Post Tagged with: "網民"

日本網民熱傳最新車款 寶馬乘Benz史上「最速」?
by / on 18/08/2016 at 7:13 am

日本網民熱傳最新車款 寶馬乘Benz史上「最速」?

寶馬同Benz聯乘嘅機會接近零,不過靠自己一樣可以做到。日本有網民最近喺Twitter放咗呢張相,相中嘅私家車車頭大大隻字寫住寶馬「BMW」,不過喺BMW下面又有個Benz圓形經典招牌,下面仲寫住「ベンツ」(Benz),係咪「最速」就要跑過先知,但我反而幾欣賞佢喺兩盞車頭燈度畫咗個交叉。咁搶眼,唔知出街被截查嘅機會會唔會大增? 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›

【新片速報】日本網民神級iPhone密碼 圓周率小數點後300個位
by / on 17/08/2016 at 7:13 am

【新片速報】日本網民神級iPhone密碼 圓周率小數點後300個位

都話高手在民間,呢段影片最近喺Twitter熱傳,有日本網民分享佢哥哥iPhone入密碼嘅事,原來佢哥哥嘅iPhone解鎖密碼係圓周率小數點後嘅300個位,影片拍攝佢哥哥嘅解鎖過程,單單係輸入密碼已經要接近一分鐘,玩到咁大,入面應該收埋咗國家機密資料。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
日本網民搭飛機被檢查    「This is a pen」被瘋傳
by / on 16/08/2016 at 7:14 am

日本網民搭飛機被檢查 「This is a pen」被瘋傳

有好多嘢細個學咗但成世人都未必用到,其中一個例子就係英文語句「This is a pen」嘞。不過呢位日本網民唔同,佢搭飛機經過安全檢查時,職員突然拎起呢支嘢問佢係乜嘢嚟嘅,機會嚟喇飛雲!於是佢生平第一次終於可以講:「This is a pen.」由於太開心,佢仲將呢件事放上Twitter,可能網民都替佢高興,個post短時間已經超過6萬個RT,好誇張。如果你都想學好外語,下次搭飛機記住帶支古怪嘅筆嘞。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›
【新片速報】靚到似夕陽 日本網民飲酒加料藍變粉紅
by / on 15/08/2016 at 7:13 am

【新片速報】靚到似夕陽 日本網民飲酒加料藍變粉紅

呢段影片最近喺Twitter好多人分享,網民同朋友去咗飲酒,嗌咗杯淺藍色嘅飲品,之後店員比咗樽透明液體佢加入個杯度。當佢倒入去之後,神奇嘅事發生嘞,杯飲品慢慢由藍色變做粉紅,佢話靚到好似夕陽一樣,堅靚!好少飲酒嘅我唔知,香港有無啲類似嘅飲品? 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›
日本網民浴室被嘲似《生化危機》場景 網民:「會越沖越污糟!」
by / on 12/08/2016 at 7:16 am

日本網民浴室被嘲似《生化危機》場景 網民:「會越沖越污糟!」

日本網民浴室被嘲似《生化危機》場景 網民:「會越沖越污糟」 印象中日本人好整潔,浴室一塵不染,不過凡事都有例外。最近有位日本網民放咗自己浴室嘅相上網,話同學嚟佢屋企見到之後話好似遊戲《生化危機》嘅場景。由於張相的確太震憾,有其他網民質疑係網上流傳圖,最後要樓主親自影張有自己討論區編號嘅相作證,仲解釋自己住緊嘅係昭和40年建造嘅市營住宅。講返網民留言,有人話:「好似遊戲《Silent Hill》」、「喺度沖涼應該會越沖越污糟」、「太恐怖啦!」樓主自己都好傷心,話媽咪已經成日清潔,但都係咁污糟‥‥‥ 相關資訊【相集】日本喵星人超強「躍動感」 行動迅速充滿喜感 (Jun 18, 2018) 日本「二足步行貓」粘土重現 超期待實體化 (Jun 18, 2018)

Read more ›
【圖集】日本網民瘋傳「戴利」相集 最強小鮮肉名草有主
by / on 10/08/2016 at 7:13 am

【圖集】日本網民瘋傳「戴利」相集 最強小鮮肉名草有主

又到體育時間,呢兩日大家都狂睇中國隊傅園慧嘅GIF圖,另一邊廂,日本網民就對戴利(Thomas Daley)呢塊小鮮肉好瘋狂。呢幾張圖喺Twitter被瘋傳。呢位英國跳水運動員啱啱拎咗奧運銅牌,最重要係雙眼又大又圓,笑起上嚟好陽光,喺IG已經有140萬粉絲,香港都有好多豬妹fans。其實佢喺6歲已經開始跳水生涯,今年22歲嘅佢最擅長十米跳台,另外佢已經名草有主,上年宣佈同金像編刻男友Dustin Lance Black訂婚,夠晒true。 相關資訊大阪地震 家貓瘋狂逃難 匿得就匿 (Jun 18, 2018) 【相集】日本怨念喵星人 被困1小時表情超不滿 (Jun 17, 2018)

