Post Tagged with: "禮物"

搬新屋有驚喜       前主人送隻貓做禮物
by / on 10/07/2018 at 7:24 am

搬新屋有驚喜 前主人送隻貓做禮物

搬新屋送隻貓,的確係好驚喜嘅。最近有網民搬屋,到埗時發現前屋主留咗張紙條,話後園多年嚟有隻貓住緊,不過超怕生保,佢哋每日都會餵糧同水俾佢,冬天同落雨天會搭間屋仔俾佢,希望新主人都可以幫手照顧呢隻喵。估計前屋主都想帶走呢隻喵但失敗咗。咁呢位新主人都好樂意照顧埋呢隻喵,仲放咗幾張呢隻喵嘅相上網,超可愛,入嚟有得睇。 相關資訊Burger King員工每日送漢堡包俾患癌狗狗 網民感動熱傳 (Jul 21, 2018) 【有片】地震前有咩反應 日本貓Cafe閉路電視足本睇 (Jul 16, 2018)

Read more ›

【有片】收到PS4做禮物好開心?內裏原來係Switch咩反應?
by / on 31/12/2017 at 10:26 pm

【有片】收到PS4做禮物好開心?內裏原來係Switch咩反應?

  假設你冇PS4亦都冇Switch,咁你會收到邊部主機開心啲?PS4多嘢玩啲,Switch又新啲,PS4有得玩嘅Switch又冇,但Mario大叔又好吸引喎……如果假設冇機,要我揀,我都係揀番PS4。咁呢位小朋友呢?拆開禮物見到係PS4好似一般開心,但當佢見到入面係Switch嘅時候……之後仲有另一條片,呢次個小朋友好想要PS4,但係…… 相關資訊【編輯Blog】尉遲一:反情人節 (Feb 17, 2013) 情人節送禮勤 8-Bit玫瑰饋贈Player 2 (Jan 30, 2013)

Read more ›
新片速報 喵星人吊飾遮敏感部位 更鮮明更出眾
by / on 17/07/2015 at 7:07 am

新片速報 喵星人吊飾遮敏感部位 更鮮明更出眾

好高深嘅設計,呢個遮住喵星人米字部位嘅小掛飾,圈喺條尾嘅根部,吊墜啱啱好遮住佢嘅敏感部位,而且仲要係閃石設計,等呢個部位,無論出現嚮咩地方,都好似漆黑中嘅螢火蟲一樣,咁鮮明,咁出眾!但係去廁所辦大事嘅時候咪好唔方便?仲有,去完廁所想清潔嘅時候可能又會擋住喎,估計喵星人應該會鍾意坦蕩蕩多啲。BTW,由Cat Crib出品嘅呢個Twinkle Tush,售價美金$6,相信主要都係用嚟整蠱人(貓)嘅。 相關資訊【有片】日本喵星人迫爆紙箱 超痴纏攬實唔放 (Jul 19, 2018) 芒亨獵人必買裝備 導蟲籠/回復藥吊飾 (Jul 17, 2018)

Read more ›
新片速報:情人節送乜畀女友?
by / on 05/02/2015 at 10:00 am

新片速報:情人節送乜畀女友?

OK好笑嘅一條短片,剖析港女心態都幾透徹,情人節就快到嘞,究竟送乜禮物女畀女友好呢?呢條片將女友分成五大種,同時講出呢五大種女友最想收嘅禮物係幾咁不切實際,聽落都幾中Point,絕對笑得出架。 相關資訊【年年都有今日】情人節落人面 《網球王子》角色又收過10萬盒朱古力 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
新片速報 導機迷信主!?PS4打開竟然係聖經
by / on 05/01/2015 at 5:54 pm

新片速報 導機迷信主!?PS4打開竟然係聖經

之前我哋睇過有男朋友收到PS4開心到不斷「NONONO」啦,又睇過有人買咗部PS4,打開有兩包石頭啦,今次更加係神蹟!話說美國有個女朋友送咗部PS4俾男朋友,當男朋友見到個盒時,嘩好開心呀!之後打開個盒,嘩!On My God!係兩本聖經……之後個個以為佢開男朋友玩笑,實質係女朋友都感到好驚訝,最後,佢哋換得番部PS4主機,同時佢哋都覺得係神嘅啟示,多咗去教堂喎……BTW,本聖經又幾似部機,個女朋友又幾靚,仲識得送PS4,唔。 相關資訊【2018出GAME表】 5月至6月 [PS4/XBox One/Switch/PC/PS Vita/3DS] (May 13, 2018) 【有片】最新排名 PS4必玩25隻遊戲 第1位我贊成 (Apr 27, 2018)

