Post Tagged with: "肥喵"

【相集】日本貓貓拳又出動 肥喵跳唔起明顯疏操
by / on 14/05/2017 at 10:52 am

【相集】日本貓貓拳又出動 肥喵跳唔起明顯疏操

日本呢位專影貓貓拳嘅攝影師アクセント 又出動!今次佢近距離一班流浪喵出拳嘅快、狠、準。好明顯個身比較長比較瘦個隻喵,跳躍能力明顯高強好多,旁邊嗰隻肚腩突突,似乎有啲疏操嘞。入嚟仲有佢今個月放上Twitter嘅貓拳相回顧。BTW,攝影師嗰本《のら猫拳》相集喺1月份已經出咗,盛惠1296円,有興趣嘅貓奴可以上Amazon買本支持吓。 相關資訊新片速報 PS4《幪面超人 巔峰戰士》「南光太郎」Black參戰! (Nov 23, 2017) 日常生活二次元化 全40種各300円「主角透明濾鏡」 (Nov 23, 2017)

Read more ›

【有片】日本麻甩肥喵最鍾意反肚瞓     動作狂放Twitter熱傳
by / on 21/04/2017 at 7:05 am

【有片】日本麻甩肥喵最鍾意反肚瞓 動作狂放Twitter熱傳

根據經驗,似乎越肥嘅喵星人越鍾意反肚瞓覺。呢隻日本黑白肥喵本身個肚全白色已經特別顯肥,加上佢本身真係肥,但係又瞓到咁狂放,難怪樓主呀爸話隻喵好似海豹,入嚟有大量呢隻肥喵嘅生活照,有相有片,個樣果然好懶,仲極麻甩。 相關資訊可以咁樣玩!螢光耳環變玩具螢光棒 (Nov 23, 2017) 日本「DJ社長」惡搞雙馬尾囡囡 超醜造型Twitter熱傳 (Nov 23, 2017)

Read more ›
【撞樣】日本網民發現家中肥喵   同動物園老虎好似樣
by / on 02/02/2017 at 11:11 am

【撞樣】日本網民發現家中肥喵 同動物園老虎好似樣

其實大家都係貓科類,似樣都好合情合理嘅。最近有日本網民放咗呢張對比圖上Twitter,吸引好多網民RT。圖左嘅老虎唔知點解懶可愛咁撻咗喺地,隻手仲凌空搖搖吓;至於右手邊,就係樓主隻貓,唔知係咪扮緊老虎,不過就肚腩突突,瞓到口都擘大埋‥‥‥ 相關資訊有片:日本YouTuber大整蠱 飯檯標出大隻佬嚇祖母 (Nov 22, 2017) 【有片】日本浸浴喵 浸到想瞓游埋水 (Nov 22, 2017)

Read more ›
【連環圖】日本肥喵小隊長 屋企換洗手盆即時偵測
by / on 01/09/2016 at 7:14 am

【連環圖】日本肥喵小隊長 屋企換洗手盆即時偵測

日本呢隻肥喵星人好可愛,通常屋企有新裝置,作為一家之主嘅喵星人一定要去睇吓發生咩事。今次呢位日本網民屋企廁所換咗新嘅洗手盆,屋企隻肥喵即時跳上去,先伸手入個圓洞度偵測,然後見去水位嘅倒影有自己個樣,又忍唔住走去搞,好可愛。似唔似你屋企隻喵? 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›
【不自量力】日本肥喵雙撲手   腰間唧肥肉唔兇狠
by / on 28/04/2016 at 3:12 am

【不自量力】日本肥喵雙撲手 腰間唧肥肉唔兇狠

咁肥嘅喵星人,仲做唔做到相撲手?日本專出古怪扭蛋嘅Kitan又有新嘢出,今次玩喵星人相撲手(はっけよい!ねこ力士),8款喵星人全部摩拳擦掌,包住條巾圍下身,最慘個樣唔夠兇狠,而且腰部又唧咗截肥肉出嚟,好搞笑。另外每個扭蛋跟嘅盒可以砌成相撲擂台,多樣嘢玩!預計5月16日發售,貓奴記住留意嘞。 相關資訊「熊貓之穴」爆笑扭蛋「巨型化」 熊貓鞋抽下巴超崩壞 (Nov 23, 2017) 真正貓仙人!日本白貓最愛曬燈 (Nov 20, 2017)

Read more ›
【新片速報】沙地肥喵被整蠱   越爬越下陷Twitter熱傳
by / on 18/03/2016 at 7:12 am

【新片速報】沙地肥喵被整蠱 越爬越下陷Twitter熱傳

呢段啱啱放上Twitter嘅片好好笑,貓奴一定要睇。片中嘅喵星人喺沙堆上不停向上爬,身後面有個狡滑嘅人類不斷偷偷撥走貓腳下嘅沙,所以喵星人越爬越向下陷。雖然好衰,但又真係幾好笑。睇返Twitter,呢個沙丘好多喵星人居住,睇佢哋聯群結隊巡邏,又成日喺啲沙地上碌嚟碌去,好寫意。 相關資訊日本另類麻雀Twitter熱傳 百潔布/刷膠全部變麻雀 (Nov 20, 2017) 日本媽媽刺繡「勇者雷登」機械人咕臣 超有愛Twitter熱傳 (Nov 19, 2017)

Read more ›

【留低貓毛】肥喵Daisy遊世界 高品味喵生活
by / on 09/08/2015 at 3:27 pm

【留低貓毛】肥喵Daisy遊世界 高品味喵生活

做有貓奴錫嘅喵星人真好,唔駛工作每日都可以食玩瞓,如果主人有錢有車又鍾意旅遊就仲爽,好似呢隻叫Daisy嘅肥貓,跟主人世界各地周圍去,睇佢嘅Instagram,去嘅地方勁多,維也納、羅馬、威尼斯、德累斯頓、亞爾卑斯山、布拉格,世界各地都留低佢嘅貓毛,好威威。不過見佢個表情好淡淡然,可能佢諗:「不如比我返屋企瞓晏覺仲好啦。喵。」 相關資訊【相集】人氣IG攝影師 專影落雨後風景倒影 (Sep 25, 2017) 【圖集】IG人氣喵星人遊世界 上山下海超寫意 (Sep 11, 2017)

Read more ›