Post Tagged with: "英雄"

【真英雄】外國真人版蜘蛛俠     4年探訪近萬個病童
by / on 01/06/2018 at 7:57 am

【真英雄】外國真人版蜘蛛俠 4年探訪近萬個病童

每日營營役役返工嘅我哋,有無諗過生活嘅意義係咩?外國呢位「蜘蛛俠」Ricky Mena有啲唔同,佢嘅「工作」就係演飾蜘蛛俠,探訪各地嘅病童,將歡樂帶俾佢哋。由2014年到而家,已經探訪過接近1萬個病童。佢自己嘅故事都好感人,2014年嘅佢一無所有,無業要住喺朋友屋企,有一晚佢發夢夢見外婆,對方俾佢睇一段蜘蛛俠去病童醫院嘅片段,之後佢賣咗自己架舊車,用嚟買咗件$1400美金嘅蜘蛛俠服飾,之後仲成立咗一個叫Heart of Hero嘅非牟利組織,入嚟有多啲相同片睇,好感人,如果想出一份力支持佢,可以去佢嘅網站捐款。 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 日本發現真實版「蜘蛛伯伯」 可愛笑臉似真人Twitter熱傳 (May 3, 2018)

Read more ›

張君豪送賀年Postcard 蛋散變英雄
by / on 07/02/2018 at 11:49 am

張君豪送賀年Postcard 蛋散變英雄

哎,遲咗收風,唔知派晒未呢?話說張君豪兄製作咗批賀年Postcard,準備免費送畀大家,PM佢留低地址就OK,送完即止。佢喺面書留言話:「希望新一年個個做英雄!」Very啱聽,我都望個個收完精美賀卡,齊齊蛋散變英雄。 相關資訊張君豪爛口乖x港漫系列畫板 爆粗都可以好過癮 (Jun 18, 2018) 記得打卡 《Project 72》畫展作品現身中環街市 (Feb 27, 2018)

Read more ›
【有片】假面製造本地英雄 香港「守武者-夢翔」
by / on 04/01/2018 at 10:02 pm

【有片】假面製造本地英雄 香港「守武者-夢翔」

之前都介紹過嘅係非牟利團體「假面製造」,佢哋會cos幪面超人、咸蛋超人去學校等地方做義工,過時過節仲會教小朋友過馬路。早前佢哋呢個新計劃終於正式啟動,就係仿傚日本,創作屬獨有地區英雄!咁呢兩位「守武者」就代表嘅就梗係香港啦!之前Toy Soul都現過身,之後仲正式去小學表演,要撐嘅! 相關資訊街霸角色You Lose造型USB 香港品牌官網有得訂 (Apr 27, 2018) 法國攝影師捕捉「香港天台」 密集式港人生活 (Apr 26, 2018)

Read more ›
張君豪《Bullsh!t!蛋散集結》 你出景佢畫圖好互動
by / on 03/01/2018 at 8:30 pm

張君豪《Bullsh!t!蛋散集結》 你出景佢畫圖好互動

我好期待嘅張君豪《Bullsh!t!蛋散集結》有搞作,話說此作品其中一Part叫「2714發手痕」香港實景系列,有相你睇絕非發手痕亂畫,嗰種精雕細琢嘅密麻麻線條,係不得不畀Like嘅。如此實景,作為讀者嘅你同我都可以畀意見,佢喺面書留言曰:「……若你有甚麼香港的景物對你充滿了感覺及感情,可以提供給我(最好有簡略原因),我覺得有意思及有味道的,會選出作出繪畫,而最終得到刊登的,將會抽出把那張親筆原稿送回給該提供者作留念……」你出題,張君豪畫,成壇嘢好互動吓,抵讚。不過我想問,如果要求畫已遷拆建築物或已消失風景,又得唔得? 相關資訊Eric Ng又送年糕畀老人家 畫手繪畫盒面抵讚(二) (Jan 26, 2018) 香港反虐日 張君豪作畫為貓狗發聲 (Jan 23, 2018)

Read more ›
美日英雄對戰 巴西畫師作品集
by / on 20/03/2017 at 7:26 pm

美日英雄對戰 巴西畫師作品集

如果幪面超人Black遇上蜘蛛俠,又如果戰隊大戰Marvel英雄,大家都係不死鳥,Jean Grey對聖鬥士一輝,有冇得打?呢位巴西畫師kikomauriz畫咗好多美日英雄對決嘅畫,個氣氛好正! 相關資訊【有片】美國VS日本 第一次巨型機械人大戰 26分鐘激戰片段公開 (Oct 19, 2017) 【終於有得睇】美國 VS 日本 巨型機械人大戰 (Oct 12, 2017)

Read more ›
有片:盧海鵬變身蟑螂俠救美少女!Hero野士漫畫大賞!
by / on 25/04/2016 at 9:45 pm

有片:盧海鵬變身蟑螂俠救美少女!Hero野士漫畫大賞!

