Post Tagged with: "立花正仁"

《古惑仔》搞Gag 牛佬想整死佐維同立花?
by / on 27/11/2017 at 9:45 pm

《古惑仔》搞Gag 牛佬想整死佐維同立花?

牛佬喺今期第2082期《古惑仔》搞Gag,今次唔係畫Q版,而係用一格畫讀者,透過讀者把口話:「呀,呢個天川秀,居然係佐維嘅徒弟?」係OK好笑嘅,不過呢,天川秀同佐維係師徒關係,我諗好多讀者都同我同一樣,上期已經係咁估喇。另,睇到「牛佬的話」,我有啲驚,事關牛佬咁寫:「……佐維And立花正仁呢兩大神人,今勻真係紮紮地嘞!」猶記得早十期八期兩大神人交心對話,大家都好欣賞對方兼視對方為知心友云云……如此這般,好似有晒伏線咁嘅?牛佬,你唔係真係想整死兩大神人呀? 相關資訊寫個服字俾牛佬!峰迴路轉佐維唔使死! (Dec 14, 2017) 支持牛佬決定!佐維同趙繼邦攬住上路! (Dec 8, 2017)

Read more ›

《古惑仔》紅魔女陣亡! Tommy離死不遠?
by / on 24/10/2017 at 9:00 am

《古惑仔》紅魔女陣亡! Tommy離死不遠?

哎吔!乜咁快整死暗黑之門排名第三嘅紅魔女呀,或者因為露紅Bra關係,我幾鍾意呢個角色,估唔到三兩期貨仔就陣亡,喺今期第2072期俾自己把腰刀攔腰劏開兩截,心底裡有少少唔捨得;不過呢種死法都幾有新鮮感,睇得出牛佬有真正落過心機,係要讚嘅。另,紅魔女既死,我估實力再次一皮嘅Tommy都離死不遠,唔知面書朋友仔Tommy Lin睇完今期,會唔會有啲擔心呢?都係嗰句,牛佬,跪求唔好咁快整死Tommy Lin喇。 相關資訊《古惑仔》出錯? 同一期出兩回〈飛女正傳〉? (Nov 20, 2017) 瑞新《火武耀揚》豪華珍藏版 11月22日見街 (Nov 8, 2017)

Read more ›
《古惑仔》女殺手似教師 兩大神人仲未見到趙繼邦
by / on 12/10/2017 at 8:45 pm

《古惑仔》女殺手似教師 兩大神人仲未見到趙繼邦

親愛的牛佬,唔好嬲嬲豬呀,睇完今期第2069期《古惑仔》,我真係有少少嘢想講,其實呢……究竟呢……佐維同立花正仁仲要打幾耐先殺到入大廳呢?粗略計都好似四五期咯喎,兩大神人都仲未見到趙繼邦,又何來行刺呢?會唔會耐咗啲呢?劇情推進係慢咗少少,不過好彩,有由讀者變身而成嘅暗黑之門第六名殺手Tommy Lin未死,彈吓彈吓間吓場,用有毒餐刀做武器呢個鋪排亦唔錯,而今期最尾一頁出嘅女殺手,未知名,但面相非常教師Look,好鬼萌吓,造型幾討好,總算有啲驚喜。 相關資訊別矣《古惑仔》Tommy! 促請牛佬交代死因! (Oct 30, 2017) 《古惑仔》寫錯出版日期 紅魔鬼殺著係紅Bra? (Oct 21, 2017)

Read more ›
牛佬設定《古惑仔》女角多白髮? 佐維+立花擸木刀劈友?
by / on 27/09/2017 at 9:45 am

牛佬設定《古惑仔》女角多白髮? 佐維+立花擸木刀劈友?

唔知大家有無發覺,牛佬好鍾意設定啲女角一頭白髮,胭脂虎謝佩芝如是、九尾狐如是,連最近擔正戲份嘅毒蛇幫春寶山堂映姐亦如是,咁當然,當中梗係以我哋《古惑仔》死忠Fans九姐最索喇。點解咁鍾意白色頭髮呢?照計白色應該最難表達頭髮層次感架,真係想問問牛佬。另今期第2064期《古惑仔》嘅下期預告,居然寫住「佐維And立花正仁各持木刀,預算藉此直搗趙家山莊」,唔係嘛,劈友居然擸木刀?我知兩個都係神人級殺手,但都唔係諗住老牛都無把就可以成功行刺趙繼邦呀? 相關資訊新片速報:《古惑仔》復刻珍藏版 由原青男出發 (Sep 6, 2014) 脆脆哋,《古惑仔》送聖誕卡! (Dec 23, 2013)

