Post Tagged with: "網民"

日本的士改裝變機械人 網民分享官方火速回應
by / on 21/04/2017 at 12:10 pm

日本的士改裝變機械人 網民分享官方火速回應

如果喺屋企附近見到架咁型嘅車,的確好難唔影相放上網。日本有網民喺橫濱屋企附近見到呢架由的士改裝嘅機械人,超型。負責改裝嘅三和交通仲留言多謝樓主影相同分享,好快手。 相關資訊【有片】拆彈專家出動 日本秋葉原站發現不明物 (Apr 23, 2017) 【有片】運氣話嚟就嚟 日本Wakeboard友跳出水面啄要害 (Apr 23, 2017)

Read more ›

【潮流嘅嘢】日本網民出圖反擊 超爛牛仔褲進化版
by / on 13/04/2017 at 7:35 am

【潮流嘅嘢】日本網民出圖反擊 超爛牛仔褲進化版

潮流嘅嘢,有時都真係幾衝擊吓。今年好流行呢款穿晒窿嘅牛仔褲,唔似以前嘅爛少少,今次係進化版,成條爛晒,基本上同著短褲無乜分別。日本有網民接受唔到呢種衝擊,出咗幾張圖表達自己嘅感受。佢嘅設想圖入面,牛仔褲爛嘅部位好多元化,但全部都令人好不安,唔知會唔會有一日流行呢? 相關資訊【有片】日本熊本城紙模型 籌款重建香港都買到 (Apr 23, 2017) 【寂寞】日本爸爸沉迷打機致離婚 升呢為網上重遇女兒 (Apr 22, 2017)

Read more ›
【新片速報】日本網民發現印度手信 拉兩拉變出幾何圖案
by / on 13/04/2017 at 7:17 am

【新片速報】日本網民發現印度手信 拉兩拉變出幾何圖案

有去過印度嘅朋友應該對呢件裝飾品唔會陌生,最近有日本網民拍咗片放上網,短短1日已經超過8萬個分享。表面睇呢件裝飾品好似一隻手鈪,但拉兩拉就可以變成唔同嘅形狀,好奇妙。有網民話Amazon都有得買,只要搜尋「インドの毬」就會搵到。另外有人話當地售價大概一蚊歐羅,即係港幣10蚊就可以買到。下次去開印度可以買佢嚟做手信,無乜機會去嘅,都可以直接上Amazon網購。 相關資訊【有片】日本Sony Interactive Entertainment總部 玩巨型DualShock 4 (Apr 22, 2017) 【新片速報】日本水豚溫馨進食片 一條草兩份食超sweet (Apr 22, 2017)

Read more ›
【要試】日本網民大發現      iPhone超強功能無人知?
by / on 12/04/2017 at 7:22 am

【要試】日本網民大發現 iPhone超強功能無人知?

最近有日本網民發現咗個無乜人知嘅iPhone超強功能,仲喺2ch引起廣泛討論。話說當你由螢幕向上掃,再點選手電筒時,手電筒嘅開關掣就會移動。我好認真咁開咗嚟試,雖然無佢講到咁勁,但都算係一樣幾細心嘅設計。有無人同我一樣,睇完即刻開機試? 相關資訊日本Cosplay闖入動物園影相 角色太似動物職員勸阻 (Apr 22, 2017) 日本可愛兔仔除塵掃 匿入杯內當擺設 (Apr 22, 2017)

Read more ›
【係愛呀】日本網民愛的表現 廣告牌發現性感紅唇印
by / on 08/04/2017 at 10:07 am

【係愛呀】日本網民愛的表現 廣告牌發現性感紅唇印

點樣表達自己對心愛角色嘅愛?有日本網民發現《刀劍神域》戶外廣告牌嘅細節,原來有粉絲錫咗主角桐人個嘴仔一啖,仲留底咗個好性感嘅紅唇印,係愛呀! 相關資訊潮流嘅嘢 ROLA重現10年前漫畫造型 (Apr 21, 2017) 【有片】浪漫!日本樂器攤位試彈琴 引嚟德國樂手突發合奏 (Apr 21, 2017)