Read more ›
新片速報   警察都有好人   送聖誕禮物玩驚喜
by / on 11/12/2014 at 7:12 am

新片速報 警察都有好人 送聖誕禮物玩驚喜

警察喎,唔抄你牌唔用警棍打你,送聖誕禮物比你喎,驚唔驚?美國洛厄爾警察局最近搞咗個活動,比驚喜一班駕駛者。首先有警察截停路上嘅私家車,車主個個以為被抄牌,點知警察叔叔居然同你吹水,仲問你想要乜嘢聖誕禮物,與此同時,有人喺隔籬嘅超級市場偷偷掃貨,當車主準備開車時,警察就送上呢份突如其來嘅聖誕禮物,我仲見倒有最新出嘅Xbox One。個個車主都開心到彈起攬住警察叔叔搖呀搖。睇見呢啲咁溫馨嘅場面,老實我好心嗡。 相關資訊加拿大警察當值飲Starbucks 日本網民熱烈討論 (Jul 4, 2018) 【新片速報】寄艙行李無好下場 職員掟喼短片Twitter熱傳 (May 30, 2018)

Read more ›

新片速報   母親節最佳禮物  R2D2量杯官方授權
by / on 19/04/2014 at 1:37 pm

新片速報 母親節最佳禮物 R2D2量杯官方授權

母親節就到,諗好送乜嘢比母親大人未?見佢晚晚追睇肥媽嘅《食平DD》,買廚俱實無衰啩?Star Wars又出嚟搵銀,今次對象係家庭主婦,呢套官方授權產品「R2D2量杯組合」高6.5吋,隻R2D2可以分成5個量杯3個量匙,開價美金$19.99,通過食品檢測保證安全,不過唔可以放入微波爐或者洗碗機。我哋覺得幾靚,不過媽咪鐘唔鐘意就好難講‥‥‥ 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 網圖分享:日日都係母親節 (May 14, 2018)

Read more ›
情人節禮物   牛角包耳環啱晒為食女友
by / on 10/02/2014 at 7:01 am

情人節禮物 牛角包耳環啱晒為食女友

情人節諗好送乜嘢比女朋友未?無女朋友?咁送比阿媽都得嘅。如果你有一個好為食嘅女朋友(或者阿媽),可以考慮買呢款麵包耳環送比佢,外形精緻,仲幾可亂真,有牛角包、丹麥酥,睇見都餓,除咗耳環,仲有士多啤梨撻嘅項鍊、朱古力襟章,全部都係睇得唔食得,Etsy有得賣,價錢都係百零蚊件,抵過買盒朱古力。 相關資訊日本超像真車厘子耳環 真嘅一樣Twitter熱傳 (Apr 14, 2018) 【有心】回禮送呢啲 送俾女仔一定送調味料 (Feb 15, 2018)

Read more ›
原力有得賣 ebay開價$13火速沽清
by / on 27/12/2013 at 12:06 pm

原力有得賣 ebay開價$13火速沽清

「May the force be with you」呢個世界乜嘢都有價,估唔倒原力都有價,而且好cheap。呢盒標題「The Force」嘅原力盒,ebay今個月29號上架,即時沽清,梗係啦,開價美金$13.95仲包埋運費,不過要4歲以上先用得,買返去後用唔用得著就要睇你有無大師嘅慧根。勁在ebay都唔可以話佢違反商品說明條例,因為啲原力有個盒裝住。 相關資訊【有片】聖誕真好!日本爵士演奏家高木里代子彈鋼琴 (Dec 26, 2017) 【圖集】聖誕大快樂 日本網民浪漫大餐熱鬧實況 (Dec 25, 2017)

Read more ›
Lomo透明新款走光   潮友齋擺唔影
by / on 30/11/2013 at 7:18 am

Lomo透明新款走光 潮友齋擺唔影

真心想知仲有幾多人有玩Lomo相機?最近官方宣佈會推出透明殼嘅特別版Konstruktor camera。當然,部相機只可以儲唔影得相,因為機身透明,入面嘅菲林走晒光實乜都無晒。不過佢仍然可以裝菲林,等你得閒撳兩下快門掣感受吓個氣氛,潮流嘅嘢‥‥‥開價美金$59,隨時可以上網買,用嚟做聖誕禮物買比BB啦。 相關資訊日本透明可樂新素材 網民狂key圖任玩 (Jun 17, 2018) 日本Twitter熱傳「透明版可樂」 比想像中更透明 (Jun 16, 2018)

