Post Tagged with: "美國"

有片:撻巨形燈掣 廣場+途人齊齊亮燈
by / on 07/12/2015 at 9:45 pm

有片:撻巨形燈掣 廣場+途人齊齊亮燈

齋睇片都覺得好溫馨,好有聖誕氣氛,如果可以親歷其境,你話係一件幾咁浪漫嘅事呢?話說喺美國紐約Father Demo Square,工作人員預先戙起咗個七呎高巨型燈掣,去到入黑,當途人甲乙丙丁手多多撻掣,成個廣場嘅燈飾就會閃閃發光,咁都未止喎,廣場裡面亦預定工作人員做媒,當燈掣一撻,呢班做媒嘅工作人員就會停低所有動作,身上面嘅燈飾亦會一齊亮起,非常Surprise,開心開心!唉,有時唔好話外國月亮特別圓,畀著喺香港?一來土地問題,二來香港人無呢種閒情逸志,呢壇聖誕Event九成玩唔成。 相關資訊【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018) 超可愛狗狗遊超市 表現超興奮Twitter熱傳惹爭議 (Jan 6, 2018)

Read more ›

有片:正宗游乾水 機場扶手電梯游背泳
by / on 16/11/2015 at 8:45 pm

有片:正宗游乾水 機場扶手電梯游背泳

開心可以好簡單,快樂唔一定要用錢買,就好似美國肯德基州University of Louisville’s Kelsi Worrell游泳隊隊員咁,喺Raleigh–Durham International Airport等上機好悶咩?玩扶手電梯囉。喺直行扶手電梯上面,佢哋又趴又訓,揈手揈腳扮游蛙式、自由式、背泳等等,有單人,有組合,連划獨木舟同踩單車都扮埋添,順住電梯直線前進,加啲想像力,個Picture又真係好似游緊水做緊運動咁,Funny呀。 相關資訊美國禮物店鹿仔亂入 無錢買太陽眼鏡call齊兄弟晒馬 (Dec 17, 2017) 【有片】「超親切」女超人對怪獸 教你搭地鐵守規矩 (Oct 15, 2017)

Read more ›
【一寸長一吋強】有片 美國最長腿20歲少女 條腿長125.7cm
by / on 21/10/2015 at 2:15 pm

【一寸長一吋強】有片 美國最長腿20歲少女 條腿長125.7cm

係咪鍾意長腿先?長到咁又掂唔掂先?呢位美國少女叫Holly Burt,佢喺美國Florida讀緊設計,而6呎5高嘅佢就擁有49.5吋長腿,我企喺隔籬擰轉頭應該撞正佢個胸。比起之前嘅世界紀錄保持者Model「Lauren Williams」嘅49吋長少少。佢話佢阿媽6呎高,而佢阿爸就6呎3,佢家姐6呎,全家最高係佢,咁佢介唔介意男朋友矮過佢?未有男友嘅佢就話:「我自己有個規定,就係唔會同矮過6呎3嘅男仔約會。如果我喺酒吧遇到高過我嘅男仔,我一定會走埋去撩佢傾計。」高登仔都未必夠高,日本2ch網民就諗起《足球小將》,不過喺外國,高過6呎5嘅男仔應該都唔少,應該都唔駛太擔心啦? 相關資訊日本宮崎「立飲」有長腿 網民讚老闆聰明 (Feb 19, 2018) 【終於有得睇】美國 VS 日本 巨型機械人大戰 (Oct 12, 2017)

Read more ›
【大猩猩】領養兩隻喵星人   自己禮物自己揀
by / on 17/10/2015 at 2:02 pm

【大猩猩】領養兩隻喵星人 自己禮物自己揀

前排海洋公園樂樂被取笑戴綠帽,盈盈要去四川搵外援,可惜最終都係流產,似乎生仔同不育嘅問題已經漫延到動物界。美國加州嘅大猩猩Koko都有不育問題,所以早喺1984年佢已經簽協議收養咗隻貓貓All Ball,仲出過本書《Koko’s Kitten》,可惜最後貓貓過咗身,Koko仲因為咁而喊咗一場。最近佢44歲生日就收到份大禮,有一箱嘅迷你喵星人比佢任揀兩隻收養,佢好開心即刻叫人將隻貓放上佢頭頂,好得意。BTW,Koko係一隻出名聰明嘅大猩猩,可以同佢嘅訓練員用超過1000個大猩猩動物語溝通,仲識2000個英文單字,可能仲多過我。 相關資訊喵星人變晴天公仔 日本扭蛋超可愛 (Apr 17, 2018) 【新片速報】日本喵星人與倉鼠 超好朋友零防備 (Apr 17, 2018)

