Post Tagged with: "石黑龍"

點解嘅?石黑龍罩門點解喺大髀內側?
by / on 22/06/2018 at 9:19 pm

點解嘅?石黑龍罩門點解喺大髀內側?

今期第945期《新著龍虎門》睇到我呆咗,石黑龍俾圍攻苦苦捱打,本來劇情係幾緊湊嘅,但膠在金鐘罩十一關原來可以流成咁,齋俾人睥兩眼都會暴露罩門所在。Fine,一個升Level軒轅神道經,一個升Level盤古魔道經,就當鐵五郎同蚩尤有X光眼,功力高到可以Scan到罩門所在,但點解罩門唔係「咽喉穴」而係甚麼「箕門穴」?喂,睇咗幾十年《龍虎門》,石黑龍罩門不嬲都係喺喉嚨,幾時去咗大髀內側?另,石黑龍一時話「要報仇就要把命留住」,諗住逃走;一時又話「我石黑龍就是不怕死」,諗住拼命,但拼命前又可以好得閒地浪費功力清場,費事令途人糟殃,前後不過幾頁啫,點解可以咁精神分裂架? 相關資訊《山海逆戰》一書一立體海報$68 家陣開訂 (May 22, 2018) 恭喜晒!《新著龍虎門》金神魔君+極樂魔僧死得好! (Apr 16, 2018)

Read more ›

練獨一無二嘅金鐘罩 石黑龍慘變肥仔
by / on 14/06/2018 at 10:17 pm

練獨一無二嘅金鐘罩 石黑龍慘變肥仔

話說今朝坐地鐵睇今期第944期《新著龍虎門》,笑咗出嚟,點解?因為到依家先知原來練金鐘罩會變肥仔。劇情講到身處泰國嘅石黑龍遇上蚩尤,大打出手,期間石黑龍谷金鐘罩上十一關,功力達至「剛如堅鋼,柔似棉絮」境界,咁畫面點表達呢?剛者,畫正常版石黑龍,柔者,畫肥仔版石黑龍,一堅一柔,一瘦一肥,畫面真係非常搞笑。睇咁多年港漫,一個角色忽然變肥變脹,只有兩個原因,一,中毒毒發;二,俾對手用功力谷爆中;今日,有第三個,就係練「獨一無二」嘅金鐘罩,問你服未?另,今期交代咗石武夫由鐵五郎所殺,石黑龍同蚩尤仲有偈傾,都係好事嚟嘅。 相關資訊《新著龍虎門》重用三招了舊橋 老妖「神經病」忽然說教? (Jan 26, 2018) 網圖分享:頭七已過 悼陳傲雲之死 (Jan 16, 2018)

Read more ›
你知道嗎? 王小虎英文名叫Tiger
by / on 16/05/2018 at 2:46 pm

你知道嗎? 王小虎英文名叫Tiger

忙呀,又係到今日先有時間睇番上期第236期復刻《龍虎門》,又係今日先留意到下期隨書奉送嘅貼紙係乜東東。上次有石黑龍叫Turbo哥,今次有王小虎叫Tiger哥。齋直譯,小虎變Tiger,感覺削咗啲,無黑龍個英文名咁威。 相關資訊網圖分享:Wee See Heng的降龍十八腿 (May 8, 2018) 《新著龍虎門》陳傲雲真的死了 兒戲兼求其 (Jan 11, 2018)

Read more ›
復刻《龍虎門》貼紙 石黑龍原來有英文名
by / on 28/04/2018 at 4:27 pm

復刻《龍虎門》貼紙 石黑龍原來有英文名

唔知大家記唔記得,吖,或者應該咁問,唔知大家知唔知龍虎三皇之一嘅石黑龍原來有英文名?欣賞完今期第234期復刻《龍虎門》,睇埋封底「下集預告」下期會登乜貼紙……喂?乜咁搞鬼呀?構圖係石黑龍舞獅,旁邊有Key字云「1981 TURBO SIK」。呵呵,原來早喺1981年,石黑龍已經有英文名叫Turbo。我就真係唔知嘞,Turbo哥!失敬!失敬! 相關資訊邱福龍復刻元祖版《鐵將縱橫》創刊 送封面貼紙 (Jul 13, 2018) 日本拒絕上門銷售怪招 貼亂碼貼紙好有效 (Apr 18, 2018)

