Post Tagged with: "美國"

有片:真心覺得型!1000士兵公仔砌國旗!
by / on 17/03/2016 at 8:00 pm

有片:真心覺得型!1000士兵公仔砌國旗!

愛國唔應該淨係得把口,想話畀人知有幾愛國,點都要做番啲嘢,唔使使好多錢,一切講心,花心思整件Artpiece又睇?片中人兄叫Jacob Feazel,佢用1000個細路仔時代成日玩嘅士兵仔玩具,砌出一幅立體美國國旗,向美國士兵致敬咁話喎。製作過程都幾繁複,先要噴底板,之後噴士兵,紅白藍三色分佈要計算得好精準,啲玩具士兵仲要逐隻用膠水黐,少啲心機都唔得。 相關資訊【貓奴恩物】揹喵星人上身 背心工衣超貼身接觸 (May 24, 2017) 【有片】終於開打!日本巨型機械人 迎戰美國Megabots (Apr 7, 2017)

Read more ›

【惡搞片無限loop】美國總統參選人Donald Trump    講起CHINA好激動
by / on 05/03/2016 at 10:09 am

【惡搞片無限loop】美國總統參選人Donald Trump 講起CHINA好激動

美國總統大選嘅共和黨參選人Donald Trump,唔只個髮型夠話題性,講嘢都越嚟越激,之前話要全面禁止穆斯林入境,跟住又話要抵制Apple,最近有網民仲剪咗一段片,將佢講「china」呢個字嘅片段炒埋一碟,睇佢每次講都皺晒眉頭fing晒手,似乎對中國諸多不滿,BTW條片好洗腦,好易會無限loop。 相關資訊網民大發現!Donald Duck原來係Donald Trump (Jun 12, 2017) 【好聽到喊】美國17歲少女超靚聲 對井口唱歌片百萬點擊 (Apr 4, 2017)

Read more ›
【二次創作】美國game舖自畫遊戲封面 《Far Cry 3》其實幾似
by / on 13/02/2016 at 2:12 pm

【二次創作】美國game舖自畫遊戲封面 《Far Cry 3》其實幾似

美國遊戲零售商GameStop除咗有新game買,仲有大量二手game,咁可能好多二手game嘅封面已經遺失咗,又或者店員手痕想露兩手,總之入到去就會發現好多人手畫嘅封面,而且好有驚喜。《Far Cry 3》算畫得幾靚,起碼跟足原封面,雖然主角老咗啲。又例如Mario & Luigi同Pokemon都畫得好靚,不過最hea得嚟有創意嘅應該係《Metal Gear Solid 4》,你睇個感嘆號幾傳神!仲有Snake! 相關資訊「扭氣球」神人重造漫畫封面 神奇女俠/蜘蛛俠奇妙現身 (Jun 22, 2017) 古典名畫二次創作 變龍貓變薩爾達零違和 (May 25, 2017)

Read more ›
有片:兩點貼膠紙+G-String Cafe女侍應賣咖啡送事業線
by / on 19/01/2016 at 9:15 pm

有片:兩點貼膠紙+G-String Cafe女侍應賣咖啡送事業線

為搵食可以去到幾盡?美國華盛頓州史坡堪市(Sponkane)啲Cafe真係好盡,盡到上至老闆,中至經理,下至侍應統統赤裸上陣,男嘅打出兩塊胸肌加六舊朱古力腹肌,女嘅上身唔著,淨係兩點貼十字膠紙,事業線一覽無遺,下身G-String咁滯,實行要顧客味覺視覺孖重享受。當中,以「Bare Beans Espresso」侍應Brittany最樣靚身材正,經理Allison都唔削;「Smokin’ Hot Espresso」侍應Maya身材欠奉,卻就以紋身示人,一樣搶眼;「Banana Hammock」老闆Adam Lovejoy同侍應Denaro雖然唔係小鮮肉,但一身肌肉應該好受女人歡迎。咁Sexy,梗係受衛道之士同街坊柴台喇,大家又點睇呢?我就覺得──啱睇嘞。 相關資訊《東京喰種》池袋期間限定cafe 超核突食物還原度高 (May 11, 2017) 戸愚呂弟甜品120%還原 《幽☆遊☆白書》Cafe月尾開 (Apr 21, 2017)

