Post Tagged with: "老闆"

鬆弛熊變《深夜食堂》老闆 招牌識發光金水煲超正
by / on 10/01/2017 at 7:11 am

鬆弛熊變《深夜食堂》老闆 招牌識發光金水煲超正

一見到就諗起《深夜食堂》,今次中年老闆變咗做鬆弛熊,塊臉仲要紅紅哋,係咪偷飲咗清酒?呢套玩具由RE-MENT出品,最正係個招牌入電後識發光,好有氣勢!另外個鬆弛熊金色舊款水煲都好正,如果出1:1實物就好嘞。其飲都係傳統食堂嘅唔同種類食物,咖喱當被冚咁經典當然有份啦! 一式八款,每盒500円,1月23日推出! 相關資訊【有片】網民將IKEA燈改裝成「Death Star」 超靚識發光 (Jan 18, 2017) 發光魔法樹日本Twitter熱傳 原來係咁玩 (Nov 26, 2016)

Read more ›

抵死!撻書十年終於斷正!賀Goal Club老闆成功捉賊!
by / on 30/08/2016 at 9:00 am

抵死!撻書十年終於斷正!賀Goal Club老闆成功捉賊!

行親旺角,我都會慣性地去信和中心漫畫店「至Goal Club」,幫襯吓擺番低三五十蚊,老闆好好人,有問有答有禮貌,但估唔到好人無好報,俾同一個賊仔撻佢嘢撻足十年。呢個賊仔上個月先衰過喺老闆手,但因為無人贓並獲,所以焗住放人,而今次賊仔撻《復刻龍虎門》同《西遊》終於斷正,老闆喺面書交代話:「條仆街又來偷書,比隔籬舖幫手捉到佢!報咗警!今次好彩隔籬舖四眼哥哥發現佢偷嘢!見義勇為,幫手捉住佢!聽差人講,閉路電視拍到佢偷嘢過程!今次佢應該斷正!好囉!今次終於解開多年鬱結!因為呢條仆街應該喺我鋪頭偷咗十幾年嘢!大大話話應該都有幾千銀!」留言一出,唔只我戥老闆高興,好多熟客都留言同慶賀──Eric Chow:「恭喜!天也話:係時候收你條十幾年粉腸了!」、莫問:「偷書?仲要咁多年?呢啲打壞打斷佢對手就啱嘞……」、David Lam:「打九佢。」等等等等。唉,查實細個阿媽已經有教,撻嘢係唔啱嘅,撻得第一次就總有第二次,撻得第二次就總有第三次,會俾差人叔叔拉架。上多山多終遇虎,呢次真係抵個賊仔死咯! 至Goal Club(旺角信和中心商場第三層231舖/2770 5502) 相關資訊跟進:《奔走行》至Goal版送畫板 買漫畫順便選特首 (Mar 13, 2017) 《追·星行者2》加推至高版 附親筆畫板+草圖集 (Feb 17, 2017)

Read more ›
有片:行屍走肉的生活 上班族的悲哀
by / on 20/06/2015 at 9:00 am

有片:行屍走肉的生活 上班族的悲哀

睇完呢條片,我有啲Sad,乜片中主角咁似自己嘅?生於香港,無錯,有手有腳係絕對餓唔死嘅,但為咗份工分分鐘變行屍走肉。每朝起身,逼自己撐大對眼,返到辦公室死做爛做,加班係指定動作,準時收工好似有罪咁,最怕有個無時無刻都Check住晒嘅上司,只要你「1% drop in Efficiency」,就即係捉你入房照肺。好喇,收工喇,返到屋企自己一個人食冷飯菜汁,老婆仔女訓晒覺,想搵個人傾吓偈都無,想話請幾日假休息吓咩?上司話N咁多人排隊等面試喎,為咗份工……只好無奈地繼續做行屍走肉,寫到呢度,鼻子一酸,喉頭一緊,眉頭一皺,有少少想哭添。 相關資訊日本新扭蛋上班族求變 揸雙槍跪地爆衫 (Sep 5, 2016) 網圖分享:上班族的刻板日常 (Dec 11, 2014)

Read more ›