Post Tagged with: "相集"

老香港超珍貴相集    飛機市中心低飛 / 鐘樓新建成
by / on 01/06/2014 at 1:06 pm

老香港超珍貴相集 飛機市中心低飛 / 鐘樓新建成

喺杜汶澤facebook見倒佢share「攝影入門」網站嘅新聞,原來喺網站Pinterest搜尋「Vintage Hong Kong 老式香港」,就會見倒好多舊日香港風貌嘅靚相。當年仲未有數碼相機,全部用菲林,好考攝影師功力。睇相見倒啱啱興建好嘅尖沙咀鐘樓、舊日七層高石硤尾邨、九龍城啟德機場年代,飛機喺市中心低飛‥‥‥好多美好回憶令人極之懷念,記住開埋比你阿爸阿媽睇,佢哋應該會睇得好開心,兼且有好多故仔慢慢講。 相關資訊【開花嘞】日本茨城超靚藍花海 攝影師相集Twitter熱傳 (Apr 20, 2018) 【相集】日本早熟小妹妹 識擺甫超強破壞力 (Apr 18, 2018)

Read more ›

幸福男人相集    三位靚囡被PS
by / on 04/05/2014 at 1:57 pm

幸福男人相集 三位靚囡被PS

呢個男人好幸福,44歲嘅John Wilhelm係一名IT Director,仲有三個又靚又得意嘅囡囡,佢仲係一個攝影師,為咗打發時間兼留個紀念,佢決定幫幾位千金影寫真。有別於一般嘅悶蛋相集,佢影嘅玩嘢跳脫好多,例如阿女比八爪魚脅持、變身煤礦工污糟糟等,佢自己都有參與其中,影相靚構思有心機,加上photoshop同埋囡囡靚樣,好值得一睇。 相關資訊【相集】日本雪橇賞櫻花 超幸福笑到瞇眼伸脷 (Apr 2, 2018) 【相集】日本人氣攝影師「夜櫻」新作 回帶睇雪櫻靚相 (Apr 2, 2018)

Read more ›
超靚蝸牛相集    你有幾耐無見過蝸牛?
by / on 22/04/2014 at 7:09 am

超靚蝸牛相集 你有幾耐無見過蝸牛?

記得以前落雨天等校巴時,經常會見到蝸牛,大個咗出嚟做嘢已經好多年無見過蝸牛,唔係因為蝸牛少咗,可能係由於自己每日怱怱忙忙,忽略咗身邊好多細微嘅事物。點解忽然咁感觸?因為睇倒攝影師Vyacheslav Mishchenko呢輯蝸牛相集,原來蝸牛真係好靚,當然,佢都影得好靚,靚到你想今日落個雨,再走落樓下公園搵蝸牛。 相關資訊超型日本「雪の鎧」老虎 霸氣相集Twitter熱傳 (Apr 1, 2018) 【相集】神級畫家畫《星戰》Rey 超靚似幅相 (Mar 31, 2018)

Read more ›
老人與豬超溫馨相集     豬仔都識笑?
by / on 17/04/2014 at 7:17 am

老人與豬超溫馨相集 豬仔都識笑?

人類同豬仔唔一定只得食物縺嘅關係,日本鄉村嘅老伯伯Otchan養咗1200隻豬,同佢哋關係好好,一齊睇報紙,一齊去曬日光浴,仲會間中彈結他比啲豬仔聽,好正。佢同豬仔們嘅微妙關係,吸引到來自日城市地區嘅攝影師Toshiteru Yamaji影底,之後仲結集出書,賣得好好,上年再度加印,本相集喺amazon有得賣。BTW,睇相見到啲豬仔好似識得笑咁,仲笑到見牙唔見眼咁款,老伯伯Otchan會唔會好唔捨得送走佢哋呢? 相關資訊【有片】日本微型玩具達人 搭車玩玩具超速度感 (Apr 21, 2018) 超可愛日本柴犬廁紙套 陪辧大事好輕鬆 (Apr 21, 2018)

Read more ›
亡命相集靠PS    靚相唔駛搵命搏
by / on 08/04/2014 at 7:16 am

亡命相集靠PS 靚相唔駛搵命搏

老實,我好怕見倒嗰啲玩命嘅攝影師,爬到上大廈頂再單腳企或者倒吊影相,比你喺網絡上紅得一時又點,害屋企人每日為你提心吊膽,值得咩?今次介紹嘅呢位攝影師Robert Jahns,網名nois7,全部相都係超危險動作,例如喺火車軌上凌空踩單車、大廈頂樓用手機影相,不過全部都係用Photoshop執出嚟。其實咁咪幾好,要表達嘅意思,唔一定要用條命搏返嚟嘅。 相關資訊【相集】復活節松鼠仔賀圖 雞蛋變道具超可愛 (Mar 30, 2018) 【相集】超可愛雙色喵星人 半灰半黑網上熱傳 (Feb 23, 2018)

