Post Tagged with: "薯片"

【有片】冇得賣自己整 日本專家教自製卡樂B「ピザポテト」
by / on 20/04/2017 at 8:41 pm

【有片】冇得賣自己整 日本專家教自製卡樂B「ピザポテト」

又係Pizza味薯片,呢隻日本將會暫時停產嘅「ピザポテト」。咁既然好快冇得賣,就算炒價入都治標唔治本啦,所以佢就拍埋片俾大家睇,教大家炸薯片,製作呢隻「ピザポテト」! 相關資訊【有片】新玩法 日本倉鼠自創玩法 唔跑裏面跑外面 (May 26, 2017) 史萊姆是這樣量產的 日本特別版眼藥水「戦闘準備中」 (May 26, 2017)

Read more ›

【整齊成咁】日本便利店超強整理術      網民:「咁整齊唔好意思買。」
by / on 04/02/2017 at 11:35 am

【整齊成咁】日本便利店超強整理術 網民:「咁整齊唔好意思買。」

日本人嘅整理術有幾強?睇吓佢哋便利店擺薯片嘅層架就知。最近有網民放咗呢張相上Twitter,吸引勁多人討論。有人仲分享自己屋企附近便利店嘅層架圖,有Lawson有Family Mart,一樣整齊到癲。不過有眼利網民就發現原圖其實係3年前嘅舊圖,當時有人喺Family Mart影咗呢張相,之後仲有網站報導,估唔到而家仲有便利店維持呢種整潔度,不過當然唔係間間都得啦。BTW,有網民就話擺得咁整齊可能會降低購買意慾,因為啲客唔好意思整亂佢‥‥‥日本人果然係好有禮貌嘅民族。 相關資訊出發冒險!有劍有盾 日本狗狗集齊林克裝備 (May 26, 2017) 【新片速報】日本喵星人勁似喪屍 攝入門隙片Twitter熱傳 (May 26, 2017)

Read more ›
$450得5塊 全球最貴薯片加松茸松露
by / on 22/10/2016 at 8:44 pm

$450得5塊 全球最貴薯片加松茸松露

真係尊貴,賣45.68歐元一盒,即係約$450港幣啦,而且個盒入面只係得5塊薯片!由瑞典啤酒廠St Erik製造,呢5塊薯片分別加咗「Matsutake mushroom」、「Truffle seaweed」、「Crown Dill﹞「Leksand onion」、「India Pale Ale Wort」嚟製作,威得好交關。不過一盒得5塊,仲要第一批只生產100盒,係咪要用刀叉食?我都係食番薯片叔出品算喇。

Read more ›
日本網民玩命變玩人 搵到10年前薯片成包食晒?
by / on 16/09/2016 at 7:42 pm

日本網民玩命變玩人 搵到10年前薯片成包食晒?

呢個喺2ch出現嘅post真係幾高質,首先,有網民影咗張圖,話搵到一包10年前前嘅薯片,而佢決定食咗佢!圖中嘅薯片好似變黑又發咗霉咁,而佢仲影埋相,真係放入口咬碎晒,仲食晒成包!有網民話以為係未開封嘅,但佢就話係已經開咗嘅,仲影埋自己成個垃圾崗嘅房出嚟,話啲薯片就係喺嗰度發現……當大家都想佢繼續更新健康狀況嘅時候,佢就講出震驚1兆億人嘅真相…… 相關資訊【多圖】日本「喵星人瞓胸部」寫真 青山裕企貓創作第二彈 (May 26, 2017) 【有片】日本超靚混色木顏色筆 紅加黃畫蘋果特別立體 (May 26, 2017)

Read more ›
【唔食得】日本薯片1:1超像真扭蛋 1式8款波浪紋都有
by / on 08/06/2016 at 7:12 am

【唔食得】日本薯片1:1超像真扭蛋 1式8款波浪紋都有

日本嘅扭蛋出名古怪,薯片扭蛋都算係其中一種嘞!之前Takara Tomy都同Calbee合作出過,最近エール又宣佈推出1式8款嘅薯片扭蛋,有鹽味、清湯味、紫菜味,連波浪紋薯片都有!而且1:1超像真,掛喺身得閒拎用嚟呃吓人都好玩。預計9月推出,每扭一次200円。我最想要都係波浪紋,因為睇落最好味。 相關資訊熱愛運動!日本19歲攀石女選手 網民驚嘆手臂粗壯 (May 25, 2017) 日本投選 「不老不死」唔變樣名人 荒木飛呂彥唯一入選漫畫家 (May 25, 2017)

