Post Tagged with: "相集"

跳躍的貓咪相集     大肚腩無阻跳躍力
by / on 23/09/2014 at 7:05 am

跳躍的貓咪相集 大肚腩無阻跳躍力

貓嘅強勁跳躍能力唔需要懷疑,不過佢哋動作勁快,想睇清楚佢嘅嘅跳躍英姿,就要靠攝影師嘅準確捕捉。外國網搜羅咗大量貓貓嘅跳躍相片,好精彩。最正係佢哋跳起時仲頂住個大肚腩,一樣可以跳得輕鬆,的確令人類好羨慕。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

印度鐡頭功相集   頭頂重物零難度
by / on 16/09/2014 at 6:04 am

印度鐡頭功相集 頭頂重物零難度

印度人好鍾意用頭頂重物,聽聞呢種運送重物方法,比用膊頭或者用手都慳力好多。攝影師Floriane de Lassée嘅相集「How Much Can You Carry?」就拍攝咗大量當地人士頭頂重物嘅相,簡直大開眼界!拍得住大陸啲塞爆人/貨嘅單車。不過最正係佢哋邊頂邊露出嘅開心笑容,呢啲咪我成日同你哋講嘅專業囉。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
爆笑狗狗相集   撞啱時機影錯配
by / on 21/08/2014 at 7:15 am

爆笑狗狗相集 撞啱時機影錯配

好多主人專登買靚相機幫屋企嘅狗仔影相,其實影相嘅timing都好重要,外國網boredpanda搜羅咗世界各地嘅爆笑狗仔相,全部都係撞啱得意時間嘅難能可貴畫面,如果你睇完識得笑,證明你今日心情都幾靚。 相關資訊【相集】日本超靚郊外風景 稻田倒影富士山變攝影熱點 (Jun 9, 2018) 【新片速報】日本Twitter熱傳短片 喵仔與狗超可愛接觸 (Jun 6, 2018)

Read more ›
流浪狗狗Before & After相集   脫胎換骨
by / on 19/08/2014 at 7:09 am

流浪狗狗Before & After相集 脫胎換骨

睇見呢啲可憐嘅流浪狗相片令人好心痛,好彩佢哋最終都有好歸宿。外國網站張貼咗16張流浪狗嘅before & after相,睇見佢哋由周身病污糟糟,到最後脫胎換骨開心晒伸晒脷,睇見都鄧佢哋開心。不過亦都再三提醒各位,唔好遺棄寵物,照顧動物係一生一世,無信心嘅話,請你養掂自己先。 相關資訊【相集】日本攝影師超治癒相集 祖母與柴犬置身花海 (May 21, 2018) 《復仇者聯盟》回到童年時 超正回帶相集 (May 19, 2018)

Read more ›
新片速報   再揭北韓面貌   有片有相有真相?
by / on 13/08/2014 at 7:05 am

新片速報 再揭北韓面貌 有片有相有真相?

又嚟北韓,呢幾日經常報導北韓消息,今次介紹嘅係德國攝影師Julia Leeb即將推出嘅呢本北韓相集《North Korea Anonymous Country》,220頁彩色印刷,8月15日推出,美金$95。睇相見倒有當地情侶坐草地影結婚相、地鐵站以至軍人風貌,橫睇掂睇都似係30年前影落嘅相。同一時間,Julia Leeb仲喺YouTube放埋條北韓短片,有片有相,不過無真相。 相關資訊【相集】日本攝影師「青蛙」寫真 口擘擘超可愛 (Jun 2, 2018) 【圖集】日本超靚風景相似海報 網民出手改圖 (May 27, 2018)

Read more ›
重口味鬼佬   大肚腩扮孕婦影寫真
by / on 01/08/2014 at 7:06 am

重口味鬼佬 大肚腩扮孕婦影寫真

鬼佬口味真係幾重,呢兩日外國網瘋傳呢輯大肚男人寫真,相中人係Reddit網站嘅用戶DruishPrincess69,之所以咁重口味,係因為佢想幫大緊肚嘅老婆影輯靚相,點知比老婆一口拒絕,唔想放棄嘅佢決定自己做主角影返輯,好彩佢平時養咗個大肚腩啤酒肚,可以扮吓大肚婆影相。佢仲專登模仿返一般大肚婆嘅甫士表情。呢張相唔夠重口味,夠膽入嚟挑戰吓。  相關資訊【新片速報】日本超嗲喵星人Twitter熱傳 瞓主人肚腩唔肯走 (Jun 4, 2018) 日本喵星人影寫真 懷舊甫士超有少女味 (May 23, 2018)