Read more ›
《古惑仔》送神之殺手海報 佐維著老西好斯文
by / on 22/09/2017 at 8:00 am

《古惑仔》送神之殺手海報 佐維著老西好斯文

繼「武神太子」同「地中海」之後,今期第2063期《古惑仔》又送《立花正仁And佐維》海報,多謝牛佬!海報底頁係古惑仔俱樂部網聚相片圖輯,望相發覺都幾人才鼎盛吓,場面好熱鬧,下次再有機會,睇怕我都要參加。至於主角咯喎,立花正仁就畫得一貫地靚仔;至於佐維咯喂,造型好有新鮮感,佢不嬲著開運動衫任由一隻衫袖飄飄吓架嘛,印象中未見過佢著老西打呔,依家登時斯文咗唔少! 相關資訊終於買得起!3D聶風火麒麟海報$200! (Oct 24, 2017) 余兒推出海報每張$100 《今晚打喪屍》作品展限定 (Oct 11, 2017)

Read more ›
《古惑仔》賀年海報點解釘埋一齊?《同擔日月天》又關甘尚武事?
by / on 26/01/2017 at 9:45 pm

《古惑仔》賀年海報點解釘埋一齊?《同擔日月天》又關甘尚武事?

1995-1996期丁酉孖寶版《古惑仔》送賀年海報,我等鍾意儲海報嘅港漫迷原本開心到拍手掌,但點知海報原來係跨頁釘喺書中間,咁撕唔撕佢落嚟好呢?呢鑊考起嘞。挑剔?或者喇,但唔只得我一個有呢個諗法,烏龜喺面書留言曰:「點解張海報釘埋係書到,唔係分開,有得換嗎?」Lau Chi Whai又咁話:「海報釘住嫁?」係喇,牛佬,點解唔分番開佢獨立一張呢?以前不嬲都係咁架。另,海報順便Sell埋倫裕國唱嘅《同擔日月天》,左起亦龍、大飛、伊健、甘尚武、陳浩南、大天二、立花正仁、生蕃同灰狗……唔,係咪覺得有啲問題呢?斷估應該係畫福田八大壯士赴死救南哥一役,但甘尚武屬第二代喎,應該無佢份喎,係咪原本想畫太子,但唔小心畫咗甘尚武呀?定係我意會錯?BTW,真心Mode,呢張海報畫得好靚。 相關資訊網圖分享:白冰的Q版港漫角色 (Oct 12, 2017) 《古惑仔》暗黑之門殺手登場 跪求牛佬咪咁快整死Tommy Lin (Oct 10, 2017)

Read more ›

抵讚!立花正仁翻生!牛佬呼籲讀者換「生離版」重修本!
by / on 10/12/2015 at 10:45 am

抵讚!立花正仁翻生!牛佬呼籲讀者換「生離版」重修本!

有樣嘢真係要讚讚牛佬,《古惑仔》劇情既然講到立花正仁翻生,打算追殺雷霆,所以照理唔應該出現之前所謂嘅「生離」同「死別」版。為此,佢喺面書畫專頁呼籲讀者換書,留言曰:「呀!有單消息,要第一時間宣佈──之前牛佬講過:因為立花正仁『重生』,所以好耐以前推出嗰本『死別版』嘅重修本,即時作廢!換上嘅,係我哋重新輯錄嘅『生離版』!拿!如果以前買落嗰套『死別版』重修本嘅朋友,可以喺我哋辦公時間,致電畀朱先生(電話:21510433)免費換番一本『生離版』!OK?」據佢講重新輯錄嘅「生離版」成本高達一條紅衫魚,家陣肯免費交換,絕對係尊重讀者嘅表現,不得不畀十個讚佢。 相關資訊《古惑仔》送手機貼紙 鷹靚定龍靚? (Oct 7, 2017) 《古惑仔》送車寶山海報 不作完人便為禽獸 (Sep 29, 2017)

Read more ›
《古惑仔》立花正仁正式復出 同雷霆有仇?
by / on 23/11/2015 at 6:15 pm

《古惑仔》立花正仁正式復出 同雷霆有仇?