Read more ›
掉轉再嚟 日本Namco夾獎品機 今次玩「薯片味可樂」
by / on 16/03/2016 at 9:00 am

掉轉再嚟 日本Namco夾獎品機 今次玩「薯片味可樂」

之前上年12月推出過「可樂味薯片」嚟宣傳夾獎品機,仲喺日本街頭搵咗好多外國人試食,睇吓食唔食得出係咩味,大部份人都食到。嚟緊3月18日又有新嘢夾,今次就係「ポテトチップス味コーラ」薯片味可樂,真係好難想像到可樂點樣係薯片味呢?咁飲呢支可樂係咪即係唔駛送薯片? 相關資訊日本苦瓜又露樣 擘大口搞笑表情Twitter熱傳 (May 25, 2017) 【拳頭硬了】超樣衰日本扭蛋 猩猩賣顏藝太過份 (May 25, 2017)

Read more ›

【新片速報】日本超紅喵星人今次頂薯片筒 頂住打喊露
by / on 26/02/2016 at 7:31 am

【新片速報】日本超紅喵星人今次頂薯片筒 頂住打喊露

點解可以咁得意?貓奴睇完呢兩段片,應該會好想買兩盒呢個牌子嘅薯條返去玩,難怪有網民估佢其實係一個軟性廣告。呢個日本好紅嘅貓貓YouTube頻道「かご猫 Blog」我哋都介紹過好多次,一班喵星人經常頭頂雜物,今次頂薯條筒,除咗頭上單頂一個之外,仲可以兩邊耳仔各頂一個,好考耐性同埋平衡力,不過最正都係尾段打喊露同跌薯條罐嗰部份,好難忍笑呀!  相關資訊【又係你呀!】日本喵星人終極賣萌 匿入恤衫袖碌嚟碌去 (May 25, 2017) 防推門撞到人 日本推出簡易安裝警告燈 (May 24, 2017)

Read more ›
聰明四眼男自製「假牙」 Lays薯片原來可以咁玩
by / on 14/01/2016 at 7:14 am

聰明四眼男自製「假牙」 Lays薯片原來可以咁玩

呢張連環圖最近兩日喺網上熱傳,圖中嘅四眼男將Lays薯片包裝袋上棚牙剪咗出嚟,然後套入自己棚牙度影相,由於太無違和感,吸引咗好多外國媒體報導。有網民就發起起底行動,發現原來呢位男仔係泰國人叫Titipan Pantu,喺網上好活躍,再睇多啲,原來泰國Lays薯片最近搞咗個笑臉活動,邀請網民將包裝上半部份嘅笑臉套落自己個樣影相,好多人踴躍參與,水準唔錯,可能呢位四眼男其實係媒嚟嘅。BTW,入嚟有得欣賞其他參賽選手,55555。(<– 泰國人常用表達「笑」嘅網絡用語,最近新學嘅。) 相關資訊【多圖】超可愛鬆毛喵IG大人氣 肥仔愛爬樹 (Apr 2, 2017) 紅到日本 超可愛泰國女護士變網絡紅人 (Mar 27, 2017)

Read more ›
有片:植入式廣告 乒乓波喪入Pringles薯片罐
by / on 27/12/2015 at 9:00 am

有片:植入式廣告 乒乓波喪入Pringles薯片罐

悶悶哋睇吓呢類無厘頭短片,人心情都好啲。今次玩乒乓波,都係彈嚟彈去之類玩皃喇,包括──連彈四張凳入薯片罐、彈檯後彈地再彈入擺喺浮板上面嘅薯片罐、一次過掟三個乒乓波分別入三個薯片罐、撞籃球板再彈地入薯片罐、跳入泳池射入薯片罐、踩單車射入薯片罐、幾十樓層高掟乒乓波下面有人用薯片罐接實等等。係囉,你哋都發覺到呢,點解彈來彈去都係入薯片罐呢,好明顯係植入式廣告喇,薯片牌子係Pringles,咁都唔係廣告,我切! 相關資訊新片速報 狗狗打乒乓波百發百中 想上枱博犯規 (Apr 5, 2015) 有片:極刁鑽!唔用乒乓球拍玩乒乓波! (Feb 19, 2015)

Read more ›
【有片】日本Calbee推出可樂味薯片 街頭試食 冇得買有得夾
by / on 04/12/2015 at 5:57 pm

【有片】日本Calbee推出可樂味薯片 街頭試食 冇得買有得夾

食薯片最啱配咩?個人最鍾意係可樂,食完薯片飲可樂炸一炸佢,即時覺得冇咁易喉嚨痛。好喇,食呢隻薯片就可以一次過滿足兩個願望喇!Calbee同Namco合作,推出咗呢隻「コーラ味」嘅薯片!12月18日推出,不過冇得買,只會喺日本Namco嘅景品遊戲佔有得夾……我諗,遲啲都係會公開發售……啩?最後,官方仲拍咗條片,喺街頭搵外國人試食,超過9成人都食得出係咩味!