Read more ›
【新片速報】比堅尼吸走海洋污染物 著得性感為環保
by / on 16/10/2015 at 7:11 am

【新片速報】比堅尼吸走海洋污染物 著得性感為環保

游水都可以為環保出一分力?呢件睇落好性感嘅泳衣SPONGESUIT,堪稱係環保界嘅一大發明,因為著住佢游水,可以吸走海入面嘅污染物,而啲污染物會鎖喺物料表面,唔會觸及到皮膚。美國加州大學嘅Mihri同Cengiz Ozkan研發咗一種叫Sponge嘅物料,呢種物料可以吸收大過佢本身25倍嘅污染物,所以著住用佢製作嘅泳衣游水就可以順道排污。未來仲會研發泳褲、泳帽同潛水衣,男士都可以為環保出一分力,不過我覺得男士著潛水衣得嘞,面積大啲,吸嘅污染物都多啲吖。 相關資訊日本「童貞必殺服」出新款 中間開胸/短袖泳衣版 (Dec 6, 2017) 美國麥當勞「四川醬」缺貨引抗議 日本電視節目剖析 (Oct 12, 2017)

Read more ›
【政界萬能Key】美國總統候選人Donald Trump 網民瘋狂惡搞
by / on 14/10/2015 at 7:10 am

【政界萬能Key】美國總統候選人Donald Trump 網民瘋狂惡搞

今年美國總統候選人之中,呢位共和黨總統參選人Donald Trump嘅人氣絕對係三甲之內。除咗因為佢自創嘅髮型夠話題性之外,仲因為好多人鍾意惡搞佢。網站Design Crowd最近搞咗個活動,比網民將Donald Trump個樣key入經典電影場面入面,網民反應超踴躍,《戰狼300》、《大白鯊》、《閃靈》、《驅魔人》、《沉默的羔羊》,貴為設計網站,參加者大部份都係設計師,所以水準好高,加上Donald Trump平時嘅表情又夠誇 (特別係同奧巴馬相比嘅話),堪稱政界萬能Key,key去邊都無乜違和感,難怪網民都話如果佢當選以後肯定有排玩。 相關資訊【改圖】日本潛力貓變萬能key 大量改圖Twitter熱傳 (Apr 4, 2018) 【圖集】惡搞國家領導人 粉紅裝變諧星零違和 (Feb 3, 2018)

Read more ›

【感動】80歲愛心大叔 自製卡車載流浪狗巡遊
by / on 25/09/2015 at 7:09 am

【感動】80歲愛心大叔 自製卡車載流浪狗巡遊

呢個80歲嘅大叔Eugene Bostick對流浪狗好有愛,住喺美國德州小鎮Fort Worth嘅佢,經常都會遇到外地人掉低唔要嘅流浪狗,佢唔單止收養晒佢哋,帶佢哋睇醫生,仲怕佢哋悶,整咗架超長卡車載佢哋去街街,有鄰居見到佢成日經過,終於鼓起勇氣邀請佢影張相,放上Facebook後好多人share。據大叔講,而家每隔1-2星期就會出巡一次,每次啲狗狗一聽到聲就會超興奮,呢架咁有型嘅車仲要由佢親自製作,原來佢退休前係做焊工,難怪架車又穩陣又得意,遇到個咁好嘅主人,呢班狗狗真係有福嘞! 相關資訊【成功上樓】流浪狗狗慘變皮包骨 獲救後成功被領養 (Feb 22, 2018) 【圖集】日本芒亨迷超強創意 自創菲利/初音頭大叔 (Jan 26, 2018)

