Post Tagged with: "聶風"

終於買得起!3D聶風火麒麟海報$200!
by / on 24/10/2017 at 4:59 pm

終於買得起!3D聶風火麒麟海報$200!

終於有啲機會係屬於我架嘞,聶風火麒麟雕像我買唔起,但聶風火麒麟3D立體海報我買得起,每張$200,全港限量200幅,Size係380mm x 580mm,每張都附雷射標貼咁話喎,「收藏家港漫專區」即日公開發售,正呀喂,兩舊水,抵玩呀喂。 相關資訊【有片】第一身鞭鞭有力 《惡魔城》fan made遊戲免費玩 (Nov 6, 2017) 【有片】冰島3D立體斑馬線 懸浮設計提醒司機減速 (Oct 26, 2017)

Read more ›

服! $8300個聶風火麒麟雕像! 8日賣晒50個!
by / on 07/10/2017 at 11:00 am

服! $8300個聶風火麒麟雕像! 8日賣晒50個!

係不得不服嘅,睇番時間,馬榮成喺9月28日出Post公開訂購聶風火麒麟雕像詳細資料,話限量生產100個,頭50個落訂會送多支酒And乜乜物物云云,每個雕像盛惠$8300。算唔算天價,我唔知,亦唔敢評論,只要真心鍾意,就幾多錢都值,我淨係知我都好想要,但這些機會是不屬於我的。而喺10月5日,馬榮成已經出Post話頭50個雕像已經售罄,感謝讀者支持云云。Wow,頭尾不過8日時間,咁快就有人認頭晒,$415000袋袋平安,果然厲害……嗯,各位,不要去羨慕,不要去妒忌。 相關資訊山月畫友聯展今日開幕 馬榮成連畫框都畫埋 (Nov 9, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›
聶風火麒麟雕像開訂 $8300你買唔買?
by / on 24/09/2017 at 7:00 pm

聶風火麒麟雕像開訂 $8300你買唔買?

嘩,我諗真係要好有愛,先會考慮買呢個聶風雕像,分兩個版本,第一個係「聶風火麒麟套裝」,包雙頭雕、雙地台及兩組替換手,附獨立編號及證書,頭50位訂購送多支風雲白酒同聶風火麒麟3D立體原作者簽名紀念海報一張,而售價係──$8300,係,我無寫錯你無睇錯,係八千三百大元,呢個價簡真係……Fine,平啲嘅有唔包火麒麟嘅「聶風迎風」版本,售$4200。差啲唔記得講,「收藏家港漫專區」同「天下出版社」家陣開訂,馬Sir迷有買趁手喇,嗯……雖然我好想要,但這些機會是不屬於我的。 相關資訊絕世好劍重鑄成功 步驚雲雕像再次開放 (Oct 5, 2017) 《小鐵漢》+《風雲徙置區》9月20日獨家開訂 (Sep 18, 2017)

Read more ›
網圖分享:笑爆嘴二創 麒麟魔變麒麟球單車
by / on 13/09/2017 at 11:14 pm

網圖分享:笑爆嘴二創 麒麟魔變麒麟球單車

馬榮成剛剛先話推出聶風雕像麒麟魔,好快已經有網友玩二次創作喇。Hoong Moon Goh兄好盞鬼,學足馬榮成喺面書Post出嚟幅解構圖咁,畫咗個「瘋騾、攝封交叉聯乘平行時空特別愛藏版」,聶風變王風雷,麒麟變單車,仲有甚麼「#麒麟球單車」、「#求麟麒異獸」等Hashtag,唔係講笑,我真係笑咗。 相關資訊《天下》Fans又要破財 聶風雕像不日推出 (Sep 12, 2017) 上官小威添食 復刻馬榮成《小鐵漢》與《風雲徙置區》 (Sep 7, 2017)