Read more ›
迷你人仔模型做主角    玩嘢相集超幽默
by / on 06/04/2014 at 12:17 pm

迷你人仔模型做主角 玩嘢相集超幽默

影相或者藝術並唔一定係高深嘅嘢,好似藝術家Roy Tysons為咗傳遞呢個訊息,就拍攝咗一個叫「Roy’s People」嘅相集,全部用迷你模型做主角,再搵日常生活嘅物品做場景,製造出小人國嘅效果。例如幾個人仔坐喺坑渠邊垂吊、陸軍大戰蝸牛‥‥‥全部都好好睇,好啱星期日打發時間。 相關資訊【有片】日本超強中學生作品 自製紙模型《裝甲騎兵》 (Apr 10, 2018) 【有片】日本模型高手 濃縮戰場變方塊 (Mar 27, 2018)

Read more ›

日本高質攝影網   超靚櫻花 / 富士山相集
by / on 31/03/2014 at 7:20 am

日本高質攝影網 超靚櫻花 / 富士山相集

日本櫻花開得好靚,可惜我無假無錢無得去,唯有上網睇吓相止吓渴。日本有個網站叫Pashadelic,入面有大量日本地標嘅靚相,一眾攝影愛好者可以將自己嘅心水靚相放上去同人分享,搜尋「桜」或者「Sakura」會見倒大量櫻花靚相,睇完你可能會同我一樣反應:「有無咁靚呀?!」,質素高過Google圖集無限倍,我仲貪得意搜尋埋富士山「Mt.Fuji」,可以睇勻黃昏、深夜、星空等不同面貌嘅富士山美態,堅靚!攝影友可以上去慢慢發掘吓呢個寶藏,推介! 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【新片速報】日本兔仔妨礙工作 keyboard前反肚超可愛 (Apr 21, 2018)

Read more ›
Sony全球攝影大賽   40幅得獎作品圖集
by / on 24/03/2014 at 6:58 am

Sony全球攝影大賽 40幅得獎作品圖集

唔講唔知,Sony舉辦嘅全球攝影大賽啱啱公佈咗賽果,今年全球有來自166個國家超過14萬個攝影師參加,得獎者可以攞走Sony相機a5000相機,或者去倫敦出席4月30日嘅頒獎禮嘅機票連酒店,我哋集合咗40位得獎作品比各位攝影同好一齊欣賞吓,其中有兩個仲係香港參賽者。BTW,放相都放到手軟。 相關資訊【相集】超可愛「大雄」cosplay 學校取景日本Twitter熱傳 (Feb 22, 2018) 【相集】超創意爹地PS作品網上熱傳 可愛囡囡變主角 (Feb 18, 2018)

Read more ›
單身女偽造全家福 假老公假囡囡假笑容
by / on 01/03/2014 at 11:56 am

單身女偽造全家福 假老公假囡囡假笑容

呢輯相睇到我有啲心寒。相中女士Suzanes Heintz係一位創作總監,高薪厚職、單身,由於經常被問到幾時結婚,於是決定買兩個模型公仔 ─ 一個老公一個囡囡,出發去拍攝Life Once Removed嘅相集。每張「全家福」嘅背景都係典型美國人夢寐以求嘅家庭生活,例如一家人去滑雪、渡假、食燭光晚餐。每張相佢都交足戲,盡力表現到好開心,同旁邊嘅假人形成強烈對比,佢話咁做係想大家放開偏見,重新審視乜嘢係成功人生,不過呢個表達方法似乎有啲‥‥‥ 相關資訊【相集】日本攝影師超靚相集 東京大雪全紀錄 (Feb 9, 2018) 【相集】莫斯科降雪量破紀錄 超靚相集睇見都凍 (Feb 8, 2018)

Read more ›
小矮人爬梯遊繩學化妝    大工程作品
by / on 22/02/2014 at 3:56 pm

小矮人爬梯遊繩學化妝 大工程作品

化妝對女人嚟講係一項大工程,而呢項工程男人好難會明。呢輯相就將女人化妝嘅過程擬人化,有一大班小矮人爬梯遊繩幫模特兒上妝,效果好特別。原來攝影師 Juan Sánchez Castillo一直影開化妝題材嘅雜誌相,而佢老婆就好鐘意收集細細件嘅玩具,於是Juan決定做呢個叫Making It Up嘅Project,結合老婆大人嘅收藏品同自己嘅專業,炮製出呢輯相集,好溫馨。   相關資訊日本喵星人攬實玩具唔放 三文魚超像真 (Apr 11, 2018) 日本Pokémon保護電話線玩具 8款一齊用超正 (Mar 17, 2018)

