做場景,製造出小人國嘅效果。例如幾個人仔坐喺坑渠邊垂吊、陸軍大戰蝸牛‥‥‥全部都好好睇,好啱星期日打發時間。 相關資訊超強痛車日本Twitter熱傳 迷你模型塞爆全車 (Jun 23, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
日本高質攝影網   超靚櫻花 / 富士山相集
by / on 31/03/2014 at 7:20 am

日本高質攝影網 超靚櫻花 / 富士山相集

日本櫻花開得好靚,可惜我無假無錢無得去,唯有上網睇吓相止吓渴。日本有個網站叫Pashadelic,入面有大量日本地標嘅靚相,一眾攝影愛好者可以將自己嘅心水靚相放上去同人分享,搜尋「桜」或者「Sakura」會見倒大量櫻花靚相,睇完你可能會同我一樣反應:「有無咁靚呀?!」,質素高過Google圖集無限倍,我仲貪得意搜尋埋富士山「Mt.Fuji」,可以睇勻黃昏、深夜、星空等不同面貌嘅富士山美態,堅靚!攝影友可以上去慢慢發掘吓呢個寶藏,推介! 相關資訊日本網民夜媽媽嚇爆 爛面肯德基叔叔街頭奸笑 (Jun 23, 2018) 世界盃日本贏波 大阪えびす橋震埋一份 (Jun 22, 2018)

Read more ›
Sony全球攝影大賽   40幅得獎作品圖集
by / on 24/03/2014 at 6:58 am

Sony全球攝影大賽 40幅得獎作品圖集

唔講唔知,Sony舉辦嘅全球攝影大賽啱啱公佈咗賽果,今年全球有來自166個國家超過14萬個攝影師參加,得獎者可以攞走Sony相機a5000相機,或者去倫敦出席4月30日嘅頒獎禮嘅機票連酒店,我哋集合咗40位得獎作品比各位攝影同好一齊欣賞吓,其中有兩個仲係香港參賽者。BTW,放相都放到手軟。 相關資訊【相集】日本超靚郊外風景 稻田倒影富士山變攝影熱點 (Jun 9, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›
單身女偽造全家福 假老公假囡囡假笑容
by / on 01/03/2014 at 11:56 am

單身女偽造全家福 假老公假囡囡假笑容

呢輯相睇到我有啲心寒。相中女士Suzanes Heintz係一位創作總監,高薪厚職、單身,由於經常被問到幾時結婚,於是決定買兩個模型公仔 ─ 一個老公一個囡囡,出發去拍攝Life Once Removed嘅相集。每張「全家福」嘅背景都係典型美國人夢寐以求嘅家庭生活,例如一家人去滑雪、渡假、食燭光晚餐。每張相佢都交足戲,盡力表現到好開心,同旁邊嘅假人形成強烈對比,佢話咁做係想大家放開偏見,重新審視乜嘢係成功人生,不過呢個表達方法似乎有啲‥‥‥ 相關資訊《復仇者聯盟》回到童年時 超正回帶相集 (May 19, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›

小矮人爬梯遊繩學化妝    大工程作品
by / on 22/02/2014 at 3:56 pm

小矮人爬梯遊繩學化妝 大工程作品

化妝對女人嚟講係一項大工程,而呢項工程男人好難會明。呢輯相就將女人化妝嘅過程擬人化,有一大班小矮人爬梯遊繩幫模特兒上妝,效果好特別。原來攝影師 Juan Sánchez Castillo一直影開化妝題材嘅雜誌相,而佢老婆就好鐘意收集細細件嘅玩具,於是Juan決定做呢個叫Making It Up嘅Project,結合老婆大人嘅收藏品同自己嘅專業,炮製出呢輯相集,好溫馨。   相關資訊日本麥當勞推出「蛋黃哥麥旋風」 開心樂園餐玩具超正 (Jun 7, 2018) 【相集】喵星人大得好快 日本熱傳對比照超可愛 (May 18, 2018)

Read more ›
強風下的樣衰相    勁過潘蔚林
by / on 19/02/2014 at 9:03 am

強風下的樣衰相 勁過潘蔚林

TVB嘅潘蔚林抵抗颱風嘅能力有幾強唔駛多講,不過一般人面對強風,吹到面容扭曲時,究竟有幾醜樣?外國攝影師Jonathan Robert Willis好想知,於是搵咗班唔介意自己好樣衰嘅朋友擔任模特兒,由於拍攝過程太辛苦,每個模特兒只會拍攝15分鐘。講吓講吓,其實我最想攞返潘蔚林張cap圖比較吓。 相關資訊外國人妻跑5公里奪冠 老公出手改圖變《侏羅紀》 (Jun 20, 2018) 【有片】外國Twitter大熱「爬牆浣熊」 死裡逃生網民狂改圖 (Jun 16, 2018)

Read more ›
一人分飾多角   影靚相人多好辦事
by / on 14/02/2014 at 12:19 pm

一人分飾多角 影靚相人多好辦事

有時影相加少少特別效果,出嚟嘅作品就會即時升呢。長駐香港嘅印尼攝影師Ari Mahardhika呢輯圖集,將好多個自己用白底影完再key上同一張相片內,唔算難但好考心機,特別係揸住相機嗰張,每個人仔各有工作,控制影相工序,好有心思。入去佢嘅flickr戶口,仲見倒好多好高質素嘅風景相,唔講都唔信原來部份係香港地!仲有動物、夜景同埋o靚模‥‥‥ 相關資訊【相集】日本攝影師「青蛙」寫真 口擘擘超可愛 (Jun 2, 2018) 【圖集】日本超靚風景相似海報 網民出手改圖 (May 27, 2018)