Read more ›
LEGO出大人手錶   黃黑款對辦  11月見街
by / on 06/10/2013 at 2:39 pm

LEGO出大人手錶 黃黑款對辦 11月見街

LEGO終於宣佈推出啱大人戴嘅手錶系列,之前出嚟出去都係小朋友款,今次一次過推出8個款式,唔低B大人戴都無問題。手帶同埋銀圈都可以自由換款,同砌LEGO一樣。個人認為黃色、黑色同埋白色三款都相當對辦,有啲想買。11月開始開賣,價錢大約$600-$1500,仲有50至100米防水,玩開Lego有感情嘅大人聖誕可以有嘢送比自己喇。 相關資訊日本「免提雨傘」預訂展開 騰空雙手去釣魚 (Jun 28, 2018) 【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018)

Read more ›

父親「You are my superhero!」溫情改圖冧過坐天王椅
by / on 06/06/2013 at 7:03 am

父親「You are my superhero!」溫情改圖冧過坐天王椅

父親節就到,我無錢買天王椅比爹哋,不過要氹爹哋開心其實仲有好多唔駛錢嘅方法。好似意大利女攝影師Giulia Pex,就將平時幫爹哋影嘅生活照,透過電腦加工,變成一張張超級英雄相片,例如將架家庭車畫成蝙蝠俠戰車,爹哋著嘅西裝變成Superman服,輯相嘅名稱仲好窩心,叫「Dad, you are my favorite superhero」,我喺爹哋一定冧到暈。 相關資訊日本足球英雄本田圭佑 可愛敬禮動作Twitter熱傳 (Jun 25, 2018) 【圖集】超級英雄都會老 英雄遲暮聯想圖 (Jun 19, 2018)

Read more ›
咪記新招谷Office 365   買《福布斯》送WiFi
by / on 06/05/2013 at 8:59 am

咪記新招谷Office 365 買《福布斯》送WiFi

雜誌越嚟越少人買,跟書送嘅贈品變成誘餌,不過禮物通常離不開送袋仔、拖鞋呢啲行嘢,邊有好似Microsoft咁揼本跟書送Wi-Fi Router?今次係外國咪記同財經雜誌《福布斯》嘅合作企劃,送足15日電訊商T-Mobile嘅免費WiFi服務,目的係宣傳Office 365,外國部份傳媒率先收到,大讚咪記大手筆有驚喜,本書今日開始有得賣,可惜香港用唔著吖。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 日本童星「吉川愛」眨吓眼18歲 濕髮造型登雜誌封面 (May 1, 2018)

Read more ›
個陣點擺好呢?手指唔靈活的話,諗到都未必擺到。
by / on 30/04/2013 at 2:00 pm

免費手機新Game:送禮物激死你

遊戲角色稱唔稱得上Animal,存疑,就算係Animal,亦唔覺得好Ugly,相反仲覺得幾Cutie添,「Ugly Animals」好好玩,既考你有無腦筋,又考你手指靈唔靈活,每過一關都要扭盡六壬,難玩架。 相關資訊【有片】靚喎!iPhone電話座 扮懷舊電視 (Sep 18, 2017) 【相集】日本京都懷舊小店 過200張iPhone拍攝全紀錄 (Sep 16, 2017)

Read more ›
有片   Bandai 電子狗    桃紅新色氹女友
by / on 18/03/2013 at 7:46 am

有片 Bandai 電子狗 桃紅新色氹女友

早前Bandai推出名為TechPet嘅iPhone狗仔,玩法似他媽哥池,不過iPhone屏幕會變為狗仔臉部表情。估計呢隻狗仔應該賣得唔錯,因為Bandai今年會推出粉紅新色。狗仔識搖頭擺尾,要餵食、陪佢玩,當真寵物咁養,而且識聽簡單語音指令,開價港幣$450左右,買嚟氹小朋友或者你屋企個女朋友bb都唔錯,但大前提你要有部後備iPhone電話,如果唔係咪無得同時玩WhatsApp或者Candy Crush? 相關資訊Bandai奇妙扭蛋 巨型蟲仔識捲埋 (Jun 4, 2018) 【回憶】Bandai復刻30年前卡機 6,480円買返屋企 (Mar 30, 2018)

Read more ›