Read more ›
網圖分享:白冰的Q版港漫角色
by / on 12/10/2017 at 9:45 pm

網圖分享:白冰的Q版港漫角色

唔想用「萌」形容白冰筆下嘅Q版港漫角色,畢竟王小虎、王小龍、石黑龍、步驚雲、鐵縱橫、陳浩南同海虎都係英雄,「萌」太娘娘腔,但畫得很很很很很可愛卻是不爭事實。線條唔多架,但用色好,三幾筆就中晒神髓,好值得畀Like。 相關資訊悼!《古惑仔》牛姑之死! (Jun 4, 2018) 網圖分享:白冰的超萌Q版Super Heros (May 22, 2018)

Read more ›
玉皇朝加價 《新著龍虎門》+《皇朝君臨》下期$20
by / on 29/04/2017 at 9:30 am

玉皇朝加價 《新著龍虎門》+《皇朝君臨》下期$20

黃玉郎喺今期第884期《新著龍虎門》「玉郎信箱」透露:「經詳細分析、慎重考慮後,敲定玉皇朝旗下的《新著龍虎門》及《皇朝君臨》,由下星期開始作溫和調整,象徵式加一元,每本售價二十元正。」都覺得意外架,唔係意外佢加價,而係意外佢居然忍到呢一刻,先同其他港漫睇齊加一個大洋。你問我成壇嘢點睇?繼續睇囉。係,我認我好唔長進,我認我好不滿《新著龍虎門》劇情,唉……蚩尤由戰神變傻仔、石黑龍同王小虎變大茄、王風雷繼續行行企企唔知做乜、出埋晒啲獵神者遲早變《龍珠》、陳傲雲又狗唔搭八出場……但,我實在過唔到無《新著龍虎門》睇嘅禮拜五,呢一蚊,我實豪畀佢。 相關資訊鄺志德再報料 2018書展玉皇朝出《玉郎傳》 (Jun 21, 2018) 鄺志德報料 玉皇朝出《龍神》完全版 (Jun 20, 2018)

Read more ›

網圖分享:張萬有的石黑龍十字追魂棍!齊晒!
by / on 18/01/2016 at 8:30 pm

網圖分享:張萬有的石黑龍十字追魂棍!齊晒!

張萬有話之前因為忙住供稿畀《黑漫畫》,所以唔得閒搞其他嘢,《黑漫畫》出到第四期成絕響,萬有即刻完成埋十字追魂棍最後兩招──八方風雨同十面埋伏,唔知大家有無好似我咁,Save起之前八招呢?家陣十招終於畫齊,恭喜晒!掌聲鼓勵!拍掌拍大力啲,萬有最鍾意人鼓掌,啪啪啪啪啪…… 相關資訊跟進番:張萬有x梁偉家Jam畫 蚩尤x天師完成 (Sep 29, 2017) 網圖分享:張萬有x梁偉家Jam畫 (Sep 26, 2017)

Read more ›
ACG TOYS石黑龍可動人偶 2015 Toy Soul限量開賣150個
by / on 15/12/2015 at 9:15 pm

ACG TOYS石黑龍可動人偶 2015 Toy Soul限量開賣150個

千呼萬喚始出來,ACG TOYS製作嘅石黑龍可動人偶鐵定喺2015 Toy Soul開售,有乜配件、有乜衣衫、有乜武器、可以換幾多對手之類,自己睇資料,唔贅述。我想讚係,一,面相做得好精緻、好有英氣,完全中晒石黑龍嗰種嫉惡如仇神髓;二,Pose擺得好自然,尤其Like摧心錐同十字追魂棍之鬼哭神號兩個Pose,正到爆核。至於顏色,要我揀我揀綠色,無嘢講,綠色蠍子背心,先最有原祖味。吖,差啲唔記得講價錢,每隻$1380,Toy Soul A-08攤位優先發售150個,我必搶。 相關資訊邱福龍1:6可動人偶開賣 (Jun 2, 2015) 至Goal Club派年曆卡 任攞唔嬲 (Jan 8, 2015)

