Post Tagged with: "網民"

【新片速報】日本酒店升降床    網民入住拍片Twitter熱傳
by / on 10/05/2018 at 7:50 am

【新片速報】日本酒店升降床 網民入住拍片Twitter熱傳

香港地呎價咁貴,如果張床係呢種升降床就夠晒慳位嘞。最近有日本網民住咗間酒店,房間入面張床撳個掣就可以升降,佢玩得好開心,仲拍埋片放上網,好快已經過埋一百萬瀏覽。樓主話覺得有啲危險,一個唔覺意撳錯粒掣唔知會唔會夾死咗。不過睇返頂部同底部都留咗啲虛位,無事嘅無事嘅。 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】日本熱傳《黑洞》手機遊戲 玩法似《塊魂》 (Jun 21, 2018)

Read more ›

池袋超正沾烏冬麵      日本網民Twitter推介
by / on 10/05/2018 at 7:17 am

池袋超正沾烏冬麵 日本網民Twitter推介

有無人同我一樣好鍾意食沾麵?日本網民最近推介呢間位於池袋嘅「うちたて家」,嚴格嚟講佢賣嘅係沾烏冬而唔係沾麵,睇相見到啲湯汁掛晒喺啲烏冬麵條上面,真係口水都滴埋出嚟,去開日本記住幫我試吓! 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
日本網民鞭屍      Rose Ma「Friend zone」相再被P圖
by / on 09/05/2018 at 7:33 am

日本網民鞭屍 Rose Ma「Friend zone」相再被P圖

大家都記得呢張相嘞,香港模特兒Rose Ma同美國著名電競選手Justin Wong嘅「Friendzone」相,之前都熱傳過,一個做心心手勢,另一個只係俾「Like」,以為件事完咗,點知最近又俾日本網民拎出嚟鞭屍。有日本網民放埋另一位格鬥遊戲選手暴君小川嘅合照,大家都有相同遭遇,之後網民仲將兩個被傷害嘅心P埋一齊‥‥ 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
日本超靚沙灘遍地「寶石」 網民朝聖熱點
by / on 07/05/2018 at 7:31 am

日本超靚沙灘遍地「寶石」 網民朝聖熱點

如果去開日本嘅長崎縣,最近日本網民有個推介景點,就係位於長崎機場附近嘅森園公園,特別之處係嗰度嘅海灘上面嘅沙唔係普通嘅沙,而係一粒粒「寶石」!其實佢哋係循環再造嘅玻璃,不過切割成圓邊,所以就算行上去都唔會割傷腳板。而之所以有呢個玻璃海灘,全因為夏天時份啲藻類分解,會令到出現好臭嘅味道,所以官方就整咗呢啲玻璃沙防止藻類增生,而家仲令到沙灘變得好靚,成為遊客嘅秘密勝地,入嚟有多啲相睇。 相關資訊三上悠亞著日本波衫 晒長腿撐日本隊 (Jun 19, 2018) 日本網上熱傳相片 未來世界其實係澳門景 (Jun 19, 2018)

Read more ›
日本MariCar遊客鏟上行人路 網民鬧爆影響任記形象
by / on 04/05/2018 at 7:58 am

日本MariCar遊客鏟上行人路 網民鬧爆影響任記形象

好多外國遊客鍾意去日本揸呢款MariCar,間公司而家面對緊任天堂嘅版權訴訟問題,後者索償緊1千萬円,同時間佢哋嘅安全問題都成為好多人嘅討論焦點。近來有越嚟越多意外發生,最近又有一單,事發地點係東京六本木,有架MariCar鏟咗上附近一間餐廳嘅門口,撞爛咗個招牌停咗喺道牆前面,司機據知係一個30幾歲嚟自新加坡嘅女士,件事喺Twitter好多日本人討論,有人話會影響任天堂嘅形象,有人話遲早有更嚴重嘅意外發生,政府應該要收緊對呢類型車嘅監管,如果準備去日本揸MariCar嘅記住要小心,唔好影響其他人甚至危害到自己嘅性命,諗清楚先好。 相關資訊Sony E3演奏樂器涉嫌歧視 網民鬧爆原來跟車太貼 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
【有片】日本網民分享老翻玩具 多啦A夢超驚嚇
by / on 04/05/2018 at 7:42 am