Read more ›

《星戰》白兵之日常相集   悠閒釣魚玩廁紙
by / on 31/07/2014 at 10:24 am

《星戰》白兵之日常相集 悠閒釣魚玩廁紙

返多兩日又放假,我哋呢啲打工仔,生活無無聊聊無乜特別,《Star Wars》嘅白兵呢?外國攝影師Stéfan影咗一輯玩具相,主題係「白兵365日(Stormtroopers 365)」,睇見佢哋玩廁紙,喺廁所釣魚、扮熱狗腸、浸泡泡浴,生活好寫意,唔駛返工嘅人生真係好美滿呀! 相關資訊《Star Wars》光劍變芥末醬 黑武士出手唧醬 (May 22, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
狗狗的最後一天相集    眼淺勿進
by / on 16/07/2014 at 7:11 am

狗狗的最後一天相集 眼淺勿進

先旨聲明,呢輯相好sad,自問眼淺嘅千祈唔好睇。輯相係一個主人將佢同愛犬共渡最後一日嘅情景拍攝底,再喺自己嘅blog度分享,啱啱上佢嘅blog發現由於太多人睇所以網站擠塞搶修緊。主人Robyn Arouty係一個攝影師,由於狗狗Duke Roberts有病,佢要親手幫佢安樂死,喺臨終前,佢嗌咗好多朋友返屋企同狗狗玩,又揸車帶佢出去野餐玩水,同狗狗共渡開心嘅最後一日‥‥‥睇完輯相我都眼濕濕,老土啲都係嗰句,珍惜眼前人。  相關資訊【相集】喵星人大得好快 日本熱傳對比照超可愛 (May 18, 2018) 【相集】日本一人一張「影唔返嘅靚相」 超靚風景回帶 (May 12, 2018)

Read more ›
主人與貓  PS加工結合  驚人相似度
by / on 08/07/2014 at 8:50 am

主人與貓 PS加工結合 驚人相似度

瑞典攝影師Sebastian Magnani之前拍過狗狗扮主人著衫輯相,見反應唔錯,最近就推出另一輯叫Undercats嘅貓貓相集,今次主角由狗變貓,不過玩法一樣,,先邀請主人同貓貓一齊到影樓影相,之後透過後期加工,將主人同貓貓結合,當你見倒主人同貓嘅相似度時,會明白原來日對夜對,個樣真係會有啲似。 相關資訊【有片】玩具瘋狂郁 日本高傲的喵擔天望地唔得閒理 (Jun 15, 2018) 日本Sharp推出智能貓廁所 紀錄尿量/逗留時間 (Jun 15, 2018)

Read more ›
鬼佬眼中的香港樓宇   密集程度嚇死人
by / on 04/07/2014 at 7:03 am

鬼佬眼中的香港樓宇 密集程度嚇死人

香港地樓宇嘅密集程度,外國人見親都覺得好驚訝,之前德國攝影師Michael Wolf影過香港高密度大廈風景圖,好多鬼佬睇完留言話超恐怖,最近另一攝影師Manuel Irritier又影埋一份,名為Urban Barcode嘅作品,有公屋有私樓,清一色都係零設計好似積木咁叠埋一楝,睇落幾似barcode,原來香港嘅樓宇設計都幾求其。不過住喺入面嘅人無得揀,鬼叫香港地地方細人口多大財團更多咩?有得住已經要偷笑喇。 相關資訊【多圖】日本靚女同公仔一模一樣 遊歷日本拍攝相集 (May 5, 2018) 【相集】日本喵星人變液體喵 融入膠箱超可愛 (May 2, 2018)