Read more ›
「辣婆婆」x「芒亨」 辣芝士味「東京遊戲展」有得試
by / on 11/09/2015 at 7:17 am

「辣婆婆」x「芒亨」 辣芝士味「東京遊戲展」有得試

鍾意食辣或者食薯片嘅,實有試過湖池屋嘅辣婆婆薯片啦?之前出過三倍辛辣版,但都唔夠今次驚喜,就係同《Monster Hunter X》合作嘞!一共推出兩隻新口味,一款係辣肉味(ホットミート味),另一款係濃厚芝士味(ヒーヒー濃厚チーズ味),辣肉味仲有4個唔同包裝,分別用咗4隻唔同嘅怪獸,平日嘅辣婆婆都換埋衫,好認真。個人比較想試芝士味,唔知又辣又芝士嘅感覺係點呢?9月17日至嘅「東京遊戲展」會率先有得賣,11月23日起全國開始發售,到時一邊打機一邊食辣婆婆,諗起都爽呀! 相關資訊今年後半年發售 《Marvel VS Capcom: Infinite》日本官網開張 (Apr 17, 2017) 《山海逆戰》出勾徹搪膠?網民熱烈討論! (Feb 25, 2017)

Read more ›

【有片】透明薯片!日本Yamayoshi食譜教你整
by / on 17/08/2015 at 9:55 pm

【有片】透明薯片!日本Yamayoshi食譜教你整

有冇食過Yamayoshi「山芳製菓株式会社」嘅Wasabi牛味薯片?咁有冇食過透明嘅薯片?Yamayoshi就出咗條片,片中就記錄咗薯片嘅製作過程,但唔係你買到嗰隻呀,而係透明嘅薯片呀!透明一片,咬落去又脆,唔知感覺似唔似食緊玻璃呢?有冇人會整俾我試呀呀?得,唔駛答我。 相關資訊告票黐得有心思?日本痛車違泊被抄牌 (May 24, 2017) 日本網民創作力 單車seat位變狗狗 (May 24, 2017)

Read more ›
日本薯片工具    為食懶專用
by / on 22/11/2013 at 12:07 pm

日本薯片工具 為食懶專用

又係同食有關嘅報導,無計,星期五我個心已經飛咗去今晚打機煲劇食薯片嘅情節。呢個由日本公司EntreX設計嘅薯片工具,最啱食筒裝薯片。你同我都試過,越食越低,隻手要塞到最低拎薯片,唔夠爽之餘又會整污糟隻手甚至整爛塊薯片,如果隻手粗啲分分鐘抽唔返隻手出嚟。所以真心鍾意呢個小發明,可惜去日本都未見過有得買,希望品客考慮吓隨筒附送比我,我會支持佢食多幾筒。 相關資訊【迷戀屁屁】日本柴犬屁屁粘土產品 超可愛Twitter熱傳 (May 24, 2017) 【有片】日本高中生頂波挑戰 女同學關鍵一接大爆炸 (May 23, 2017)

Read more ›
世紀合作 卡樂B X KFC薯片登場
by / on 17/10/2012 at 1:38 pm

世紀合作 卡樂B X KFC薯片登場

你有冇諗過,你最鍾意嘅兩樣嘢溝埋會係點?我夠膽講句,如果我屋企樓下有KFC,我晚晚兩件原味雞加巴辣香雞翼實在係走唔甩,不過講起我就嬲,點解o依家全港KFC都好似冇賣雞胸咁?我試過好多次都食唔到,耿耿於懷……入番正題,KFC喺日本就同卡樂B合作,推出家鄉雞味薯片,放心,我呢排會巡多啲吉之島同阿信屋,有得賣我會第一時間通知大家,friend嚟嘛! 相關資訊網圖分享:連鎖餐廳Icon萌化 麥當勞叔叔溝Wendy (May 16, 2017) 中國KFC推出「皮卡丘」套餐 比卡超玩具識叫識著燈 (Apr 27, 2017)

Read more ›