Post Tagged with: "網民"

【新片速報】日本網民用手機「畫」漫畫      睇落唔難Twitter熱傳
by / on 05/01/2017 at 7:11 am

【新片速報】日本網民用手機「畫」漫畫 睇落唔難Twitter熱傳

用手機畫漫畫,聽就聽得多,見都係第一次。呢位日本網民喺Twitter放咗段片,親身示範幫動漫角色嘅頭髮畫線條,要每下都準確落筆,加上線條又比較粗,睇落都幾考功力,段片喺Twitter吸引好多人RT。BTW,原來用手機畫可以不斷touchscreen調控方向,又係另一種方便。 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›

日本網民電子鐘驚現「12月32日」   一朝起身自動好返
by / on 01/01/2017 at 2:08 pm

日本網民電子鐘驚現「12月32日」 一朝起身自動好返

每次由12月31日跳到去1月1日,都會出現大大小小嘅bug。今次出事嘅係日本網民屋企個MAG品牌電子鐘,踏入1月1日,顯示嘅日期居然係「12月32日」,仲唔知點解變咗星期四(木),咁難得一見嘅場面當然要影低佢放上Twitter呃吓like。不過佢今朝起身嘅時候已經變返1月1日,亦自動跳返去星期日(日),一天都光晒! 相關資訊日本超可愛倉鼠 扮雪米滋四腳朝天好啱位 (Jul 20, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›
日本網民分享超型紙幣蠟燭 燒銀紙好奢侈
by / on 29/12/2016 at 7:17 am

日本網民分享超型紙幣蠟燭 燒銀紙好奢侈

燒銀紙,我諗你同我都好想,最想係喺老闆面前燒。日本有網民買咗呢支蠟燭,設計係一張銀紙,燒落應該好爽。係日本舊版紙幣,睇落有啲似冥通銀行嘅錢,啋。 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›
日本網民雪櫃發現過期5個月爛蕉 發霉變黑似烤茄子
by / on 28/12/2016 at 7:07 am

日本網民雪櫃發現過期5個月爛蕉 發霉變黑似烤茄子

放咗5個月嘅香蕉究竟會係點?有日本網民發現雪櫃放咗條5個月變壞咗嘅香蕉,仲影埋相放上2ch討論區同大家分享。睇相見到條蕉已經完全變黑,有人話好似一道粗嘅眉毛。不過更核突嘅係有人留言話想睇吓入面,樓主唔單止照做,仲開埋閃光燈,有人話效果好似烤茄子,仲叫樓主試食吓,好彩最後樓主好理智咁拒絕咗。食咗佢,相信會屙足幾日幾夜呀。 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›
日本網民聖誕悲劇 中碼樽領衫洗完變連身裙
by / on 27/12/2016 at 10:29 am

日本網民聖誕悲劇 中碼樽領衫洗完變連身裙

通常洗衫都係怕縮水,好少會洗到變大咁多。有日本網民最近將佢嘅悲劇放上網,張相喺Twitter好多人RT。話說佢買咗件中碼嘅米白色樽領衫,點知洗完之後件衫變到勁大件。加上佢可能身形比較嬌小,著起上嚟好似小矮人著咗大人衫咁,慘得嚟又好搞笑。BTW,有網民話今年興超長袖,呢條連身裙‥‥‥都幾型吖! 相關資訊超正!打破敵對關係 日本連鎖快餐Twitter編輯玩聯手 (Jul 18, 2018) 【有片】廁紙變子彈 日本高火力水槍月尾發售 (Jul 18, 2018)

Read more ›
【去死團】聖誕要發洩 日本網民打《Battlefield 1》爆牆超爽快
by / on 24/12/2016 at 12:16 pm

【去死團】聖誕要發洩 日本網民打《Battlefield 1》爆牆超爽快

聖誕節見到個個一雙一對,有無啲嬲嬲哋嘅感覺?有日本網民放咗幾張打《Battlefield 1》嘅遊戲cap圖上Twitter,見到有道牆畫咗一男一女拖晒手,頭頂仲有個心心,佢睇到嬲嬲哋,之後一槍爆開道牆,係咪好爽? 相關資訊日本熱到癲 名古屋39度/ 沖繩變避暑地 (Jul 18, 2018) 日本經典朱古力變棋子 實物原大繼續鬥 (Jul 18, 2018)