Read more ›
新片速報 不爽喵Grumpy Cat黑面度身做蠟像    年底進駐杜莎夫人
by / on 30/08/2015 at 1:15 pm

新片速報 不爽喵Grumpy Cat黑面度身做蠟像 年底進駐杜莎夫人

喵星人都可以做杜莎夫人蠟像館嘅蠟像?呢隻Grumpy Cat不爽貓全球都有大量fans,最近官方宣佈年底佢會進駐美國三藩市嘅杜莎夫人蠟像館,早前佢就比人捉咗去度身嘞,除咗度身,仲要打手印、配返近似嘅眼珠、毛髮,三圍身高通晒天,無晒私隱,睇佢個樣真係超不爽,主人快啲買返啲零食氹吓佢啦! 相關資訊【有片】美國大水浸喵星人被救出 人間有愛影片熱傳 (Sep 1, 2017) 【新片速報】美國棒球賽事「走貓」事件 曳貓場內奔走超可愛 (Aug 12, 2017)

Read more ›
滿面疤痕狗狗成網上熱話 新主人收養改名Lucky
by / on 24/08/2015 at 7:05 am

滿面疤痕狗狗成網上熱話 新主人收養改名Lucky

呢隻只得10個月大嘅狗狗Lisa最近喺網上好多人談論,因為佢嘅臉上有幾個特別嘅疤痕印記,加上對眼發炎合唔埋要做手術,好慘豬。由於情況特殊,美國加州嘅動物收容所嘅職員都擔心好難搵人收養佢,不過呢個世界有好多有心人,好快Christine Doblar一家人就發現咗佢仲決定馬上收養,仲幫佢改咗個新名叫Lucky,個名聽落好普通,但原來Christine話遇到呢隻狗狗,對佢哋同狗狗嚟講都係一種幸運,睇相見Lucky已經返到新屋好開心,其實佢個樣好可愛好精靈,以後有人錫咩都唔駛驚喇! 相關資訊【狗狗都有】日本扭蛋出狗狗帽 戴起變一年級生超可愛 (Mar 6, 2018) 韓國Starbucks推出狗狗cupcake 兩款味道超可愛 (Feb 21, 2018)

Read more ›
罕見「火彩虹」奇景 童話式奇觀人人爭影
by / on 21/08/2015 at 7:15 am

罕見「火彩虹」奇景 童話式奇觀人人爭影

雙彩虹、三彩虹之前都見過,呢款火彩虹都係第一次見。早幾日喺美國南部北卡羅來納州 (Carolina)出現咗呢條彩虹, 歷時1小時,好多居民都忍唔住影低放上twitter分享。原來呢個有啲似龍捲風嘅彩虹,學名叫circumhorizontal arcs, 有人叫佢火彩虹,正式名稱叫日承,好少被拍到,因為要出現呢種火彩虹,需要太陽處於高空位置,而卷雲層嘅冰晶數量要足夠,再配合埋太陽咁啱喺58度嘅角度照射住卷雲層先會出現,聽到都覺得超罕見,難怪大家形容佢係好似童話一樣嘅奇觀,入嚟有得睇返世界各地其他出現過嘅火彩虹,堅靚!希望我人生都有機會見到一次。 相關資訊【圖集】美國神級街頭畫師 超創意改裝街頭設施 (Aug 1, 2017) 【船上奇觀】日本網民分享 船上甲板出現超級「長雲」 (Jul 23, 2017)

Read more ›
【超強發明】新片速報 9600萬粒黑球 浮滿水塘防蒸發防污染
by / on 14/08/2015 at 7:16 am

【超強發明】新片速報 9600萬粒黑球 浮滿水塘防蒸發防污染

要防止貯水池嘅水蒸發或者受污染,可以點做?美國洛杉磯Sylmar呢個方法好新穎,佢哋將9600萬個黑色塑膠球倒入池內,黑球完全幅蓋晒成個池面,據講可以阻止11億公升嘅水蒸發,亦可以阻止大氣中嘅化學物質污染食水,可以節省大約2.5億美元。日本網民對於呢個新穎方法都好多意見,有人話:「嘩,好似魚子醬呀!」、「會唔會有蠢人行咗上去然後浸親?」、「陽光照唔到,啲水生植物同魚類係咪會死晒?」入嚟睇埋片,感覺仲震憾。 相關資訊【有片】11分鐘Cosplay影片 美國Anime Expo好開放 (Jul 12, 2017) 黑球又出現 日本網民發現屋企有個「平衡球」 (Jul 8, 2017)