Read more ›
【有片】水瀨媽媽攬BB水上漂浮 超治癒網上熱傳
by / on 14/01/2016 at 7:12 am

【有片】水瀨媽媽攬BB水上漂浮 超治癒網上熱傳

水獺好得意,個樣蠢蠢哋,眼又矇矇哋,性格又hea hea哋,咁如果係水瀨bb,得意程度更加係去到核爆級數。外國攝影師Connie Levenhagen最近影到一輯好珍貴嘅相同片,火速喺網上熱傳,片中見到隻水瀨媽媽喺水上飄浮,而佢個肚皮上面居然瞓咗隻水瀨bb,媽媽仲充滿母愛咁用兩隻手攬住bb,超治愈!呢隻水瀨喺美國加洲水族館Monterey Bay可以見倒,據講媽媽係為咗保護bb唔好比其他動物攻擊,所以攬住佢一齊hea,母愛真係偉大。 相關資訊【連環圖】日本水獺仔一齊滑水梯 極治癒Twitter熱傳 (Jun 15, 2017) 【連環圖】日本神戶水獺仔Cafe 超嗲捉實女客人手仔唔放 (Apr 16, 2017)

Read more ›
有片:撻巨形燈掣 廣場+途人齊齊亮燈
by / on 07/12/2015 at 9:45 pm

有片:撻巨形燈掣 廣場+途人齊齊亮燈

齋睇片都覺得好溫馨,好有聖誕氣氛,如果可以親歷其境,你話係一件幾咁浪漫嘅事呢?話說喺美國紐約Father Demo Square,工作人員預先戙起咗個七呎高巨型燈掣,去到入黑,當途人甲乙丙丁手多多撻掣,成個廣場嘅燈飾就會閃閃發光,咁都未止喎,廣場裡面亦預定工作人員做媒,當燈掣一撻,呢班做媒嘅工作人員就會停低所有動作,身上面嘅燈飾亦會一齊亮起,非常Surprise,開心開心!唉,有時唔好話外國月亮特別圓,畀著喺香港?一來土地問題,二來香港人無呢種閒情逸志,呢壇聖誕Event九成玩唔成。 相關資訊【新片速報】麥當勞比卡超全新展示法 美國CES跳盒而出Twitter熱傳 (Jan 9, 2017) 【多圖】失明喵星人寫真集 溫馴可愛等待被收養 (Dec 21, 2016)

Read more ›

有片:正宗游乾水 機場扶手電梯游背泳
by / on 16/11/2015 at 8:45 pm

有片:正宗游乾水 機場扶手電梯游背泳

開心可以好簡單,快樂唔一定要用錢買,就好似美國肯德基州University of Louisville’s Kelsi Worrell游泳隊隊員咁,喺Raleigh–Durham International Airport等上機好悶咩?玩扶手電梯囉。喺直行扶手電梯上面,佢哋又趴又訓,揈手揈腳扮游蛙式、自由式、背泳等等,有單人,有組合,連划獨木舟同踩單車都扮埋添,順住電梯直線前進,加啲想像力,個Picture又真係好似游緊水做緊運動咁,Funny呀。 相關資訊64歲美國演員Steven Lang 超大隻手瓜起腱 (Dec 19, 2016) 牛佬賀特朗普勝出 《古惑仔》延後周五出版 (Nov 10, 2016)

Read more ›
【一寸長一吋強】有片 美國最長腿20歲少女 條腿長125.7cm
by / on 21/10/2015 at 2:15 pm

【一寸長一吋強】有片 美國最長腿20歲少女 條腿長125.7cm

係咪鍾意長腿先?長到咁又掂唔掂先?呢位美國少女叫Holly Burt,佢喺美國Florida讀緊設計,而6呎5高嘅佢就擁有49.5吋長腿,我企喺隔籬擰轉頭應該撞正佢個胸。比起之前嘅世界紀錄保持者Model「Lauren Williams」嘅49吋長少少。佢話佢阿媽6呎高,而佢阿爸就6呎3,佢家姐6呎,全家最高係佢,咁佢介唔介意男朋友矮過佢?未有男友嘅佢就話:「我自己有個規定,就係唔會同矮過6呎3嘅男仔約會。如果我喺酒吧遇到高過我嘅男仔,我一定會走埋去撩佢傾計。」高登仔都未必夠高,日本2ch網民就諗起《足球小將》,不過喺外國,高過6呎5嘅男仔應該都唔少,應該都唔駛太擔心啦? 相關資訊有片:超科幻單車用頭盔!充氣墊護頭頸炒車無有怕! (Sep 21, 2016) 【悍衞喵星人】德州圖書館喵星人被迫遷 30日寛限期搵新屋 (Jun 29, 2016)

