Post Tagged with: "美國"

【除咗恭喜之外】美國阿爸集100萬Like 太太同意囝囝叫「悟空」
by / on 28/01/2018 at 1:58 pm

【除咗恭喜之外】美國阿爸集100萬Like 太太同意囝囝叫「悟空」

到底有幾鍾意本動漫作品,先會改自己嘅仔女同角色同名?呢位美國阿爸Carlos Sanchez係《龍珠》迷,佢早前就喺facebook叫大家俾like,話佢太太應承,只要佢呃到100萬個like,佢個仔就可以稱呼叫「悟空(Goku)」稱呼叫悟空……於是,呢個世界好多鍾意幫人一把嘅人,啱啱睇已經150萬個like喇,佢哋都出咗條感謝嘅片段出嚟,仲幫囝囝開定個acc,又有最新嘅《龍珠FighterZ》遊戲同兩對襪仔。據講佢係住喺美國Arizona,仲有三個小朋友,咁唔知佢哋駛唔駛改埋名呢? 相關資訊日本網民神級地毯畫 《龍珠》阿樂被爆死 (May 25, 2018) 自改《龍珠》神龍波鞋 著上腳許願 (May 23, 2018)

Read more ›

超可愛狗狗遊超市   表現超興奮Twitter熱傳惹爭議
by / on 06/01/2018 at 2:20 pm

超可愛狗狗遊超市 表現超興奮Twitter熱傳惹爭議

呢兩張相最近喺Twitter熱傳,有主人帶咗佢4個月大嘅狗狗Zira去美國嘅大型超市Target,隻狗狗表現得好興奮,擎晒口笑晒好開心,張相吸引好多人留言,大家都讚佢超可愛,有網民放咗佢哋帶寵物去超市嘅相做回應。之後仲有網民將隻狗狗改圖加埋Target嘅標誌,超好笑。不過個Post亦引嚟好多討論,有人話唔應該帶狗狗去超市,然後有人講到外國嘅service dogs或者emotional support animal嘅條例,有興趣可以入去慢慢研究。 相關資訊日本足球英雄本田圭佑 可愛敬禮動作Twitter熱傳 (Jun 25, 2018) 【新片速報】超可愛狐狸仔敲門 發現被拍網上熱傳 (Jun 24, 2018)

Read more ›
美國禮物店鹿仔亂入   無錢買太陽眼鏡call齊兄弟晒馬
by / on 17/12/2017 at 7:03 am

美國禮物店鹿仔亂入 無錢買太陽眼鏡call齊兄弟晒馬

鹿仔亂入唔止係日本奈良先有,最近美國科林斯堡一間禮品店都出現咗一位不速之客。有隻個樣好醒目嘅鹿仔走咗入去shopping,仲主攻太陽眼鏡架,不過佢都無錢俾,店主唯有請佢離開啦。但係過咗30分鐘後隻鹿仔又再出現,今次仲call齊班兄弟一齊嚟,幾隻鹿仔塞晒喺門口裝吓裝吓超搞笑。BTW,原來呢個小鎮經常有野生動物周圍走,不過走埋入店舖就比較少見,可能臨近聖誕,佢真係好想買份禮物送俾女朋友仔,不過就算送俾你,其實呎吋都唔啱。 相關資訊奈良鹿仔唔食餅? 日本網民分享圖Twitter熱傳 (May 2, 2018) 【圖集】冰天雪地鹿仔相 超應節聖誕啱睇 (Dec 24, 2017)

Read more ›
【有片】「超親切」女超人對怪獸 教你搭地鐵守規矩
by / on 15/10/2017 at 4:06 pm

【有片】「超親切」女超人對怪獸 教你搭地鐵守規矩

世界各地都唔少得冇公德心嘅人,成日搭地鐵嘅應該會明。美國洛杉磯地鐵拍咗一系列影片教人搭地鐵要守規矩,最特別之處係好有日式特撮風,有女又有怪獸,不過其實目標對象應該唔係日本人吖,大部份日本人搭地鐵都好守規矩,如果唔飲醉酒……講開又講,唔知外國多唔多人挨住條柱嚟企?又會唔會讓人落咗車先衝上車? 相關資訊【有片】日本球迷頂頭搥 半裸「16強」爆人氣 (Jun 25, 2018) 【有片】網上熱傳 日本人試深圳「完全無人食堂」 (Jun 25, 2018)

Read more ›
【終於有得睇】美國 VS 日本 巨型機械人大戰
by / on 12/10/2017 at 9:58 pm

【終於有得睇】美國 VS 日本 巨型機械人大戰

講都講咗兩年,之前話8月開打嘅,就係美國巨型機械人MegaBots挑釁日本水道橋重工,日本作為巨型機械人大國,點可以示弱?於是決定迎戰啦!o依家睇番條片都覺得熱血呀!終於,嚟緊有得睇喇,日本時間10月18日朝早11點,即係我哋嘅10點,上Twitch就有得睇!日本水道橋重工加油呀! 相關資訊日本地震後遺症 大阪公園出現「流浪貓」 (Jun 25, 2018) 日本動物園長條狀「藪貓」 超長體型震驚網民 (Jun 25, 2018)