Read more ›
巨型喵星人襲地球   城市變遊樂場
by / on 07/02/2014 at 8:39 am

巨型喵星人襲地球 城市變遊樂場

  人類已經無法阻止喵星人嘅侵略!呢輯由奧地利攝影師Paul Bauer幻想出嚟,名為「Kittenzilla」嘅相集,見到一座樓咁高嘅貓大哥破壞緊城市,十足地球侵略者。不過如其話佢侵略,不如話佢hea緊,因為佢大部份時間都係坐吓瞓吓睇吓咬吓,當呢個城市係佢嘅小型遊樂場。除咗巨型貓,阿Paul仲設計過外星貓Spacecat,睇嚟佢都係一個不折不扣嘅貓奴。 相關資訊【相集】日本一人一張「影唔返嘅靚相」 超靚風景回帶 (May 12, 2018) 【多圖】日本靚女同公仔一模一樣 遊歷日本拍攝相集 (May 5, 2018)

Read more ›
細路女玩命奇遇   超現實靠PS
by / on 27/01/2014 at 7:13 am

細路女玩命奇遇 超現實靠PS

今時今日做攝影師,除咗要識影相,仲要識用Photoshop執相!羅馬尼亞攝影師Caras Lonut呢方面好強,而且好有想像力,佢創作嘅一系列以小妹妹做主題嘅相,取材同技術都好高質,夠晒天馬行空,例如妹妹攬住飛機翼瞓覺、坐喺高樓大廈邊沿睇風景,阿媽睇見唔駛驚,因為全部係key上去嘅,佢喺facebook有示範點key圖,睇就容易,做就知難。 相關資訊日本超正設計師 「真實8bit食物圖」唔靠Photoshop (Jun 1, 2018) 【相集】日本喵星人變液體喵 融入膠箱超可愛 (May 2, 2018)

Read more ›

熱爆真人《狂舞派》相集   2014年曆繼續跳
by / on 27/01/2014 at 7:08 am

熱爆真人《狂舞派》相集 2014年曆繼續跳

  跳舞有幾熱血?睇《狂舞派》應該領會到少少。睇埋外國攝影師Jordan Matter呢輯相會有更深體會。佢搵咗世界各地嘅跳舞狂熱者,喺鬧市或者你想像唔倒嘅地方,例如高樓大廈外牆、鐵路路軌、地盤等等地方,做出跳舞姿勢,仲結集成書《Dancers Among Us》兼成為最佳書籍。嚟到2014年,佢又集合咗12張靚相推出2014年月曆,amazon有得賣,港幣$100唔駛,唔知《狂舞派》導演有無興趣偷師出返本呢? 相關資訊【相集】羽生結弦出席公開活動 相集靚到似寫真 (Apr 23, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›
幼童與動物友情寫照    俄國農場超溫馨
by / on 19/01/2014 at 12:43 pm

幼童與動物友情寫照 俄國農場超溫馨

呢輯相質素好高,忍唔住要同大家分享。攝影師係Elena Shumilova,主角係佢兩個囝囝Yaroslav同埋Vanya,睇見兩個小朋友同動物、大自然嘅親密關係,香港小朋友一定好羨慕。呢兩位小朋友居住喺農場,所以由細到大可以同一班動物包括高過佢嘅狗狗、貓貓、兔仔等生活。輯相嘅背景係俄羅斯某個農場附近,原來戰鬥民族都有柔情嘅一面。 相關資訊【有片】15歲繪畫小神童 專畫動物全部比例記入腦 (Jun 22, 2018) 老婆唔俾去俄羅斯 老友組團帶「紙牌人」睇世界盃 (Jun 20, 2018)

Read more ›
力的表演   推鉛球面容扭曲相集
by / on 12/01/2014 at 4:33 pm

力的表演 推鉛球面容扭曲相集

我認我有啲衰,不過呢輯相真係好好睇,我忍唔住邊睇邊笑。嗱,運動員推鉛球一刻,梗係出盡奶力面容扭曲啦,有網站就鉛球選手出手一刻嘅相集合埋一齊,比你慢慢欣賞乜嘢係力的表現。除非你有習慣錄起運動片逐格睇,否則都幾難一次過睇盡咁多個運動員嘅奔放表情。好喇,事不宜遲,大家慢慢欣賞。 相關資訊【相集】日本早熟小妹妹 識擺甫超強破壞力 (Apr 18, 2018) 日本柴犬車廂表演「顏藝」 面容扭曲超搞笑 (Apr 4, 2018)

Read more ›
狗狗坐車相集   伸頭出窗睇風景
by / on 03/01/2014 at 7:09 am

狗狗坐車相集 伸頭出窗睇風景

狗仔好鐘意坐車,而且一跳上車就好奇心滿瀉,最鐘意伸個頭出車外睇風景,唔喝住佢仲越伸越出好曳豬。外國攝影師Lara Jo Regan都係愛狗之人,仲索性以此為題材,拍咗輯名為「Dogs in Cars」嘅相集。要拍呢輯相唔易,攝影師就試過要擒上車頂捕捉一個好角度,不過無損狗狗睇風情嘅興致,你睇佢哋眼尾都唔望吓車頂就知。 相關資訊【連環圖】狗狗做兇手 海上謀殺案網民熱烈討論 (Jun 12, 2018) 俄羅斯超可愛浣熊醫生 專責平靜狗狗情緒 (May 5, 2018)

Read more ›