Post Tagged with: "相集"

牛仔很忙 胡迪再版爆笑圖集 網上熱烈share
by / on 21/07/2013 at 5:04 pm

牛仔很忙 胡迪再版爆笑圖集 網上熱烈share

海洋堂山口式胡迪再版,又挑起之前已經買咗呢隻嘢嘅玩具攝影迷條筋……呢隻胡迪由於可以轉換表情動作,而且對眼極之淫邪,極富潛力,所以經常被玩具迷惡搞影相,再版消息傳出後,網上又出現大量圖片,本住開心share嘅精神,我哋集合咗大量胡迪寫真比大家星期日慢慢重溫,我一邊舖相一邊忍唔住笑到肚痛! 相關資訊【有片】外國Twitter大熱「爬牆浣熊」 死裡逃生網民狂改圖 (Jun 16, 2018) 日本超正錯覺圖集 網民Twitter熱傳搵公仔試玩 (Jun 9, 2018)

Read more ›

子彈橫切面相集    又靚又邪惡
by / on 30/06/2013 at 2:01 pm

子彈橫切面相集 又靚又邪惡

記得之前編輯爆炸哥介紹過杯麵罐頭湯橫切面,令我大開眼界!今次我都回贈呢單新聞比佢睇,主角係子彈,啱晒性格火爆嘅爆炸哥。由靚女攝影師(有相睇)Sabine Pearlman操刀拍攝,所有子彈都係喺瑞士嘅二次大戰燃料庫內拍攝,呢輯名為AMMO嘅相集真係好出色,橫切面嘅子彈無可否認真係好精細好靚,靚到好似藝術品一樣。亦帶出攝影師想表達嘅訊息:「子彈係好靚但同時好富破壞性,魔鬼同埋美麗嘅結合,正正同人類嘅情況一樣。」哲學性得嚟又好有道理喎。 相關資訊【相集】日本超靚郊外風景 稻田倒影富士山變攝影熱點 (Jun 9, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›
Danboard紙箱人賞櫻   日本網靚絕圖輯
by / on 15/03/2013 at 9:50 am

Danboard紙箱人賞櫻 日本網靚絕圖輯

你鍾唔鍾意呢隻Danboard紙箱人阿愣?呢隻治療系玩具出自日本漫畫《四葉草》,之前好流行,近排似乎靜咗少少。不過日本依然好多人對佢有愛。噚日喺日本網站就發現呢輯紙箱人遊世界嘅圖輯,紙箱人唔止登山遠足,仲走去賞櫻,又去薰衣草園同埋雪地等等,一年四季都見倒佢,睇完好想呢個週末飛去日本玩餐飽。 相關資訊【有片】超可愛「紙箱人」揚聲器 左右一個自製環迴立體聲 (Jun 13, 2018) 日本麥當勞推出「蛋黃哥麥旋風」 開心樂園餐玩具超正 (Jun 7, 2018)

Read more ›
獵奇圖集   E.Honda、雙截龍亂入真實世界
by / on 26/02/2013 at 11:45 am

獵奇圖集 E.Honda、雙截龍亂入真實世界

呢輯改圖我睇得好開心,名為「Video Games VS. Real Life」嘅相集,作者Aled Lewis將經典遊戲角色例如街霸嘅E.Honda、孖寶嘅大魔王Bowser、雙截龍嘅兩兄弟等等,放入現實世界嘅相片入面,效果好正。特別係E.Honda打爛私家車嗰張,簡直重現遊戲過關bonus打車一幕嘅場面。呢輯相仲可以買走,開價美金$20至$360不等。 相關資訊《復仇者聯盟》回到童年時 超正回帶相集 (May 19, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
圖輯  巨型Pentax 6×7戴上頭   阿婆武士齊惡搞
by / on 04/02/2013 at 11:19 am

圖輯 巨型Pentax 6×7戴上頭 阿婆武士齊惡搞

台灣有仆街少女,因為拍攝瞓街相成為網絡紅人;日本呢?最近有位日本Flickr用戶Klyoshimachine,拍攝咗一系列頭戴巨型Pentax 6×7相機框相片而備受注目。攝影師戴住呢個惡搞味濃嘅大頭相機四圍走,婆婆、靚女、日本武士人人玩埋一份。估計佢應該總共整咗三個巨型相機,因為佢試過三個叠高影相。輯相資素唔錯,值得一睇。至於點解係Pentax 6×7?唔係賣廣告啩? 相關資訊【新片速報】日本武士執垃圾表演 超有效率網民大讚 (Jun 7, 2018) 【相集】喵星人大得好快 日本熱傳對比照超可愛 (May 18, 2018)

Read more ›
名師攝影集  動物闖超市 老虎賣鮮肉
by / on 20/01/2013 at 4:00 pm

名師攝影集 動物闖超市 老虎賣鮮肉

老實,本人影相經常手震、構圖馬虎,攝影知識近乎零,所以呢輯相唔好問我用咩相機、快門光圈幾多或者有無photoshop過。同大家分享呢輯相,純粹覺得好特別好靚,呢輯動物特集由印尼攝影師Agan Harahap操刀,名為「Garden Fresh」,將大量野生動物放入超級市場內,表達現今社會人與動物之間嘅衝突同矛盾。攝影師之前仲有個系列「Super Hero」,將黑武士、Superman等融入二次大戰等歷史圖片入面,值得一睇!入嚟有相集慢慢重溫。 相關資訊【相集】日本一人一張「影唔返嘅靚相」 超靚風景回帶 (May 12, 2018) 【多圖】日本靚女同公仔一模一樣 遊歷日本拍攝相集 (May 5, 2018)

Read more ›

獵奇圖集   日本蘿蔔逃跑記
by / on 16/01/2013 at 12:05 pm

獵奇圖集 日本蘿蔔逃跑記

今朝本來打住呵欠唔想返工,不過睇倒呢段日本大根news心情大好,亦好佩服日本人嘅創意。大根即係我哋嘅白蘿蔔,日本人好鐘意食,而咁啱蘿蔔嘅造型有啲似人型,有兩隻腳一住亂草頭髮。於是,日本農場「根菜農家うめまま」就編造咗一個「大根出走記」嘅圖片故事喺twitter連載,講佢偷走離開耕地、比狗追以至比人煮咗嚟食嘅冒險故事,相當獵奇,最獵奇係仲出埋2013年曆,好正。 相關資訊【相集】日本喵星人變液體喵 融入膠箱超可愛 (May 2, 2018) 【相集】羽生結弦出席公開活動 相集靚到似寫真 (Apr 23, 2018)

Read more ›