Read more ›
有片:《風雲》大總結 郭富城+鄭伊健始終最好
by / on 27/07/2017 at 10:30 pm

有片:《風雲》大總結 郭富城+鄭伊健始終最好

馬榮成喺facebook上咗條片,總結咗《風雲》由原著漫畫衍生出嚟嘅各種項目,包括電影《風雲:雄霸天下》、《風雲II》、電視劇《風雲:雄霸天下》、《風雲》Online Game、《風雲大型舞劇》、《風雲5D音樂劇》同動畫等等。睇完真係不勝唏噓,慨嘆時光飛逝,幾時都話元祖係最好,鄭伊健飾演嘅聶風同郭富城飾演嘅步驚雲始終最討好,首主題曲又好聽,啲甚麼音樂劇同大型舞劇呢…… 相關資訊網圖分享:白冰的Q版港漫角色 (Oct 12, 2017) 馬榮成籌備珍藏級風雲雕塑!究竟賣唔賣? (Aug 25, 2017)

Read more ›
聶風+步驚雲又出手 馬榮成推出《風雲》威士忌
by / on 18/04/2017 at 10:00 am

聶風+步驚雲又出手 馬榮成推出《風雲》威士忌

瀏覽面書,但見馬榮成有以下留言:「《風雲》即將推出限量威士忌酒,絕對是成人的收藏。」幾錢?幾時推出?點買法?限量幾多?暫時統統未有資料,不過有相睇。齋睇相,個人認為酒盒係好靚仔嘅,純白底聶風加步驚雲,構圖簡簡單單無得輸,開盒,見有風雲招紙威士忌兩支,兼有「金鱗豈是池中物,一遇風雲便化龍」字句,堪稱集體回憶返晒嚟,《風雲》迷一定Like,唔太天價的話,我諗好多港漫迷都會爭住買。 相關資訊步驚雲不敵風吹雨打 絕世好劍斷開兩截 (Jul 25, 2017) 網圖分享:馬榮成教仔 做嘢唔好怕蝕底 (Jul 20, 2017)

Read more ›

網圖分享:木頭上的風雲/馬Sir/華英雄 崔成安贈畫馬榮成
by / on 11/04/2016 at 10:30 pm

網圖分享:木頭上的風雲/馬Sir/華英雄 崔成安贈畫馬榮成

心心眼呀!我好想要呀!話說馬榮成喺面書留言曰:「插畫家崔成安夫婦在加拿大一年一度回來旅行休息。他們還送我一個親手繪製,用木去畫的畫板給我。相當之珍貴。另外,他的學生Steven亦是我作品的擁躉,他也親自做了一個給我。他工作時間足足用了一個星期才完成的作品,相當之有心。」華英雄、聶風、步驚雲同馬榮成線條畫得咁細緻,直頭係見得街嘅公仔書內文質素,木製畫板究竟有乜難度呢?用乜嘢筆畫嘅呢?使唔使起鉛筆稿呢?如果要,又點起呢?好想知! 相關資訊劉萬梁x崔成安 出紅酒招紙有舞棍Pose (Nov 15, 2017) 崔成安雙節棍連環圖譜Poster 一套四張$200開賣 (Nov 4, 2017)

Read more ›
【編輯Blog】尉遲一:馬榮成,真有你的!
by / on 11/12/2014 at 10:00 am

【編輯Blog】尉遲一:馬榮成,真有你的!

對馬榮成,很多讀者是又愛又恨的,我則無愛無憎。 看連環圖罷了,覺得好看就買,不好看就罷買,若介乎兩者之間,可以的話就戒買不戒看,一味菠蘿雞靠黐,跳看漏看一期半期沒所謂,而事實上《風雲》我看到絕無神一段也沒有追看了,初頭還會刻意黐看朋友同事的,去到後來連黐看的動力也沒有了,因為故事實在太爛,此之謂無愛無憎。那何謂又愛又恨呢?身邊這類朋友不少,就是邊怨邊買,邊看邊詈罵,每次見書報攤有新一期《風雲》即買,邊揭書邊呻悶,呻完,又會悻悻然將之好好收藏;更有甚者,買書已儼如呼吸般自然,不買會窒息,他們自嘲買的是《風雲》精美封面,買來儲,買來止止心癮,內文根本不看。 相關資訊睇淡彩靚畫 陳順康《拇指姑娘失蹤探案繪本插畫展》 (Nov 14, 2017) 李健良動漫基地搞《古生命》工作坊 教小朋友畫公仔 (Nov 8, 2017)