Read more ›
強風下的樣衰相    勁過潘蔚林
by / on 19/02/2014 at 9:03 am

強風下的樣衰相 勁過潘蔚林

TVB嘅潘蔚林抵抗颱風嘅能力有幾強唔駛多講,不過一般人面對強風,吹到面容扭曲時,究竟有幾醜樣?外國攝影師Jonathan Robert Willis好想知,於是搵咗班唔介意自己好樣衰嘅朋友擔任模特兒,由於拍攝過程太辛苦,每個模特兒只會拍攝15分鐘。講吓講吓,其實我最想攞返潘蔚林張cap圖比較吓。 相關資訊【命中註定】外國小童天生兔唇及雙色瞳 被收養流浪貓竟然一樣 (Mar 29, 2018) 【相集】外國大隻cosplayer轉風格 cos美少女戰士fans離棄 (Mar 21, 2018)

Read more ›

一人分飾多角   影靚相人多好辦事
by / on 14/02/2014 at 12:19 pm

一人分飾多角 影靚相人多好辦事

有時影相加少少特別效果,出嚟嘅作品就會即時升呢。長駐香港嘅印尼攝影師Ari Mahardhika呢輯圖集,將好多個自己用白底影完再key上同一張相片內,唔算難但好考心機,特別係揸住相機嗰張,每個人仔各有工作,控制影相工序,好有心思。入去佢嘅flickr戶口,仲見倒好多好高質素嘅風景相,唔講都唔信原來部份係香港地!仲有動物、夜景同埋o靚模‥‥‥ 相關資訊香港3月有得睇!《鐵甲萬能俠/ INFINITY》再見朋友! (Jan 27, 2018) 【相集】日本狗狗遇大雪超興奮 超靚相集Twitter熱傳 (Jan 23, 2018)

Read more ›
巨型喵星人襲地球   城市變遊樂場
by / on 07/02/2014 at 8:39 am

巨型喵星人襲地球 城市變遊樂場

  人類已經無法阻止喵星人嘅侵略!呢輯由奧地利攝影師Paul Bauer幻想出嚟,名為「Kittenzilla」嘅相集,見到一座樓咁高嘅貓大哥破壞緊城市,十足地球侵略者。不過如其話佢侵略,不如話佢hea緊,因為佢大部份時間都係坐吓瞓吓睇吓咬吓,當呢個城市係佢嘅小型遊樂場。除咗巨型貓,阿Paul仲設計過外星貓Spacecat,睇嚟佢都係一個不折不扣嘅貓奴。 相關資訊宇宙最崩壞攝影師 全家變LEGO人網上熱傳 (Jan 16, 2018) 【有片】日本大熱手機遊戲 飼養兇殘熊隨時襲擊主人 (Jan 15, 2018)

Read more ›
細路女玩命奇遇   超現實靠PS
by / on 27/01/2014 at 7:13 am

細路女玩命奇遇 超現實靠PS

今時今日做攝影師,除咗要識影相,仲要識用Photoshop執相!羅馬尼亞攝影師Caras Lonut呢方面好強,而且好有想像力,佢創作嘅一系列以小妹妹做主題嘅相,取材同技術都好高質,夠晒天馬行空,例如妹妹攬住飛機翼瞓覺、坐喺高樓大廈邊沿睇風景,阿媽睇見唔駛驚,因為全部係key上去嘅,佢喺facebook有示範點key圖,睇就容易,做就知難。 相關資訊【圖集】冰天雪地鹿仔相 超應節聖誕啱睇 (Dec 24, 2017) 日本熱傳超靚風景相 紅葉鯉魚池塘靚到似幅畫 (Dec 12, 2017)

Read more ›
熱爆真人《狂舞派》相集   2014年曆繼續跳
by / on 27/01/2014 at 7:08 am

熱爆真人《狂舞派》相集 2014年曆繼續跳

  跳舞有幾熱血?睇《狂舞派》應該領會到少少。睇埋外國攝影師Jordan Matter呢輯相會有更深體會。佢搵咗世界各地嘅跳舞狂熱者,喺鬧市或者你想像唔倒嘅地方,例如高樓大廈外牆、鐵路路軌、地盤等等地方,做出跳舞姿勢,仲結集成書《Dancers Among Us》兼成為最佳書籍。嚟到2014年,佢又集合咗12張靚相推出2014年月曆,amazon有得賣,港幣$100唔駛,唔知《狂舞派》導演有無興趣偷師出返本呢? 相關資訊「鱷魚先生」14歲囝囝最愛攝影 超靚動物相集回帶 (Dec 4, 2017) 【有片】超強攝影師LOGO相集 品牌LOGO變大自然靚景 (Nov 30, 2017)

Read more ›