Read more ›
【新片速報】日本網民遇古怪花灑 拍片遇知音幫手加配樂
by / on 07/04/2017 at 7:00 am

【新片速報】日本網民遇古怪花灑 拍片遇知音幫手加配樂

如果去旅行住酒店,遇著個咁古怪嘅花灑都唔知嬲定笑好。呢個日本網民選擇咗拍片放上網。不過最正係有網民幫佢段片配咗音樂,好夾,神級二次創作。 相關資訊日本狗狗馬路邊打招呼 柴犬被壓好無奈 (Apr 21, 2017) 日本燒秋刀魚咕臣 超像真一次過買幾條? (Apr 21, 2017)

Read more ›

【超邪惡】日本網民自創芝士條 加七味粉焗7分鐘
by / on 02/04/2017 at 11:07 am

【超邪惡】日本網民自創芝士條 加七味粉焗7分鐘

芝士控睇到應該好想試!最近有日本網民又自創咗新料理,先搵一塊芝士,之後狂落七味粉,然後放另一塊芝士喺面,再用刀切成一條條幼條,最後放入焗爐以600W焗7分鐘。完成品好似炸薯條咁,但又有芝士嘅香味,仲要溶溶哋,好邪惡,轉頭試吓先! 相關資訊【有片】日本麻甩肥喵最鍾意反肚瞓 動作狂放Twitter熱傳 (Apr 21, 2017) 【有片】冇得賣自己整 日本專家教自製卡樂B「ピザポテト」 (Apr 20, 2017)

Read more ›
【有片】深海半透明「謎之生物」 日本網民:「好似異形!」
by / on 30/03/2017 at 7:12 am

【有片】深海半透明「謎之生物」 日本網民:「好似異形!」

呢隻透明嘅海底生物好特別,個樣有啲似大頭蝦,不過係全透明,仲好生猛吓。有日本網民放咗段片上Twitter,吸引好多人討論。有人話佢好可愛,有人話佢好似外星生物同埋漫畫入面嘅怪物。BTW,呢種深海生物學名叫Cystisoma,係一種半透明嘅甲殼類動物,長18厘米左右。除咗佢之外,仲有人分享埋之前外國有人捉到嘅「透明魚」,一樣好奇特。 相關資訊日本網民影到奇景 使徒殲滅十字雲 (Apr 20, 2017) 日本紙皮女王 用紙還原停產「卡樂B」薯片 (Apr 20, 2017)

Read more ›
日本網民分享「健身球」收納術    凌空貼牆唔駛工具
by / on 29/03/2017 at 7:36 am

日本網民分享「健身球」收納術 凌空貼牆唔駛工具

呢個健身球好多人都見過,甚至屋企已經有一個,佢可以幫助做伸展動作,不過要存放都幾頭痛。日本最近有人分享佢嘅收納方法,就係將個波凌空貼喺天花板同牆之間嘅死角,唔駛用勾或者任何工具,好多網民試過都work,仲放晒圖上Twitter分享!秘訣原來在於要用有凹凸紋嘅牆紙。不過記住放喺當眼位,如果唔係擺吓擺吓又唔記得咗佢嘅存在,就好似床下底嘅啞鈴一樣。 相關資訊日本刀膠紙 染血刀刃隨處貼 (Apr 20, 2017) 你就係聖誕樹!日本LED裙著住閃 (Apr 20, 2017)

Read more ›
【神還原】日本網民用3.5小狂擦    殘舊煎pan黑變藍
by / on 27/03/2017 at 7:58 am

【神還原】日本網民用3.5小狂擦 殘舊煎pan黑變藍

睇完呢張對比圖,我好想搵呢位日本網民幫幫手。佢最近放咗呢兩張圖上網,第一眼睇完會諗:「嘩!咁快用到咁殘!」,其實係樓主用咗3個半鐘,將個污糟到變黑嘅煎pan還原!好難想像個煎pan原本係藍色嘅。咁強嘅清潔力,難怪網民狂share。不過要用3個半鐘不停擦,諗起都驚,其實黑黑哋都用到吖‥‥‥ 相關資訊日本喵星人「謎之寫真」 擘大口搞笑表情Twitter熱傳 (Apr 20, 2017) 【長知識了】日本雞仔腳撐開企唔穩 獨門方法兩日醫好 (Apr 20, 2017)

