Post Tagged with: "相集"

寫實版Instagram     現實生活加Filter
by / on 29/10/2013 at 8:31 am

寫實版Instagram 現實生活加Filter

有無發覺影相唔加個Instagram式filter,好似表達唔倒自己嘅個性? 情形就好似玩WhatsApp唔比用表情符號,感覺上周身唔自在。如果你有同感,倫敦攝影師Bruno Ribeiro呢輯相應該好啱你睇。名為「Real Life Instagram」嘅相集,將Instagram嘅Filter硬生生放入真實嘅背景內拍攝,感覺好特別,睇完你會發覺,其實現實景已經好靚,唔駛加Filter啦! 相關資訊【相集】日本攝影師超治癒相集 祖母與柴犬置身花海 (May 21, 2018) 《復仇者聯盟》回到童年時 超正回帶相集 (May 19, 2018)

Read more ›

超可愛!BB相集自砌場景  台灣媽咪出書教學
by / on 27/10/2013 at 3:43 pm

超可愛!BB相集自砌場景 台灣媽咪出書教學

Facebook經常有朋友分享bb仔嘅生活照,我好想介紹埋台灣攝影師Queenie Liao嘅呢輯相比佢哋參考。Queenie用屋企嘅現存物資,趁仔仔Wengenn瞓著時幫佢嘅睡床大執位,天馬行空set晒場景,極有心思。佢仲出咗本叫《Sleepy Baby:可愛寶貝的扮裝寫真》,教大家製作技巧,睇完可以跟住做,不過大前題係屋企個小朋友要好似Wengenn咁爛瞓先得。 相關資訊【相集】日本Twitter超流行 分享搞笑「貓貓成長對比圖」 (May 18, 2018) 【相集】喵星人大得好快 日本熱傳對比照超可愛 (May 18, 2018)

Read more ›
外星狗fing頭    超殘忍動物時間
by / on 27/10/2013 at 1:15 pm

外星狗fing頭 超殘忍動物時間

星期日又到動物時間,今次睇嘅係好受歡迎嘅狗狗,不過係嚟自外星嘅,講笑姐,其實係外國好殘忍嘅攝影師,將一班狗狗最盡情嘅Fing頭時刻完美捕捉,睇到狗狗們面容扭曲、毛髮大亂、皮肉分離,好易會誤認佢哋係外星生物。呢位拍攝兇手叫Carli Davidson,聲稱自細被獵豹養大,可能因為咁,佢同狗狗有仇,要報牛。 相關資訊【相集】日本一人一張「影唔返嘅靚相」 超靚風景回帶 (May 12, 2018) 【多圖】日本靚女同公仔一模一樣 遊歷日本拍攝相集 (May 5, 2018)

Read more ›
慎入!車模男與女  重口味性感相集
by / on 25/10/2013 at 9:53 am

慎入!車模男與女 重口味性感相集

車模係一樣好吸引嘅生物,內地仲經常爆出車模搏出位事件,好富娛樂性。不過如果車模變晒男人會係點?車牌Ducati嘅公司Moto Corsa最近拍咗輯廣告相,搵咗個靚女model喺架電單車Ducati 1199 Panigale旁邊擺性感甫士,弊在同時搵多個男人做相同甫士‥‥‥兩輯相併埋一齊超重口味,又原來車模嘅甫士可以咁多變化,直情挑戰人體極限。 相關資訊【相集】日本喵星人變液體喵 融入膠箱超可愛 (May 2, 2018) 【相集】羽生結弦出席公開活動 相集靚到似寫真 (Apr 23, 2018)

Read more ›
大師相集  巨型食物玩得唔食得
by / on 21/10/2013 at 7:29 am

大師相集 巨型食物玩得唔食得

攝影師Christopher Boffoli嘅作品我真心推介,佢嘅成名作品「Big Appetites」系列,所有人類都變成迷你呎吋,不過啲食物就超巨型,最精彩係每張圖都有故事,例如倒瀉嘅牛奶上面有人划艇、朱古力上有人採礦‥‥‥佢嘅作品仲結集成書,amazon有得賣,推介。 相關資訊女版Low Cost Cosplay玩謝金正恩 食物做主題影完食返晒 (May 18, 2018) 法國攝影師捕捉「香港天台」 密集式港人生活 (Apr 26, 2018)