Read more ›

【領養代替購買】美國鳯凰城新例 寵物店唔可以賣貓狗
by / on 08/08/2015 at 4:06 pm

【領養代替購買】美國鳯凰城新例 寵物店唔可以賣貓狗

美國亞利桑那州最大城市鳯凰城嘅法官,啱啱裁定所有本地嘅寵物店只可以售賣被拯救嘅貓狗,換言之即係真正實行領養代替購買,打擊貓狗繁殖場,同時可以減少流浪貓狗問題。愛護動物嘅人都知,好多繁殖場衞生情況惡劣,貓狗長年困喺籠內受苦,只可以不停繁殖貓狗,直至老死或者病死,好唔人道。其實除咗鳯凰城,今年美國嘅佛羅里達州、伊利諾州同羅得島都相繼執行咗類似嘅新措施,美國果然行得好前,唔知幾時先會到香港? 相關資訊【新片速報】日本超有愛貓狗組合 互常舔毛似夫妻 (Nov 4, 2017) 【貓奴恩物】揹喵星人上身 背心工衣超貼身接觸 (May 24, 2017)

Read more ›
【無間道】有片   警察扮地盤工人     新招捉司機玩手機
by / on 01/08/2015 at 2:00 pm

【無間道】有片 警察扮地盤工人 新招捉司機玩手機

一邊揸車一邊玩手機真係好危險,不過要捉到都唔易,因為司機離遠見到有警察咪即刻收手囉。所以美國喬治亞洲嘅城市瑪麗埃塔嘅警察就好醒,扮成地盤工人,喺馬路捉違規司機!雖然唔知最終捉到幾多個,不過相信好多司機會中招,事關喺馬路見到有地盤工人好合理,繼續發訊息都好合理,衰喺佢哋手,抵啦。 相關資訊睇手機扮睇書 日本超強電話套扮文青 (Apr 17, 2018) 日本超奇妙產品 手機專用剪鼻毛機 (Jan 21, 2018)

Read more ›
超級英雄狗狗版 變形俠狗零違和
by / on 09/07/2015 at 7:08 am

超級英雄狗狗版 變形俠狗零違和

外國嘅設計師好鍾意用Marvel超級英雄做創作靈感,今次呢位美國插畫師Josh Lynch索性將超級英雄變晒狗狗,蜘蛛俠、蝙蝠俠、雷神、黑寡婦、Iron Man‥‥‥而我呢,最鍾意都係Hulk,零違和感,仲cute cute哋。 相關資訊惡搞超級英雄 P出競選議員圖 (Apr 20, 2018) 日本插畫師分享「巨乳的煩惱」 超有共鳴Twitter熱傳 (Mar 1, 2018)

Read more ›
2萬個Budweiser樽蓋砌美國國旗 10×16呎超巨型
by / on 04/07/2015 at 3:43 pm

2萬個Budweiser樽蓋砌美國國旗 10×16呎超巨型

有啲懷疑係Budweiser嘅植入式廣告,不過就算係真都值得報導,因為堅係幾勁。呢幅10×16呎嘅美國國旗,出自John T.Unger手筆,號稱用咗2萬過Budweiser樽蓋砌成,仲拎咗去加洲嘅音樂節擺放,好威威。紅色蓋嚟自Budweiser大家都認得,藍色樽蓋睇真啲寫住BUD LIGHT,即係Budweiser清淡版,至於白色我就睇唔透嘞,證明我好少飲酒啦。BTW,要儲呢2萬個樽蓋佢話一啲都唔算難,因為街頭巷尾都有大量Budweiser嘅樽蓋收集倒。佢仲話同獨立電影導演Stephen Blauweiss合作拍埋製作花絮片,可惜未有得睇住。 相關資訊醫神Baymax扮樽蓋肥得滯 日本東京迪士尼有得買 (Apr 15, 2017) 【有片】終於開打!日本巨型機械人 迎戰美國Megabots (Apr 7, 2017)

Read more ›