Post Tagged with: "薯條"

日本麥記「芝士蕃茄肉醬薯條」 期間限定28號推出
by / on 26/02/2018 at 7:01 am

日本麥記「芝士蕃茄肉醬薯條」 期間限定28號推出

有無人同我一樣好鍾意食麥記嘅薯條?如果加埋呢個芝士蕃茄肉醬,真係口水都滴出嚟。可惜只限日本老麥,由2月28日至3月底推出,單買390円,之後留肚繼續食其他嘢。材料方面,日本麥記話有白車打芝士、牛、豬、洋蔥、蕃茄、黑椒、蒜等混合而成,唉唔再講喇,好肚餓,去開日本嘅朋友可以試吓。 相關資訊日本知名設計師新作 腳趾尾都要戴頭盔 (May 22, 2018) 日本名模「平子理莎」47歲 外貌與真實年齡不符 (May 22, 2018)

Read more ›

日本推出「紅豆雪糕拼炸薯條」 一冷一熱好刺激
by / on 12/01/2018 at 7:08 am

日本推出「紅豆雪糕拼炸薯條」 一冷一熱好刺激

之前日本麥當勞都出過朱古力醬拼炸薯條,噚日開始另一間連鎖快餐店First Kitchen就推出咗呢兩款炸薯條甜品,一款係朱古力醬,另一款係日本紅豆同黑糖醬,兩款都配上北海道軟雪糕,一冷一熱感覺好刺激。日本有媒體去咗親身試,仲話紅豆嗰款幾特別,鍾意食薯仔嘅會鍾意喎。不過啲相睇落當然有理想與現實嘅分別。每盒賣450円,去開日本可以挑戰吓! 相關資訊日本網民自製「雪糕」 豆乳飲料雪成冰Twitter熱傳 (May 1, 2018) 食泥定食雪糕 日本網民挑戰明治Tiramisu (Dec 23, 2017)

Read more ›
日本麥當勞推出夜之邪惡套餐 特大著條加15件雞
by / on 24/09/2017 at 7:01 am

日本麥當勞推出夜之邪惡套餐 特大著條加15件雞

最近去開日本麥當勞,梗係食佢嘅「月見」漢堡系列,不過嚟緊9月27日開始,佢哋有專為夜鬼而設嘅邪惡套餐,大薯條加10件麥當雞 (500円),或者2包特大薯條加15件麥當雞(800円),只限每日下畫5點後供應,仲要唔係間間舖都有。夜媽媽食煎炸嘢,好合理吖。 相關資訊日本大阪cafe三代貓 喵星人與貓頭鷹和睦共處 (May 22, 2018) 【日本投選】最想重製的80年代動畫 第1位《山T女福星》 (May 21, 2018)

Read more ›
【太邪惡】日本薯條Pizza面世 仲有關西限定「Pizza脆飯」
by / on 28/02/2017 at 11:12 am

【太邪惡】日本薯條Pizza面世 仲有關西限定「Pizza脆飯」

Pizza本身已經好邪惡,如果再喺面層加埋薯條‥‥‥實在太過份嘞!呢款Pizza日本有得食,雖然味道唔知點,但口感同飽肚感應該唔錯。除咗薯條Pizza,佢哋仲推出關西限定嘅「Pizza脆飯」,脆脆面層同餅底之間,夾住充滿芝士醬汁嘅意大利飯(Risotto),睇見都流口水,簡直係兩大邪惡軸心! 相關資訊貓奴要去 日本超正旅館有貓入房陪玩 (May 21, 2018) 【新片速報】日本超嗲海豹仔 反肚摟摸捉實飼養員隻手 (May 21, 2018)

Read more ›
【不要玩食物】芝士漢堡薯條加可樂 榨成汁一杯隊晒
by / on 22/06/2016 at 7:12 am

【不要玩食物】芝士漢堡薯條加可樂 榨成汁一杯隊晒

外國人專玩變態嘢,啱啱呢段片真係睇完都飽。外國YouTube頻道「BAD THINGS FOR BAD PEOPLE」將9個芝士漢堡加大量薯條塞入攪拌機榨成膏狀,為咗稀釋呢嚿嘢,主持人再加咗杯可樂,出嚟嘅嘢就好似屎一樣,勁核突。最後當然唔少得親身隊咗佢。雖然食晒落吐其實都係攪埋一堆嘢,但睇住佢飲,我居然有想嘔嘅感覺,仲有,呢幾日我都唔想食麥記。 相關資訊我諗起思樂冰 日本月中推出Forzen版可樂 (Apr 12, 2018) 日本月尾有得飲 「世界初」桃味可樂 (Jan 10, 2018)