Read more ›
動物時間      北極熊hea住游水超爽皮
by / on 19/10/2013 at 2:22 pm

動物時間 北極熊hea住游水超爽皮

又到星期六睇動物時間,日日匿喺香港呢個豆潤咁細嘅地方,睇北極熊對我嚟講實在係好遙遠嘅事,所以見倒攝影師Paul Souders可以去加拿大Churchill兩星期近距離睇北極熊,我真心葡萄。輯相睇倒北極熊自由自由咁游水,超爽皮,個樣仲好得意。至於點解北極熊唔喺北極? 因為溫室效應令到北極冰層融化,所以越嚟越多熊由最北點不斷向南遷移,未來要睇北極熊,分分鐘只可以喺 加拿大先見得倒。 相關資訊日本超肥美北極熊 水中攝影低抄奇妙角度 (Apr 23, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›

超靚大自然相集     安坐家中欣賞世界靚景
by / on 19/10/2013 at 12:35 pm

超靚大自然相集 安坐家中欣賞世界靚景

大自然有幾靚? 阿媽話你日日對住部電腦知鬼咩? 我又唔係咁諗。上網見倒法國攝影師Yann Arthurs-Bertrand嘅相集,我會用靚到爆燈嚟形容。喺佢嘅鏡頭下,所有風景都好似一幅畫咁靚,難怪佢仲創立埋新聞社Altitude Agency,專門提供大自然靚相比世界各地嘅傳媒使用,只此一間。入嚟仲有得欣賞我哋精選嘅大自然圖集,睇完係時候計劃吓聽日出街親親大自然喇。 相關資訊【圖集】巨喵襲地球構想圖 大戰哥斯拉突襲日本 (May 3, 2018) 【相集】日本早熟小妹妹 識擺甫超強破壞力 (Apr 18, 2018)

Read more ›
雙面人相集超驚嚇    重口味真人版
by / on 27/09/2013 at 8:20 am

雙面人相集超驚嚇 重口味真人版

返工身邊總有一兩個雙面人,對住你笑騎騎,背後就講盡你壞話。德國藝術家Sebastian Bieniek可能都遇到多,所以創作咗呢輯「Doublefaced」相集,用化妝技巧,將每個被攝者都變成雙面甚至三面人,對眼一隻真一隻假,睇落效果好詭異。不過諗真啲,現實版你估佢唔倒嘅雙面人其實仲得人驚。 相關資訊【相集】日本雪橇賞櫻花 超幸福笑到瞇眼伸脷 (Apr 2, 2018) 超型日本「雪の鎧」老虎 霸氣相集Twitter熱傳 (Apr 1, 2018)

Read more ›
廁所玩大佢     變身沙灘/ 喪屍竇/ 戰場
by / on 14/09/2013 at 2:17 pm

廁所玩大佢 變身沙灘/ 喪屍竇/ 戰場

廁所有乜好玩?原來除咗辦公,仲有好多新奇刺激嘢可以發掘,例如變沙灘、喪屍竇、地盤、辦公室甚至二次大戰現場。呢對外國攝影師組合Gerben Grotenhuis同Marc Marselje ,有日無無聊無乜job接,決定想將影樓入面嗰兩格廁所玩大佢,仲整咗個網站叫Toilet Diaries不停舖相,所有廁所變晒大大佈景,全部一級製作好認真,推介。唯一擔心係佢哋兩個去邊度解決大小事‥‥‥ 相關資訊【畢業留念】外國學生畢業創舉 撞爛校長大廈門口 (May 19, 2018) 日本廁所品牌超強紙模型 免費下載紙樣網民狂玩 (May 16, 2018)

Read more ›
父子拼圖相集   相似度99.99%
by / on 11/09/2013 at 7:40 am

父子拼圖相集 相似度99.99%

你同阿爸似唔似樣?有幾似?有無佢哋咁似?英國攝影師Craig Gibson搵咗好多對父子返嚟影相,再將佢哋合併成一幅相,等你一眼睇晒兩父子究竟有幾似樣,有啲真係接近一模一樣,我有少少懷疑其實係同一個人嚟嘅。 相關資訊【相集】日本人氣攝影師「夜櫻」新作 回帶睇雪櫻靚相 (Apr 2, 2018) 【相集】神級畫家畫《星戰》Rey 超靚似幅相 (Mar 31, 2018)

