Post Tagged with: "網民"

【童年回憶】濱崎步崩壞?日本網民:「大媽大媽!」
by / on 30/03/2016 at 7:15 am

【童年回憶】濱崎步崩壞?日本網民:「大媽大媽!」

濱崎步係好多人嘅童年回憶,不過最近日本好多人話童年幻滅。之前都有日本網民放咗濱崎步喺演唱會嘅近照,仲話佢嘅舞姿好嚇人,啱啱又有網民放咗佢出席品牌LA PERLA宣傳活動嘅相,有人話佢個樣變得好膠,有人話佢對腳好短,仲有人話佢似大媽‥‥‥真係咁差?入嚟有得回顧返佢全盛時期嘅相。 相關資訊日本超可愛兔仔坐車 企直睇風景超似人仔 (Jul 22, 2018) 【有片】日本喵超可愛 準備叫但忍唔住打喊露 (Jul 22, 2018)

Read more ›

有片:黐線的!日本網民訓天花板!牛皮膠紙貼唔實跌落地!
by / on 27/03/2016 at 4:30 pm

有片:黐線的!日本網民訓天花板!牛皮膠紙貼唔實跌落地!

點解要咁呢?真係笑到我Gap Gap聲。有日本網民居然諗到訓天花板呢個玩意,無錯,係完全違返物理定律嘅,呢個世界有地心吸力架嘛,又點訓天花板呢?答案係用牛皮膠紙貼將成個人貼上去。工程鉅大咯,先要用書櫃頂住肚腩借力,再十字架式黐雙手同肩頸,過程中,鼻涕不斷喺鼻哥窿流出嚟,呈絲柱狀將跌未跌,都好核突吓。以為黐得好實咩?Sorry,正當想黐埋雙腳嗰陣,好唔好彩地,成個人就跌咗落地嘞,好彩無跌傷咋,成班友仔仲笑到碌地添。 相關資訊日本新口味Haagen-dazs雪糕 「雪葩」加「雪糕」兩種口感 (Jul 22, 2018) 日本大阪王將出「餃子熱狗」 6款任揀超想試 (Jul 22, 2018)

Read more ›
【新標準】日本最型男大學生冠軍誕生 網民一面倒圍插
by / on 25/03/2016 at 11:17 am

【新標準】日本最型男大學生冠軍誕生 網民一面倒圍插

日本經常有大學生選舉,啱啱又有「日本一カッコいい大学生」選舉,選出最cool最型嘅男大學生,得獎者係東北學院大學2年級生高梨將,不過網民就一面倒圍插。有人話佢一啲都唔型只係可愛,又話佢斜膊手臂幼,擺嘅甫士仲好老土。不過都證明而家啲女仔真係鍾意呢類型嘅男生。另外亦有網民突破盲腸,問點解佢掛喺身嗰幅冠軍布係用手寫嘅‥‥‥ 相關資訊【奇妙設計】日本女士夏天「打底內衣」 外形超似T-back (Jul 22, 2018) Burger King員工每日送漢堡包俾患癌狗狗 網民感動熱傳 (Jul 21, 2018)

Read more ›
有片:日本網民教染復活蛋!堅真係唔難!
by / on 15/03/2016 at 9:45 pm

有片:日本網民教染復活蛋!堅真係唔難!

呢次就堅真係唔難嘞,問題係你有無咁嘅閒情逸志啫,想唔用人工色素自製食得落肚嘅七彩復活蛋,日本網民幫到你。由YouTube頻道「便利ライフハック【venlee lifehack】」提供嘅呢條短片簡單易學,原來只要用椰菜頭烚一煲水,呢煲水就係最佳染色素,本身呈藍藍哋色。想溝顏色咩?Easy!加檸檬汁即變紫紅色、加蛋白即變綠色、加蘋果汁即變深紫色,顏色深淺可以自己調校。另外,用咖喱粉開水、開稀豉油,一樣可以替烚熟咗嘅雞蛋染色,畀啲耐性,浸至少一粒鐘就得嘞。 相關資訊【相集】日本「顏藝王」雪橇 超強表情Twitter熱傳 (Jul 21, 2018) 日本神人畫「3D串燒」 超像真睇到流口水 (Jul 21, 2018)

Read more ›
【狂賀星期五】一人一張搞笑圖 日本網民狂貼開心圖
by / on 04/03/2016 at 7:13 am

【狂賀星期五】一人一張搞笑圖 日本網民狂貼開心圖

由唔中六合彩要返工嗰日開始,每日都頹到爆,終於捱到星期五,真係好想狂賀呀!日本有人出咗個post叫大家貼啲開心嘅相,大家都好踴躍一呼百應,將自己儲落嘅搞笑圖奉獻出嚟,動漫、偶像乜都有,好啱今日咁喜慶嘅日子睇,又或者可以bookmark定,等星期一心情低落嘅時候翻睇。 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›
【提防中伏】日本網民分享偽娘圖 全部都係男!
by / on 24/02/2016 at 7:13 am

【提防中伏】日本網民分享偽娘圖 全部都係男!