Read more ›
大阪超正900円「燒牛排丼定食」 日本網民私心推介
by / on 27/03/2017 at 7:47 am

大阪超正900円「燒牛排丼定食」 日本網民私心推介

又到美食時間,咁好味嘅嘢點都要介紹吓俾大家!最近有日本網民食咗大阪「本みやけ」嘅燒牛排丼定食,飯面舖滿牛扒,價錢只不過係900円!仲有埋沙律同麵豉湯。最重要係味道極好!佢放上網後好多人RT,仲有好多網民即刻去試,全部食完都讚好味。睇到我都覺得好肚餓!去開大阪記住要試! 相關資訊新情報!大阪環球影城「Universal Jump Summer」 《JoJo》睇4D影片DIO世界 (Apr 18, 2017) 【又要去?】大阪環球影城「Universal Jump Summer」 今年加埋銀魂、JoJo (Apr 11, 2017)

Read more ›

日本網民笑似一抽抽大腸 淘寶晚裝裙嚇親網民
by / on 23/03/2017 at 7:43 am

日本網民笑似一抽抽大腸 淘寶晚裝裙嚇親網民

品味呢啲嘢真係一線之差。呢條淘寶出品嘅粉紅色晚裝裙最近喺日本Twitter熱傳,出post嘅日本網民話,粉紅色嘅絨邊令佢諗起一抽抽大腸,仲問係咪表示嫁之前要切腹?有網民出圖表示同意,有人留言話好恐怖要報警。至於呢間店「YEWEN叶雯」,喺淘寶有網店,專賣禮服,好多都係登台咁款好誇張,有興趣可以入去開吓眼界。 相關資訊日本秋葉原超邪惡豬排丼 蛋汁四溢700円好想試 (Apr 20, 2017) 【意境】日本網民出手 AV截圖名畫感覺 (Apr 19, 2017)

Read more ›
日本網民自製士多啤梨酒     完成品超靚好味到尖叫
by / on 18/03/2017 at 10:07 am

日本網民自製士多啤梨酒 完成品超靚好味到尖叫

睇完好想試呀!日本士多啤梨又甜又好味,用嚟釀酒應該好正。最近有日本網民自製咗呢款士多啤梨酒,喺Twitter勁多人RT。首先將士多啤梨洗淨雪凍,然後放入玻璃樽入面,加啲威士忌同20克嘅糖,再放入雪櫃5日。威士忌會令士多啤梨顏色變淡,紅色會染落啲酒度,倒出嚟嘅酒紅紅哋,配埋粒白色士多啤梨超靚,佢仲話好味到尖叫!鍾意飲酒嘅快啲試吓啦! 相關資訊天才級玩法 人物File自製透視效果 (Apr 19, 2017) 日本水豚新成員 9隻水豚B月尾亮相等改名 (Apr 19, 2017)

Read more ›
【有片】日本網民送別PS3       換新機前依依不捨
by / on 17/03/2017 at 7:42 am

【有片】日本網民送別PS3 換新機前依依不捨

玩緊PS4嘅你,部PS3而家去咗邊?買新機係好值得慶祝嘅,不過好似呢位網民對部舊機咁好就比較少見嘞。話說呢位日本網民最近終於由PS3轉去PS4,買咗部1TB容量嘅PS4,雖然有新機,但佢都想好好送別部PS3,於是帶咗部PS3出街踩板散步,然後又去建築物前留影,臨尾仲拍埋片,比張被部PS3冚,再摸多兩吓先送佢上路。輯相喺Twitter好多人RT,咁換咗新機嘅佢第一隻會玩咩game?原來係《Ratchet & Clank》,估計應該係跟機買嘅。另外佢仲下載緊隻《GTA 5》,咁忙,嚟緊應該唔得閒更新Twitter嘞。 相關資訊日本京都超可愛芭菲 喵星人雪糕球Twitter熱傳 (Apr 19, 2017) 日本超強電車男 屋企間房係車廂 (Apr 18, 2017)

Read more ›
日本網民泊車慘案 災難級損毁網民出圖分析
by / on 17/03/2017 at 7:04 am

日本網民泊車慘案 災難級損毁網民出圖分析

呢類型「立体駐車場」日本有好多,即係泊架車入去之後又升高又降低用盡空間,夠晒慳位,不過有日本網民泊車就發生慘案。以損毁度嚟講簡直係災難級,有網民同佢分析出事原因同埋索償方案,仲有埋圖表分析‥‥‥ 相關資訊日本合味道出鮑魚杯麵 下周一發售 (Apr 18, 2017) 【吼】日本Starbucks店員好可愛 畫客人件衫隻熊人 (Apr 18, 2017)

Read more ›