Read more ›
【勁過Lady Gaga】薯條茄汁變時裝 插畫師超靚裙裝
by / on 29/03/2016 at 7:14 am

【勁過Lady Gaga】薯條茄汁變時裝 插畫師超靚裙裝

最先吸引我嘅係薯條同茄汁,有邊個唔鍾意食麥當勞吖。呢位嚟自亞美尼亞嘅時裝插畫師Edgar Artis,擅長用食物設計女裝裙,除咗M&M朱古力,仲有薯片、芝士、朱古力粉,連奇異果同檸檬都有,效果堅靚,如果做成真衫應該會好震憾,而且肯定靚過Lady Gaga條牛肉裙。 相關資訊日本插畫師分享「巨乳的煩惱」 超有共鳴Twitter熱傳 (Mar 1, 2018) 【圖集】日本「貓之日」人氣插畫師出圖 巨喵襲地球 (Feb 23, 2018)

Read more ›

【實驗】麥樂雞/薯條擺足6年無腐爛   「開心樂園餐」最長壽
by / on 12/02/2016 at 7:10 am

【實驗】麥樂雞/薯條擺足6年無腐爛 「開心樂園餐」最長壽

間唔中都有呢類型新聞出現,究竟食老麥有幾唔健康?最近有位外國女士Jennifer Lovdahl就喺Facebook放咗張圖,圖中係佢擺放咗6年嘅開心樂園套裝,入面有麥樂雞同薯條(杯汽水一早飲咗),盒嘢佢放咗喺公司嘅飾櫃入面,不過6年後依然無腐爛無變形。佢想藉此話比大家知,老麥嘅食物唔係真嘅食物,小朋友唔應該食,好唔健康。佢仲話要食真正嘅fast food應該食蘋果、香蕉、紅蘿蔔‥‥‥噢。不過我都係戒唔倒,因為睇完張圖我又好想食薯條同麥樂雞嘞。 相關資訊【身份象徵】日本UT出麥記Tee 著住買巨無霸平100円 (Apr 17, 2018) 好凍好想食杯麵 日本新推「薯條麥樂雞杯麵」 (Jan 31, 2018)

Read more ›
有片:日本M記薯條新口味 唔點茄汁點朱古力醬
by / on 22/01/2016 at 8:15 pm

有片:日本M記薯條新口味 唔點茄汁點朱古力醬

  日本M記又獻新猷,今次創新推出薯條點朱古力醬,每客盛惠2.75美金。啱嘅,加鹽點茄汁咁多年,幾好味都悶喇,可以點吓黑白朱古力醬,唔計好唔好味,起碼有新鮮感呢下先要加分。可惜嘅係只限日本分店發售,同埋1月26日至2月中限定推出,香港人無此口福咯。 相關資訊有片:低能土砲發明 座檯扇變唧醬汁機 (Nov 10, 2016) 【新片速報】牙膏用晒點唧好?液壓機狂壓噴射 (Jul 16, 2016)

Read more ›
為食狗狗最愛薯條雪糕     網上過百萬fans
by / on 25/04/2015 at 1:02 pm

為食狗狗最愛薯條雪糕 網上過百萬fans

呢隻叫Jiff嘅狗狗勁得意而且好為食,仲係網絡巨星,可能你都識佢仲係粉絲之一,因為佢嘅Facebook同埋Instagram分別有過百萬粉絲,絕對係國際級數。佢最出名係鍾意食嘢,同我哋FB嘅朋友一樣,經常post食物相上網引人,又薯條又漢堡包又雪糕,唔肥唔食,佢嘅profile仲威,職業係演員、模特兒、covergirl,睇相見佢得意成咁,難怪佢咁紅嘅。btw,狗狗可唔可以食薯條架? 相關資訊【狗狗都有】日本扭蛋出狗狗帽 戴起變一年級生超可愛 (Mar 6, 2018) 韓國Starbucks推出狗狗cupcake 兩款味道超可愛 (Feb 21, 2018)

Read more ›
新片速報   直擊麥當勞薯條製作過程    用真薯仔無呃人
by / on 22/01/2015 at 7:07 am

新片速報 直擊麥當勞薯條製作過程 用真薯仔無呃人

近年麥當勞為咗洗底,耐唔耐就會拍啲直擊食物製作過程嘅片,之前有麥樂雞同埋漢堡扒,最新就有勁多人鍾意食嘅炸薯條!一直有人懷疑麥記嘅薯條唔係用真薯仔,呢條片入面佢哋就澄清咗,另外亦直擊埋將薯仔切成薯條嘅過程,睇見幾萬條薯條喺度碌嚟碌去,好震憾!不過外國傳媒就話雖然佢用真薯仔,但加咗糖同埋附加劑,一樣唔多健康,YouTube留言都有好多人鬧佢哋嘅食物係垃圾,好彩,我一向唔注重健康。 相關資訊日本超像真「柴犬」 羊毛氈製作極高質Twitter熱傳 (Jan 10, 2018) 日本麥當勞有新嘢 厚切煙肉American Deluxe期間限定 (Oct 30, 2017)