【有片】日本網民分享老翻玩具 多啦A夢超驚嚇

大陸出名多老翻嘢,多啦A夢都經常被盜用,最近呢款玩具就令日本網民都睇唔過眼。首先個樣已經古怪,個頭小咗個藍色圈,更恐怖係佢打打吓鼓個頭會打開,入面竟然係小飛象!網民話已經超越咗版權嘅問題,小朋友見到應該會發惡夢,入嚟有得睇。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›

奈良鹿仔唔食餅? 日本網民分享圖Twitter熱傳
by / on 02/05/2018 at 7:34 am

奈良鹿仔唔食餅? 日本網民分享圖Twitter熱傳

好耐無探日本奈良班鹿仔嘞,印象中佢哋好進擊,會突襲人類搶鹿餅食,不過原來而家已經唔係咁嘞。最近有日本網民放咗啲相上Twitter,見到班鹿仔對住鹿餅個樣好平靜,變咗佛系鹿仔,再睇返資料,其實上年都有日本遊客影到類似情況,希望佢哋唔係病咗唔舒服啦,又另外遊客記住唔好餵班鹿仔食鹿餅以外嘅食物,以免佢哋食滯咗。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 日本漫畫網吧有隔音個室 網民:「係咪即係平價情侶酒店?」 (Jun 18, 2018)

Read more ›
日本網民掟手機     攝正天花板隙縫超強身手
by / on 01/05/2018 at 1:03 pm

日本網民掟手機 攝正天花板隙縫超強身手

係型嘅,呢位日本網民返到屋企好攰,隨手將部手機掟上半空,之後竟然卡咗喺天花板嘅隙縫之中,好搞笑。張相喺Twitter好多人RT,有人研究樓主當時喺手機睇緊啲咩,而樓主都影咗張相,解釋自己天花板本身有比較大嘅裂縫‥‥‥ 相關資訊大阪地震 動漫迷災區震出「本子」 喜好慘被媽媽發現 (Jun 18, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
日本網民自製「雪糕」 豆乳飲料雪成冰Twitter熱傳
by / on 01/05/2018 at 11:48 am

日本網民自製「雪糕」 豆乳飲料雪成冰Twitter熱傳

大家細個有無試過將益力多雪落冰格,然後當雪條食?日本網民發現將呢包豆乳飲料放入冰格,雪成冰之後質感好似雪糕,連平日唔鍾意飲豆乳嘅佢都覺得好正,唔少網民都留言話要試吓。今晚雪包維他奶試吓先! 相關資訊日本「二足步行貓」粘土重現 超期待實體化 (Jun 18, 2018) 大阪地震 家貓瘋狂逃難 匿得就匿 (Jun 18, 2018)

Read more ›
【有片】日本網民食蛋前   搖晃發出「危險」叫聲
by / on 30/04/2018 at 7:27 am

【有片】日本網民食蛋前 搖晃發出「危險」叫聲

日本嘅雞蛋特別好味,有網民食蛋前將隻蛋放入碗度左碌右碌,期間發出嘅聲音樓主話好似「ヤバいヤバい」危險危險嘅聲,唔少網民都話聽到,仲留言一齊討論,入嚟有得聽返。不過幾危險都好,樓主最後都係食咗隻蛋,仲話好好味。 相關資訊【相集】日本怨念喵星人 被困1小時表情超不滿 (Jun 17, 2018) 【新片速報】日本銀仔神人新片 枱布凌空飄浮靠力學 (Jun 17, 2018)