影埋相,先表明我有真金白銀撐牛佬先。喺我心目中,今期第1872期《古惑仔》係個里程碑,因為正式宣佈立花正仁翻生復出,劇情則講到雷霆俾東英四虎扑濕,受傷休息發夢,夢見立花正仁追殺自己,嚇到扎醒。睇個勢,牛佬好似設定佢同雷霆一早有仇咁,但初初佢哋兩個喺富士山偶遇,好似好有偈傾咁噃,究竟乜葫蘆賣乜嘢藥呢?而雷霆力溝山下詩織,即係等同辣著甘尚武,亦即係等同向成個洪興挑戰。大抵,之前佈下嘅伏線開始收番埋一齊嘞,尚欠下期一條──陳浩南遇立花正仁,唔知浩南哥會唔會誤會佢係山下忠秀呢? 相關資訊《古惑仔》送武神太子海報 有埋洪興+三聯權力排行榜好抵睇 (Sep 8, 2017) 《古惑仔》下期「隨時」送海報 係咪植錯字? (Sep 4, 2017)

Read more ›
《古惑仔》立花正仁Tee開售
by / on 31/10/2015 at 9:30 pm

《古惑仔》立花正仁Tee開售

啱數嘅,《古惑仔》劇情剛剛講到雷霆復仇、立花正仁回歸,呢個時候出番件立花正仁Tee真係啱晒數嘅,備M、L、XL三個Size選擇,每件$220,唔貴。不過,老實,比起上一件陳浩南Tee,令次圖案只得四隻大字「立花正仁」加多把刀,我就失望咗少少,Anyway,做得牛佬天字第一號Fans,我一定會買。 相關資訊曹志豪《死角》Tee $180 ToySoul有售 (Dec 15, 2017) 日本超可愛倉鼠Tee 面珠就是很立體 (Dec 1, 2017)

Read more ›
幫牛佬諗諗 耀揚個仔改乜名好
by / on 19/08/2015 at 10:30 am

幫牛佬諗諗 耀揚個仔改乜名好

Fine,塵埃落定,立花正仁即將翻生,至於耀揚呢?叫做攞番個安慰獎咁啦,佢本尊就無得留低嘞,但佢個仔就鐵定出場。條橋點扭呢?暫時未知,連叫乜名都未有定案。牛佬喺今期第1844期《古惑仔》問讀者意見,叫讀者幫手改名──「吖,係呀!突然又想同大家玩吓一樣嘢,資深讀者應該知道,耀揚係姓雷嘅!清楚耀揚姓乜之後,就想一眾老友記幫佢個仔改名!大家有乜好提議,不妨上去我哋FB嘅古惑仔專頁又或者古惑仔俱樂部盡情提供。」此言一出,讀者留言者眾。我提供名字如下──雷橫、雷讎、雷一、雷點、雷男,唔知牛佬Like唔Like? 相關資訊《古惑仔》新專欄 連載小說《飛女正傳》登場 (Aug 29, 2017) 受颱風「天鴿」影響 《古惑仔》延遲至周五出版 (Aug 24, 2017)

Read more ›
《古惑仔》投票活動結束 立花正仁翻生耀揚繼續做鬼
by / on 14/08/2015 at 4:00 pm

《古惑仔》投票活動結束 立花正仁翻生耀揚繼續做鬼

又網投又來信投票,搞完一輪大龍鳳有結果嘞,牛佬喺面書專頁公佈數字── 「支持立花正仁重生共415票,反對立花正仁重生共106票,總票數為521票,支持重生佔總票數79.65%」過七成,即係話立花正仁可以翻生,而今期《古惑仔》都特登搵呢個有情有義嘅大佬做封面,另加「I will be back」字句,著實令人興奮;至於耀揚就無咁可彩嘞──「支持耀揚重生共321票,反對耀揚重生共201票,總票數為522票,支持重生佔總票數61.49%」未夠七成,即係話呢隻舊東英舊五虎之一要繼續做鬼,無得留低。 相關資訊牛佬!《古惑仔》大格咗啲喎!韓賓一味耷低頭捱揪! (Aug 18, 2017) 牛佬《Bloody Girl》網絡劇開播 呂英紅年紀大咗少少 (Jul 24, 2017)