Read more ›

日本新男女關係網民熱議    「友達以上不倫未滿」
by / on 21/12/2016 at 7:27 am

日本新男女關係網民熱議 「友達以上不倫未滿」

又長知識了,最近日本電視節目探討新嘅男女關係,其中有個疑似出軌嘅人妻,形容佢同第三者嘅關係時,話係「セカンドパートナー」,即係第二親密嘅人。要全面解釋,即係「友達以上不倫未滿」,朋友以上但又未去到出軌嘅地步,係僅次於結婚對象第二親密嘅人。網民睇完留言鬧爆:「咁都唔叫出軌?」、「如果換轉係丈夫有第二親密嘅人,妻子一定指責對方」、「呢個女人太垃圾嘞。」拖晒手擺明係出軌,真係好難講得通嘅。 相關資訊日本「藍色食物醬汁」量產 沙律飯團全部變藍 (Jul 18, 2018) 【有片】日本傳媒報道 大量中國人入侵埼玉縣 仲有狗肉賣? (Jul 17, 2018)

Read more ›
日本網民抨擊《你的名字。》導演新海誠「好嘔心!」
by / on 20/12/2016 at 7:52 am

日本網民抨擊《你的名字。》導演新海誠「好嘔心!」

《你的名字。》導演新海誠近日居然俾日本網民話佢嘔心。事緣有網民cap咗新海誠接受訪問嘅片段,話題講到電影出現過嘅「口嚼酒」,新海誠提及:「舐鍾意嘅女仔(用過)嘅縱笛」,仲話:「對十幾歲嘅男生嚟講,唾液係一種戀物要素」,網民睇完紛紛留言話佢:「好嘔心」、「感覺係個會犯罪嘅大叔」。其實佢都係根據返套戲嘅「口嚼酒」借題發揮啫,大家又唔駛太過緊張嘅。 相關資訊日本動物醫院「心寒」宣傳板 貓貓震晒好驚青 (Jul 17, 2018) 日本狗狗瞓晏覺 地下遺留狗印超可愛 (Jul 17, 2018)

Read more ›
日本網民自製1:1「林寶」冰雪超跑      20小時製作像真度高
by / on 19/12/2016 at 7:18 am

日本網民自製1:1「林寶」冰雪超跑 20小時製作像真度高

日本持續落大雪,又係玩雪嘅時候嘞。有日本網民用咗20小時,用冰雪砌咗架1:1嘅林寶堅尼出嚟,放上Twitter後好多人RT。佢喺製作前畫晒草圖超認真,仲專登揀咗喺間學校園外嘅空地製作。佢仲放埋製作期間嘅花絮相上Twitter。講真,整咁大架車要計得準比例已經好難,仲要忍受住寒到入骨嘅天氣,少啲耐力都唔掂。 相關資訊農夫的浪漫2018 日本超靚稻田畫Twitter熱傳 (Jul 17, 2018) 【有片】地震前有咩反應 日本貓Cafe閉路電視足本睇 (Jul 16, 2018)

Read more ›
日本網民自創咖喱包新食法      完成圖勁吸引Twitter熱傳
by / on 16/12/2016 at 7:47 am

日本網民自創咖喱包新食法 完成圖勁吸引Twitter熱傳

喺日本真係買個麵包都好食過人,有無人試過呢個80円嘅咖喱炸包?有日本網民諗到幫佢加工,剪開個蓋,打隻雞蛋加啲芝士再焗一焗,完成品齊睇樣都覺得好好食!新食法喺Twitter熱傳,有無興趣試吓? 相關資訊【有片】狗狗自創消暑大法 瞓水澗順水流漂走 (Jul 20, 2018) 【有片】日本網民咩玩法?買齊設備冇買倉鼠 (Jul 16, 2018)