Read more ›

【新片速報】日本網民衣架彈琴Twitter熱傳    完美《魔王》無甩音
by / on 07/08/2016 at 12:57 pm

【新片速報】日本網民衣架彈琴Twitter熱傳 完美《魔王》無甩音

音樂嘅嘢我唔係好識,不過睇到呢段喺Twitter熱傳嘅片都感覺到演奏者嘅創意。呢位日本網民喺屋企彈奏緊舒伯特嘅經典名曲《魔王》,不過可能太難彈,佢居然諗到用個衣架幫手,而且全程無甩音,好勁,入嚟有片睇。 相關資訊【新片速報】日本銀仔神人新片 枱布凌空飄浮靠力學 (Jun 17, 2018) 【有片】男兒當入獄?日本學生籃球賽中拳擊球證 (Jun 17, 2018)

Read more ›
日本網民亂發Twitter被捕 訛稱熊本地震有獅子走失
by / on 21/07/2016 at 7:13 am

日本網民亂發Twitter被捕 訛稱熊本地震有獅子走失

  喺網上世界亂發訊息被捕?日本呢位20歲嘅網民佐藤一輝最近正式被起訴,佢涉嫌喺熊本地震時喺Twitter發放假訊息,話附近動物園嘅獅子逃走咗,之後好多人信以為真喺網上瘋傳。今次係日本首宗因為「災害時期造謠妨礙業務」而起訴網民嘅個案。疑犯就話自己只係因為貪玩而咁做。網民一面倒唔撐佢,但就問其實佢妨礙咗邊個業務?其實當日佢發放訊息後,附近水前寺嘅動植物園同警局收到過百個電話,喺災難發生時仲要應付呢啲謠言,的確唔啱。 相關資訊【新片速報】大阪地震電車停駛 人力推動向前行 (Jun 18, 2018) 大阪地震「環球影城」售票處玻璃爆裂 暫時照常營業 (Jun 18, 2018)

Read more ›
  【謎之樓梯】日本網民分享奇異樓梯 謎之存在Twitter熱傳
by / on 14/07/2016 at 7:14 am

 【謎之樓梯】日本網民分享奇異樓梯 謎之存在Twitter熱傳

有啲嘢點解會存在係一個解唔開嘅謎,最近有日本人喺Twitter放咗幾張相,相中都係喺日本出現嘅樓梯,但係出現嘅位置好奇特,例如燈柱中間突然有條樓梯延伸到半空;河流上有道樓梯通上地面,但中間又唔連接喎。又或者大家都見過有啲屋突然會突咗一間房出嚟,喺半空有道門唔知點入點出。輯相放上Twitter後好多人RT,仲有好多網民放咗世界各地嘅謎之樓梯出嚟,好古怪呀! 相關資訊【有片】有頭髮有辦法 日本髮型師又大改造 (Jun 17, 2018) 【父親節快樂】日本大堆頭畫師出圖 網民逐個認 (Jun 17, 2018)

Read more ›
【考眼力】日本網民一齊搵iPhone 超難睇機殼有保護色
by / on 12/07/2016 at 7:13 am

【考眼力】日本網民一齊搵iPhone 超難睇機殼有保護色

呢幅圖日本好多網民都俾佢考起,最近有人放咗上2ch討論區,話入面有部iPhone,利申,我搵咗5分鐘都見唔到。有人懷疑根本無iPhone,但又有人一眼就睇到喎。入嚟有結果,要放到好大我先睇到,你呢?幾耐先搵到? 相關資訊日本Twitter熱傳「透明版可樂」 比想像中更透明 (Jun 16, 2018) 【有片】輕輕鬆鬆做武器 日本出書出片教手作 (Jun 16, 2018)

Read more ›
「2016韓國小姐選舉」最後34強誕生 日本網民:「得一個人報名?」
by / on 09/07/2016 at 1:42 pm

「2016韓國小姐選舉」最後34強誕生 日本網民:「得一個人報名?」

韓國一向被稱為整容大國,最近韓國小姐2016選舉最後34強誕生嘞!老實講,全部入選者無論面形、樣貌以至化妝到髮型都差唔多,唔好話選,要分清楚每個人都唔易。有日本網民放咗啲相上2ch討論,啲留言仲好正,例如有人話:「得一個人報名?」、「唔好左右反轉,改少少背景顏色就當唔同喎」、「不如抽籤選人啦」。最後呢個留言比較中肯:「雖然唔係全部一樣樣,但估計有好多個係1人分飾4個嘅」。我諗作為評判應該都幾頭痕。 相關資訊【新片速報】低頭族雙下巴救星 日本節目教超簡單消除動作 (Jun 16, 2018) 【有片】外國Twitter大熱「爬牆浣熊」 死裡逃生網民狂改圖 (Jun 16, 2018)