Read more ›

牛佬開估!《古惑仔》耀揚同立花正仁翻生
by / on 05/08/2015 at 10:30 am

牛佬開估!《古惑仔》耀揚同立花正仁翻生

今期《古惑仔》大飛做封面好型呀呵?點型,都唔及專欄「Cowman Msg」咁好睇,因為牛佬已經爆湧,「驚天重生大行動」競猜結果係──耀揚同立花正仁。此言一出,Fans瘋狂留言──Andy Wong:「東英出耀揚,單是佢一個足夠令到洪興傾盡全力對抗,果時都出動12個揸Fit人先夠砍,如果佢重生,而家的洪興仲有能力對抗嗎?」、David Leung:「強烈抗議牛師傅唔出車仔後人,領所有車迷傷心,牛師傅,我嬲你十分鐘。」問我,我覺得翻生呢兩個角色OK,問題係點樣翻生,立花正仁收皮嗰陣有「生離版」同「死別版」,順住「生離版」寫落去應該唔難,至於耀揚,無記錯喺火石洲之役已經陣亡,成個頭都俾人斬埋落嚟,正宗身首異處,仲有翻生嘅餘地?又姑且睇吓牛佬點扭橋。 相關資訊書展撐牛佬!撐《赤軀隨遇》! (Jul 20, 2017) 向《古惑仔》電影致敬? 冷氣機廣告惡搞南哥/細細粒/烏鴉 (Jun 29, 2017)

Read more ›
Fans熱話 《古惑仔》邊個大佬會翻生?
by / on 31/07/2015 at 10:00 am

Fans熱話 《古惑仔》邊個大佬會翻生?

芸芸港漫公司,和平算同讀者最多互動,開個面書專頁,有問有答有水吹,吸唔吸納到新讀係一回事,但絕對維繫到死忠《古惑仔》Fans,咁當然Including me啦。牛佬最新搞作,有「驚天重生大行動競猜遊戲」,十二個候選大佬包括車寶山、立花正仁、太子、太乙、灰狗、山下忠秀、耀揚、大天二、伊健、地中海、o靚坤同山雞,叫讀者來信競猜究竟邊兩位大佬可以翻生,得獎者可以得親筆畫板一大張。就面書專頁所見,讀者們議論紛紛,有人唔贊成翻生之舉,有人強烈要求車寶山同伊健重出江湖,仲諗埋橋畀牛佬點樣自圓其說添。如果問我的話,我會揀山雞同耀揚,好希望山雞同南哥做番Friend、耀揚可以改邪歸正。 相關資訊《同擔日月天》變K歌 Bar Pacific + Bar East有得唱 (Jun 28, 2017) 《古惑仔》派膠 佐敦有燈唔射射燈掣 (May 10, 2017)

Read more ›
華英雄+阿狗+立花正仁+鐵縱橫 ACG聯乘Figure陸逐有來
by / on 28/07/2015 at 2:30 pm

華英雄+阿狗+立花正仁+鐵縱橫 ACG聯乘Figure陸逐有來

如果你係死忠港漫迷的話,一定要巡巡動漫節ACG TOYS攤位,事關該公司繼續聯乘各大港漫角色,而華英雄、阿狗、立花正仁同鐵縱橫已經入晒飾櫃,有辦你睇。記住,是次展出嘅只不過係「商討中」、「待定」、「審批中」嘅未完成品,未完成品已經咁靚,成品有幾精雕細琢可想而知。暫時,我就最Like阿狗Figure,碌砲夠大碌,好有型呀喂。 相關資訊邱福龍《鐵將縱橫完全版封面畫集》 唔買係你損失 (Aug 23, 2017) 動漫節2017 Coser圖集(下) (Aug 3, 2017)

Read more ›
《古惑仔》復刻珍藏版 9月13日創刊
by / on 11/09/2014 at 9:53 pm

《古惑仔》復刻珍藏版 9月13日創刊

牛佬食老本攻勢浪接浪,繼《洪興仔》同《江湖大家族》後,依家連載緊嘅《古惑仔》都話出復刻珍藏版,並鐵定9月13日創刊。第一期封面曝光,畫到陳浩南超型,整體Layout好有珍藏味道,呢$38,無得慳。 相關資訊喂牛佬!《古惑仔》印歪咗喎! (Apr 24, 2017) 今期必買 《香港電影金像獎特刊》+《我們都是這樣看港漫長大的》 (Apr 11, 2017)

Read more ›