Read more ›
【大猩猩】領養兩隻喵星人   自己禮物自己揀
by / on 17/10/2015 at 2:02 pm

【大猩猩】領養兩隻喵星人 自己禮物自己揀

前排海洋公園樂樂被取笑戴綠帽,盈盈要去四川搵外援,可惜最終都係流產,似乎生仔同不育嘅問題已經漫延到動物界。美國加州嘅大猩猩Koko都有不育問題,所以早喺1984年佢已經簽協議收養咗隻貓貓All Ball,仲出過本書《Koko’s Kitten》,可惜最後貓貓過咗身,Koko仲因為咁而喊咗一場。最近佢44歲生日就收到份大禮,有一箱嘅迷你喵星人比佢任揀兩隻收養,佢好開心即刻叫人將隻貓放上佢頭頂,好得意。BTW,Koko係一隻出名聰明嘅大猩猩,可以同佢嘅訓練員用超過1000個大猩猩動物語溝通,仲識2000個英文單字,可能仲多過我。 相關資訊日本喵星人「企」街截車 可疑照片Twitter熱傳 (Jun 23, 2017) 日本喵星人x冬甩咕臣 呎吋啱啱好掙脫圖超搞笑 (Jun 21, 2017)

Read more ›
【新片速報】比堅尼吸走海洋污染物 著得性感為環保
by / on 16/10/2015 at 7:11 am

【新片速報】比堅尼吸走海洋污染物 著得性感為環保

游水都可以為環保出一分力?呢件睇落好性感嘅泳衣SPONGESUIT,堪稱係環保界嘅一大發明,因為著住佢游水,可以吸走海入面嘅污染物,而啲污染物會鎖喺物料表面,唔會觸及到皮膚。美國加州大學嘅Mihri同Cengiz Ozkan研發咗一種叫Sponge嘅物料,呢種物料可以吸收大過佢本身25倍嘅污染物,所以著住用佢製作嘅泳衣游水就可以順道排污。未來仲會研發泳褲、泳帽同潛水衣,男士都可以為環保出一分力,不過我覺得男士著潛水衣得嘞,面積大啲,吸嘅污染物都多啲吖。 相關資訊【多圖】特朗普泳衣網上熱賣 美國製仲有金正恩 (Jun 22, 2017) 【有片】透心涼「雪條」暗藏殺機 全部都係污染物 (Jun 9, 2017)

Read more ›
【政界萬能Key】美國總統候選人Donald Trump 網民瘋狂惡搞
by / on 14/10/2015 at 7:10 am

【政界萬能Key】美國總統候選人Donald Trump 網民瘋狂惡搞

今年美國總統候選人之中,呢位共和黨總統參選人Donald Trump嘅人氣絕對係三甲之內。除咗因為佢自創嘅髮型夠話題性之外,仲因為好多人鍾意惡搞佢。網站Design Crowd最近搞咗個活動,比網民將Donald Trump個樣key入經典電影場面入面,網民反應超踴躍,《戰狼300》、《大白鯊》、《閃靈》、《驅魔人》、《沉默的羔羊》,貴為設計網站,參加者大部份都係設計師,所以水準好高,加上Donald Trump平時嘅表情又夠誇 (特別係同奧巴馬相比嘅話),堪稱政界萬能Key,key去邊都無乜違和感,難怪網民都話如果佢當選以後肯定有排玩。 相關資訊日本限定Hello Kitty x Wonder Woman 貓頭繼續有蝴蝶結 (Jun 17, 2017) 日本毛公仔被遺棄街頭 流浪貓識欣賞相依為命 (May 31, 2017)