「Hero野士漫畫大賞」招募宣傳短片去到第二集,今次叫《Hero in Pain》。啱數吖,英雄都會受傷,英雄都有落難時,下下都威晒就無癮喇,而今次飾演落難超人嘅係盧海鵬,由垃圾佬變身蟑螂俠,勇救俾死飛仔調戲嘅美少女,除換嚟一句多謝之外,仲有糖水食添。此片亮點除咗林祥焜一貫靚畫外,仲有林祥焜客串一角,佢個Look又真係幾死飛仔Feel,而飾演糖水舖店員嘅陳文敏,亦都好靚女,一句講晒,啱睇。睇完片,如果有興趣的話,不妨撩幾筆參加呢個比賽,勝出者有$30000獎金、漫畫家合約同出版勝出勝出漫畫。 相關資訊林祥焜x西九龍中心 出Goodgirl Toy Bus巴士模型 (May 14, 2018) 港漫x電影《悟空傳》 林祥焜創作漫畫版電影海報 (Aug 9, 2017)

Read more ›

「英雄」主題 《黑漫畫3》10月31日見街
by / on 22/10/2015 at 3:00 pm

「英雄」主題 《黑漫畫3》10月31日見街

請記低以下日子,《黑漫畫3》鐵定10月31日見街,暫時所知有三個版本,繼「外星人」同「鬼」之後,今期改以「英雄」為主題,主筆陣容不嬲強勁,今期仲有張萬有供稿助拳添,畫作名為〈亂世英雄〉。唔該望望相,條線密麻麻,構圖勁複雜,淨係買邱福龍呢個封面,已經值回票價,我話嘅。 相關資訊動漫基地換新裝 換邱福龍Q版海報返屋企 (Jun 5, 2018) 《山海逆戰》一書一立體海報$68 家陣開訂 (May 22, 2018)

Read more ›
非洲英雄鼠專搵地雷      救返幾千條人命
by / on 01/06/2015 at 7:14 am

非洲英雄鼠專搵地雷 救返幾千條人命

人類成日覺得自己係萬物之靈,其實有時老鼠仲叻過人,好似呢班非洲英雄鼠專門負責搵地雷,平均20分鐘可以搜索20平方米,比起人類要用25小時快得多。而且由97年工作到而家,從來無一隻鼠陣亡,原來要引爆地雷需要最少5kg嘅重量,但最重嗰隻鼠都無1.5kg,所以好安全。睇返2013年,每日平均有9個人因為地雷而傷亡,因為呢班非洲英雄鼠嘅出現,令到成千上萬嘅人類唔駛再因為地雷而喪生,好有意思。不過呢班鼠大哥都好嘆,做4、5年就退休,或者老細見佢哋無乜心機做都會炒佢哋魷魚。有興趣嘅可以助養呢班鼠,一隻助養費每月7蚊美金,由apopo慈善機構經營。 相關資訊【有片】爭先沖涼食飯 日本鼠瘋狂塞爆patpat (Mar 2, 2017) 【有片】日本倉鼠對無臉人 自己送入口 (Jan 19, 2017)

Read more ›
新片速報 超級英雄足球賽 Iron Man守龍 甘道夫shall not pass!
by / on 12/03/2015 at 2:58 pm

新片速報 超級英雄足球賽 Iron Man守龍 甘道夫shall not pass!

可能我翻睇得太多,我覺得入面有幾個場面佢應該有參考《少年足球》嘅,不過真係拍得幾正。可能你都會諗過就係如果你有特殊能力會點運用,咁如果運用喺足球場上面呢?呢班嚟自Marvel嘅超級英雄,加埋街霸旋風腿阿Ken,仲有Harry Porter啲朋友、刺客教條、絕地武士全部集合喺球場,你用原力守龍們,我有蜘蛛俠飛踢,Iron Man高科技守龍,但係磁力王一出又冇計……最後,《魔戒》甘道夫一招:「You shall not pass!」唔pass咪好獨食?影片由「Ronnie Street Stunts」製作,一班Parkour、FreeRunning高手再加特技就係咁勁! 相關資訊【新片速報】日本超可愛柴犬仔 矇眼笑影片Twitter熱傳 (Jun 20, 2018) 【圖集】Marvel超級英雄「變性」 Loki超靚女Iron Man整容失敗 (Jun 8, 2018)