Read more ›
美國麥當勞「四川醬」缺貨引抗議 日本電視節目剖析
by / on 12/10/2017 at 7:52 am

美國麥當勞「四川醬」缺貨引抗議 日本電視節目剖析

點會有人估到有市民會為咗買唔到麥當勞嘅麥樂雞四川醬而抗議?仲引嚟警察出動?件事喺美國發生,連日本嘅電視節目都報導去剖析事件。呢隻四川醬之所以咁受歡迎,全因為外國動畫《Rick and Morty》入面,神經科學家Rick一生致力要得到Mulan Mcnuggets sauce,一班fans都同科學家一樣想搵呢個醬,最後美國麥當勞決定重新推出呢道醬「四川醬」,不過就限定10月7日一日。點知當日超多人排隊,有分店得70盒醬但有過千人排,最後大部份人買唔到,喺舖外大叫「We want sauce」嘅口號,仲有人寫埋版「Give us the sauce」抗議,最後出動警察,睇返班細路其實都係玩多過嬲,睇嚟好快麥當勞又會再「限時」推出呢道醬嘞。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

Read more ›

【有片】美國大水浸喵星人被救出 人間有愛影片熱傳
by / on 01/09/2017 at 7:29 am

【有片】美國大水浸喵星人被救出 人間有愛影片熱傳

美國德州早幾日大風暴導致嚴重水浸,令休士頓4萬間房屋被淹沒,最近有段片喺Facebook熱傳,有超過5百萬點擊,片中影到幾位居民用鐵籠救出6隻貓,啲貓全身濕晒,個樣仲好驚,最後被送到附近動物收容所安頓。希望快啲完成善後工作,大家可以早啲過返正常生活。 相關資訊京都喵星人失踪半年 大阪地震後返屋企尋親 (Jun 24, 2018) 喵星人食物PS圖集 好想全部吞落圖 (Jun 22, 2018)

Read more ›
【新片速報】美國棒球賽事「走貓」事件 曳貓場內奔走超可愛
by / on 12/08/2017 at 10:20 am

【新片速報】美國棒球賽事「走貓」事件 曳貓場內奔走超可愛

又有走貓事件發生!今次事發場地係美國職棒賽事,當時係聖路易紅雀對堪薩斯市皇家,比賽途中突然走咗隻貓仔喺場內奔跑,球員都睇到笑晒口,之後有職員快手捉走隻貓,但過程雞手鴨腳好好笑,入嚟有回帶。最後場賽事聖路易紅雀贏咗,佢哋教練仲話可能係隻貓帶咗幸運俾佢哋,而家努力搵緊隻貓出嚟,不如收養埋佢做吉祥物啦! 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
【圖集】美國神級街頭畫師 超創意改裝街頭設施
by / on 01/08/2017 at 7:24 am

【圖集】美國神級街頭畫師 超創意改裝街頭設施

美國街頭畫師Tom Bob 嘅作品最近好紅,佢將紐約街頭加咗好多創意同色彩,強項係就地取材,例如將地面嘅坑渠畫成食鬼,又試過將地面嘅短圓柱變成Beatles嘅鼓,全部作品都好高質,入嚟有得回帶慢慢睇,最重要係佢要繼續走得快唔好俾人拉到。 相關資訊【圖集】超正街頭藝術家 改裝街頭佈置創意無限 (Jun 7, 2018) 日本酒店超創意 「三文魚主題房」食玩瞓都係魚 (Apr 19, 2018)

Read more ›
【有片】11分鐘Cosplay影片 美國Anime Expo好開放
by / on 12/07/2017 at 11:04 pm

【有片】11分鐘Cosplay影片 美國Anime Expo好開放

之前喺美國LA舉行嘅Anime Expo,吸引咗合共超過10萬人到場,好大型啦。之後呢個單位又出手喇,雲台加慢鏡加音樂,繼續都係拍得超好睇!唔好睇呢班《龍珠》cosplayer咁奇妙,條片入面其實有好多性感嘅Coser,但我唔希望用呢個元素嚟引大家入去睇,所以揀呢張截圖……咦? 相關資訊本周Coser 日本「AlterME砂良」 (Jun 24, 2018) 【有片】超強Coser有燈有自動翼 《Warhammer 40K》Saint Celestine (Jun 20, 2018)