Read more ›

【父愛】日本網民收鄉下爸爸厚禮     風扇組裝後少咁啲嘢
by / on 07/07/2016 at 7:13 am

【父愛】日本網民收鄉下爸爸厚禮 風扇組裝後少咁啲嘢

父母嘅愛好偉大,今次日本網民嘅「勵志」故事喺Twitter好多人熱傳。話說呀仔收到爸爸喺鄉下寄嚟嘅一份禮物,原來係一把電風扇!天時暑熱真係感動到喊。不過爸爸話因為寄送嘅原因要拆件,所以叫呀仔收到後自行組裝。當呀仔流晒汗認真砌好晒所有配件後,竟然發然爸爸寄漏咗個扇葉俾佢‥‥‥咁‥‥‥唯有開住冷氣先啦。 相關資訊日本京都燒肉店 推出「藍色燒肉」撐國家隊 (Jun 16, 2018) 日本網民推介銀座餐廳 超正星空佈置Twitter熱傳 (Jun 16, 2018)

Read more ›
【好pure】日本網民又回帶 「小池里奈」JK時代相集
by / on 01/07/2016 at 11:05 am

【好pure】日本網民又回帶 「小池里奈」JK時代相集

日本網民真係好鍾意90後女藝人「小池里奈」,出咗13本寫真集嘅佢,之前2ch一張相變圖集,話佢「昔天使今變態」。最近又有網民回顧佢嘅「女高中生(JK)時代」,仲越出越多圖。講真佢個樣夠晒清純,最吸引係兩隻門牙仔,好可愛。唔係賣大胸嘅佢身形好靚,尤其是對腿又長又幼,男女都鍾意。睇返佢高中生年代嘅相,好pure好true,就算當年11歲出道拍《美少女戰士SAILORMOON》嘅佢都勁可愛!入嚟有得慢慢回帶。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【有片】末日氣氛 日本鹿兒島櫻島火山噴發 (Jun 16, 2018)

Read more ›
【你會點做?】日本網民被困廁所   拼死打爛廁所門網上熱論
by / on 25/06/2016 at 11:35 am

【你會點做?】日本網民被困廁所 拼死打爛廁所門網上熱論

如果有一日獨居嘅你被困喺屋企廁所,又無帶電話喺身,會點做?日本呢個網民嘅廁所門把跌咗落地,又無帶電話,求救無門之下,佢決定拼死打爛度門。事後佢影咗張相放上2ch討論區,吸引好多人留言。有人話:「好似漫畫入面會出現嘅情節」、「以為中間係你個屁股」、「如果度門好結實,入面又無窗,應該會發狂」、「夏天真係會中暑死」。事實上呢個網民咁激動打爛度門的確係啱嘅,因為上年日本就發生過一單意外,有個200幾磅嘅老公突然暴斃瞓咗喺廁所門口,由於頂住咗度門,廁所入面嘅老婆出唔到嚟,最後兩個人都離世。所以如果一個人住嘅話,去廁所記住唔好鎖門嘞,或者都係電話跟身啦。 相關資訊日本又有新衫 中國風大開胸 (Jun 15, 2018) 【有片】玩具瘋狂郁 日本高傲的喵擔天望地唔得閒理 (Jun 15, 2018)

Read more ›
【一張圖變圖集】7個日本水球美女點揀好?    筧美和子/新川優愛大量水著圖
by / on 06/06/2016 at 7:13 am

【一張圖變圖集】7個日本水球美女點揀好? 筧美和子/新川優愛大量水著圖

  又到一張相變圖集系列,可能天氣熱想游水啦,最近日本網民就貼咗張7個水球女仔嘅水著圖上網,話如果俾呢7個水球美女同自己表白,會選擇邊個?仲話自己好苦惱。綜合最多人揀係筧美和子、新川優愛同佐野ひなこ。其實呢張相嚟自2014年嘅日劇《水球ヤンキース》(水球不良少年),當中身裁好誇張嘅「筧美和子」同清純系嘅「新川優愛」都好受歡迎,仲有「佐野ひなこ」都有唔少支持者。當然,網民又嚟回帶,貼咗超大量水著,入嚟有回帶,夏天真好。 相關資訊【圖集】超級英雄都會老 英雄遲暮聯想圖 (Jun 19, 2018) 【有片】日本Twitter熱傳 女乘客坐得衰 煞車一刻好可憐 (Jun 15, 2018)

Read more ›