Read more ›
新片速報 馬騮英雄救昏迷同伴 火車軌驚險救援事件
by / on 24/12/2014 at 7:16 am

新片速報 馬騮英雄救昏迷同伴 火車軌驚險救援事件

本來幾感人嘅場面,我睇落忍唔住又笑又驚。事緣印度坎普爾有隻馬騮暈咗兼卡住喺火車軌,佢嘅同伴見狀就想拯救佢出嚟,途中可能心急,又搖又推,由於卡得太實,救人嗰位開始好徬徨走嚟走去,仲越嚟越暴力,最後唔知有意定無意,將失去知覺嘅同伴掉咗落旁邊嘅污水入面‥‥‥好彩,對方終於醒喇,可能仲會諗:「點解我周身骨痛嘅?」 相關資訊【新片速報】日本「火車玩具」高手新玩法 脫軌都玩到Twitter熱傳 (Dec 29, 2017) 【堅期待】印度Bollywood翻拍《Rambo》 第一滴血變第一隻舞 (May 23, 2017)

Read more ›
日本茨城縣女英雄 太豐滿成網民話題
by / on 21/11/2014 at 4:55 pm

日本茨城縣女英雄 太豐滿成網民話題

日本好多特撮英雄,除咗電視播嗰啲,好多縣都有自己嘅特撮英雄。好似茨城縣咁,就有「時空戰士Ibaliger R」,而當中嘅「Iba Girlイバライガー」近排就成為日本網民話題,唔係因為佢打怪人或者俾怪人圍(我諗應該幾好睇),而係因為佢身材好豐滿,直情去到迫爆戰鬥服嘅地步……而呢位女特撮英雄,本身都係一位藝人,名為鈴木和歌奈,佢啲水著……嗚!不過個人喜好嚟講,都係鍾意佢笠番個頭好啲,我諗啲怪人都係咁諗…… 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

LEGO神人出動    砌出100個Marvel英雄
by / on 24/07/2014 at 7:07 am

LEGO神人出動 砌出100個Marvel英雄

LEGO神人何其多,最近又喺網上見倒呢位網名utorazr嘅LEGO神,佢用現有嘅LEGO組件,砌成超過100個Marvel嘅超級英雄!由復仇者聯盟到狼人到嗡唔出名嘅Marvel人物,自問係Marvel資深fans嘅不妨入嚟,考吓自己認得幾多個? 相關資訊【新片速報】日本銀仔神人新片 枱布凌空飄浮靠力學 (Jun 17, 2018) 日本「羊毛氈」神人 專整動物「刺猬仔」超像真 (Jun 13, 2018)

Read more ›
騎呢美國隊長圖集   英雄崩壞
by / on 10/07/2014 at 7:12 am

騎呢美國隊長圖集 英雄崩壞

Marvel英雄入面,美國隊長係好多美國人心目中嘅偶像,所以亦有好多人cosplay呢個角色。不過,現實總是殘酷的,無Chris Evans嘅靚仔樣、朱古力腹肌或者型爆盾牌,但又夾硬要cosplay的話,就會好似以下幾位咁‥‥‥以下精選咗10個美國人都唔會鐘意嘅美國隊長,有大肚腩,有露點有醉酒漢,任睇唔嬲。 相關資訊【有片】超強Coser有燈有自動翼 《Warhammer 40K》Saint Celestine (Jun 20, 2018) 【有片】紙製Cosplay服好方便 3.980円變身黑武士 (Jun 14, 2018)

Read more ›
美日英雄大亂鬥  悟空VS超人/ 尤達VS超夢
by / on 21/06/2014 at 12:51 pm

美日英雄大亂鬥 悟空VS超人/ 尤達VS超夢

美日動漫角色大亂鬥大家都好想睇,巴西藝術家Lucas Pilatti就將自己最想睇嘅賽事模擬整咗幾張poster出嚟,有《Star Wars》黑武士VS《X-Men》Magneto,又有《龍珠》悟空VS《Superman》、《星矢》紫龍VS《龍珠》比達,咁天生生得矮小嘅尤達大師呢?呵,對手係咁高咁大,Pokemon嘅超夢(Mewtwo),有無得打? 相關資訊【圖集】巨喵襲地球構想圖 大戰哥斯拉突襲日本 (May 3, 2018) 【新片速報】藝術家手繪超靚《龍貓》插畫 紀念初生嬰兒 (Jan 31, 2018)

Read more ›
動畫英雄出Condom 超爆宣傳安全第一
by / on 18/03/2014 at 5:29 pm

動畫英雄出Condom 超爆宣傳安全第一

呢一輯圖,係由「Kode Logic」製作,主題就係「Safety First!」。有《龍珠》、蝙蝠俠、街霸……不過最正係張圖上面嘅宣傳字句,例如《寵物小精靈Pokemon》寫住:「Catch’em All.」;EA嗰個就寫:「$3.95 for the PROtex DLC」哈哈!DLC!仲有街霸:「Here Comes! a new challenger」嘻嘻。 相關資訊小朋友雨衣戴起似condom 日本amazon有得買 (Sep 13, 2017) 【有片】日本藍芽Condom盒 一按彈出 電話播歌 (Mar 17, 2016)

Read more ›