Read more ›
《天下》最後一期連載 買番本向馬Sir致敬
by / on 05/11/2014 at 11:00 pm

《天下》最後一期連載 買番本向馬Sir致敬

聶風,鄭伊健;步驚雲,郭富城,不能否認《天下》帶畀我好多睇公仔書嘅歡樂,亦不能否認馬Sir畫功天下無敵,不過又不得不利申,打從絕無神一段起我已經 再無撐《天下》,不過又不過咁,《天下》12月1日出最後一期,為向馬Sir致敬,我都會買埋呢期嘅。 相關資訊網圖分享:《迷離世界》出雙特別版 港漫人贈畫 (Jun 13, 2017) 今期必買 《香港電影金像獎特刊》+《我們都是這樣看港漫長大的》 (Apr 11, 2017)

Read more ›
有片:《風雲》合璧 舞台版摩訶無量
by / on 22/10/2014 at 10:30 pm

有片:《風雲》合璧 舞台版摩訶無量

仲記唔記得聶風同步驚雲聯手施展一招無訶無量,先殺敗到天下會幫主雄霸?漫畫版《天下》完結在即,但風雲仲可以喺現實世界施展無訶無量,不過要跳上舞台。舞台?係,大型舞劇《風雲》,你有無興趣睇䏲? 相關資訊網圖分享:老馮橫刀扇畫 夠挑馬Sir機 (Sep 26, 2014) Hot Toys出步驚雲Figure 套衫識飛個樣真係死 (Jul 20, 2013)

Read more ›
馬榮成出手 2014世界盃起風雲
by / on 02/06/2014 at 3:30 pm

馬榮成出手 2014世界盃起風雲

世界盃都關聶風同步驚雲事,係喎,聽落都覺風馬牛不相干呢,但睇落呢,又包你話正斗喎。講緊嘅係馬會為宣傳世界盃,搵馬榮成露兩手,依家入投注站撞到風雲兩師兄弟,唔使驚奇喎。 相關資訊漫畫星光大道週年同樂日 主筆親筆畫板曝光 (Jan 19, 2017) 馬榮成生日作畫 霸氣戰狂重現 (Jan 18, 2017)

Read more ›

《天下畫集》666期 兩版本合併雙封面
by / on 27/02/2014 at 11:00 am

《天下畫集》666期 兩版本合併雙封面

公仔書出月刊真係好易令人遺忘,提醒各位,《天下畫集》666期將於3月1見街,今期出兩個特別版,各特別版封面可以合併成為一幅大彩圖,又係靚到啪啪聲嗰隻。 相關資訊餘嬲未了留言狂插 網民作畫諷刺《天下》「伏刊」 (Jan 12, 2017) 馬榮成話《天下》復刊又唔復刊 辣興網民100個嬲 (Jan 11, 2017)

Read more ›
網圖分享:風雲無名,唔該畀罰款!
by / on 24/10/2013 at 2:00 pm

網圖分享:風雲無名,唔該畀罰款!

笑爆嘴嘅一張惡搞圖,事源港鐵推出「MTR x 風雲紀念車票」,一套三款,三款三個情景造型,分別有聶風衝閘、步驚雲坐地鐵出口頂、無名車廂拉二胡,型係型呀,不過原來犯咗港鐵附例呢。 相關資訊星光大道下的王小虎著Leggings? (Aug 1, 2012)

Read more ›
MTR x 風雲紀念車票套裝 十月開售
by / on 25/09/2013 at 7:53 pm

MTR x 風雲紀念車票套裝 十月開售

馬榮成又屈水嘞,今次聯乘港鐵推出MTR x 風雲紀念車票套裝,好靚呀,好型呀,好集體回憶呀,十月開賣我買硬呀,係馬Sir咋,俾佢屈都屈得心甘情願。

Read more ›