Read more ›
父女溫情相集   迫囡跳水切手指
by / on 03/09/2013 at 7:36 am

父女溫情相集 迫囡跳水切手指

今時今日,十個阿爸九個有部單反傍身,不過有時影靚相未必一定單靠靚機,創意加執相都好重要,外國攝影爹哋Dave Engledow有個好得意嘅囡囡,為咗幫囡囡影多啲靚相留念,佢創作咗一系列得意父女照,每張都經過精心設計,有晒故事構圖,例如囡囡扮奧運選手跳水,爹哋扮比囡囡開罐頭切斷手指‥‥‥要讚佢後期加工功力都好強,每張相都好有紀念價值,雖然爹哋演哋略嫌浮誇咗啲,但相信囡囡大過睇返一定好冧。 相關資訊【相集】復活節松鼠仔賀圖 雞蛋變道具超可愛 (Mar 30, 2018) 【相集】超可愛雙色喵星人 半灰半黑網上熱傳 (Feb 23, 2018)

Read more ›

糖果陣相集   罕見粉藍三角朱古力現身
by / on 15/08/2013 at 7:33 am

糖果陣相集 罕見粉藍三角朱古力現身

外國攝影師好鐘意影呢類排列整齊嘅物品相,幾得意,不過諗主題都唔易。攝影師Emily Blincoe最近影咗輯「Suger Series」嘅相集,將不同糖果以顏色分門別類,排得整整齊齊再影成一幅相,入面有好多款我未見過嘅糖,例如粉藍色嘅三角朱古力。全個系列總共有十幅圖十種主題顏色,每張都咁靚咁繽紛,睇完心情靚晒。 相關資訊【相集】超可愛「大雄」cosplay 學校取景日本Twitter熱傳 (Feb 22, 2018) 【相集】超創意爹地PS作品網上熱傳 可愛囡囡變主角 (Feb 18, 2018)

Read more ›
人型扣針相集   內地藝術家揚威海外
by / on 14/08/2013 at 11:58 am

人型扣針相集 內地藝術家揚威海外

今次內地真係揚威海外,而且係好消息,杭州藝術家Jun.C陳俊呢輯扣針相,無論日本網同外國網都有報導。陳俊將日常成日見倒,其貌不揚嘅普通扣針,屈曲成好似人嘅形狀,再擺放喺不同位置拍輯,出嚟嘅效果好靚好有藝術感,證明生活上好細微嘅事物,只要花啲心機,細心觀察,都可以變成美好嘅事。唔知點解我感覺到啲扣針好哀傷,好似我今日七上八落嘅忐忑心情,係咪我諗多咗? 相關資訊【相集】日本攝影師超靚相集 東京大雪全紀錄 (Feb 9, 2018) 【相集】莫斯科降雪量破紀錄 超靚相集睇見都凍 (Feb 8, 2018)

Read more ›
相集   魚大哥的秘密生活    滑潺潺重口味
by / on 06/08/2013 at 7:45 am

相集 魚大哥的秘密生活 滑潺潺重口味

唔知你有無同感,其實魚嘅外形真係有啲醜,就算我鐘意食魚生都係咁話。偏偏法國攝影師Anne-Catherine Becker-Echivard 對魚大哥有特別偏好,設計咗一輯「魚大哥的秘密生活」相集,入面嘅魚全部著晒衫,側面睇仲有啲似老鼠o忝!佢哋有啲有份正職喺肉檔返工,有啲就淪落到坐監,所有相入面嘅魚,都係攝影師喺魚市場買返嚟,影完再煮嚟食。不過近睇我依然覺得好不安,尤其見倒佢哋滑潺潺嘅表面,毛管都楝起晒。 相關資訊日本攝影高手高手高高手 富士山靚相Twitter熱傳 (Apr 28, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
牛仔很忙 胡迪再版爆笑圖集 網上熱烈share
by / on 21/07/2013 at 5:04 pm

牛仔很忙 胡迪再版爆笑圖集 網上熱烈share

海洋堂山口式胡迪再版,又挑起之前已經買咗呢隻嘢嘅玩具攝影迷條筋……呢隻胡迪由於可以轉換表情動作,而且對眼極之淫邪,極富潛力,所以經常被玩具迷惡搞影相,再版消息傳出後,網上又出現大量圖片,本住開心share嘅精神,我哋集合咗大量胡迪寫真比大家星期日慢慢重溫,我一邊舖相一邊忍唔住笑到肚痛! 相關資訊《Deadpool 2》外國超正電影宣傳 惡搞知名電影封面 (May 18, 2018) 汽球加工變條褲 S.H.Figuarts變態超人? (May 12, 2018)

Read more ›