Post Tagged with: "行李喼"

【人渣】無良主人棄養動物       8隻初生貓B藏身行李喼內
by / on 17/03/2017 at 7:27 am

【人渣】無良主人棄養動物 8隻初生貓B藏身行李喼內

每次睇到呢啲新聞都會好嬲,喺英國最近有位女士放狗時,發現路邊有個殘舊行李喼,行近聽吓竟然聽到喵喵聲!打開個喼之後,佢發現入面有一隻貓媽媽同8隻初生BB,佢哋又瘦又弱,情況好危急。呢位女士即時聯絡附近嘅動物協會RSPSCA,好彩及時送得切去,而家媽媽吊緊鹽水,8隻BB都逐漸回復精神,等佢哋情況好轉就可以安排領養。BTW,大家唔好棄養動物之餘,如果發現有需要幫助嘅動物,都記緊要伸出援手! 相關資訊【多圖】日本「喵星人瞓胸部」寫真 青山裕企貓創作第二彈 (May 26, 2017) 【有片】好感人呀!港男單車穿越撒哈拉 救貓女齊歷險 (May 25, 2017)

Read more ›

日本喼神「行李喼」扭蛋     手柄伸縮自如真嘅一樣
by / on 25/01/2017 at 7:31 am

日本喼神「行李喼」扭蛋 手柄伸縮自如真嘅一樣

有無人有儲行李喼嘅喜好?我都想,不過屋企無位。估唔到日本扭蛋公司EPOCH連行李喼扭蛋都出埋,總共有5隻色,勁在每個喼都可以打開,手柄位又可以伸縮自如,買嚟俾屋企嘅玩具玩就啱晒嘞!佢哋之前仲出過手推車、儲物箱,好正,入嚟有回帶。 相關資訊【新片速報】日本喵星人vs野生「貉」 眼神對決悍衞家園 (May 27, 2017) 【有片】日本監獄改修預想圖 會唔會太豪華? (May 27, 2017)

Read more ›
唔准去旅行! 貓狗霸佔行李喼   惡行曝光
by / on 10/01/2015 at 1:21 pm

唔准去旅行! 貓狗霸佔行李喼 惡行曝光

之前有單新聞,有主人唔小心比屋企隻黑貓走咗入行李喼,仲由台灣飛到去韓國,最後喺韓國機場比海關截獲,前後駛多咗6萬蚊台幣,仲令主子被迫隔籬16日,返到屋企肯定有排受。所以話,各位貓奴執行李時,真係要打醒12分精神。其實唔止喵星人,狗仔都好鍾意亂闖主人嘅行李喼,網上見倒大量佢哋霸佔行李喼嘅罪證,好得意,尤其是養咗兩隻貓嗰啲,一邊一隻啱啱好,合埋個喼就可以一齊出發去旅行嘞! 相關資訊【勵志】貓兵仔痴戀娘娘 兩年時間成功感動對方 (May 22, 2017) 【有片】日本超筍工 可帶貓返工 養貓每月有津貼 (May 18, 2017)

Read more ›
首個智能行李喼   連接手機定位兼叉電
by / on 28/10/2014 at 7:12 am

首個智能行李喼 連接手機定位兼叉電

智能手機、智能錶,乜都要智能,點可以無智能行李喼?外國有人研發咗全球首個叫Bluesmart嘅智能喼,可以連接手機,隨時幫個喼定位、自動上鎖、磅重,又可以設定個喼離自己遠咗就自動呼叫,仲可以幫部手機叉電叉足6次!雖然個樣唔算型,不過就幾實用。而家喺indiegogo集緊資,好受歡迎,美金$235有交易,運返香港加多$40美金,襯埋隻智能錶就fit晒。 相關資訊【議員很忙】日本國會議員各有各忙 整理咭片/匿埋玩手機 (May 20, 2017) 【有片】日本自動販賣機有新嘢 手機買飲品送俾朋友 (Mar 24, 2017)

Read more ›
超爆!國產行李喼改裝車   農民10年時間研發
by / on 30/05/2014 at 6:48 am

超爆!國產行李喼改裝車 農民10年時間研發

中國製電器會爆炸,咁行李喼唔會爆喇啩?未必,因為佢已經被改裝成一架電單車,無聽錯,真係行得走得,有圖有真相。呢架咁爆嘅行李喼車由中國湖南一位農夫用咗10年時間發明,時速最高每小時20公里,有埋導航(!)、防盜(!!),最正係入面可以擺倒嘢,就算嚟自由行買完嘢都可以即時車走,不過係咪要攞咗中港牌先?運輸處有無得申請牌照? 相關資訊【圖集】「小畫家」神人用10年時間鑽研 新書插畫超高質 (May 14, 2017) 【新片速報】吉卜力製作感人麵包廣告 10年歷程完滿結局 (May 1, 2017)

Read more ›
Game Boy行李喼  hand carry帶埋上機玩
by / on 28/09/2013 at 12:28 pm

Game Boy行李喼 hand carry帶埋上機玩

唔好誤會,佢唔係Game Boy,係Travel Boy,如果唔係咪要比版權費?呢個擺明抄襲Game Boy嘅行李喼,懷舊機迷一望就勁有親切感,可惜佢無得轉game,唔可以玩俄羅斯方塊同孖寶醫生。個喼網上有得賣,仲要賣美金$70,一啲都唔貴。最重要係佢嘅呎吋只得22.5″高,14″濶,你可以hand carry帶埋部Game Boy上機玩,吖唔係,Travel Boy先真。 相關資訊日本呀爸為顯示西蘭花呎吋 捉屋企喵星人做對比 (Mar 26, 2017) 【有片】日本機迷自製 GameBoy版3DS (Dec 21, 2016)

Read more ›

巨型麵包行李喼    打開內藏花生醬
by / on 16/05/2013 at 8:34 am

巨型麵包行李喼 打開內藏花生醬

返埋今日連放三日假,好想去個短途旅行,日本都唔拘!由於只可以去三日,所以應該帶個細喼就夠用,例如呢個麵包形狀,賣萌嘅行李喼,女仔實冧。最搞笑係打開仲有一邊花生醬一邊果醬‥‥‥講到呢度,我唔忍心再啱你喇,其實佢係設計師Andy Yoder嘅概念設計,未正式量產,不過真係量產的的話,你會唔會用先? 相關資訊【悲劇】日本電車有幾迫? 網民麵包夾到紙咁薄 (May 14, 2017) 【被上帝遺棄的麵包】日本網民焗麵包 理想與現實網民狂恥笑 (Apr 12, 2017)

Read more ›