中伏嘅嘢人人都試過,所以間唔中我哋都會同大家補習吓,以下呢堆係日本網民最近放上討論區嘅偽娘圖,圖中個個睇落都好似女仔,好可愛,但其實全部都係boy。集思廣益,其他網民都放咗古今中外其他偽娘圖,下次上網玩記住小心啲嘞。 相關資訊日本超可愛倉鼠 扮雪米滋四腳朝天好啱位 (Jul 20, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›

【日本網民神改圖】動漫角色反白眼《蠟筆小新》美冴零違和
by / on 23/02/2016 at 7:16 am

【日本網民神改圖】動漫角色反白眼《蠟筆小新》美冴零違和

漫畫主角對眼唔係黑就係白,而且面積好大,不過睇慣咗突然將黑白範圍對調,原來都幾有新鮮感。最近日本網友就拎咗《蠟筆小新》嘅野原美冴嚟玩,改圖之後個樣超搞笑,有人仲話佢好似遠藤沙耶,其他網民都紛紛出手,有人索性改埋小新,連比卡超都有得玩,One Piece嘅路飛亦由白轉黑,好怪呀! 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›
日本網民討論 女仔Under連白恤衫防走光?
by / on 03/02/2016 at 9:15 pm

日本網民討論 女仔Under連白恤衫防走光?

成件事係咁,話說Twitter有人開咗個Post討論呢款恤衫……嗯,唔應該叫恤衫,應該叫Under,唉,我都唔知應該點Definite,或者應該話係可以係「白恤衫狀Under」,其實一早都有類似嘅嘢,衫襬變成Under褲頭一部份,直接笠上身,之後著多條面褲或短裙,就係可以直接行出街,烏低身唔怕會露底。網民熱烈討論,有留言曰──「好淫蕩。」「好明顯係由惡魔設計。」「呢件所謂行政白恤衫根本就係一條底褲。」「如果鍾意著褲嘅職業女性,應該會鍾意呢個設計。」「咁去洗手間咪要全身除晒?」唔知大家又點睇?我就覺得好Sexy嘞,如果就咁著的話…… 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›
【長知識了】世界網民點樣笑?日本「www」泰國「55555」
by / on 08/01/2016 at 7:12 am

【長知識了】世界網民點樣笑?日本「www」泰國「55555」

日本網民鍾意用「www」表示笑嘅意思,中國人會用「哈哈」,原來其他地方表達笑嘅網絡用語都好得意,例如西班牙係「jajaja」、意大利係「ah ah ah」,仲有泰國嘅「55555」同埋韓國嘅「kkkkk」,全部都係重疊字,睇落夠簡單直接。不過我最常用嘅其實係「lol」同埋Emoji笑到有兩粒眼淚標出嚟嗰款。你哋呢?有無其他? 相關資訊超正!打破敵對關係 日本連鎖快餐Twitter編輯玩聯手 (Jul 18, 2018) 【有片】廁紙變子彈 日本高火力水槍月尾發售 (Jul 18, 2018)

Read more ›
【中頭獎!】日本網民中彩票獲發7億円 放上Twitter好危險
by / on 02/01/2016 at 11:00 am

【中頭獎!】日本網民中彩票獲發7億円 放上Twitter好危險

今晚六合彩頭獎有6千萬,如果你中咗會唔會放上Facebook?日本有位網民@merci2630噚日對彩票時,竟然發現自己中咗頭奬,獎金係7億円!折合返港幣即係大約4500萬,佢仲影埋張彩票放上個人Twitter,內容寫:「震‥‥‥震到停唔到落嚟啊‥‥‥」件事放咗上2ch,網民嘅留言都好精警:「竟然放上Twitter,如果係我就唔敢嘞」、「肯定係PS過嘅圖」、「即係可以過70年年收入1000萬嘅日子,太正嘞!」、「喺Twitter貼圖估計會被殺」。事主出完呢個帖之後半個鐘內仲出咗兩個post,都係唔相信自己會中之類嘅留言,跟住就無再更新過Twitter,估計應該係計劃緊啲錢點駛,唔會係遭遇不測啩‥‥‥? 相關資訊日本熱到癲 名古屋39度/ 沖繩變避暑地 (Jul 18, 2018) 日本經典朱古力變棋子 實物原大繼續鬥 (Jul 18, 2018)

Read more ›
日本網民設計奧運海報 《FINAL FANTASY XV》2020年先出?
by / on 10/08/2015 at 7:18 am

日本網民設計奧運海報 《FINAL FANTASY XV》2020年先出?