Read more ›

【感動】80歲愛心大叔 自製卡車載流浪狗巡遊
by / on 25/09/2015 at 7:09 am

【感動】80歲愛心大叔 自製卡車載流浪狗巡遊

呢個80歲嘅大叔Eugene Bostick對流浪狗好有愛,住喺美國德州小鎮Fort Worth嘅佢,經常都會遇到外地人掉低唔要嘅流浪狗,佢唔單止收養晒佢哋,帶佢哋睇醫生,仲怕佢哋悶,整咗架超長卡車載佢哋去街街,有鄰居見到佢成日經過,終於鼓起勇氣邀請佢影張相,放上Facebook後好多人share。據大叔講,而家每隔1-2星期就會出巡一次,每次啲狗狗一聽到聲就會超興奮,呢架咁有型嘅車仲要由佢親自製作,原來佢退休前係做焊工,難怪架車又穩陣又得意,遇到個咁好嘅主人,呢班狗狗真係有福嘞! 相關資訊【相集】愛心貓義工冬天搭建貓屋 80間貓屋流浪貓有瓦遮頭 (Mar 3, 2017) 日本「出租女友」網民熱烈討論 大叔都有得租! (Jan 14, 2017)

Read more ›
新片速報 不爽喵Grumpy Cat黑面度身做蠟像    年底進駐杜莎夫人
by / on 30/08/2015 at 1:15 pm

新片速報 不爽喵Grumpy Cat黑面度身做蠟像 年底進駐杜莎夫人

喵星人都可以做杜莎夫人蠟像館嘅蠟像?呢隻Grumpy Cat不爽貓全球都有大量fans,最近官方宣佈年底佢會進駐美國三藩市嘅杜莎夫人蠟像館,早前佢就比人捉咗去度身嘞,除咗度身,仲要打手印、配返近似嘅眼珠、毛髮,三圍身高通晒天,無晒私隱,睇佢個樣真係超不爽,主人快啲買返啲零食氹吓佢啦! 相關資訊【村長級】黑面Juno喵星人相集 經常憤怒勁有威嚴 (Feb 14, 2017) 為福龍平反!黑面照樣可以好友善! (Oct 5, 2016)

Read more ›
滿面疤痕狗狗成網上熱話 新主人收養改名Lucky
by / on 24/08/2015 at 7:05 am

滿面疤痕狗狗成網上熱話 新主人收養改名Lucky

呢隻只得10個月大嘅狗狗Lisa最近喺網上好多人談論,因為佢嘅臉上有幾個特別嘅疤痕印記,加上對眼發炎合唔埋要做手術,好慘豬。由於情況特殊,美國加州嘅動物收容所嘅職員都擔心好難搵人收養佢,不過呢個世界有好多有心人,好快Christine Doblar一家人就發現咗佢仲決定馬上收養,仲幫佢改咗個新名叫Lucky,個名聽落好普通,但原來Christine話遇到呢隻狗狗,對佢哋同狗狗嚟講都係一種幸運,睇相見Lucky已經返到新屋好開心,其實佢個樣好可愛好精靈,以後有人錫咩都唔駛驚喇! 相關資訊【有片】巴西聰明狗狗 「自己乾糧自己買」超可愛 (Jun 20, 2017) 有片:真‧英雄零安全裝備 爬窗上二樓救汪星人 (Jun 6, 2017)

Read more ›
罕見「火彩虹」奇景 童話式奇觀人人爭影
by / on 21/08/2015 at 7:15 am

罕見「火彩虹」奇景 童話式奇觀人人爭影

雙彩虹、三彩虹之前都見過,呢款火彩虹都係第一次見。早幾日喺美國南部北卡羅來納州 (Carolina)出現咗呢條彩虹, 歷時1小時,好多居民都忍唔住影低放上twitter分享。原來呢個有啲似龍捲風嘅彩虹,學名叫circumhorizontal arcs, 有人叫佢火彩虹,正式名稱叫日承,好少被拍到,因為要出現呢種火彩虹,需要太陽處於高空位置,而卷雲層嘅冰晶數量要足夠,再配合埋太陽咁啱喺58度嘅角度照射住卷雲層先會出現,聽到都覺得超罕見,難怪大家形容佢係好似童話一樣嘅奇觀,入嚟有得睇返世界各地其他出現過嘅火彩虹,堅靚!希望我人生都有機會見到一次。 相關資訊【圖集】超可愛罕見「沙漠貓」 52度高溫生存飲水量低 (Jan 13, 2017) 【結界】大量目擊 日本Sky Tree防護罩式彩虹 (Sep 1, 2016)

Read more ›