Read more ›
ACG TOYS 1:6石黑龍人偶 LCX先睹為快
by / on 24/11/2015 at 12:45 pm

ACG TOYS 1:6石黑龍人偶 LCX先睹為快

如果你係石黑龍躉,咁就絕對有必要去老尖海港城LCX走番轉,事關LCX正展出ACG TOYS出品嘅1:6石黑龍人偶,人偶可以換手腕,唔使擺花巧Pose,齋戙企已經好型棍,Nike眉、金毛、刀疤、綠色蠍子背心、雙截棍,中晒我心目中嘅元祖級「柔道小魔童」神髓。想據為己有?我都係,不過暫時未知價錢,淨係知2015 ToySoul亞洲玩具展正式發售,等吓啦。 相關資訊Fools Paradise出佐敦人偶 有埋牛角好有型 (Jun 8, 2018) DDED出MK公仔+MK閃卡簿 ToySoul有售 (Dec 15, 2017)

Read more ›
網圖分享:超萌!栢迪的女版龍虎群英!
by / on 12/11/2015 at 9:00 am

網圖分享:超萌!栢迪的女版龍虎群英!

早大約半年前,已經留意到栢迪畫龍虎三皇同Q版火雲邪神,近排瀏覽佢面書,發覺佢剛剛畫埋女版龍虎群英,取名「新裝~儂‧苦悶」系列,分別有小苦、小儂、小石、小韋同小楓五幅大作,即係畫緊王小虎、王小龍、石黑龍、韋陀同王風雷,個個都畫到性感而不令人反感,萌到核爆。話時話,《龍虎門》有咁多忠奸角色,全部變晒女仔都夠好有看頭喎,栢迪又有無興趣出番本《女版龍虎門角色畫集》呢?真係成事的話,我第一個買。 相關資訊白蓮聖上突入《山海逆戰》? 跪求唔好整死于若蘭! (Mar 16, 2018) 《新著龍虎門》「*’b8豆a」係乜? 易天行成功奪舍未? (Dec 9, 2017)

Read more ›
網圖分享:張萬有的石黑龍十字追魂棍
by / on 27/10/2015 at 8:15 pm

網圖分享:張萬有的石黑龍十字追魂棍

就嚟儲齊一套嘞!張萬有嘅石黑龍十字追魂棍系列再添四幅,分別係五馬分屍、六道輪迴、七月凶靈‧惡鬼噬魂同九子連環。係,第七式個名真係好有型,八個字嘅,爛Gag啲講,唔通呢招淨係七月至用得?真係想當面問問張萬有。尚餘第八式同第十式,都係嗰句,拍定手掌,拭目以待呀。 相關資訊網圖分享:港漫人出圖祝《遇見貴人》大賣 張萬有畫老祖宗 (Jan 24, 2017) 《漫畫賓治2》12月3日出版 課金支持唔好得個講字 (Nov 30, 2016)