日本成功申辦2020年奧運會,不過就是非不斷,制服同抄襲事件我哋都報導過,今次呢單就開心啲嘅,因為有日本2ch網民喺討論區叫大家喺圖上加上「TOKYO 2020」字樣,發揮創意一齊設計奧運海報,網民一呼百應,好多作品都好高水準,大量動漫畫都被選中做主圖,《夏日大作戰》、《寵物小精靈》、《多啦A夢》、《孖寶兄弟》,其實咁咪仲代表到日本?我仲唔覺意見到連《FINAL FANTASY XV》張海報都有份被選中,不過2020年,好似唔係幾吉利喎,唔會延期到2020啩? 相關資訊日本「藍色食物醬汁」量產 沙律飯團全部變藍 (Jul 18, 2018) 【有片】日本傳媒報道 大量中國人入侵埼玉縣 仲有狗肉賣? (Jul 17, 2018)

Read more ›

快餐店餐紙當畫版 韓國網民玩殘車勝元
by / on 14/05/2015 at 3:37 pm

快餐店餐紙當畫版 韓國網民玩殘車勝元

其實真係幾好畫功,用茄汁、芥辣做顏料,再加多幾筆,就可以將一個車勝元變成悟空、斯路、Iron Man,甚至係麥當勞叔叔……韓國嘅「Lotteria」搵嚟車勝元幫新包賣廣告,咁墊喺餐盤上面張紙有佢個樣都好正常,於是,客人就發揮佢哋嘅神級創意…… 相關資訊【改圖】搭車瞓覺被惡搞 外國網民高質改圖 (Jul 15, 2018) 日本喵星人「下巴貼地」睡姿熱傳 一人一張分享圖 (Jul 15, 2018)

Read more ›
北韓美女相集    純天然好pure
by / on 28/12/2014 at 1:23 pm

北韓美女相集 純天然好pure

南韓多靚女大家都知,不過好多都係一式一樣人工製造,咁另一邊嘅北韓呢?最近有南韓網民喺網上分享,原來北韓都有好多靚女,雖然打扮老土啲,但係純天然(我估北韓無得整容啩?有錢都醫飽個肚先)以下精選咗幾位,個個都好pure好true。 相關資訊Crocs出高踭涼鞋惹爭議 火速斷市網民鬧爆 (Jul 15, 2018) 媽媽自製超正壽司蛋糕 日本網民放閃相Twitter熱傳 (Jul 14, 2018)

Read more ›
辦公室生存之道   開Excel打機睇碟秘技
by / on 03/11/2014 at 7:14 am

辦公室生存之道 開Excel打機睇碟秘技

返工打機天公地道,唔係點捱眼瞓呀?不過老細經常喺公司巡嚟巡去,都係開住個excel出嚟扮吓嘢穩陣。外國網民AyrA_ch公司block咗大部份軟件,於是佢整咗個ExcelStuff,簡單啲講就係可以用VBA(Visual Basic for Applications)嘅Excel,用咗佢就可以喺Excel入面開Window Media Player。表面睇係整緊統計表,實質上佢睇緊《Wall-E》,好古惑。 相關資訊日本超強網民DIY 蟹殼最終形態機械人 (Jul 13, 2018) 【民間智慧】日本網民自創釣魚孖寶 撈烏冬超方便 (Jul 10, 2018)

Read more ›
真兔仔手機套    日本發起內地網民熱玩
by / on 27/10/2014 at 3:54 pm

真兔仔手機套 日本發起內地網民熱玩

事緣兩星期前,日本有網友べーやん(@ryooneokrock1)影咗左手邊呢張兔仔手機套相放上twitter,吸引咗超過3萬7千個轉發,大家都盛讚超得意。張相流咗到內地,大量網民喺新浪微博有樣學樣,教自己隻兔仔玩埋一份再舖上網,人人熱玩。不過唔駛擔心,今次無血案發生,大家都係純粹玩吓,作狀搵兔仔攬住部手機影相唧,應該唔會整兔標本手機套賣嘅。 相關資訊日本動物醫院「心寒」宣傳板 貓貓震晒好驚青 (Jul 17, 2018) 日本狗狗瞓晏覺 地下遺留狗印超可愛 (Jul 17, 2018)

Read more ›