Read more ›
【貓奴恩物】揹喵星人上身 背心工衣超貼身接觸
by / on 24/05/2017 at 7:27 am

【貓奴恩物】揹喵星人上身 背心工衣超貼身接觸

作為一個貓奴,應該好想要一件咁樣嘅背心外套。可以裝住屋企隻喵星人喺個肚度,身貼身接觸,不過先決條件係隻喵唔可以太肥太大隻。其實呢件貓奴恩物係美國波士頓動物拯救團體Animal Rescue League Of Boston嘅「工衣」(Kitty Bjorn),目的係令多啲嚟到嘅人見到呢班貓仔,增加貓仔嘅曝光率同收養率,職員亦可以一邊做嘢一邊湊住佢哋。過去7年嚟佢哋用呢個方法令好多喵星人成功好快被收養,而家佢哋仲計劃製作更多貓工衣同埋同其他團體合作,如果量產嘅話,相信好好多貓奴都想買返件,不過長期焗住佢哋,喵星人應該會發脾氣。 相關資訊【有片】15歲繪畫小神童 專畫動物全部比例記入腦 (Jun 22, 2018) 【有片】宇宙最幸福貓奴 超嗲喵星人又摸又舔 (Jun 14, 2018)

Read more ›

【有片】終於開打!日本巨型機械人 迎戰美國Megabots
by / on 07/04/2017 at 3:25 pm

【有片】終於開打!日本巨型機械人 迎戰美國Megabots

記唔記得呢單咁熱血嘅嘢?年幾兩年前,2015年,日本水道橋重工製作咗隻巨型機械人,同時間,美國都有隻Megabots,製作人仲寸寸貢話要挑日本機!過咗一陣,日本方面真係回應,披晒國旗咁話絕對會應戰,仲話巨大機械人係日本文化,冇得輸!嘩熱血到爆開啦!事隔年幾以為冇咗件事,但啱啱有最新消息同新片發佈,今年8月,美日超級機械人,便給我戰吧! 相關資訊【有片】日本天才發明 自動掃除電話指模裝置 (Jun 24, 2018) 日本國民美少女高橋ひかる Cos魔法少女/美少女探偵 (Jun 23, 2018)

Read more ›
【好聽到喊】美國17歲少女超靚聲 對井口唱歌片百萬點擊
by / on 04/04/2017 at 12:09 pm

【好聽到喊】美國17歲少女超靚聲 對井口唱歌片百萬點擊

呢位美國17歲嘅女仔把聲好好聽!最近佢同同學仔去咗意大利旅行,本身係合唱團嘅佢一時技癢,想測試吓其中一口井嘅迴音,於是對住井口唱咗首「哈利路亞」,段片喺Twitter勁多人RT,好多人都留言話忍唔住不停重播,有人仲好誇張話聽到喊。段片仲有人分享埋去YouTube,而家已經超過70萬點擊,我都聽咗兩次,係正嘅。不過佢後面嗰兩位朋友似乎有少少唔耐煩。BTW,佢上年12月仲有錄影自彈自唱一首歌,喺Twitter有得聽,超靚聲,推介。 相關資訊日本神級油畫師 少女激似真人Twitter熱傳 (May 15, 2018) 【有聲】日本倉鼠飲水似唱歌 手瓜起腱Twitter熱傳 (May 14, 2018)

Read more ›
【新片速報】麥當勞比卡超全新展示法 美國CES跳盒而出Twitter熱傳
by / on 09/01/2017 at 7:12 am

【新片速報】麥當勞比卡超全新展示法 美國CES跳盒而出Twitter熱傳

美國消費電子展CES啱啱完咗,其中好多日本網民留意呢段片同喺Twitter分享。影片示範用Hologram展示麥當勞開心樂園餐,比卡超會喺個盒度跳出嚟,個漢堡又會轉轉吓。其實Hologram唔係新嘢,今次由英國公司kino-mo展示嘅全新Holograms裝置,名為Kino-mo Hypervsn。BTW,如果未來全線麥當勞都用呢啲裝置做展示牌,等嘢食嘅時候都幾頭暈,不過小朋友應該好開心。 相關資訊超強痛車日本Twitter熱傳 迷你模型塞爆全車 (Jun 23, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
【多圖】失明喵星人寫真集    溫馴可愛等待被收養
by / on 21/12/2016 at 7:40 am

【多圖】失明喵星人寫真集 溫馴可愛等待被收養

失明嘅喵星人都可以好可愛。美國攝影師Casey Christopher為無數隻失明喵星人影靚相,全部相都好靚。呢啲喵星人全部來自動物收容所,Casey因為見到越嚟越多失明同年長嘅喵星人無人領養,於是決定幫佢哋影輯靚相,最終有少數喵星人幸運地被收養。各位想領養動物嘅朋友,除咗揀啱啱出世嘅貓仔,其實好多大貓都一樣好可愛,記住留意吓佢哋呀! 相關資訊【相集】日本超可愛鸚鵡 捐入襪仔勁得意 (Jun 23, 2018) 【圖集】摺紙的藝術 超可愛樹人BB/死侍 (Jun 21, 2018)

Read more ›