Read more ›

《東方真龍》完結 真龍、練風雷不死
by / on 15/09/2015 at 7:30 pm

《東方真龍》完結 真龍、練風雷不死

睇怕,《東方真龍》都算係最差嘅一本龍虎門外傳,畫功差,故事差,出到今期 第66期終於完結,我諗好多讀者都同我一樣,大有如釋重負之感。成個外傳乜都 搞唔成,反而整死咗馬小靈,王小虎Last領悟到終極十陽,殺敗由虛無而嚟嘅戰 狂,求求其其五六頁完成,好無誠意,擺明落雨收柴。其他角色蚩尤、石黑龍、 戒仔、光頭星、金霸王全部係閒角,可有可無。值得留意嘅係,練風雷敗走但未 死,東方真龍直頭死而復生變成普通人,見到王小虎相見如陌路人……即係乜 嘢呀?即係死唔斷氣囉,甚麼伏線就一定稱唔上嘞,純粹留住呢兩個主要角色唔 好死住,有必要咪拎番出嚟炒過第二個古仔囉……如果有的話。 相關資訊復刻《龍虎門》有缺失 怪碼出唔到個「嫩」字? (Jul 11, 2017) 網圖分享:幪超降龍十八腿 Chan Hon Chung心機之作 (Jun 8, 2017)

Read more ›
網圖分享:張萬有的石黑龍十字追魂棍
by / on 14/08/2015 at 2:00 pm

網圖分享:張萬有的石黑龍十字追魂棍

是日推介很久不見的張萬有靚畫,呢四幅石黑龍的十字追魂棍,依舊八九十年代港漫味濃,色彩依然豐富,密麻麻棍花尤其睇到心機所在,估計製成畫板,一定有人捧場。萬有本尊喺面書言曰:「四面楚歌,密麻麻的棍花,打到飛起!….請鼓掌!」、「二郎獻杖。一個老餅到不得了的招式名,但,運用構圖得當,可以表達到殺招的恐佈感!….請鼓掌!多謝!」唔使多謝,咁有心機,抵畀掌聲。十字追魂棍有十招,暫時只得四招睇,熱烈期待之後嘅五福臨門、六六無窮、七式一招、八方風雨、九子連環同鬼哭神號,萬有,加油呀。 相關資訊網圖分享:白水《溫水劇場》五周年 張萬有出圖恭賀 (Sep 13, 2016) 「邱福龍x黑漫畫」漫想世界展覽 買精品送限量印畫 (Dec 26, 2015)

Read more ›
至愛Nike眉 《新著龍虎門》15周年紀念人偶系列
by / on 13/07/2015 at 1:00 pm

至愛Nike眉 《新著龍虎門》15周年紀念人偶系列

動漫節就快到,玉皇朝一如以往推出大量精品,芸芸Item中,暫時最鍾意同本地玩具品牌「童夢工房」聯乘嘅《新著龍虎門》15周年紀念人偶系列,分別有著星星大紅背心嘅王小虎、著閃電暗藍背心嘅王小龍、著蠍子青綠背心嘅石黑龍,各8吋高,頭手腰關節可郁動,各附專屬武器,各售$399。搭多個火雲邪神一次過買,即成龍虎三皇決戰火雲邪神Package,內附永久珍藏限量紀念證書,售$1596。鍾意佢哋啲乜?鍾意佢哋對大眼睛同Nike眉囉,咁先有元祖味夠懷舊吖嘛。 相關資訊《新著龍虎門》事先張揚 陳傲雲真係歸天? (Dec 28, 2017) 《新著龍虎門》2200期特別版 一書六板$740 (Dec 14, 2017)

Read more ›
網圖分享:鄺志德的慈善畫板 籌$38000捐樂施會
by / on 23/06/2015 at 3:30 pm

網圖分享:鄺志德的慈善畫板 籌$38000捐樂施會

好事!善事!值得表揚!呢壇嘢真係好值得同大家分享,事緣鄺志德創作畫板作網上公開競投,而最後石黑龍畫板拍賣到$5000、王小虎畫板拍賣到$5000、龍神畫板拍賣到$5000、玉兒畫板拍賣到$3000、青蜂俠$10000、王風雷$10000,Total籌到$38000,全數捐咗去樂施會。咁有意義嘅事,希望其他港漫人可以多多仿效。 相關資訊DJ Soda鍾意邱福龍……嘅龍神 (Jul 14, 2018) 鄺志德慈善義賣珍藏 善款全數捐畀樂施會 (Sep 11, 2017)

Read more ›