Read more ›
【等找數】日本網民PS Vita被整爛 朋友:「1個轉發賠10円」
by / on 30/04/2018 at 7:07 am

【等找數】日本網民PS Vita被整爛 朋友:「1個轉發賠10円」

有時真係唔好低估網民嘅力量,最近Twitter見到呢個post,有網民部紅色PS Vita俾朋友整爛咗,賠償方面,朋友話放上網,每1個轉發就賠10円喎。於是樓主開始召喚大家幫忙,而家轉發數已經去到超過1萬個,即係賠7千零蚊港紙左右啦。嘩!夠買一部PS4再加多部Switch嘞,留名等睇找數。 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›

日本網民自製喵眼 變身兵長超搞笑
by / on 29/04/2018 at 11:58 am

日本網民自製喵眼 變身兵長超搞笑

星期日好啱用嚟玩喵,例如好似呢位日本網民咁。佢貪得意畫咗兵長對眼出嚟,再拼落自己隻喵度,效果好正!之後有其他網民跟住試,好好笑,仲有大量網民貼圖回覆。 相關資訊【有片】男兒當入獄?日本學生籃球賽中拳擊球證 (Jun 17, 2018) 【有片】有頭髮有辦法 日本髮型師又大改造 (Jun 17, 2018)

Read more ›
日本網民出手改圖      James Harden變文藝復興圖
by / on 25/04/2018 at 7:41 am

日本網民出手改圖 James Harden變文藝復興圖

呢張圖好多人睇過,就係最近Wolves對戰Rockets嘅其中一幕,Rockets嘅James Harden跌咗喺人群當中,由於佢嘅表情太有潛力,網民忍唔住搞搞佢。日本網民話好似文藝復興嘅圖,仲出手改埋圖,效果超正呀! 相關資訊外國人妻跑5公里奪冠 老公出手改圖變《侏羅紀》 (Jun 20, 2018) 【父親節快樂】日本大堆頭畫師出圖 網民逐個認 (Jun 17, 2018)

Read more ›
日本網民自製《星之卡比》麵包    擘大口超搞笑Twitter熱傳
by / on 21/04/2018 at 11:31 am

日本網民自製《星之卡比》麵包 擘大口超搞笑Twitter熱傳

有個識整嘢食嘅家長真係幸福,最近有日本網民話囡囡想食《星之卡比》嘅麵包,於是佢就自己設計咗呢款麵包,個口擘到好大,入面裝滿不同嘅生果,襯晒星之卡比平時嘅形象,超可愛,睇落仲好好味!睇返佢嘅Twitter經常都整麵包,全部都超靚,入嚟有回帶。 相關資訊日本Twitter熱傳「透明版可樂」 比想像中更透明 (Jun 16, 2018) 【有片】輕輕鬆鬆做武器 日本出書出片教手作 (Jun 16, 2018)

Read more ›
日本網民推介「喵星人居酒屋」 邊食Pizza邊玩喵
by / on 09/04/2018 at 7:53 am

日本網民推介「喵星人居酒屋」 邊食Pizza邊玩喵

一班工作勤奮嘅店員,對於公司業績真係有好大幫助。日本嘅貓cafe去得多,貓居酒屋就比較少見,最近有日本網民推介呢間「赤茄子」,位於東京池袋線嘅「江古田駅」附近,佢話一去到已經有隻喵喺樓梯口等緊佢,然後坐底時又有另一隻貓扮friend坐喺佢旁邊,遠處又有幾隻喵望住佢,全程俾喵包圍嘅感覺好幸福。班貓仔完全唔怕人,仲會想食你嘅嘢。居酒屋嘅食物方面好豐富,有pizza、沙律、三文魚等等,仲有得嗌酒精類嘅特飲,不過小心唔好俾班喵星人偷食,有興趣嘅貓奴去開東京可以試吓! 相關資訊【新片速報】低頭族雙下巴救星 日本節目教超簡單消除動作 (Jun 16, 2018) 【有片】外國Twitter大熱「爬牆浣熊」 死裡逃生網民狂改圖 (Jun 16, 2018)

Read more ›