Read more ›
日本網民討論普京秋田犬近照     「已經變得咁大隻!」
by / on 16/12/2016 at 7:38 am

日本網民討論普京秋田犬近照 「已經變得咁大隻!」

早幾日日本想送多隻秋田犬俾俄羅斯總統普京,可惜被拒絕,當地人民無玻璃心,啱啱仲喺2ch討論區放咗之前日本送俾普京嗰隻秋田犬嘅近照。原來無見一排,隻秋田犬已經變得超巨大,可能食開戰鬥民族嘅糧食,體格都更加符合返佢嘅身份。有網民留言話:「聽講企起身有170cm」、「秋田犬好可愛」、「不愧係大型犬」、「普京好鍾意狗啊」、「變得咁大隻,唔怪得之唔需要第二隻啦」。之後有人放埋普京同其他狗狗嘅合照,個樣勁有愛心,唔怪得之個個都想送狗俾佢啦。 相關資訊融入海邊 日本魚形拖鞋夏天玩水必備 (Jul 16, 2018) 【新片速報】日本黑喵遇見白喵時鐘 最遙遠的距離 (Jul 16, 2018)

Read more ›

日本網民發現自己嘅「前前前世」 樣貌激似古代人Twitter熱傳
by / on 07/12/2016 at 7:22 am

日本網民發現自己嘅「前前前世」 樣貌激似古代人Twitter熱傳

的確係勁似嘅!有日本網民最近去參觀畫展,竟然發現其中一個古代嘅少數民族女士同自己個樣激似!難得佢唔介意之餘仲同張畫selfie放上網,仲引用《你的名字》,話係自己嘅前前前世。張相喺Twitter好多人RT。BTW,真係越睇越似,根本係同一個人嚟嘅。 相關資訊日本war game場婆婆「暴力教會」新造型 (Jul 16, 2018) 本周Coser 日本「かりん」 (Jul 15, 2018)

Read more ›
日本網民粉絲過萬放「素顏照」 史上最大騙案嚇親網民
by / on 07/12/2016 at 7:13 am

日本網民粉絲過萬放「素顏照」 史上最大騙案嚇親網民

網上嘅真相有時都幾難接受,最近日本2ch就好多人討論呢個帖,有位網民話因為自己嘅粉絲過咗一萬人,所以按照約定,將自己嘅素顏照放上網,證明自己無整過容。不過張素顏照就嚇親所有網民。先講平時嘅佢,眼大大戴晒大眼仔化晒妝,都有少少可愛嘅,點估到素顏照竟然係咁嘅樣? 相關資訊【改圖】搭車瞓覺被惡搞 外國網民高質改圖 (Jul 15, 2018) 日本喵星人「下巴貼地」睡姿熱傳 一人一張分享圖 (Jul 15, 2018)

Read more ›
日本網民Twitter熱傳比卡超圖 夾公仔機內冷笑好心寒
by / on 05/12/2016 at 7:24 am

日本網民Twitter熱傳比卡超圖 夾公仔機內冷笑好心寒

呢張圖睇到真係好難忍住唔笑。最近有日本網民喺夾公仔機入面見到呢個異像,比卡超貼住玻璃好詭異咁望住佢笑。張相放上Twitter後好多人RT,有人放《死亡筆記》L張相做回應,有人發現其實好多夾公仔機嘅公仔都有相同遭遇。小朋友見到會唔會嚇到夜晚瞓唔著呢? 相關資訊【新片速報】Low Cost神還原第二彈 惡搞《冰雪奇緣》Twitter熱傳 (Jul 15, 2018) Crocs出高踭涼鞋惹爭議 火速斷市網民鬧爆 (Jul 15, 2018)

Read more ›
【嚇死人咩?】日本網民惡搞聖誕樹 加恐怖面具嚇到標尿
by / on 04/12/2016 at 12:00 pm

【嚇死人咩?】日本網民惡搞聖誕樹 加恐怖面具嚇到標尿

嚇死人咩,個心離一離呀!有日本網民玩嘢,將屋企棵聖誕樹加咗個「能面」面具,呢,即係日本舞台劇(「能劇」)入面經常出現,眼細細笑笑口嗰個恐怖面具呀!妙在雙眼位置啱啱好,仲散發出詭異嘅氣氛,夜晚起身去廁所經過見到,真係分分鐘嚇到標尿呀! 相關資訊支援西日本豪雨受災小朋友 《月刊コロコロコミック》7月號免費任睇 (Jul 15, 2018) 日本7-11有生啤賣 一杯100円超抵飲 (Jul 15, 2018)

Read more ›