Read more ›
LEGO大神整食物   雞脾薯條有得睇無得食
by / on 12/12/2014 at 7:33 am

LEGO大神整食物 雞脾薯條有得睇無得食

唔講唔知,原來每年都有個叫FOODcember嘅活動,徵召各位LEGO大神舖啲唔同嘅LEGO食物相出嚟挑吓機,而啲食物就要係佢哋嘅國家名物,即係好似香港就係魚蛋、 雞旦仔之類。其中叫KOSbrick,真名Kosmas Santosa嘅呢位LEGO大神,整嘅食物就相當出色,有蛋糕,有雞脾薯條,不過呢啲係乜嘢地方嘅名物? 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 女版Low Cost Cosplay玩謝金正恩 食物做主題影完食返晒 (May 18, 2018)

Read more ›

新片速報 英國外賣店密密送上太空 薯條漢堡回歸仲食得
by / on 11/10/2014 at 4:51 pm

新片速報 英國外賣店密密送上太空 薯條漢堡回歸仲食得

呢間英國漢堡包外賣店「Chosen Burger」之前試過失敗過,但佢哋有放棄,再接再勵,將一包薯條同漢堡包用汽球加GoPro升上太空。終於,佢哋成功送外賣上太空,可惜嘅係太空冇人收外賣,啲薯條仲跌晒出嚟,不過最後保得住個包,喂咬啖嚟睇吓啦! 相關資訊日本夢幻「Love Hotel」 遊樂場/太空主題Twitter熱傳 (Feb 9, 2018) 菲律賓快餐店推出LEGO漢堡 4色漢堡仲有雪糕 (Feb 12, 2017)

Read more ›
麥記薯條都有得炒!?日本Yahoo!萬円底價「1」字薯條
by / on 10/10/2014 at 12:14 pm

麥記薯條都有得炒!?日本Yahoo!萬円底價「1」字薯條

之前見過日本有人炒錯體嘅硬幣,都算正常,但今次……呢位日本人話佢喺10月4日去麥當勞叫咗個大薯條,而當中就發現呢條「1」字嘅薯條,嘩!好罕有呀!而且佢仲記得2012年美國有人發現似「George Washington」嘅麥樂雞都炒到$8,100美元,於是佢就放上Yahoo!,以底價1萬円拍賣,本來拍賣到10月12日先完,但啱啱睇已經剷咗,莫非有人出超高價即決?但之前睇都仲未有人bid過喎…… 相關資訊【相集】日本攝影師超治癒相集 祖母與柴犬置身花海 (May 21, 2018) 日本渋谷任食炸雞 100円放題Twitter熱傳 (May 21, 2018)

Read more ›
霸氣巨型薯條床     薯條當枕頭
by / on 01/09/2014 at 7:24 am

霸氣巨型薯條床 薯條當枕頭

乜嘢係愛?就係當佢出咗事比世人遺棄嘅時候,你依然不離不棄。當日麥記出事,你有無早午晚三餐照食?如果有嘅話,可以買埋呢張薯條床,床頭板係一包超巨型薯條,同麥記一樣,唔係幾足秤,床褥位置就係鮮紅嘅床板,仲可以執幾條薯條出嚟當枕頭瞓。唔知好唔好瞓,不過放喺屋企絕對表達到你對薯條嘅愛。設計師叫Cecilia Carey,應該好鐘意食麥記。 相關資訊【網購】日本網民買錯嘢 獨角獸水泡變巨型浮床 (May 11, 2018) 【新片速報】日本酒店升降床 網民入住拍片Twitter熱傳 (May 10, 2018)

Read more ›
17款得意斑馬線    麥記薯條打橫瞓
by / on 09/07/2014 at 7:09 am

17款得意斑馬線 麥記薯條打橫瞓

每日我哋都會經過斑馬線,外國好多廣告都利用斑馬線做宣傳,例如將斑馬線變成麥當勞薯條、魚骨、鋼琴、拉鍊甚至3D畫。外國有網站搜羅咗世界各地17款特別嘅斑馬線設計,印象中香港好似未見過咁有特色嘅斑馬線,有嘅只係一班經常亂過馬路嘅人。 相關資訊【有片】日本文青書店旅館 儲物櫃秘道入口超特色 (Mar 8, 2018) 日本網民分享四季風景 各有特色Twitter熱傳 (Dec 10, 2017)

Read more ›