Read more ›
iPhone攝影大賽結果公佈     風景相靚到震
by / on 23/06/2014 at 7:16 am

iPhone攝影大賽結果公佈 風景相靚到震

眨吓眼又一年,今年iPhone攝影大賽繼續舉行,得獎作品已經公佈咗,照舊,都係靚到你唔相信係由一部iPhone影出嚟。今年有70個國家參加,得獎作品分為動物、建築、兒童、花卉、食物、風景、生活等17個類別,個人認為都係風景類最殺食,反而食物作品就平平無奇,可能大師都不屑於參加食物攝影?入嚟有得慢慢欣賞,難怪大家越嚟越懶拎部相機出街,的確,手機影相已經可以去到好靚嘅層次。 相關資訊日本神級「樹脂黏土家」 超迷你作品2mm熊貓! (Jun 2, 2018) 【相集】羽生結弦出席公開活動 相集靚到似寫真 (Apr 23, 2018)

Read more ›

Instagram西人版「仆街少女」    跳樓碌樓梯盡情仆
by / on 21/06/2014 at 2:08 pm

Instagram西人版「仆街少女」 跳樓碌樓梯盡情仆

台灣有「仆街少女」,周圍趴地影相,吸引無數網民讚好。喺外國,都有攝影師專影趴地相,呢位叫Sandro Giordano嘅攝影師,喺Instagram開咗個戶口叫_remmidemmi,入面有大量趴街相,有模擬跳樓、碌落樓梯、打網球跣親,乜嘢情景嘅趴地相都有,每張都製作認真有晒實景道具專業模特兒。BTW,仆街喺香港係俗語,台灣其實解「被打死」或「被打趴在地上」,下次比人話你講粗俗詞語,可以狡辯吓。 相關資訊法國攝影師捕捉「香港天台」 密集式港人生活 (Apr 26, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›
老香港超珍貴相集    飛機市中心低飛 / 鐘樓新建成
by / on 01/06/2014 at 1:06 pm

老香港超珍貴相集 飛機市中心低飛 / 鐘樓新建成

喺杜汶澤facebook見倒佢share「攝影入門」網站嘅新聞,原來喺網站Pinterest搜尋「Vintage Hong Kong 老式香港」,就會見倒好多舊日香港風貌嘅靚相。當年仲未有數碼相機,全部用菲林,好考攝影師功力。睇相見倒啱啱興建好嘅尖沙咀鐘樓、舊日七層高石硤尾邨、九龍城啟德機場年代,飛機喺市中心低飛‥‥‥好多美好回憶令人極之懷念,記住開埋比你阿爸阿媽睇,佢哋應該會睇得好開心,兼且有好多故仔慢慢講。 相關資訊街霸角色You Lose造型USB 香港品牌官網有得訂 (Apr 27, 2018) 【相集】日本早熟小妹妹 識擺甫超強破壞力 (Apr 18, 2018)

Read more ›
幸福男人相集    三位靚囡被PS
by / on 04/05/2014 at 1:57 pm

幸福男人相集 三位靚囡被PS

呢個男人好幸福,44歲嘅John Wilhelm係一名IT Director,仲有三個又靚又得意嘅囡囡,佢仲係一個攝影師,為咗打發時間兼留個紀念,佢決定幫幾位千金影寫真。有別於一般嘅悶蛋相集,佢影嘅玩嘢跳脫好多,例如阿女比八爪魚脅持、變身煤礦工污糟糟等,佢自己都有參與其中,影相靚構思有心機,加上photoshop同埋囡囡靚樣,好值得一睇。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 【圖集】日本超強爹哋 用囡囡畫作設計便當 (May 25, 2018)

Read more ›
超靚蝸牛相集    你有幾耐無見過蝸牛?
by / on 22/04/2014 at 7:09 am

超靚蝸牛相集 你有幾耐無見過蝸牛?

記得以前落雨天等校巴時,經常會見到蝸牛,大個咗出嚟做嘢已經好多年無見過蝸牛,唔係因為蝸牛少咗,可能係由於自己每日怱怱忙忙,忽略咗身邊好多細微嘅事物。點解忽然咁感觸?因為睇倒攝影師Vyacheslav Mishchenko呢輯蝸牛相集,原來蝸牛真係好靚,當然,佢都影得好靚,靚到你想今日落個雨,再走落樓下公園搵蝸牛。 相關資訊【相集】日本雪橇賞櫻花 超幸福笑到瞇眼伸脷 (Apr 2, 2018) 【相集】日本人氣攝影師「夜櫻」新作 回帶睇雪櫻靚相 (Apr 2, 2018)

Read more ›